LESSON 1 *March 25 – 31

Zeisu in Zo — Satan in Lel

SABBATH NITAAK

Tukaalsung Simding: Mang. 12; Efes. 5:25–27, 32; Fil. 3:9; Dan. 7:25; Isa.
14:12–14; Mang.13:14–17.

Kamngah: “Numei tungah gulpi hehmahmah a, tua numei suanlehkhak dangte ahi,
Pasian’ thukham zui in, Zeisu’ teci panna anei mite a simding in kuankhia hi.”
(Mangmuhna 12:17).

S
imzawhloh sungah: A uphuai hetlo a lamdangpen gal kidona sung panin,
Cormac O’Brien in, simzawhloh galkap honpi hinapi, kizothal veve cihte
ciamteh hi. Hannibal’ galkaphon 55,000 bekin, kuama “zawhzawhloh”
Roman galkap hon 80,000 teng zothal cihi. Alian mahmah Alexander’ Greek galkap
hon inzong, leitung ahuam Persia gam susia zo cihzong hellai hi.
Eite zong sihlehnun in galgilo sungah i om uhhi. Gal namtuamtuam tampi
takmah idokha uhhi. Siatna tha in genzawhloh ahi hi. Lelhna tampi takmah ki
masuan hi. Peello lelh ding hilel hi. Gualzawhna limlim muhphakloh himai hi.
Mihing mitmuhna maimai ah, Satan’ thahatna in hong tuamcipzo ding hi.
Ahihhang Pasian tungah lungdam hang! Sim zawhloh galte tam in, Satan’
hong dona nasia mahmah taleh, Zeisu hangin a nunungpen in zo ngeingei ding
hihang. Lai Sangtho laibu nunungpen Mangmuhna laibu thubulphuh in: Zeisu in
zo, Satan in lelh ahihi. Hih galphualpi pen Mangmuhna 12 sungah om a, tukal sinna
thubulphuh ahi hi. Hih thu sinna panin, Mangmuhna 14 leh vanmithum thupuakteng
hoihtak in i telcian thei ding uhhi.

* April 1, Sabbath a ding kiginkholhna in tukaal lesson sim in.

 SUNDAY March 26

Vantungah Galdona
Mangmuhna 12 in tangthu luangsuk hi a, vantung pan akipan sialehpha
kidona hih leitung ah atawp dingpen honglahna ahi hi. Hih tangthu in eihun dong
hong luangsuk a, vantungah Satan’ langdona kipan, in hun nunung Pasian’ mite
zong dosuaklai ding hi.

Simin Mangmuhna 12:7–9, hih sialehpha kidona teng pulaksuk hi. Hihbang thute
vantungah koici piantheih mawk hiam? Deihteel theihna koibang in hong
laktel naci hiam?
__________________________________________________________________

__________________________________________________________________

Suakta taka teeltheihna pen Pasian’ ukna thukhunpi hi a, vantung leitung

huam hi. Pasian in vantung leitung adingin setmilim bawllo hi. Ama’ limmeel sunin
deihteel thei mihing hong bawl hi. Deihteel theihna in ittheihna tawh kizompha diak
hi. Deihteel theihna lakkhiat sakleng, it theihna a kisuksiatsak hipah a, itding itloh
ding pen kisawlngawh theilo hi. Itna inzong lunggulhna pulakna zong hipah hi.
Vanmite nangawn zong, Pasian itding leh angkhualna, kiliatsakna leh
kiphatsakna tawh nung heisan ding thunih a teeluh hongkul hi. Vanmite nangawn
inzong itna tawn tungthu teel ding a masuan uh mahbangun, Mangmuhna in eite
zong leitunghun nunung ciangin tua tawntung teelna mah hong masuat hi.
Kidona lianpi sungah munlai omna omngeilo (Luka 11:23) a, leitung gal
nunung sungah zong omtuanlo ding hi. Vanmikim in zong Zeisu’lamleh
Lucifer’lam a nateeluh mahbangun, mihing inzong hun nunung ciangin,
anunungpen teelna bawlhun hongtung ding hi. Kuateng in thumaan in, biakna pia
in thumang dinguh hiam? Hihthu pen mihing’ masuan hi a, leitung hun nunung
ciangin hihloh peelmawh ahi hi.
Himah taleh lungdamthu omveve a: Mangmuhna 12 sungah, Khris in galzo
a, eite’n zong deihteelna tawh galzolam Ama’lam mah suakta takin kiteelthei cihi.
Galzopa lam teelkholh theihna in bangzah hampha Nakisa hiam?

Singlamteh tungdong tunthei cih atheigige Zeisu in zong, deih teeltheilua

ahihlam leh (2 Tim. 1:9), tua teeltheihna mah eizong hongpia cih ngaihsutsak
in. Tua deihteelna siangtho koici zangsiam ding a, bangzah manpha cih
naphawk hiam?
__________________________________________________________________
 MONDAY March 27

Satan’ Galdona
A kipatcil limin Satan in (Mang. 12:4, 5) Khris suksiatna’ng lam zongpah
mahleh, picin zo ngeilo hi. Khris a suahlai in, Herod’ ngiimna kawi tengpen,
vanmikhat in Joseph leh Mary kiangah vahilh ahih manin, Egypt ah galtai pah uhhi.
Zeisu mahmah in zong, gamlaka Satan’ zolna teng khempeuh pen “Lai Sangtho in
ci” ci in Pasian’ kammal mahtawh gal kidal in maingat lel hi. Singlamteh tungah
hong sihna zong, mawhna thaman panin hong hotkhiatna hong itna lian hong lahna
ahi hi. A thawhkikna tawh, anungta Siampi Lianpa in, mawhna thahatna pan in hong
suahtak hi.

Simin Mang. 12:4–6, 9; Efes. 5:25–27, 32; leh Late 2:7– 9, inla anuai a teng let in:

Gulpi ____________________________________________________________
Numei ____________________________________________________________
Tapasal___________________________________________________________
Siik Ciang ________________________________________________________

Lai Siangtho sungah ciang pen ukzawhna lim ahi hi. Siik Ciang acihteh
kuaihtan zawhloh, vanglian, leh suksiat zawhloh ukna limpua ahi hi. Zeisu in zong
eima phutkhak zia-etna tengmah naphukha hinapi gualzopa hong tangzaw hi. Dawi
in guallel galpa hongtang hi. Khris in Ama’ nuntakna, sihna leh thawhkikna tawh
hong gualzo zawsop hi. Zeisu in Calvary singlamteh panin dawigilo tungah hong
gualzawh manin, eite’n zong gualzote ihithei ding uhhi. Satan tungah Khris’
gualzawhna pen a picingsa hinapi, Khris le Satan kikalah kidonalian in tawpnailo
hi.
Bangbang ahizong in, Khris hong hihsak khempeuh tengpen, upna tawh i
sang a, mawhna leiba khempeuh zong hong kimaisak zo hi. Khris’ dikna in hong
tuam manin Pasian’ maiah a siangtho in kiding hi. Paul in “Khris tawh kiptakin
kipawlkhin kahih manin thukham zuihna tawh a kingahthei keima hanciamna tawh
dikna ngahna cihte kanei nawnkei hi. Zeisu Khris upna hang in Pasian hongpiak
diksakna kangah a, tuapen upna siksan in hong kipia ahi hi” (Fili. 3:9). Hong
kimaisak khinzo ahihleh, hong kimawhsak thei nawnlo hi. Mawhna in Zeisu tungah
a suksiat theihna lianpen tungah, Zeisu gualzo khinzo hi. Zeisu suaksiat na’ng a
zong vangvang gitlohna tungah Amah’n gualzo khin hi. Upna tawh Zeisu
sangpeuhleng, Ama’ gualzawhna in ei’aa hipah hi.

Khris in Satan tungah a gualzawhna in, eite adingin hotkhiatna lungmuanna

koibang in hong neisakthei hiam? Koici bang in Filippi 3 sunga Paul’ kammal:
tang kuana bangin eite phutkhak hithei hiam?
 TUESDAY March 28

Zeisu’ Gualzawhna Saang

Lai Sangtho genna ah, Zeisu in Satan lelh ngeilo hi. A vanglian gualzopa ahi
hi. Siatna tungah gualzopa ahi hi. Zeisu in Satan’ mawhzolna tungah a gualzawhna
teng zogawp ahih manin; Ama’ gualzawhna in eite’aa zong hipah cih thei ding
hihang.

Simin Mangmuhna 12:10. Hong mawhsakpa “kilawnkhia khin” a hihnapan bang

thapiakna peuh ngah nakisa hiam?
__________________________________________________________________

__________________________________________________________________

Leitungah gal kido tangtang laimahleh, Satan in lelhzo a, hun kikhenzo hi.
Mihing’ tangthu sungah Khris in zozo cihbek hilo in, eima’ nuntakna sungmahmah
ah gitlohna zongiat ihih manin, hihthu in thumaan ahi hi. Khrisian pawlkhatte
bangin guallelh ding laumahmah uhhi. Amau omzia leh zongsatna pawlkhat tungah
gualzo nuam mahmah uh hinapi, amau ading Khris’ gualzawhna ciam khalo citciat
uhhi.

Simin Mang. 12:11. Khris in bang gualzawhna tawh lungmuanna hongpia ci hiam?
__________________________________________________________________

__________________________________________________________________

Mangmuhna pawlpi sagihte tungah thupuak sungah, “a zote” cih sagihvei

omhi. Mang. 12:11 ah zong tuathu mah omkik leuleu hi. “A zote” cih kammal limlim
abulpi pen nikao ahi hi. Tuapen gualzo, galzo, kizeel cihkhawng inzong kiletthei hi.
Azote i hihtheih nading bangzah in baihlam lel cih phawk in. Mang. 12:11 sungah
“Tuuno sisan hang” bek cihi.
Mangmuhna 5:6 sung mangmupa John in vantunglam daakto a “Tuuno khat
a kigosa bang” in mu hi. Zeisu’ hong kipumpiakna pen vantungbup in encik uhhi.
Pasian hong itna simzawhloh tehpih omlohna pen singlamteh bekmah in hong
pulakzo hi.
Khris hong hihsaksa teng upna tawh isaan ciangin, leiba hong kilohsak a,
Pasian’maiah picing takin iding uhhi. Mawhna teng hong kimaisak (Kol. 1:14; Efe.
1:7; Kol. 2:14) a, hong mawhkawkpa “kilawnkhia zo” (Mang. 12:10) hi. Gualzo
takin hong leizo, hong honkhiazo a, eima hoihna hang hipeuhmah lo, ei a ding
Khris’ galzawhna hangbek ahi hi.
 WEDNESDAY March 29

Gamsunga Numei

Simin Mang. 12:6 leh 12:14–16. Satan in “numei” (Pasian’ pawlpi) a dohun leh
Pasian in akepna teng ngaihsunpha in. Hihmun tengin bangthu genuh hiam?

__________________________________________________________________

__________________________________________________________________

__________________________________________________________________

__________________________________________________________________

Mangmuhna 12:6 a ni 1260 penin, Mang. 12:6 hunkhat, hunnih leh hunlang
tawh akibang ahihi. Tua hunmah pen Daniel 7:25 sungah zong om a, Mang. 11:2, 3
leh Mang. 13:5 ah zong om hi. Hihte pen limpua genkholna vive hi (numei khanei
gamsungah lengkhia takpilo) a, tua genkhol thute pen, ni-kum paizia tawh a kibulh
ahi hi (Gam. 14:34 leh Ezekiel 4:4–6) enin. Tua hi a, nikhat in kumkhat tawh hong
kikim hi. Hih Mang. 11:2 a huntawh kisai in, Andrews University Study Bible in
“Tangthu letkhiate in ni 1260 a cihpen, A.D. 538 pan 1798 dong kum 1260 sungteng
ci in kiciamteh” (laimai. 1,673 Mang. 11:2 letna) cihi. A kisia pawlpi – a kisia gam
– in Pasian’ midikte nengniam, bawlsia in that uhhi.
Satan in Lai Sangtho a um Khrisiante a bawlsiatna nasia mahmah penin,
sialehpha kikal ah gal kidonapi ahi hi. Leitung hunlaizang, biakna kipuahphat hunlai
a khuamial sunga omkha mite in teelsiam mahmah kul hi. Pasian’ kammal tungah
citak ding maw, siampite bawlkholsa teng peuh manglel ding maw cih himai hi.
Thumaan in khatvei gualzokik in, a lianmahmah langdona sung mahah, Pasian in
Ama’ tungah a citakmi nanei veve lel hi.
Tua hunlai in a lamdang leh a thangah huaimahmah Pasian’ kepcinna ana
omkhin hi. Mang. 12:6 in “Pasian’ a bawlkholna mun” cih kammal nazang hi.
Mang. 12:14 in zong numei zong gamlak ah “kikemcing” ci a, Mang. 12:16 leuleu
in “leitung in numei huh” cileuleu hi. A haksa bawlsiatna a omhunhun in Pasian in
a pawlpi kemcing hi. A tuaci hih mahbang in, hun nunnung a beibaangte tungah
zong tuacihlai ding hi.

Nangma nuntak sungin hong lungkiasak zothei ding nahaksat hun leh Pasian
in nabelh theih ding munkhat peuhpeuh hong vaihawmsakna khawng
ngaihsun kik in. Huhna na kisappen laitak in Pasian in bang hong vaihawmsak
hiam?
 THURSDAY March 30

Hun Nunung a Beibaang Pasian’ Mite

Dawimangpa in vantungpan kipanin Khris nado ngitnget hi (Mang. 12:7).
Tualai a Satan’ ngiimna leh tulai a ngiimna pen vannuai bup aana buluh ding mah
ahi hi. Leitung hun nunung in zong Satan in Pasian’ mite mah bulphuh ngitnget hi.
Mang. 12:17 in, gulpi (Satan) in numei (pawlpi) tungah hehmahmah a, tua numei
suan a omlaiteng galdo dingin kuankhia cihi. Hihtengah a omlaiteng acihpen zong
King James Version ah “a beibaang” ci in let hi. Pasian’ mibeibaangte in Khris leh
Ama’ thumaan tungah citaktak in Ama’na sem uhhi.

Simin Mangmuhna 12:17. A beibaang Pasian’ mite, ni-nunung pawlpi tegel omzia
bang hiding ci hiam?
__________________________________________________________________
__________________________________________________________________

__________________________________________________________________

Mang. 12:17, Satan (gulpi) in numei leh Pasian’ pawlpi tungah heh mahmah
hi. Dawi gilo in Pasian thukham a lenkip mihing peuhmah huat cihtak in hua a, a
suksiat theihna’ng hihtheih bangbang hih ding hi.
Lei theilo zuaktheilo leh sihtheihna dong in ahihtheih tawp in hanthawn gawp
ding hi (Mang. 13:14–17). Khris a suksiat zawhkei leh, Khris’ dipngeek a susiat
theihna dingin – Khris pawlpi mah suksiat ding hahkat ding hi. Leitung’ galphual
nunung pen nisuahna laizang gamlam hinawnlo ding a; leitung khempeuhah a kizeel
Pasian’ pawlpi mite lungsim bulphuh tading hi. A kikelki vangliannih, Khris leh
Satan kikal ah, munlai omlo hi. Hih gal nunungpen ah dotna bulpi penin, “Kua hong
dingkip ding a, i thumaanna koiah omta hiam” cih hiding hi. Vantung in, Khris’ itna
sungah a kikhim mi, Ama’ hehpihna tawh a kitankhia mi, Ama’ deihna sungah a ki
aapmi, Ama’ Kha tawh a kidim mi leh Ama’ thukham mang mahmah in sihdong in
Ama’na asem ding mite hongsam hi.
Hih leitung in haksatpen hun masuan hi. Ahihhang Zeisu sungah, Zeisu tawh,
Zeisu tung tawn, leh Zeisu hangin galzawhna lungmuansa hipah a – Amah tawh
upna hangin thumanhna tawh ikizop laiteng hipah hi. Tua khempeuh eima teelsiam
dandan hilel hi.

Mangmuhna 12:17 pen nangmah leh na Khrisian nuntakna sungah koibangin

na ciamkha hiam? Cihnopna ah, kidona lianpi nangma nuntakna sungah
koibang in na neikha hiam?
__________________________________________________________________
 FRIDAY March 31

Ngaihsut ding: Pasian in teeltheilo hi bang cithei phial ding hihang: Amah leh midang
a itding a deihleh, a suakta in abawl ding hilel hi. Amau a suahtak keivua leh, ittheilo
ding uh a, vannuaibup itna omkei zenleh bang acizen tam? Mi pawlkhatin acihdan
takin: lungsim a neivetlo setlimte bangin a kikhumsa teng khauhtak in semsuk
daudau lel in, a suakta deihna leh teelna neilo in, sisan tawh akituam sazangteng in
leitungnate’ thukhun teng zuidiudeu lel ding hi. Melhoihna lah omlo, eima pumpi
eima’ theihna zong omlo ding hi. Nulehpa it theihna, zileh pasal ittheihna cihte
khempeuh pen, samal sungah a kikoihsa hilelpeuh ding hi.
“Ki itna thukham in Pasian’ kumpigam kiphuhna bulpi hi a, akumpi gamsung
a mite nopsakna in, tua ki itna thukham tawh a kituak siangtho nuntakna aneihna
ahi hi. Pasian in abawlsa nuntakna neipeuhmah in, Amah pen itna tawh a biakding
uh deih hi. Aana tawh thumanna cihbang, kisawl tentan man a thumanna cihbang
deihlo hi. Mi khempeuh tungah deihbang teeltheihna hunpha pia hi. Tua hileh mite
in amau deih thutawh Pasian’min phatthei zawding uhhi. Ki itna sungah a omlaisiah
kilemna leh ki thuhualna om hi. Vantungmite nopsakna pen, Piangsakpa ngiimna
bang a taangtun nading in sepna ahi hi. Pasian’ vang kilatsak leh Amah phatna
lasakte nuam asa uhhi. Pasian’ itna a thupipen in aneih manun, kisaktheihna leh
angsung khualna omlo hi. Vantungah kilemlo hi cih lahkhiat theihna ding peuhmah
omlo hi.”—Ellen G. White, Patriarchs and Prophets, pp. 34, 35.

Kikupding Dotnate:

1 Hun nunung hongtung ding haksatna teng enleng, Mangmuhna 12 in vanmi

thumte thupuak teng ading a maitaai koibang in hithei hiam?

2 Mangmuhna 12 in, nisim nangma phutkhat zia-etna teng tungtang ah

koibang in lungmuanna hongpia naci hiam?

3 Eima’ gamtatna peuhmah pen guizui leh kimlehpam huzaap hi acingiat

mipawlkhat om hi. Hi nasa maw, hi salo? Eima’ teelna in eima gamtat koibang
in makaih hiam? Eima’ teelna leh Pasian’ vangliatna in hong makaihna in
koibang in kizom kha hiam?
 LESSON 2 *April 1 – 7

Tawpna ding Hun Tomno Khat

SABBATH NITAAK
Tukaalsung Simding: Matt 24:14; Mang. 14:14—20; Matt 16:27; Sawl. 1:9—11;
Marka 4:26—29; Mang. 16:1.

Kamngah: “Tua ciangin ka khuadakleh, meiipi bangin kang biakbuak in, tua
meiitungah mihing tawh akibangkhat tu in, khamlukhu khu in, a khutah
phiaukawi hiam khat atawi kamu hi. Biakinn sungpan in vantungmi khat
hongpaikhia a, meiipi tungah a tupa nakpitakin sam a, leitung mite lakding in
minmahmah a, alak ding hun hong tungta ahih manin, naphiaukawi tawh aat
in acihi” Mangmuhna. 14:14, 15.

P asian in Ama’ mite hopih den in, a hunzui in amau zakding kilawm thumaan
thutak pia tawntung hi. Tuiciin ding vaukholna (Pian. 6:7) pan Zeisu hong
paimasak nading (Dan. 9:24—27), dawpkholh thukhenna (Dan. 7:9, 10; Dan.
8:14), Khris nihveina hong paima thupiang ding teng (Mang. 12—14), Pasian in
hong genkhinzo hi. Mihing’ tangthu nunung lamah, leitung ading leh Ama’ mite
adingin ahun tawh kituak akisam bangin thupuak tuamvilvel khat hongpuakzo hi.
Hih thute hong puakna ah vantungmi thum vanlaizang ah leng in leitung buppi ading
thupuak ci in hong lak hi.
Tua vanmi thumte thupuakteng pen Zeisu hong hehpihna nunungpen thupuak
hipah a, eima diktawmna pan in Zeisu dikna muangzaw in, Amah in diksak sak,
siansuah sak in a tawpna ah minthang sak ding in ki aap ding ahi hi.
Khris teel tawntung in, Ama’thu mangding in ki aap in, tumahmah in eima
teelna in, hong tungding hun nunung haksatna sungah eima teelna ding mah
hisakpah ding hihang. Tuhun in kisak khol hun ahi hi.

* April 8, Sabbath a ding kiginkholhna in tukaal lesson sim in.

 SUNDAY April 2

Tawntung Teelna
Mangmuhna 14 pen, langdona leh mawhna gitlohna sungah kum tulguk sung
a kiphumcip hileitung ading in Zeisu’ hehpihna thupuak ahi hi. Hih leitung mihing
khempeuh in, Zeisu maw a langpang ah cih khensatna nunung penpen a khensat
hunuh hong tungding hi. Mangmuhna sungah Khris’ dikna thupuak in, mawhna
hong suksiatna leh hong hencipna pan hong honkhia a, leitung buppi a kizeel masiah
aw kithawn kawikawi ding hi.

Simin Matt 24:14 leh Mangmuhna 14:6. Zeisu in Ama’ hong paikikma in lungdam
thu leitung khempeuh a kizelhna ding, nungzuite tungah bang kamciampia in
genkhol hiam?
__________________________________________________________________

__________________________________________________________________

Zeisu in “hih kumpi gam’thu pen leitung buppi ah kihilh ding hi” (Matt.
24:14) ci hi. Tua pen Mangmuhna 14:6 sungah hun nunung ading Khris’ thupuak
sungah “gamkhempeuh, nam khempeuh, pau khempeuh leh mihing khempeuh”
tungah hilh acihpen a tangtunna ahi hi.
Mangmuhna 22 in zong thumvei silsel, Amah hong paibaih ding (Mang.
22:7, 12, 20) cihi. Hong paibaih ding tawh kisai in, i Topa mahin “A gilo mite gilo
lailai henla, a kihhuai gamtate kih huai gamtat lailai henla, a hoih gamtate hoih
gamtat lailai henla, a siangtho mite a siangtho mimah hilailai tahen” (Mang. 22:11)
cihi. Mangmuhna in mihing khempeuh pen Khris lam maw a langpanglam maw
khatteitei teel ding cihi.
Nisim mah in eite in “na neucikte” pen Zeisu’lam maw a langpang lam maw
ah teelden hi hang. Mihing khatpeuh in amau nuntak tawntung teelkhial kinken ding
zong hisamlo a, a tawpna lamah, leitung siatna in amau alangdo ciangin Zeisu’lam
peuh hong teel mawkmawk thei hi. Tuni in eite in Khris leh Ama’ thukham tungah
cihtak ding teelding hihang. “Pasian a itte in Ama’ thukhamte azui uhhi” (1John
5:3). EGWhite in zong “Zeisu in hong paikik dingzia laih tuanlo hi. Ki puahphatna
zong tumahmah in bawl ding hihang. I nisim nuntakzia in eima tawpna ding teelna
zong hipah hi.”—Last Day Events, p. 295.

Pasian in eite gamtatzia ding koibang in hong gelsak hiam? Ama’ hehpihna
sungah khangto cihpen bang acihnopna hiam? Kha Siangtho in Zeisu tawh
hong kibangsak semsem theihna ding in bang ihih ding kisam nasa hiam?
__________________________________________________________________
 MONDAY April 3

Mihing’ Tapa Hong Paikik

Mangmuhna 14 sungah Topa in Ama’mite ading ni nunung thupuak in a
thubulphuh ahi hi. Tuateng khempeuh thulaigil in Zeisu hong paikik na’ng hi a,
Ama’ kamciamsa “vanglian Pasian taklamah Mihing Tapa omin meiilakah a
hongpai namu ding uhhi” (Marka 14:62) cihi.

Simin Mangmuhna 14:14. Zeisu hih leitung hong paikik ciangin bang mintawh hong
paiding ci hiam? John in hihmin pen Zeisu adingin banghang in zang hiding
hiam?
__________________________________________________________________

__________________________________________________________________

Zeisu in “Mihing’ Tapa” cih kammal pen lungdamthu sungah 82 veitak zang
hi. Ama’ lungdeih minkhat ahi hi. Eite tawh kinaihtheih nading in azatzong ahi hi.
Eite hong telsiam Honpa hi a, eite thuak zia-etna tengmah nathuak khinzo, eima’
haksatna tengmah nazokhin zo hi. Inn ah hong ciahpih ding “Mihing Tapa” ahi hi.
Eite a ding hong paikik ding Zeisu in eite’lak mahah a tengsa Zeisu mah ahi hi. Eite
bang Khat in hongsuak a, eimah bang hilel, Satan’ hehna tawh hong zia-etna teng
thuakin zodikdek ahih manin, eite hong honkhia ding in Amah picing hi.

Matthai Lai Siangtho in Mihing Tapa Zeisu tungtang bangteng hong gen hiam?

Matt 16:27_________________________________________________________

Matt 24:27, 30______________________________________________________

Matt 25:31, 32______________________________________________________

Hih munteng pan kammal pawlkhat phawkhuai hi: (1) Zeisu, Mihing Tapa
in minthanna leh vanmite tawh hongpai ding. (2) Tuu leh kel hong khenkhia ding
(thukhenna cihna). (3) minam khempeuh leh mihing khempeuh tawpna pen
tawntung hun ading in thukhen ta ding hi.

“Mihing Tapa” cihleh mihing’thu Khris genna lungngai kik in. Pasian in eite
khat hongsuak cihtei hang; eite tawh akibanloh kikna, Amah mawhlo hi. (1)
Pasian hong itna i theih manin; (2) eima thuakna teng hong theihpih khinzo a
gualzawhna zong hong piathei ahih manin, Nang ading in bang lam-etna hong
neisak thei naci hiam?
 TUESDAY April 4

Vantung Thukhenna

Simin Mangmuhna 14:14 leh Sawltak 1:9—11, a kibang thu, bang namu hiam?
__________________________________________________________________

__________________________________________________________________

John in “Ka khuadak a, meiipi kang biakbuak tungah Mihing Tapa tawh
akibang Khat tu” (Mang. 14:14) ci hi. Zeisu vantung a kahtoh lai in, Luka in Sawltak
1:9 ah, nungzuite’n vanlam a daktoh laitak un, “amaute’ muhtang mahin, Zeisu
kilato a, meiipi in liah ahih manin amah muthei nawnlo uhhi” cihi. Zeisu in
vanmi’meii sungah kahto khinzo a vanmi’meii mah tawh hong paikik ding hi. A
lungmang nungzuite kiangah vanmite in “hih Zeisu mahmah vantung a paitoh
namuh uh mahbang teekteek mahin, khatvei hong paisuk kik ding hi” (Sawl. 1:11)
naci hi. A kilang loding in seel khinkhian a hilo thumaan taktak ahi hi. Hih “Zeisu,
Mihing Tapa” mahmah, Nazareth khua sung leivuikai liangin a paipa, mihing adim
Jerusalem lampi tungah apaipa mah, Israel khuata sungah cina damsakpa, Galilee
bualtuigei mualpang lonona sungah thugengenpa mah hong paikik ding hi.
Mihing Tapa penmah Daniel 7 sung thukhenna thu ah kigenkhin zo hi.

Simin Daniel 7:9, 10, 13, 14. Banghang in Daniel in Zeisu pen “Mihing Tapa” ci in
thukhenna sungah thupigen hiam? “Mihing Tapa” in thukhenna sungah
thulagil ahih theihna leh lungmuan theihna ding in bangteng hong kipia khin
hiam?
__________________________________________________________________

__________________________________________________________________

Daniel 7:9, 10 ah Daniel in, vantungah tulsawm sim tulsawm vanmi honpi
mu a, tua vanmi hon in tokhom kiim ah kikhawm uhhi. Thu kikhen a, nuntakzia
ciaptehna laibute mipi’maiah kihong hi. Daniel 7:13, 14 ah, Mihing Tapa in Tang
Kumpu kiang vanaih a, a Pa kiangpan in Ama’ tawntung kumpigam a ngah hi. Tua
thukhenna pen vannuai buppi maiah kilaak a, Pa, Tapa leh Kha Siangtho in mihing
khempeuh tungah hotkhiat theihna’ng a hihtheihzah un ana hihna uh teng ahi hi.
Tua thukhenna sungah misiangthote bek hilo in, Satan in Pasian a mawhpaih
denkeei namun khempeuh zong kipulaakkhia hi (Job 1—2, Late 51:1—4).

Pasian’ maiah nangma nuntak sungteng buppi akawi amaam in hong ki ettel
sak ding cih ngaihsunpha in. Tua hunciang in nangma lam-etna bang ahi
peuhmah tam maw? (Rom. 8:1.)
 WEDNESDAY April 5

Galzopa’ Lukhu
John in Zeisu pen “Mihing Tapa, alu tungah khamlukhu khu in, akhut ah
phiaukawi hiam mahmah khat tawi” (Mang. 14:14) in mu cihi. “Lukhu” cih
kammal pen stephanos ahi hi. Gal zawhna lukhu ahi hi. Kimawl kidemmi khat in
azawh ciangin, stephanos, pahtawina, minthanna leh gualzawhna lukhu kipia hi.
Khatvei Zeisu in ling lukhu khu hi. Zumna leh simmawhna limpua ahihi.
Mihingte in nawl khiin in nial uhhi. Ki zahko, ki haibawl, ki cilphih in kisat kivat
gawp hi. Tu in ahihleh minthanna lukhu khusa in kumpite’ Kumpi topate’ Topa in
hong paikik ta ding hi.

Simin Mangmuhna 14:15 leh Marka 4:26—29. Tua gel kibatna bang om hiam?
Bangthu genkhawm tuak uh hiam?
__________________________________________________________________

Vantungmi in biakinnpi minthanna sung Pasian maiah hongpai hi. Pasian in

tua vanmi enin “lote minkhinzo a, aat hunta hi” cihi. Tua vanmi lengkhia in Zeisu
kiang hongtun ciangin, “lote minkhinzo a, aat hunta hi” ci in nakpi takin kiko hi.
Pai in, Natate sam inla innah ciahpih in.
Lai Siangthothak sungah Zeisu in lokhawhvai tawh tamveipi limpuasak hi.
Khatvei sangin atamzaw, lo-an minta ci in, Ama’ mite nuntakna sunga lungdamna
khaici pulakna in zang hi.
“Khaici hong pokhiatna pen khalam nuntak kipatna limpuasak a, khaikung
khantohna zong Khrisian hoihna khantohna tawh limpuasak hi. Khaikung mahbang
in hehpihna ah zong; khangto lo in nuntakna omtheilo hi. A kung khang keileh
siding hi. Gamdai takin akung khang a, muhtheih hilo napi khangsuak a, Khrisian
nuntakna zong tuamah bang ahi hi. Khantohna ah aciangh ciangh in i nuntakna
picing sakding hihang a; Pasian’ deihna picingsak peuhleng, mainawt paisuakpah
lel ding hi. Siangthona zong khangkhom nasep ahi hi. Hunhoih i ngah bangbang in,
theihna leh pilna zong hong khang ding hi.”—Ellen G. White, Khris’s Object
Lessons, pp. 65, 66.
Kham khaici min acihteh, hehpihna in hong khelsak teng, itna in hong
tawsawn teng leh thumang takin nuntakna tawh Khris’ min thansakna ahi hi. Amau’
lungsim Zeisu tawh tonkhawm a, Zeisu lunggulhna teng amau’ lunggulhna mah
hipah hi.

Ellen G. White’ kammal “Khantohna ah aciangh ciangh in i nuntakna picing

sakding” acihpen na koici tel hiam? Eima khialhna leh melhemna teng i
muhciang phadiak in, ei ading bang khiatna nei naci hiam?
 THURSDAY April 6

Khaici Khempeuh Lakhun Om

Mangmuhna 14 in an-lakhun nih omsak hi. Kham anlak hun acihpen midikte
cihna hi a, a melhem lenggah lakna a cihpen in a mangthang migilote cihna ahi hi.
Tua ante minkhawm tuak uhhi. A kivawh khaici peuhmah khangkhin hamtang hi.

Simin Mangmuhna 14:17—20. “Pasian’ hehna lian lenggah cilna phual” in bang a
cihnopna hiam? Mangmuha 14:10; 15:1; leh 16:1 zong enkak lai in.
__________________________________________________________________

__________________________________________________________________

__________________________________________________________________

“Vanmi a dangkhat in biaknatau panin hong paikhia a, mei tungah ukzawhna

nei hi” (Mang. 14:18). Tua vanmi in Pasian’ thukhenna nunung mei ukpa ahi hi. An
minkhinzo ta hi. Mawhna in adongdong tungta hi. Langdona in Pasian’hehpihna
khengval zota hi. Na khempeuh in gitloh leh siat athuah mahbangun, a beisiang
matengun suuksemsem lai ding uhhi. Itna Pasian in Ama’ hihtheihzah in hong
hihsak khinzo a, Amah mahmah zong eite’ mawhna hangin singlamteh tung kahto
liangzo hi. “Pasian tawh akibang in midik i suahtheih nading in mawhna neilo Khris
pen eite tangdingin Pasian in mawhnei mi a suaksak hi” (2Kor. 5:21; Gal. 3:13).
Singlamteh khengval in Pasian in bang hihthei lai ding hiam? Kha Siangtho
anial paisuak mite ading in hehpihna in bangmah sepsak thei nawnlo ta hi.
Mangmuhna 14 sungah thukin mahmah thupuak om hi. Khaici khempeuh
minkhinzo hi. Khaitang in minkim mahmah zo a, lenggah zong minkim zo hi. Pasian
mite in Pasian limleh mel, hong hehpihna, hong lainatna, leh hong itna pen mihing
khempeuh kiangah pulaaksak uhhi. Gilopa tate in huaihamna, duhluatna, hazaatna
leh huatna pulaak uhhi. A pawlkhatna in Zeisu’ omzia pulaak uh a, a pawl dangkhat
in Satan’ omzia pulaak uh hi.
Vannuai buppi in, Pasian’ mite sungah dikna mu uh a, kuamah in cikmah in
pulaak kha ngei nailo hi. Khris’ dikna a pulaakkhia Ama’ mite langkhat ah, Pasian
a langdo mite’thaman zong vannuai bupmah in mu ding uhhi. Gitlohna, siatna,
mawhna leh thukham zuihlohna cihte zong vanmite leh mihing khempeuh muhtang
in ki pulaaksak ding hi. Sialehpha, dikleh khial, thumang leh manglo kikal
tehkaakna hi ding a, vanmite, leimite leh vannuai bup i muhtang hi ding hi.

Sialehpha kikaal koibang in khentelcian thei ding nahi hiam? Tuathu

banghang in thupi nasathei hiam? (Heb. 5:14.)
__________________________________________________________________
 FRIDAY April 7

Ngaihsut Ding: “Ngaihsutna leh khalam ah zong muhna tawh kikhel thei hi. Lungsim
in ama’ omna peuhpeuh omzia teng damdam in zuizui lel hi. It khat zahtak khat
zongsang in saangpahpah lel hi. Mihing in ama’ siangthona hoihna leh thumaanna
Sangin a sangzaw kahto ngeilo hi. A sangna mun tunding bek lunggulh ahihleh zong
pahtawina sang a sangzaw tungngeilo ding hi. Kiamsuk semsem zawsop ding hi.
Pasian hehpihna bek in mihing laamto thei hi. Amah kinusia leh amah kiasuksuk lel
ding hi.”—Ellen G. White, The Great Controversy, p. 555.
Damtak leh akitel khollo, phawkloh kal in, eima gamtatzia leh pianzia
khempeuh in eima’ lungsim sunga omsa khaici bangin kikhel lel hi. Khaici hoih
navawh leh gahhoih nagah ding hi. Hih leitung khaici gilo navawh leh zong, nangma
gamtatna in hih leitung gahte mah hibeklel ding hi. Pasian leh khalam thupha tawh
a kibanglo khaici i vawh leh – awlmawh lohna, khalam ah lungkimlelna leh kha
nuntakna ah patauhna cihte i aat ding hi.
Tua ahih manin pawlkhat in, Khatvei ciang bawlsiatna hong tungding a,
“sapi ciaptehna” cihkhawng hongtun peuhpeuh ciang keizong hong kipawl ning
aw, aci mite in a lauhuai mahmah lampi atawn uh ahi hi. Pasian in tumahmah in
Ama’ kiang ki-aap ding in hongsam hi. Kha Siangtho sapna dawngding uaikaai
semsem leh, Pasian kiang zuat ding haksa semsem a, pukna ding baihsemsem in,
gilopa khemna up ding baih semsem hi.

Kikupding Dotnate:

1 Mangmuhna 14:14-20 sungah, hehpihna tawh hotkhiatna; hehpihna sungah

khantohna leh anlaakna thukhun koici kizop hiam?

2 Singkungte khantoh na’ng kisapna leh khalam khantohna’ng kisapnate

kikumkhawm un. Koici kibang nasa hiam? Singkung a khantohna pen eima
nuntakna khantohna sungah koibang in zangthei ding ihi hiam?

3 Pasian hongpiak siamna leh deihteelna tegel in kilamdanna anei hiam?

Hihthu telcianna in Khristian khantoh na’ng banghang in thupithei hiam?

4 “Mihing Tapa’ cih thulu in Khris nihveina hongpai ciang thukhen hun ading
in banghang in thupithei hiam? Mihing eibanglel mihing khat in tua
thukhenna munah banghangin lungnop khamuanna hong neisak thei naci
hiam?
 LESSON 3 *April 8 – 14

Tawntung Lungdamthu

SABBATH NITAAK

Tukaalsung Simding: Mang. 14:6–12; 1Kor. 15:1–4; Rom. 3:24–26; 1Pet. 1:18–
20; Matt 28:19, 20; Sawl. 1:8.

Kamngah: “Tuaciang in leitungah ateng mi namkim, pau namkim azang mite

tungah a tawntung lungdamthu gending anei vantungmi khat vankimlai aleng
kamu hi.” (Mangmuhna 14:6).

T anglai Israel mite, dawibia leh thu-umlo mite, singleh suang pasian nam
tampi abia mite in a kimkotvua a omlai un, muh theihloh himahleh, amau
ading thakhauhna a piaden thu pen Thuhilhkikna 6:4 “ISRAEL-TE AW, ZA UN:
TOPA I PASIAN, TOPA KHATBEK AHI HI” cihpen ahi hi.
Akhangkhang mah in, Shema kici a thungetna uh thugui pen in, Jew minam
khempeuh’ khalam muhna ah; amau minam khat in a pumkhatsak, thahatna aguan,
khatbek a om Pasian taktak abiate ahihna uh pulakna ahi hi.
Seventh-day Adventist ading in zong, Mangmuhna 14 sunga vanmithum
thupuakteng pen eima Shema ahi hi. Eite’ upna lahkhiatna zong hilai hi. Eite in
kuate ihi cihpen hong pulaksak a, leitungah i vaipuakpi zong ahihi. Mangmuhna
14:6-12 sungah eite dinmun thupuak kip omgige a, leitungah i pulak ding
lungdamthu zong hipah hi.
Tukaal sinna sungah, Mangmuhna 14:6-12 sung kicing takin in kisin ding a,
hehpihna mit tawh, Pasian in eite lungsim sungah hong hopihna i ngai ding uhhi.

*April 15, Sabbath a ding kiginkholhna in tukaal lesson sim in.

 SUNDAY April 9

Hehpihna a Kidim Lam-etna Laibu

Mangmuhna laibu tawh kisai in mihing tampi takin Pasian’ hehpihna
ngaihsun ngeilo uhhi. Ni nunung ading Pasian’ thupuakte angaihsut uh ciangun, a
lauhuai sapi peuh, limpua tuamtuam leh lim lamdang peuh ngaihsut in neikha uhhi.
Mangmuhna laibu in mi tampi lausak mahmah ban ah hong lungmuangsak a,
hehpihna leh lam-etna tawh kidim hi. A lauhuai mahmah sapite, hong tungding
bawlsiat hun ading vauna cihte kawmkal ah, Pasian in Ama’ hotkhiatna sungah
lungdam dingin thuhoih hong piathuah lai hi.

Simin Mangmuhna 1:1–3 leh 14:6. Hih munte inMangmuhna laibu hiziau beklo in
“tawntung lungdamthu” ahihna bangteng tawh pulak hiam?
__________________________________________________________________

__________________________________________________________________

Mangmuhna in Zeisu’thu vive hi. Ama’mite ading thupuak hi a, adiak in hun

nunung a pawlpi ading hiphadiak hi. Hehpihna akidim hun nunung lam-etna ahi hi.
A laibu tawntungah Khris pen a kithat Tuuno hi ci a, a sim, a telcian leh a thumaan
pulak nate a nuntakpih peuhmah thupha kamciam om hi.
Mangmuhna 1:5, 6 sungah, Zeisu pen “eite hong it a, ama’ sihna tawh i
mawhna panin eite hong suaktasak in, ama’ Pa Pasian’na asem dingin, siampi leh
kumpi zaa ah ahong koih hi” cihi. Khris sungah eite hong maisak hi. Hehpihna in
hong maisak, tu in tha hong guan in, mailam ading lam-etna hong bawlsak hi. Khris
hangin mawhna thaman panin hong suakta sak a, tua banah mawhna omnapan hong
suakta saklai ding hi. Hihpen Lai Siangtho laibu nunungpen Mangmuhna thupuak
ahi hi.
Tua-in thupuak kin khat hi a, vanlaizang a leng vanmi in “tawntung
lungdamthu” nei ci hi. Lungdamthu maw?
Upna tawh Khris sungah hotkhiatna maw? Khris in eite ading hong sihna
maw? Tawntung nuntakna kamciam in, eite sepzawhna hang hilo, Khris in eite
ading hong sepsakna hang hizaw? Hihteng khempeuh pen vanmithum teng thupuak
akipatna ahi hi.
A thuaksia lungsim kitam eite ading in hehpihna, lam-etna leh kamciamte
tawh a kidim thupuak ahi hi.

Mangmuhna sunga ni nunung ading vaunate ahi sapiteng peuh lunglut ding
baih mahmah taleh; tuate pen Mangmuhna sunga athupi pen thupuak ahi eite
ading sihdongin Khris hong kipiakna tawh koibang in khaikhawm thei ding
nahi hiam?
 MONDAY April 10

“Tawntung” Lungdamthu
Mamgmuhna 14:6 a vanmithum thupuak kipatna ah: “tawntung” thupuak
naci hi. Lungdamthu a thukna telzokei leng, vanmithum teng thupuak khempeuh a
deihna tawh kipelh ding hihang. Lungdamthu i telcian kei peuhmah leh, Pasian’
thukhenna hun thupuak, Babylon ahi a, sapi ciaptehna ahi zongin, tuate itelzo kei
ding uhhi.

Simin 1Korinth. 15:1–4; Rom. 3:24–26; leh Rom. 5:6–8. Hihmun tengah “tawntung
lungdamthu” koibang in kipulak hiam? Eite ading bang lam-etna lian hongpia
hiam?
__________________________________________________________________

__________________________________________________________________

Lungdamthu pen eite’ mawhna hangin Khris hongsihna, aminthang

athawhkikna leh itna tawh hong ompih tawntungna ahi hi. Upna hangin, a buakkhiat
asisan leh a thawhkikna vanglian hangin, mawhna leh agu panin hong honkhia hi.
Paul’ ngaihdan tengmah Khris in zang in, ama’ thuhilhna bulpi hisak hi. A kikhai
Khris in a beisa a mawhna leh thaman tengpan in tankhia hi. A thokik Khris in tuhun
ading in vangliatna hongpia a, hong paikik ding Khris in zong hong tung ding lam-
etna pia hi.
Rom laibu sunga thu li tengzong phawk in:
1. Hehpihna tawh manngenlo in hong siansuah hi.
2. Hehpihna icih in Pasian’ dikna saanna ahi hi.
3. Hehpihna in upna tawh Zeisu a saangte diksak hi.
4. Mawhneimi ihih kawmmah in Pasian in itna hong lak hi.
Khris’ hong hehpihna pen ei hoihna hang hilo, ei kiphut hilo, ei thalawh hilo
hi. Mawhneite sihna’ng munah, Zeisu in sihna dong in hong thuak hi. Mawhna
tungah a Pa’ hehna leh thukhenna teng thuak dikdek hi. Eite saan ngah nading in
Amah nialthuak hi. Eima sihding asih manin, Ama’ nuntakna tawh i nungta hi.
Tua hotkhiatna in upna hangbek hi a, thukham zuihna hang hivetlo hi. Bang
i behlap thei ding a, eite hihtheih tawp in ihih teng, Kha Siangtho kidim takin i
septeng in, singlamteh tunga Khris in hong hihsakte bang behlap thei peuhmah ding
hiam?
Hih hotkhiat na’ng ngiimna pen hun kipat mapek in a omsa hi a (2Tim. 1:9;
Titus 1:2; Efes. 1:4), tua hangmah in “tawntung” lungdamthu kici hi. Leitung a
pianma in, Pasian in hih thupiang ding theikhol khin a, hong tun taktak ciangin a
kizang pah landing hotkhiatna’ng ngiimna a geel kholpah ahi hi.
 TUESDAY April 11

Hehpihna Tangthu
Vanmithumte thupuak tengpen hehpihna tangthu vive hi a, mongneilo
Honpa’ hong itna – eite khatpeuh i mangthang dingsang in Amah’n gimthuakna
kisin nuamzaw tham hi. Gamgi neilo kiteh theilo, ngaisut phakloh, sitheilo leh
tawptheilo itna tangthu ahi hi.
Pasian khawng kilatsak theilo hi. Mihing’ teelna hang khawngtawh Amah
kikhel themthum ngeilo hi. Theihkimsa mahbang in, hong hotkhiat ding a ngiimna
pen mawhna omkhit khawng in a nung ngaihsutpak khawng hihetlo hi. Mawhna
hangin Pasian in cihna’ng theilo khawngin om ngeilo hi.

Simin Mangmuhna 13:8 leh 1Peter 1:18–20. Hihmunte in hotkhiat ngiimna bangteng
gen hiam?
__________________________________________________________________

__________________________________________________________________

__________________________________________________________________

“Tawntung lungdamthu” i cih Mangmuhna 14:6 in, abeisa, tuhun leh

mailam’thu gen hi. Pasian in mihing pen lungsim deihteel theihna tawh a bawlciang
in, khialhna peuh teelkha thei ding cih mukhinzo zaw hi. Ama’ piansaksate in
teeltheihna a neihuh mahbangun, Ama’itna zong langdo ding peuh teelthei kha ding
uhhi. Tuabangte tawh kipelhna ding pen, ngaisutna neilo set milim peuh bawlin,
deihbang in ukding in bawlleh hilel hi. Zawhthawh ukcipna cihkhawng pen Pasian
omzia tawh kikelki lel hi. Itna in teelna kal a, teelna hong kipiak ciangin, kiteelkhial
gawp thei hi. Tua ahih manin nulehpa masa tegel in Eden panin langdona a
bawlmapek in hotkhiat ngiimna pen Pasian lungsim sungah teengkhin zo hi.
“Eite hong kihotkhiat ding ngiimna pen, Adam pukkhit khawng ciang in aki
nung ngaihsut kik khawng hipeuhmahlo hi. ‘Tanglai pekpanin aki iimcip, tu in aki
pholak thuthuk’ (Rom. 16:25) ahi hi. A khang tawntung in Pasian tokhom’
thubulphuhpi mah hong pholakkhiat ahi hi” —Ellen G. White, The Desire of Ages,
p. 22.
Tua “tawntung lungdamthu” in abeisa tengpeuh gengen bekhilo – mailamhun
zong lam-etna tawh hong pholak ahi hi. Eite tawh a omkhawm tawntung nuam Pa
tawh nuntak khop tawntung ding hong gen hi.

Simin Efesa 1:4. “Leitung pianmapek” in eite Khris sungah hotkhiat dingin
hong “teelzo” cih ngaihsun in. Hih thumaan in banghang in, nang hongthahat
sakthei naci hiam?
 WEDNESDAY April 12

Leitung Khempeuh ah

Simin Mangmuhna 14:6. Tawntung lungdamthu pen bangzah ciangdong kitangko

ding a; tua dawnna in, ei pawlpi khat leh mission nasepna ah banghangin thupi
thei hiam?

__________________________________________________________________

Thupuak kin mahmah, vanmithum tengpan amasapa’ thupuak dungzui in,

“tawntung lung damthu” pen, gamkhempeuh, namkhempeuh, paukhempeuh leh mi
khempeuh tungah tangko ding ahihi. Tua mission nasep in lianlua, zailua, gollua in,
aneng atawng avekpi a pulakkhiat ding ahi hi. Eima hihtheihtawp leh kipum aap
ngiat ding hongkal hi. Khris ading nasepnopna lungsim eima’ sungah hong om masa
ding a, tuatawh hong kizui toto ding hi. Eimah sangin azaizaw thampek khat
hongguan ding a, ngaihsutna toi mahmah panin muhna lianzaw ah hongtun ding hi.

Simin Matt 28:19, 20. Hih munte in vanmi khatna thupuak tawh koici kizawitawn
naci hiam?
__________________________________________________________________

Paul David Tripp in A Quest for More: Living for Something Bigger Than
You, kici a laibu sungah, mimalsim in a lungsim ngaihsutna tawh kisai kisapna
tengpen, amau’mah sangin a lianzaw vive hi a: “Mihing limlim pen, amau’ nuntakna
sangin lianzaw hamtang dingin apiang ahi hi. Mawhna in i nuntakna pen tu a
nuntakna ciah dong in hong tonsak hi. Khris hong hehpihna in tua natna gilo ahi
eima angsung bek khuallelna panin hong honkhia in, tawntung Pasian’gam ading
ngiimna sungah lungkimzo dingin hong honkhia hi” cihi.
Mihing khat in ama’ hihna sangin alianzaw tham, a zaizaw thampek Pasian’
geelna bangin a tangtutna Sangin a lianzaw, a kicingzaw leh thaman tamzaw
bangmahmah omnawnlo hi. Pasian in Mangmuhna 14 sunga hong thupiak pen,
pawlpi tungah a thupiak khempeuh lakpan a lianpen a hihi. Zeisu hong kumsukkik
madiak in, ngaihsut phakloh Pasian hong itna kilanghsak dingin vantung in hong
sapna lianpen ahi hi.

Nangmah sangin alianzaw nakhat sungah nakihel khakna khatpeuh a om

hiam? Tua in tuni sinna natelphat semtheih nading in hong bangci huhthei
ding hiam? Vannuai buppi a piangsak a, tawntung kilamdanna a bawlpa’ hong
zattheihna sangin alianzaw hong kizat theihna bang omlai hiam?
 THURSDAY April 13

Mission Kipatna
Adventist mimasa tehunlai in theihtheihna leh Lai Siangtho deihtak simna
tungtawn in hih thupuak teng telcian tuam mahmah uhhi. Amau un tuhun tawh a
kituak linlian thupuak Pasian in neihi ci in thei uh a – hun nunung ading tua thu-kin
mahmah pen gam khempeuh, nam khempeuh, pau khempeuh leh mi khempeuh
tungah kihilh ding a, Khris hong kumkikna adingin kigingkhol sak ding cihi. Tua
vanmi thumte thupuakteng in Adventist pawlpi a ompan kipan deihtak in hong
thahat sakmahmah hi.
1874 kumin, General Conference zumpi in, missionary masapen Europe ah
paisak hi. EG White in John Andrews pen “ei lakah siamna neipen” naci hi.
Andrews in pau namsagih bang pauthei a, Lai Siangthothak buppi lotngah, Lai
Siangtholui pen a tamzaw genthei hi. Amah in mipil, laigelh siam, leh biakna lam
misiampa khat ahi hi.
Banghang in tuabang mipil misiampa pen pawlpi mi tawmna munah kipuak
hiam? “Mi siampenpa” khawng banghangin theihngeiloh gamah mission semding
in kisawl hiam? Banghang in amah painuam hiam? A sawtnailo in azi in sihsan hi.
Innkuanpih leh lawmteng America ah nusia in, a tanonih bek tawh theihngeiloh
gamah Khris ading in banghang in painuam hiam?
Thu khatbek omhi. Zeisu hong paita ding cih thei a, tua hun nunung thupuak
pen leitung bupah puak kul cih thei hi.
Pawlpi’ tangthu sungah, a teipen, a pilpen leh a hoihpen tengmah hun nunung
ading Pasian’ thupuak puakding in kisawl den hi. Sangsiate, zatui siate, pastorte,
lokhote, setsiamte, letthamate, leh sumbawlte a tuamtuam himai uhhi. Pawlkhat pen
pawlpi in guai uh a, a tawmzaw kiguailo hi. Zeisu hong kumkik ding a um pawlpi
mite ahi uhhi.

Simin Mang. 14:6; Sawl. 1:8, leh Matt 24:14. Akibang thu bang om hiam?
__________________________________________________________________

__________________________________________________________________

Tawntung lungdamthu kihilhna in gamgi khempeuh khenggawp in pai hi.

Leimong gamla pending zong vatung hi. Mihing khempeuh paukhempeuh leh
ngeina tuamtuamte vapha hi. Lei maitang buppi huamta ding hi. UN in leitung gam
235 ci in a ciapteh sungpan in 210 bang ah tua lungdamthu in apha hita hi.

Nang e, bang lamah mapang thei a, “minam khempeuh, paukhempeuh leh

mihing khempeuh” tungah vanmithum thupuakte a kizeeltheihna ding in,
koibang in ahoihzawsem in pangthei laiding nahi hiam?
 FRIDAY April 14

Ngaihsut Ding: Wednesday sinnapan, eima hihna sangin a lianzaw acihna leh, eima
neuluatna, khan tomna, siatna leh lungkiatna cihte lungngai in. Hih lunggulhna zong
ngaihsut huai mahmah hi. I pumpi ahihleh, samal tawmcik khat tawh eima’
khuaktek kipua a – carbon pawlkhat a kihel pumpi sung nate kigawmkhawm
bialbual ihi lel uhhi.
Hibang samal tawmcik peuh a kituam khinkhian lel eite’ pumpi in, ciangtanh
omlo Pa tawh koibang kitehkak thei ding hiam? Nang leh nangmah cianglel tawh
nungta in, nang sangin a lianzaw khatbeek nuntakpih kei lecin, eima kimkot ah
natampi hong omding a; khuapi lian mahmah sung hinapi, thongneu bingcip
khatsunga kikhumcip tawh nakibang ding hi. Zeisu tungtawn in tawntung nuntakna
hong kipiakthu tangko ding sangin a lianzaw a zaizaw leh a minthangzaw bangdang
omlai ahi hiam?
“Pasian silate in, a siangtho ki-aapna hangin a maitang uh taangliang in,
vantung pan hongpai thupuakte munkhat mundangkhat ah puaknaw mahmah ding
uhhi. Aw tultampi tetawh hih vauna pen leitung mun tuamtuamah tangko ding uhhi.
Na lamdang bawl, cina damsak, thu-ummite tungah limlamdang tuamtuam lakthei
ding uhhi. Satan zongin nasem ahih manin, zuau nalamdangte leh, mihing’ mitmuh
in vanpan meikuang kiasakliang ding hi. (Mangmuhna 13:13). Leitung mite ahih
uhleh amau dinmun ciatuh hongla ding uhhi.”—Ellen G. White, The Great
Controversy, p. 612.

Kikupding dotnate:

1 “Mi tampi in lai hongkhak uh a, upnatawh diktanna pen, vantungmi

thumna thupuak ahihiam ci-in hongdong uh a, Ke’n kadawnna ah ‘vanmi
thumna thupuak hilualiang ei’ kanaci hi.”—Ellen G. White, The Advent Review
and Sabbath Herald, April 1, 1890. Upnatawh diktanna in vanmi thumte
thupuaktawh koibang in kizomthei hiam?

2 “Tawntung lungdamthu” lungngai leng, Lungdamthu ah tawntung acih

banghiam?

3 SDAte leitung gamtampi ah om cihin bang khiatna nei naci hiam? Pasian in
ei’ nasepna koibang in thupha hongpia ci hiam? Na pawlpi ahi a, na Sabbath
school in a hi zongin “nasep kizawhna ding” koibang in a zaizaw in nasem thei
hiam?
 LESSON 4 *April 15 - 21

Pasian Kihta unla Amah Phat un

SABBATH NITAAK

Tukaalsung Simding: Mang. 14; Pian. 22:12; Thuhilhna. 12:13, 14; Kol. 3:1, 2;
Heb. 12:1, 2; 1Kor. 3:16, 17.

Kamngah: “Pasian’ thukhamna zui in, Zeisu’ upna anei mite ading in,
thuakzawhna akisam hi.” (Mangmuhna 14:12).

D anish mi, laikungpu SØren Kierkegaard in huntawpna thu gen hi. Ama’
gendan anuai a bang ahi hi: Laamna innpi phaitam lampan mei hong kuang
hi. A laampawl lokhomi khat hong ding khia in, mipi tungah: Paikhia un,
meikaang hi! cihi. Mipite in tuapen ciamnuihna lianpi khat in sanguh a, pawilak sa
ahih manun khutbet zuahzuah uhhi. Amah’n hilhsuaksuak in: Paikhia un! Paikhia
un! cici hi. Amah awng semsem, khut kibeng semsem hi. Kierkegaard adingin
leitung tawpna tuabang hilel ding a; ciamnuihna peuh kisa in nakpi takin khut hong
kibetlel kha ding hi.
Leitung tawpna ding thupiang dingteng pen ciamnuihna hihetlo hi. Tuiciin
pan kipan in leitung in haksatna tuamtuam phuden hi. Peter mahmah in zong tuiciin
pen leitung beina tawh na genteh a, leitunglui in tuisung ah akisiat mahbang in; hun
nunung ciangin zong, “Nakpi takin a gingin vanpite maimang a, vantung nate
kaangtum maimang ding a, leitung leh a tunga omna khempeuh a mangthang ding
hi” (2Pet. 3:10) cihi. Hongtung ding thute hong hilhkholzo ahih mahbang in, eite
zong kisakhol tading hihang.

*April 22, Sabbath a ding kiginkholhna in tukaal lesson sim in.

 SUNDAY April 16

Pasian Kihta un
Tulaikhang mihingte adingin, Mangmuhna laibu’ ngiimna bulpi in, Zeisu
hong paibaihta ding ahih manin, hun nunung thupuak zong Amah tawh leitungah
puakkhawm ding leh mihingte zong kigingkhol sak ding ahi hi. Mangmuhna in
Pasian’ ngiimna teng hong pulaak a, Satan’ ngiimna teng zong asiin honsak lai hi.
A nunungpen Pasian hongsapna, thu-kin, tawntung leh vannuai mikhempeuh ahuam
thupuak ahi hi.

Simin, Sawltak John in hong zolna Mangmuhna 14:7. (Pian. 22:12; Late 89:7; Pau.
2:5; Thuhilhna 12:13, 14; Efesa 5:21.) Aneng atawng in hongpiak bang om
hiam?
__________________________________________________________________

__________________________________________________________________

__________________________________________________________________

Greek Lai Siangtho thak in Mang. 14:7 a “kihta” pen phobeo cihi. Hihtengah
Pasian launa lamah a zat hilo a, zahtakna, vangpiakna, maipha piakna lamah azat
hizaw hi. Pasian tungah citak takin kipum-aapna acihna ahi hi. Eima pumpi ultunsak
sangin Pasian bulphuh zawkna ahihi. Isaiah 14:13, 14 sunga Lucifer in “lungsim
sungah, vantungah kakahto ding hi. Asangna mun Pasian aksite tungpekah kakumpi
tokhom kakoihto ding a, leilulam peka kikhopna mualtungah ka tuding hi; Meiite
tungpekah kakahto ding a, sangpenpa bangin kakibawl ding hi” cihi.
Khris in tua ding sangsik in, “Pasian’ pianzia neinapi in …kiniamkhiat
tawmin singlamteh tung nangawn ah sihding a ut hi” (Fili. 2:6, 8).
Kidona lianpi sungah a thupaipi in Pasian tungah ki-aapna hipen hi. Lucifer
in ama’thubek ultungsak hi. Ama’ thuneihna ahihkei nakleh nialvinven pah hi.
Kumpi tokhom tunga tupa tungah ki-aap ding sangin, Lucifer in tua tokhom tungah
amah tu in uknuam hi. Pasian kihta ding cihpen Amah masak ding cihna hilel hi.
Eimah ki ultunsakna leh kisaktheihna teng nusia in, Ama aa’ding in pum’nuntak
ding kisam hi.
Vanmi thumtengpan amasa pen’ kampan a paukhiat masak ahih manin thupi
mahmah ding hipah hi.
Tua ahih manin limtakin ngai ding hihang.

Pasian kihtakna naneikha ngei hiam? Mi khatpeuh tungah “Pasian kihtakna”

ahoihna koibang in nahilhcian thei ding hiam?
__________________________________________________________________
 MONDAY April 17

Pasian Kihta in Athumang

Lai Siangtho in Pasian kihtak ding bang hong hilhbeh lai hiam?

Simin Thuhilhkikna 6:2; Late 119:73, 74; leh Thuhilhna 12:13, 14. Hihmun in
“Pasian kihtakna” thaman bangpeuh ci hiam?
__________________________________________________________________

__________________________________________________________________

Hihmun tengah Pasian kihtakna leh Ama’ thukham zuihna a kizop theihzia
hong pulaak hi. Pasian kihtakna in zahtak vangpiakna hi a, thumanhna ah hong
makaih hi. Hehpihna tawh hotkhiat mite in Pasian’ thukham zuih ding pen vantung
hong sapna kin ahi hi (Efesa. 2:8–10). Hehpihna in Pasian thukham zuihding panin
hong pengsaklo hi. Lungdamthu in zong, thukham thaman panin hong suakta sak a,
thukham zuihna panin hong pengsaklo hi.
Hehpihna in abeisa i mawhna tengpan hong suahtak hibeklo a, tumahmah in
Pasian’ deih bang nuntaktheih na’ng tha hongguan hi. Sawltak Paul in zong “minam
khempeuh in Ama’thu a zuihtheih na’ngun, Khris hangin hehpihna leh sawltak
nasep i sanguh hi” (Rom. 1:5).
Mi pawlkhat ngaihdan tumdang nei uh a, hehpihna hangin hotkhiatna in
Pasian’ thukham zuihding khawng neuseh ahih keileh khiamsuk uhhi. Thumanh
ding genleng peuh ngeinaseh leluh hi. Amau un Kei deihna in Zeisu bek hi cihi.
Dotna’ng in, “Koi Zeisu maw?” Eima bawltawm Zeisu maw, Lai Siangtho Zeisu?
cih ahi hi. Lai Siangtho Zeisu in Ama’ pianzia ahi Athukham cikmah hunin nuaisiah
ngeilo hi. Lai Siangtho Khris in, Amah leh leitung ading a ngiimna teng hong pulaak
Lai Siangtho thukhun khawng khiamsuk ngeilo hi. Lai Siangtho Khris in, Ama’
hong thuhilhnasa khawngte cimhtakhuai lel ci in nuaisiah ngeilo hi. Khris in
thumaan khempeuh pholaakna ahi hi. Zeisu in thumaan hong sunglutna ahihi. Amah
in thukhun nuntakpih hi.
Mangmuhna in a nunung penin hongsapna ah, Zeisu upna sungah, Ama’
hongpiak khem peuh sangding cihi. “Pasian kihta” dingin hongsam a, tuapen Ama’
hong hotna vanglian umin, ama’ deihna bang leh thumang nuntakna tawh lakkhia
ding hi.

Hihteng ah Zeisu’ kammal — “Pumpi bek athat thei a, kha a thattheilote

kihtak in neikei un. Pumpi leh kha anihin hell sungah a thattheipa kihta zaw
un.” (Matt. 10:28)— acih in Pasian kihtak zia ding koibangin hong telsaktuam
naci hiam?
__________________________________________________________________
 TUESDAY April 18

Pasian Bulphuh Nuntakzia Nungta

Zangziahziah lel ding cih hunlai in, leitung mite in amau aki bulphuh lai in,
vantung hong zolna in: eimah kibulphuhna, eimah kiliansak kithupitsak keeina
panin Pasian bulphuhna ah hong sam hi. Pawlkhat in, amau nuntakna ah sum
bulphuh uhhi. Pawlkhat in vaang leh ukzawhna bulphuh uhhi. Pawlkhat leuleu
kimawlna, music leh gualnopna cihte hithei hi. Mangmuhna in gingtak leh kiciantel
takin hongsapna pen; Pasian kihta ding, zahtak ding, nuntakna ah bulphuh ding ahi
hi.

Simin Matt 6:33; Kolose 3:1, 2 leh Hebrew 12:1, 2. Hihmunteng in Pasian bulphuh
nuntakzia neihna’ng bangteng gen hiam?
__________________________________________________________________

__________________________________________________________________

__________________________________________________________________

Leitung hun nunung ah buainapi pen in lungsim galdona hiding hi. Lungkip
lungkho neihna ukzawhna leh Pasian’ deihna pumzuihna cihte ahi hi.
Atawpna kidona lianpi zongpen lungsim sungah sialehpha kidona hipipen hi.
Sawltak Paul in zong hong hatthotna ah: “Note in Zeisu Khris’ lungsim puakzia
nanei un” (Phil. 2:5) cihi. I lungsim pen pumpi ading kulhpi ahi hi. Tatleh hek hong
luankhiatna tuinak ahihi. Kammal “un” a cihpen teeltheih ding phalna ahihi.
Eima’lungsim utna tawh gamtatna acihna hi. Khris’ lungsim bang neihding teelna
pen, Zeisu in eima lungsim puahphasak in tawntung natetawh kidimsakna a hihi.
Eite tatlehhekna peuhmah in eima lungsimpan hong suakkhia ahi hi. Pasian kihta
cihteh eima nuntakna ah Amah masakna ahi hi.
Khua naphawk laisiah, nangma lungsim nakep dingpen baihmahmah lel cih
phawkzel in. I buaitheih zelna pen, nahoih tebek, Paul in “leitung nate hilo, a
tunglam nate” acihte lungngai bek dingin kiphawkna i neihkei leh; apuksa mawhnei
ahi eite lungsimte in, anuailam leitung natepeuh lunggulh in neikha ding hi. Tua hi
a, Paul cihmah bangin, deihtaktakna leh suakta taktak in teel in, teeltheihna silpiak
zang in, vantung nate bekmah lunggulh in nei ni.

“Atawpna ah, sanggamte aw, ahoih leh aphattak thute tawh nalungsim uh
nakidim sak un. Tuate in amaan, adik, atang, a siangtho, a deihhuai leh
apahtakhuai thute ahi hi.” (Phil. 4:8). Hitengah Paul hong genthu koibang in
hihthei ding ihi hiam?
__________________________________________________________________
 WEDNESDAY April 19

Pasian Phatna Piakna

Lai Siangtho lui sungah “Pasian phatna piakna” (Mang. 14:7) a cihpen in,
(Josh. 7:19; 1Sam. 6:5; Jer. 13:15, 16; Mal. 2:2) khawngah zong, vantungmi khatna
thupuak (Mang. 14:7) mah bangin, Pasian’ thukhenna peuhtawh nakizom hi.
Mangmuhna 19:1, 2 ah zong tuabang pian mah in kimu a “Pasian phatun,
hotkhiatna, vangliatna, minthanna pen eite Pasian-a’ ahi hi. Ama’ thukhenna in
thumaan in thutang hi” cihi.

Sim in 1Korin 3:16, 17; 1Korin 6:19, 20; leh 1Korin 10:31. Hihmunteng in Pasian
min pahtawi theih dingdan koibang in hong teltuamsak naci hiam?
__________________________________________________________________

__________________________________________________________________

Paul cihna ah, eite’pumpi pen biakinn hi a, Pasian’Kha teeng a, Pasian in a

siangtho in a bawlsa ahi hi. Lai Siangtho in zong eima nuntakna kiu khempeuh panin
Pasian pahtawi dingin hong sawl hi. Eima nuntakna sungah Pasian i bulphuh
ciangin, neklehdawn, silhteen, gualnopna leh mitawh kizopna khempeuh ah Amah
pahtawi ding hong utsak hi. Leitung ah Pasian hong itna i pulakna in, Ama’na i
sepsak nopna tawh Pasian i pahtawi thei hi. Hihthu in leitung hun nunung thukhenna
telcian nading in thupi semsem hi.

Simin Rom 12:1, 2. Eima nuntakna ah i teelnate tawh kisai in, Pual in bangpeuh
hong hanthawn hiam?
__________________________________________________________________

__________________________________________________________________

Lai Siangtho thak ah Greekpau in pumpi pen somata hi a, tuasang a kitelzaw

in a letkhiatna ah – pumpi, lungsim leh kha (khuaphawkna) cihte ahi hi. Filippi Lai
Siangtho sungah “telcian takin biakpiakna” naci hi. “Pasian kihta” leh “Amah pah
tawi” na in napumpi, lungsim leh kha tawh ki pumaapna in telcian takin biakpiakna
ahi hi. Pasian’ thukhenna natheih nakleh thumang lel lecin a hoih hilel hi.

Na pumpi tawh bang nahih cih ngaihsun in. Tuapen Pasian pahtawina taktak
ahihna koibangin kitel thei ding hiam?
__________________________________________________________________
 THURSDAY April 20
Mangmuhna Sungah Gualzote
“Pasian’ thukhamna a zuite leh Zeisu’ upna a neite cihna om hi (Mang.
14:12). Hihpen hun nunung Pasian’mi a citakte’ kisialhnapi ahi hi. Ahihhang,
Pasian’thukham kiplet theihna ding in tuleh a tawntung in Zeisu upna hangbek ahi
hi. I Lai Siangtho in “Zeisu sungah upna” cihetlo cih zong phawkin, thupi mahmah
taleh; tuasang a thupizaw lai in “Zeisu’ upna” naci hi. Upna zong a cianghciangh in
oma, tua in Khris nangawn a lauhuaipen Satan’ zia-etna tungah gualzosak hi. Upna
cihin thu-ummite khempeuh tungah silpiak ahi hi. Khasiangtho in eima lungsim
sungah hong koihsak tua upna i kalsuansak ciangin, tua upna khangto hi. Eima
utna’tha peuhtawh khangto ihi kei uh a, eite sungah na asem a nungta Chris’
vangliatna bektawh ahihi. Eimah ihihna peuhtawh a gualzo ihikei a, Amah ahihna
tawh a gualzo ihizaw hi.”
Ama’ gualzawh manin eite zong i gualzo uhhi. Amah galzo mahmah ahih
manin eite zong galzote ihi uhhi. Amah’n mawhzolna tungah tuangzo ahih manin
eite zong mawhzolna tungah i tuangthei uhhi.

Simin Hebru 4:14–16 leh 7:25. “Pasian kihta” in “Amah aphat” a gualzo nuntakna
ding a hangthu bang ahi peuhmah diam?
__________________________________________________________________
__________________________________________________________________

Pasian’ Tapa Zeisu in, dawigilo khemna teng nazo dikdek hi. Pasian’
kamciamte muangin mawhzolna maingat a, Pa’ deihna ah kipum-aap in, Pa’ vang
liatna tungbek ah kinga hi. Amah muangin, Amah enin, Amah umleng, eite zong
gualzo thei ding hihang. Zeisu in eite’bangkim hi a, vanmi thumteng thupuak zong
Ama’ thu vive ahi hi. Mangmuhna thupuak in gualzawhna hizaw a, guallelhna hilo
hi. Ama’ hong hehpihna leh Ama’ vangliatna tawh a gualzo mihingte thu agen ahi
hi.
“Gualzo” cih kammal mahpen, Mangmuhna sungmah ah a namtuam in 11
vei kizanglai hi. Kum zabi masapen pan tuhun dongmah Khrisian pawlpi limpua in,
pawlpi sagihte tangthu a mangmuhna ah, khangsim in thuummi omtawntung a, tuate
pen John in “gualzo hi” cihi. Hun tawpna ah a “gualzo” mite in na khempeuh
ngahding (Mang. 21:7) cihi. Hihpen thukhun bang a pai mawk khawng hilo hi.
Khris tungtawn in gualzawhna hi a, a picing Ama’nuntakna leh dikna bekmah in
tawntung nuntakna kamciam hongpia hi. Upna gamtang ahi hi. Thuumte nuntakna
sungah puahphatna, nuntakzia kikhelna leh lamdang hehpihna ahi hi.

Nangma nuntakna sungah nazawhnop mahmah bangteng om hiam? Eima’

lungsim lunggulhnate koibangin gamtang sakthei ding ihi hiam? Mangmuhna
sungah “gualzote” ihih theihna dingin bangteng peuh ihih kulding hiam?
 FRIDAY April 21

Ngaihsutbeh Ding: Hebrews 7:25 sunga alamdang Paul kammalte ngaihsun lecin,
Zeisu pen eite Siampi Lian hi a, “Ama tungtawn in Pasian kiang azuanmi khempeuh,
a tawntung in honkhia thei hi” cihi. Greekpau in “a tawntung” a cihpen “apicing,
avekpi” cihna ahihi. Ei hong honpa Zeisu hi a, ei’lampan Amah iki pum-aap ding a,
Ama’ gualzawhna zong ei a’ ahi hi. Eimah iki muanding hilo a, Amah bek muang
ding hihang.
“Pasian kihta un” cih akhiatna pen atompen in genleng, mihing khempeuh in
Amah minthang leh vanglian Pasian in a teelding in a nunungpen sapna hi a … tuate
in Amah leh Ama’ ngiimna khempeuh a langdo vinven den gitlohna tungah a gualzo
ding mite ahi uhhi (Mang. 14:9–11). Hih kihtakna cihzong (Mang. 6:14-17)
lauhuaina, patauhna peuh himawk zawlo a, lung nopna leh itna tawh Pasian
thukham zui in Amah biakpiakna hizaw hi. Vangliatna dangte in hihbang ki-aapna
leh cihtakna tetawh kiphulo uhhi. Tua hi a, van zanglai a buaina thupiang khempeuh
pen beina a tungdektak dawigilote’ gamtatna vive a hihi (Mang. 16:13; 14; 17:14;
20:11–15). Pasian kihta ding cihna zong sapna hoih hi a … vannuai kidona sungah
Pasian’lampan pangzaw in, Ama’ mai ah lungdam takin omin, a tawntung in Amah
tawh nungta dingin hongsapna ahi hi” (Mang. 21:3-4; 22:3-5). — Ángel Manuel
Rodríguez, “The Closing of the Cosmic Conflict: Role of the Three Angels’
Messages,” p. 27.

Kikupding Dotnate:

1 Vannuai buppi piangsak in akipsak, tehpih omlo Pasian vangliatna ngaihsun

in. Vannuai tengbel ngaihsun theigawp lel hang e; a hihhang, Piangsakpa koici
ngaishut theiding ihi hiam? Amah in eite sangin lianzaw zaizaw tham ahihna
zong ngaihsun in. Tua Pasian in nikhat ciangin eite tungah thukhen ding hi.
Hihthute in “Pasian kihtakna” koibang in hongtelcian sakthei hiam?

2 Siangthona, gualzawhna leh galzawhna cihte pen Lai Siangtho sungah

thukhun omsa dungzui in hongpiang mawk cih upna koici pelhthei ding hiam?
Khris in singlamteh tungah agualzawhna in ei a’ hi a, tua bekmah eite
hotkhiatna’ng lam-etna bulpi ahihna, banghangin telphat huai nasathei hiam?
 LESSON 5 *April 22 – 28

Thukhenna Lungdamthu

SABBATH NITAAK

Tukaalsung Simding: Mang. 14:7; Late 51:1–4; Mang. 20:12; Dan. 7:9, 14, 26;
Mang. 4:2–4; 5:1–12.

Kamngah: “Amah nakpi takin kiko a, ‘Pasian kihta unla Amah phat un, Ama’
thukhen hun hongtungta hi; vantung leitung, tuipi leh tuinak khempeuh
abawlpa hongbia ta un.’” (Mang. 14:7).

L ai Siangtho in nakhat peuhpeuh kician takin gen a, Pasian thukhenna zong

kiciantel mah mah lel a, a sawtlo lelkhat in tulai mahmah in Pasian “leitung
khempeuh thukhenpa” in thukhen ding hi (Pian. 18:25 Late 58:11; 94:2;
98:9). Paul in zong: “Tua hi a, kuama peuh in eima gamtat na ciatmah Pasian’ mai
ah i vagentel kulding hi” (Rom. 14:12) cihi.
Lauhuai liang salo namaw? Eima gamtatna teng Pasian’maiah vagentel ding
kul, thusim khempeuh atheipa Pasian, “apha hitaleh asia hitaleh asimtham in i
hihsimte nangawn i hihna khem peuhah Pasian in thu hongkhen ding” (Thuhilhna
12:14) cihi.
Hitaleh tua thukhenna in Pasian’ hoihna leh hehpihna hong pulaak a, Amah
in a mangthang te a hotkhiatna ah thumaan in hehpihna kidim hi.
Tukaal sungin, kidona lianpi tawh a kizom thukhenna thu a thukzaw in i
sinding uh a, “hong pai ding thukhenna” (Sawl. 24:25) a masuan a citak Pasian’
mite tungah bangteng piang hiam cihthu i sinding uhhi.

*April 29, Sabbath a ding kiginkholhna in tukaal lesson sim in.

 SUNDAY April 23
Thukhenna Hun A Thupitna
Lai Siangtho laibu anunungpen, Mangmuhna in kumsawtpi sung sialehpha
kidona lianpi bulphuh phadeuh hi. Langdopa Lucifer in Pasian’ thukhenna,
thumaanna, hoihna leh pilna teng thato hi. Pasian in vannuai teng a makaihna ah thu
diktatlo, thumaanlo hi cihi. Mangmuhna sungah a nunung thukhenna acihpen in
Pasian’ omzia kilangdona mah hipah hi.
Mangmuhna 14:7 in: “Pasian kihta unla, Amah phat un, Ama’ thukhenna hun
hong tungzo hi; vantung leitung, tuipi leh ciktui khempeuh abawlpa hongbia un”
cihi.

Vantungmi khatna in “tawntung lungdamna” leh Pasian’ thukhenna thu hong

pulakkhiat khitlian in hihthu in banghang in thupi thei ding hiam? “Tawntung
lungdamthu” in Pasian’ thukhenna tawh bangci kizopna nei hiam?
__________________________________________________________________

__________________________________________________________________

Lungdamthu leh thukhenna anihmah in vanmi masa’ thupuak sungah om a,

khenkhiat theih lohzah in a kikop uhhi. “Lungdamthu” omzen kei peuhmah leh
thukhen hunah bang lam-etna mah nei kei hang ei. Tua lungdamthu mahmah zong
a khenlang phialmah thukhenna pulakna hipeuh hi.
Hih thukhen hunsung in, mihing khempeuh aki hotkhiat theihna dingin
Pasian’ nasep khempeuh pen, a puklo leitung dangte khempeuh in muding uhhi. Hih
thukhenna in Pasian thutangna leh a hehpihna kilangsak hi. Ama’ hong itna leh
thukham hong pulak hi. Hong hotkhiat zawhna ding Ama’ hehpihna vanglian
honglak hi.
Thukhenna cihpen, Pasian in mawhna’ vaibuai hong siansuahna ahi hi.
Vannuai khempeuh ah sialehpha kidona lian sungah, Satan in Amah a mawhsakna
teng khempeuh Pasian in singlamteh tungpan in dawng a, ei mihingte hong hotkhiat
theihna ding Ama’ lampan ahihtheih khempeuh tawh singlamteh ah hong makaih
ahihlam honglak hi.
Vantung ciaptehna sungpan a mongneilo, aneupen dong, a taktak leh abul
abal in hong lakkhia ding hi (Dan. 7:10). Eite pen Pasian in hong manphasak
mahmah hinapi in, singlamteh tunga Khris in manngen vetlo in hong vaihawmsuk
thute tungtang ah eite’ deihteel theihna dingin Khasiangtho in hong heelsuk cihpen,
vannuai buppi in daikhipkhep liangin hong engega uhhi.

Late 51:1–4, adiak in 4 simpha dihin. Hihmun tengin, thukhenna leh a ngiimna
koibangin hong telcian tuamsak thei naci hiam?
 MONDAY April 24
Pasian’Hehpihna leh Thukhenna
Singlamteh leh thukhenna tegel in Pasian thumaan in hehpihna kidim cih
honglak khawm uhhi. Thukham palsatna in mawhneipa’sihna hongkal pah hi.
“Mawhna’thaman sihna” cihzong thutang ahi hi. “Topa Zeisu tawh ikipawl manin
Pasian in tawntung nunna hongpia” (Rom. 6:23) ci in hehpihna in hongzui sak hi.
Pasian’ thukham pen kikhel ahi a kipaaikhia hileh, Zeisu hong sih kul peuhmahlo
hi. Thukham in thukhen tawphahpi ahih mahbang in, Khris hong sihna in thukham
kipden hi cih hong pulak hi.
Simin Mangmuhna 20:12. Ei koibang in thu hongkhen hiam? Eima’ hoihna in eimah
hong hotkhiatna tawh koici kizop hiam?
__________________________________________________________________
__________________________________________________________________
Eite nasepteng in eima’ teelna leh Pasian tungah cihtakna teng pulak hi.
Ephet 2:8, 9 sungah “Note’ upna hangin Pasian hong hehpihna tawh hotkhiatna
angah nahi uhhi … Note’ thalawh hilo in, Pasian hong piakkhong ahi hi. Note sepsa
ahihloh manin, kisialhna ding bangmah omlo” cihi. Khris in hong hotkhiat ciangin,
hong khel hi. “Zeisu Khris tawh ikipawl ciangin, gamtathoih a gamta dingin a
hongbawl ahihi” (Eph. 2:10).
Eite gamtat hoihteng pen Khasiangtho thapiakna hang hi a, hong honkhia
theilo in, upna citak nei cih teci honglahna bek ahi hi. Pasian thukhenna nunungpen
in, kineihna khempeuh, khialhna khempeuh hong liipkhiatsak a, eima sungah a
thukpenpen in honglutsuk hi. Thukhenna sungah Pasian’maiah eite omzia ding
pulakna ah, EGWhite in lungdamthu leh thukhenna in khut kilen in tonkhawm
ahihna anuai a bangin hong pulak hi.
“Pasian’ maiah a dingkha mite peuhmah pen puansia kihhuai silh in omuh a,
tua in amau’ kiniamkhiatna leh Topa’ min, lungsim thuktaktak tawh azong mite
ahihna uh lahkhiatna ahi hi. Thumaan’thu manna tawh amau’kha a siangthosak mite
in, aki niamkhiat penpen mite hiding uhhi. Gialna neilo Khris’omzia a naimuh
semsemte in, Ama’ limmel lamah kikhel ding hong lunggulh semsem uh a, amau
siangtho a kisakna uh tawmsemsem ding hi. Eima mawhneihna phawk kawm
mahin, Khris pen eima’ dikna, siangthona leh tatkhiatna ahihna tungah kinga ding
hihang. Satan in hong mawhsaknate peuhmah dawngsiam zolo ding hihang. Khris
bekmah in eite’ aiawh in lawhcing takin hong thuumsak zobek ding hi. Eite hong
mawhsak denkeeipa pen Khris bekin Ama’ hoihna tawh gamdai sakzo hi.”—
Testimonies for the Church, vol. 5, pp. 471, 472.
Ama’ kammal sungpanin lungdamthu leh thukhenna kikhenkhiat theilohna
koibang in natelcian thei hiam? Nangma adingin lungdamthu leh thukhenna
kikal ah bang lam-etna peuh nalathei ding hiam?
 TUESDAY April 25

A Nasia mahmah Munphual

Daniel leh Mangmuhna genkholna laibu tegel in, leitung hun nunung thu
piang ding teng hong theikholsak khawm uhhi. Mangmuhna laibu in Pasian’ thu
khen hun hong tungta cihi. Daniel’ laibu in tua thukhenna akipat hun hong pulak hi.
Daniel 7 sungah, kamsangpa kiangah Pasian in leitung’tangthu lak hi. Gamte
dingto in puk uhhi. Bawlsiatna in Pasian’mite nengniam uhhi. Babylon, Media-
Persia, Greece, Rome gamte a pulak khit ciangin, Rome gam kitapna leh, kum 1260
sung pawlpi a kibawlsiatna tawh (Dan. 7:25; Mang. 12:14), nakhempeuh kipuahpha
sitset kikding cihthu, Daniel lungsim sungah, Pasian in guan hi. Kamsangpa’
lungsim pen, gamte dingto in pukkik, leitung’ ukna neite in vannuaibup na
nengniam ding, Pasian thukhenna nunung ciangin Amah in khialhna khempeuh
diksak kik ding a, Ama’ tawntung gam phut ding cihteng tawh makaih hi.
Pasian in Daniel mangmuhna sungah hih leitung lauhuaina sung panin
vantung biakbuk omna, vanuai ukpipa’ tokhom kiangah, leitung ukna a neitaktakpa,
a Pa’ kiangpan tua kumpigam angahding pa Khris omna minthanna sungah paipih
hi.

Simin Daniel 7:9, 10, 13. Daniel in a muh thute gen in. Hih thukhenna nunung pan
bangthu piang hiam? Daniel 7:14, 26, 27.
__________________________________________________________________

__________________________________________________________________

Mihing khempeuh tawpna pen vantung thukhen zumh in thukhen hi. Dikna
kip in, thumaan in gualzo hi. Thutanna maang hi. Hihthu in Lai Siangtho sungah a
lamdang penpen munphual ahi hi. Lungdamthu in zong a citak Pasian’ mite, Khris’
dikna asilh mite ading in a hoih in tawp hi.
Zeisu in vannuai buppi’ maiah vantung a Pa’kiang vanaih hi. Vantungmi
khempeuh in Pasian’ tokhom kiimah hong kikhawm uhhi. A puklo vanmi khempeuh
in tua thukhenna munphual lamdangsa uh in enkeei uhhi. Kum tultampi sung kidona
teng zong beisiang ding hita hi. Vannuai kumpi tokhom ading galdona zong
kikhensat siangta hi.

Daniel in kumpi gamte hongpiang in beikik a cihte maan mahmah hi. A

nunungpen in hongpiang ding “tawntung kumpigam” acih a “beingeilo ding”
pen hongpiang ding acih Pasian kammal muanna pen banghang in hoihpen
thei hiam?
__________________________________________________________________
 WEDNESDAY April 26

Vantung Enpak
Mangmuhna 4 sungah, John in vantung kongkhak khat kihong mu a, tualai
panin “hilai ah hong paito in. Tunung ciangin thupiang dingte kahong lakding hi”
(Mang. 4:1) cih sapna ngah hi. Zeisu in a sawltakpa pen, vantung biakinn kong
kihongsa pan in asungah sialehpha kidonna mun phual ending in sam hi. Eite
mahmah in zong tua kong kihongsa panin enleng tawntung hotkhiat na’ng ngiimna
kimuvat theipah hi. Tua vantung zumhpi thukhenna ah thu omte ading in eite in
tecite i hi uhhi. Eite’ teci panding sialehpha kikal a thu omte pen eima mitmuh mahin
thupiangte vive ahi uhhi.

Simin Mang. 4:2–4. Daniel 7 sunga thukhenna munphual tawh akibatna bang hiam?
__________________________________________________________________

__________________________________________________________________

__________________________________________________________________

__________________________________________________________________

Hihpen kumpi tokhom munphual ahi hi. Pa Pasian in vantung mite’ kiimuum
in tokhom tungah atu hi. A thukhenna pen vanging leh khuaphia tawh limpuasak hi.
Mangmuhna 4:4 in upa 24 teng zong Pasian’tokhom kiimah omuh cihi.
Upa 24 cih kuate maw? Tanglai Israel Siampite pen khen 24 in kikhen uhhi.
Siampite in Pasian’maiah mihingte aiawh uhhi. Peter 2:9 sungah sawltakpa in, Lai
Siangthothak thu-ummite pen “teeltuam minam, siampi nam” naci hi. Hih upa 24
tengin, nikhat ciangin Pasian tokhom kiima om tatsa khempeuh zong hithei; Khris
athawhkik laia hong thokik a vantung ah atonpih tohte zong hithei uhhi (Matt 27:52;
Efesa. 4:7, 8).
Bangbang hileh thuhoih hiphotphot hi. Pasian tokhom kiimah leipan in
hotkhiat mite pawl khat omcih hiphot hi. Eitemah bangin mawhzolna thuakkhin
uhhi. Khris hehpihna leh Khasiang tho’ vangtawh ana zokhin uh ahihi. Khris’ dikna
in amau’ mawhnapan sawpsiangzo a siincip zo ahih manun “puanpaak” asilh uhhi.
Gilopa tawh kidona pan gualzawhna leh vantung lamah citaktak in thu- ummite a
hihna uh limpua in, alutung uhah khamlukhu akhu uhhi.
Vantung tokhom tungah Pasian tu in a om kimu hi. Tokhom kiimah vanmi
honpi in phatna la sa uh a, a la aw uhzong ginngaih semsem in: “Kote Topa Pasian
aw, Nangmah in nakhempeuh piangsak in, Nangma deihna bangin nakhempeuh
omin, nakhempeuh kipiangsak ahih manin, minthanna, pahtawina leh vangliatna
ngahtawntung dingin Na kilawm hi” (Mang. 4:11) aci uhhi.
 THURSDAY April 27
Zeisu Kilawm hi
Mangmuhna 5:1-3 ah tokhom khat kimu kik hi. A langnih tuakah laizial
khatta a om hi. Seal kitum a, tua laizial seal ahongzo ding vantung leitungah kuamah
omlo hi. Vanmite lungkham mahmah uhhi. Kin mahmahta hi. Leitung thukhenna
nunung ah vanmite khat beekin panpih theilo uhhi. Tua laizial aki honzawhloh
manin John kapliang hi. Tua laitak in leipan tatkhiat ahi upa khat in,
John lungtang tungah hanthotna hongpia a, Zeisu, Pasian’Tuuno in tua laizial
hong dingin kilawm hi cihi. John in mawhna buaihuai siansuahna dingthu
Mangmuhna 5:5 sungah amu hi. Khangham kamsangpa in, Pasian’tokhom mai a
thukhenna nunung paltan zawhna ding lampi khatbek a ompen hong mukhiata hi.
“Upate khat in keikiang ah, ‘kapkei in. Judah minam sungpan Humpinelkai, David
suanh sungpan in a lianpa in gualzo khinta a, tua laizial ciaptehna sagihte lakhia
in a laizial phelthei ding hi’ … Tua Tuuno pen a kigolumsa tawh kibang in kamu
hi” (Mang. 5:5, 6) cihi.

Simin Mangmuhna 5:8–12. Tua thukhenna laizial ciaptehna seal hong in, eite hong
tankhia zo ding in Zeisu kilawm hi acih ciangin vantung bupin koibang in
dawngkik hiam?
__________________________________________________________________

__________________________________________________________________

Zeisu Pasian’ Tuuno, mihing khempeuh hotkhiatna dingin Ama’ nunna a

piakhiapa in, tua thukhenna laizial la in hong hi. Vantung bup in lungsim sungtawng
panin phatna pia uhhi. Satan’ mawhzolna tungah agualzawhna, Calvary singlamteh
ah a sihna, a thawhkikna, Siampi lianpa asepna, upna tawh Ama’ hehpihna ateel
mite hotkhiatna apiakna cihte ahi uhhi. Tua thukhenna in Pasian’ mihingte ading
lungdamthu ahi hi. Mawhna a tawpna’ngthu leh Pasian’ mite hotkhiatna thu
honghilh hi.
Tha ngahtheih na’ng thudang a omlai hiam? Thukhenna maiah eite ading in
Zeisu in hong dinsak hi. A picing adik Ama’ nunna in ei hong tuam hi. Ama’ dikna
in eite hong thaksuah hi. Ama’ hehpihna in mawh hong maisak, hong puahpha in
nuntakhoih nungta dingin tha hongguan hi.
Lau omlo hi. Thukhena mai ah eite ading in Zeisu ding a, gitlohna vang
khempeuh susia khin hi. Pasian’ “maipha” tawh tua thukhenna ki paltanzo ta hi
(Dan. 7:22). Tua thukhenna ngiimnapi pen, eimah bangzah in sia cih zonna hilo in;
eitung ah Pasian bangzah hoih cih lahkhiat na’ng hizaw hi.

Thukhenna tungah bang lam-etna kineithei cih lungngai kik inla: Zeisu in ei
hong aiawh hita hi. Banghang in tuabekmah eite’ lam-etna hithei hiam?
 FRIDAY April 28

Ngaihsutbeh Ding: Hun nunung thukhenna leh leitung beina hun ciangin Pasian’
mite omzia ding teng pen genkholna in a vanglian muhkhiat na hongpiak teng
enphot in.
“Amau’ lam-etna pen Pasian hehpihna bek hi a; amau’ galdalna in thungetna
hi. Joshua in Vanmi kiangah a thuum mahbang in, abeibaang pawlpi in, lungtang
kitam in upna citak tawh, amau’ aiawhpa Zeisu tungtawn in hotkhiat na’ng thuum
ding uhhi. Amau’ mawhnei dinmun taktak hong telcian dinguh a, a thanemna uh leh
a kilawmlohna uh phawk in, amau pen a kisiacip ding ahihlam uh muding uhhi.
Khemtheipa in mawhpaih dingin, Joshua’geiah adinmah bangin ding gige hi.
Amau’puansia nemnam leh amau’gamtat ginaloteng kawkthapai hi. Amau’
thanemna leh gitlohna teng pulaklak in, a lungdam theihloh na teng, Khris tawh a
kibatlohna leh Tankhiapa a mindaisakna teng uhpeuh pulaklak hi. Pasian’ mite in
gitnatlohna tuamtuam ah neimah uhhi. Satan in tuate bawl dingin a zolpa ahih
manin, amau mawhna munmun telcitak in telcian a, tuateng mahpen agolthei pen
ding in pulaksak a: “Pasianin keima’ mawhna bangtektek amawh mite honkhia sese
in, keileh ka miteng ahihleh hong hawlkhia sese ding maw? Topa aw, thumaan inla,
tua bang hih peuhmah kei in. Nangma tokhom in thumaan thukhenlo ding hi.
Thutang in, amau mawhna bangin thu khen ding hong kal hi. Hitaleh, Khris
nungzuite in, gitlohna in amau uksaklo uhhi. Amau’ mawhna teng paikhia uh a,
kiniamkhiatna leh kisikkikna taktawh, amau’ palaipa kiang thuumkhin uhhi. Amau
simmawhna a thuakpenpenpa in, amau’mawhna teng, amau’ kisikna teng theihsak
ahih manin: ‘Topa’n hongtaai tahen, Satan aw.’ Hih kha khempeuh ading Keima
nunna kapiakhin hi. Amaute pen Keima’ khutkuak sungah kisuai khinzo hi” cihi.”—
Ellen G. White, Testimonies for the Church, vol. 5, pp. 473, 474.

Kikupding Dotnate:

1 “Ama’ thukhenna hun hong tungta” cihin nangma nisim nunna bangzah in
sukha hiam? A tamzaw in hong sukhakei icihleh khialzaw ding hihang.
Koibang in ikikhel thei diam?

2 Banghang in thukhenna in thusia hilo thuhoih hizaw thei peuhmah hiam?

Eite hong kithukhenna ah Zeisu in koibang in mapang hiam? Eite ading Aman
hong hihsak khempeuh theisitset kawmin, tua in koibang in Ama’ tungah hong
thumaan nuamsak zaw hiam?
 LESSON 6 *April 29 - May 5
Ama’ Thukhen Hun

SABBATH NITAAK
Tukaalsung Simding: Daniel 8; 9; Ezra 7; Matthai 3:13–17; Rom 5:6–9; Marka
15:38; Siam. 16:16.

Kamngah: “Tuhun pen banghun hitacih thei nahih manun, khuaphawk in

nakhanlawh dinguh hun hita hi; i thu upcillai sangin hong hotkhiat ding hun
anaizaw hi. Zan khuamial beidektak in sun khuavak hong tungdektak ta hi”
(Rom 13:11, 12).

K um beisa khatlai in, National Geographic magazine bu in USA gam

Yellowstone National park acihna ah meikaang cihthu pulak hi. Tua mei
amihkhit teh, gamsing kemte in mual tungah haksapi in vakkawikawi uhin
meikaang zah ciamtehna bawl uhhi. Tuate lakpan khat in singbul geikhat ah vasa
khat kaangtum in vutvai suak amu hi. Tua a lipkhaphuai in alungsim nalua ahih
manin tua vasa pen ciangkang khat tawh thaikhia hi.
Tuabang in a thaikhiat ciangin, vasapi khanuai panin vasano thum hong
dawkkhia uhhi. Itna kidim anu in tua kaangmei sungmah ah a tanote pen singbul
beelin akhanuai ah seelcip hi. Amahguak suakta takin lengkhia vingveng thei hinapi,
tua cihlo in a tanote don hi. Khris sungah bittakin a-om thu ummite tawh kibang si
e!
Pasian’ thukhenna meikuang in Calvary ah amau tungah kuang hauhau
hinapi, Khris’ khanuai ah a-om khempeuh in bitna ngah uhhi. Singlamteh tungah
Khris pen mawhneipa bang in thu a kikhen manin, eite in vantung kumpigam
midikte ci in thu hong khen hi. Amah mawhneimi bang in thu kikhen ahih manin
eite pen suksiatna meikuang tawh tawntung siatna’ng panin suahtakna i ngahthei hi.

*May 6, Sabbath a ding kiginkholhna in tukaal lesson sim in.

 SUNDAY April 30

Biakinnpi Siansuahna
I theihteksa mahbang in Khris hongpaima in thukhenna om-masa ding hi.
Vanmi inzong aw ngaihmahmah tawh “Ama’ thukhen hun hongtung ta hi” (Mang.
14:7) ci in kiko hi. Daniel laibu in ahihleh tua thukhenna a kipathun hong pulak hi.

Simin Daniel 8:14. Biakinnpi siansuah ding thu Daniel in koibang in gen hiam?
__________________________________________________________________

__________________________________________________________________

Jew mimal peuhmah in leitung biakbuk siansuahna a khiatna theitel mahmah

uhhi. Tuapen Mawhphelna Ni, Thukhen Ni in kibawl hi. Daniel in zong biakinn
siansuahna thu pen telcian mah mah ahihteei hang, ni 2300 vaipen lungmang
mahmah hi.

Sim in Daniel 8:27 leh Daniel 9:21, 22. Daniel’ in Ni 2300 thu koici dawn a, Pasian
in zong koibang in dawngkik hiam?
__________________________________________________________________

__________________________________________________________________

__________________________________________________________________

Daniel 8 tawpna lamah, Daniel in thanem takin “ka mangmuhna theizolo

kahih manin, cih nading thei mello in daptakin ka om hi” (Dan. 8:27) cihi. Tuapen
Ni 2300 mangmuhna hi a, (a mangmuhna dangteng bel Daniel 8:19–22 ah kitelkheh
khin hi). Daniel 9 sungah, vanmi Gabriel in tua 2300 genkholna hilhcian dingin hong
tuaksuk hi. “Daniel aw, hilhkholna thu atheisak dingin hongpai kahihi” (Dan. 9:22)
cihi.
Daniel’ thungetna tengpen ama’ lam-etzah sangin zaizaw in Gabriel in a
dawn ciangin Daniel in lamdang samahmah liang hi. Vanmi Gabriel in Daniel
kiangah hunluanzia teng sutsuk dikdek in, Messiah hong paiding thumaan teng
hilhsuk a, Ama’ nasep kipat ding leh asih ding thute in, Daniel 8 sunga biakinn
siansuahna tawh kizom ahihna hilhcian hi. Thudangkhat panin, Khris’ sihna leh a
thukhenna in kikhentheilo in akizom ahi uhhi.

Daniel 9:24–27 sungah a pulak bangin Zeisu sihna in Daniel 8:14 tawh
kizompha mahmah kawmin, banghang in thupi thei hiam? Hih kizopna tengin
bang thumaan hong hilh hiam?
 MONDAY May 1

Ni 2300 leh Beina Hun

Simin Daniel 8:17, 19 leh 26. Vanmi in Daniel 8 leh Ni 2,300 pen bang hunteng hi ci
a, banghang in telhuai in thupi mahmah thei ding hiam?
__________________________________________________________________

__________________________________________________________________

__________________________________________________________________

__________________________________________________________________

Pawlkhat in Ni 2300 pen ani mahmah ci uhhi. Antiochus Epiphanes (216

B.C.–164 B.C.), akici Seleucid hun galkap mangpa hi, peuhci uh a, tuapa in zong
Jerusalem hongsim in Jew biakiin susia ngeipet ahihhang, Ni 2300 cingzolo hi.
Hibang a letkhiatna pen vantungmi in “hunbeina lam” acihpen tawh tua upna kikelki
linlian hi. Antiochus in hunbei dong nungta peuhmah lo hi.
Daniel 8 sungah, Gabriel in Ni 2300 genkholna letkhiat hong kipan hi. Tua
tuutal penbel Media-Persia hi cipah a, keltal ahihleh Greece hi (Dan. 8:20, 21)
cipah hi. A zom a kiineu pen, min avawhpah lianloh hang, Rome mahin hong
zuisukpah hi (Dan. 8:9, 23, 24). Tualaipan biakna leh gamthu hong helsuk in, amah
in “biakna maan pen leilakah paaikhia” (Dan. 8:10–12, 25) a, vantungah Khris’
nasepna khawng subuai hi (Dan. 8:10–12) cihi. Daniel 8:14 sunga van biakinn
siansuahna pen, tua chapter bupah thubulpi hi a, Pasian vangliatna abuluh nuam
leitung biakna thahatna khempeuh tungah Pasian mahin a dawnkikna ahihi. Pasian
in mawhnavai a siansuahna khat zong hilai hi.
Gabriel in hongpai ding hungeelna
Pasian’genkholna hilhcian nuam hi. Daniel 8 ah, ni 2300 mangmuhna pen Daniel in
telzo mahmahlo (Dan. 8:27) ci hi. A masalam a tuutal, keltal leh kiineu cihte pen
hilhcian khin a, tua vanglian masa tegel min lopah lian hi (Dan. 8:20, 21). Ahih
hang biakinn kisiansuah nading pen hilhcian hetlo citciat hi.
Daniel 8 ah hong kilang vanmi Gabriel mah, Daniel 9 ah hong kilang leuleu
in: “Pasian tungah thumding nakipat laitak in Amah in ahong zazo hi. Pasian in
nang hong it ahih manin, tua thu a gending in kahong pai hi. Tu in, tua mangmuhna
thu kahong hilhtel laitakin ciamteh in” (Dan. 9:23) aci hi. Bang mangmu hiam?
Zingciang in ni 2300 mangmuhna kisin ding hang a, amasa a tegel mahtawh akizom,
Daniel kiangah hilhcianlo in apiak mangmuhna ahi hi.

Gabriel in Daniel pen “hong ki itmahmah” cihi. Vantung leh leitung bangzah
in kinai takin kizom cih honghilh naci hiam?
 TUESDAY May 2

Vanmi in Daniel Hilhcian

Simin Daniel 9:23. Vanmi in Daniel tungah bang khiatna kician pia hiam? Daniel
8:14 sunga biakinn siansuahna khiatna telcian ding banghang in thupi thei
hiam?
__________________________________________________________________

__________________________________________________________________

__________________________________________________________________

Vanmi inbel Daniel kiangah “tuathu ciamteh inla, mangmuhna telcian in”
(Dan. 9:23) cihi. Bang tuathu hi a bang mang hiam? Daniel 9 sungah mangmuhna
dang omtuanlo ahih manin, Gabriel in Daniel 8 sunga Daniel in a telzawhloh – Ni
2300 mangmuhna mah hiding hi.

Gabriel in Daniel 9:24–27 ah zomsuak hi. Zeisu’ nasepna sungah koipen gennuam
hiam?
__________________________________________________________________

__________________________________________________________________

__________________________________________________________________

Hih genkholna a masalam tengpen Pasian’mi Jew mite acihna hi. “Na mite
ading in kal sawmsagih kisehzo hi” - Jew mite acihna hi (Dan. 9:24). Lai Siangtho
genkholna ah, genkholna nikhat pen ataktak kum-khat tawh kikimsak hi (Ezek. 4:6,
Num. 14:34). Daniel leh Mamngmuhna laibu sungah limpua honkhat om a, tuate
zongpen, hun genkholna limpua vive hi uhhi. Genkholna ah Ni-kum thukhun akizat
ciangin, Daniel’ genkholna teng khempeuh pen, ahuntawh hong kituak linlian uh hi
(zingciang sinna ah). Tua Ni-kum thukhun zangleng, kal 70 pen Ni 490 hongpha
hi. Genkholna nikhat in kumkhat hileh Ni 490 pen kum 490 hongpha hi.
Gabriel in Daniel kiangah kum 490 pen “kilakhia” cihi (Hebrew pau
chathak pen kiseh khawng in kilet hi). Koipan kilakhia maw? Hiteng ah genkhiolna
hong kipiasa om hi: Daniel 8:14 sungah Ni 2300 hi. Hih kum 490, hun genkholna
in Daniel 8:14 sunga hun genkholna tawh hong kituaklian a, Daniel 8 sungmah ah
a khiatna aki hilhtel nailo penmah ahi hi. Gabriel mahin hih genkholna Daniel in a
telzawhloh Ni 2300 pen a hilhtel dingin hongpai ahi hi.
 WEDNESDAY May 3

Messiah Kilakhia “Cut Off”

Gabriel in, hih kum 490 genkholna pen Daniel leh Jew mite ading thupilua
mahmah ding ci in hongpan a – Jerusalem lamkikna ding thupiakna ahi hi. Ezra 7
sungah, Jerusalem tawh kisai in thupiak tampi omneunau taleh, 457 B.C. kum a Jew
mite’n amau gamah ciahkikthei ding cihbek hilo, amau’biakna zong suakta takin
phutkik thei ding ciliang hi (Ezra 7:13, 27).
457 B.C. kum a Artaxerxes’ thupiak hunpen khuakhaltung hi cihi. Daniel
cihna ah hih thupiak pen 457 B.C. kumpan Messiah ciangdong kal 69 pha a, kum
483 pha hi. 457 B.C. pan kipan in, tangthu sungah mainawt leng AD 27 kitungto hi.
Messiah khiatna in “sathau kinilhpa” hi. AD 27 kumin, Zeisu Khris,
Messiah kituiphum hi (Matt 3:13–17). Khris aki tuiphum ding hun, Zeisu in
kumthum leh alangsung a nasep ding hunpen, tuamapek kum zatampi lai in Daniel
in genkhol khinzo hi.

Simin Rom. 5:6–9 leh Daniel 9:26. Bang thumaanlian honglak hiam?
__________________________________________________________________

__________________________________________________________________

__________________________________________________________________

“Kal sawmguk lehnih khit ciangin, Ama ading hilopi in Messiah kilakhia
ding” (Dan. 9:26) hi. Messiah “kilakhia” ahihke’h kikhai ding hi. Hihmun ah “Ama
ading hilo” cilai hi. Ama’ ading hilo acihteh Calvary singlamteh pen ei ading cihna
hi a, Paul in zong: “eite mawhnei i hihlaitak in eita ading in Khris hongsi ahih
manin, Pasian in eite hong itmahmahna thu hong lakkhin hi” (Rom. 5:8).
Daniel 9:7 sungah, kalkhat a laizang, a nunungpen kum sagih ah, Khris in
“sagawh biak piakna leh biakpiakna khawlsak ding” cihi. Kal sawmsagihna a
laizangah A.D. 31 kumin Khris in singlamteh tungah Ama’sisan tawh tawntung
thuciamna kipsak ding a, sagawh biakpiakna pawl khat genkholna ahi peuhmah
khawlta ding hi.
Genkholna in Khris, Messiah pen kikhai ding a, tua in sagawh biakpiakna
thupi khempeuh khawlsak ding acihpen A.D. 31 kum in tangtung hi. Hih genkholna
khempeuh in a malmal in picing diudeu hi. Paisan pawi ah, siampilian in Paisan
tuuno a gawh laitak mahin Khris mah eite ading in hong kigo hi.

Atunga kigelhteng lungngai kawm inla, Marka 15:38 leh Matt 3:15, 16 simin.
Hih mun teng in koibang in Daniel 9:24–27 hong telcian saktuam hiam?
 THURSDAY May 4
1844 Kum
Kum 2300 genkholna sungpan amasalam kum 490 pen, Messiah hong paisuk
masang khanglui Jew minamte’ hun dingin kisehsak hi. Kum 2300 pan a nununglam
tengpen, Jew ahi a Gentile ahi zongin, Pasian’ mite ading in kisehsak a, biakinn
kisiansuahna acihzong Khris nihvei hong paina acihnopna hiphial hi.
Amasa kum 490 pen Messiah hong paimasak hun hi a, A.D. 34 kumin bei hi.
2300 pan 490 lakhia leng, 1810 omlai hi. Azom kum 1810 tengpen Pasian’ mite
ading ahi hi. Tuapen A.D. 34 kum panin panleng, kum 1810 gawmto lecin kum A.D.
1844 hong phato hi.
Vantung biakinn siansuahna leh thumaan puahphatna tawh kisai in, vantung
hun nunung thukhenna hi a, Pasian in mihing tungah a nunungpen vauna
Mangmuhna 14:6, 7 sungah hongpia a, Ama’ itna dawngthuk ding, Ahehpihna
sangding, Ama’ deihna zui ding leh thumang dingin hongsam hi.

Simin Siampilaibu 16:16. Banghang in biakinn siansuah a, hihthu in lungdamthu

koibang in honghilh hiam?
__________________________________________________________________

__________________________________________________________________

Mihingte’ mawhna khialhna hangin biakinn siansuah kul a, tualai ah ganno

sisan kizang hi. Eite’n zong tuamah bang ihi hi. Mawhphelna ni in a kigo ganno
tawh lim apua Honpa i kisam a, thukhenna ah hong paisuaksak ding tua lampi
bekmah ahi hi.

Simin Siampilaibu 23:26–29. Tua tukhenni in Pasian in bang hihding in amite sawl
a, eite a ding bang khiatna neithei ding hiam?
__________________________________________________________________

__________________________________________________________________

Israel mite ahih uhleh “amau’ kha uh gimsak” ding uhhi. A cihnopna pen
amau’ lungsim uh kiniamkhiat ding uh a, mawhna pulak, kisik in, siampilian in
biakinn a siansuah mahbang in Pasian in amaute a siansuah ding ngen ding uhhi.

Genkholna Daniel 7–9 leh Mangmuhna 14 sungah thukhen hun ading

kigingkhol dingin hong kinsap mahmah hi. 1844 kumpan kipan, thukhen
hunsungah kinungta a, Mangmuhna sunga vanmi masa’ thupuak “Ama’
thukhenhun hong tungta hi” (Mang. 14:7) acih hun ahi hi. Tua hi a “eimau kha
ciat koibang in i gimsak hiam?”
 FRIDAY May 5

Ngaihsutbeh Ding: Hihteng ah Daniel 9:24–27 a kaal 70 genkholhna a theih-ol pen

ding in,
Amasa, kaal 70 (Dan. 9:24).
Azom, Kaal 70 sungpan kaal 7 leh kaal 62, ahihkeileh kaal 69 (Dan. 9:25)
Tuakhitciang kaal nunung, a kaal sawmsagihna (Dan. 9:27).
A nunungpen ah, kaal nunung phelnih kisuah — “a kaal laizangah” (Dan.
9:27) - kum thum leh alangta in kiphelkhia.
Kaal sawmsagih hi a, kaal sawmguk sagih leh kaalkhat kigawm hi. Tua
kaalkhat pen, alangtuak khennih in kikhen hi. A kipatna ah 457. B.C, koih inla
gawmto lecin 1844 kum dong huamto ziau lel hi.
Ni 2300 thu kikupna peuhmah ah, Daniel 8 in tua 2300 kipat hun gen hetlo
hi. “Ni tulnih leh zathum a cinciang in; biakinn kisiansuah ding hi” (Dan. 8:14) cihi.
Ni tulnihleh zathum cihpen cik in kipan hiam? Daniel’ mangmuh hun “kumpi
Belshazzar maan kumthumna” (Dan. 8:1) pan kipan lomaw leh?
Hitheilo hi. Daniel 8 ah mangmuhna in Babylon
huamlo hi. Media-Persia, Greece, Rome pan “hun beidong” ahi hi. Banghang in
biakinn siansuah ding ni pen Babylon huamsaklo hiding hiam? Tua hunpi kipatni
pen a mangmuhna sungmah ah, Media Persia kipat hunpan “hun beidong” mah
cisuk pah hi. Hun saupi khatmah ahihi. A kipatna Daniel 9 sungah hong gen hi.

Kikupding Dotnate:

1 Lungdamthu leh thukhenna a kizopzia, hih phelnih sungah omkhawm

hitaleh genkholna khatmah ahi hi. Banghang in tuagel kizopna zong ei ading
lungdamthu mah hithei hiam? Mi tampi in thukhenna akihtak mahmah uhpen
hih kizopna in koibang in noptuam hong piathei hiam?

2 Daniel 9:26 sunga Messiah kilakhia ahihhang “Ama’ ading hilo” acihpen
lungngai in. Bangthu a gengen hiam? Kua ading banghang in kilakhia (kithat)
hiam?

3 Siam. 16:16 leh 23:26-29 simin. Biakinn siansuahna hangthu (Siam. 16:16)
kikum unla, tuahun ciangin a mite banghih ding cih kikum un (Siam. 23:26–
29). Hih tengah bang a kizopna bang om a, tuhun eite a ding bang khiatna nei
hiam?
 LESSON 7 *May 6 – 13

Piangsakpa Bia

SABBATH NITAAK

Tukaalsung Simding: Mang. 1:9; Isa. 40:26; 2Kor. 5:17; Kol. 1:17; Mang. 4:11;
Johan 19:16–30.

Kamngah: “Kote Topa Pasian aw, Nangmah in nakhempeuh piangsak in, Nangma
deihna bangin nakhempeuh omin, nakhempeuh kipiangsak ahih manin;
minthanna, pahtawina leh vangliatna ngah tawntung dingin Na kilawm hi”
(Mangmuhna 4:11).

N a khempeuh hong kipiasa cihding pen i theihsate vive ahihleh baihmahmah

lel hi. Nau- pangnote ading bangpen nulehpa bangpen a theihsitset uh hilel
hi. Ni, vantung, huih leh leitang mahmah e-leh genbaihlua hi.
Cihtei hang, hihlai ah aki omtheihna mahmah e, hong kipiasa naci ngei hiam?
Tuathu tawh kisai in thungaihsun siamte’ dotna khatpen, Banghang in bangmah lo
munah banglo khat omthei hiam?
Vannuai mahmah e, asung a om nalianpipi leh nalamdang pipite banghang
in kipan thei hiam? Eima omna vannuai in adangkhat hileh bangteng a lehbulh
khawngin a omthei tammaw? A nunungpen in mipilte muhna ah khatveilai in hih
vannuai omnailo ci uhhi. A omleh omloh zong a kitelmello hi a, eite zong hitengah
a ki omkhak pen thu lamdangpi cizaw uhhi. Leitung mite upna a tuamtuam,
bangmah lopan ahi a, math tuatna pan cihte hemkhia leng, eite vannuai leh a sung a
omkhempeuh pen Piangsakpa Pasian bawl ahi hi.

*May 13, Sabbath a ding kiginkholhna in tukaal lesson sim in.

 SUNDAY May 7

Buaina Lianpi Sungah Tonpih Lawm Khat

Van akahkhit ciangin (Sawl. 1:9), Zeisu in nungzui nungta nunungpen John
kiang, Patmos tuikulh, Rome kumpipa Domitian in gitlohna tawh athongkhiatna
ah vahawh hi.

Simin Mangmuhna 1:9; Matt 13:21; Sawl. 14:22 leh Johan 16:33. Zeisu’ zui ning aci
leitungmi a dingin bang thupuak om hiam?
__________________________________________________________________

__________________________________________________________________

__________________________________________________________________

Zeisu’ nungzui ahihna hangin, innkuanpih, lawmlehgual, Khrisian vengte’

panpihna pan hepkhiat hinapi, buaina leh haksatna sungah John pen amah guak in
kinusia tuanlo hi. A nasep kizo nailo hi. A teci panna picin nailo hi. Tuikulh tunga
khattang in a omlaitak in, Pasian tokhom pan in thupuakpuak dingin avangtang zeza
vanmi khat hong tuaksuk hi. Zeisu kiangpan hongpai tua thupuak pen in, akhang
akhangin hunte kizopna honglak ahi hi. Khangsim ading in lam-etna thupuak hi a,
adiak in Zeisu nihveina hongpai na’ng in mihingte akisakhol sak ding thupuak ahi
hi. A thupi vauna-kin khat ahih banah, hun nunung ading haksatnate nawkzawh
nading in thapiakna zong ahi hi.
Nangmah John kiang vanmi in genkholna mangmuhna tawh avahawh bangin
hawh dingin suangkuak sung lut dingin ki ngaihsun lecin, lutna kongbiang tungah
Mangmuhna laibu sunga a nuai a kammalte omding in ngaihsun in: “Pasian kihta
unla Amah phat un, Ama thukhen hun hong tungzo hi; vantung, leitung, tuipi leh
ciktui a piangsakpa hongbia ta un” (Mang. 14:7) ci hi.
Mangmuhna laibu thubulphuhpi in biakpiakna ahi hi. Biakna piading in hong
kipiangsak ahi hi. Mimal simin nakhat teitei kibia hi. Biakpiakna maan, Piangsakpa
biakna in, eima nuntakna’ deihna bultaktak hong theisak hi. Nuntak na’ng thu hong
neisak hi. Tuamah in sihtheihna ding thu ahih a, nuntakna ding thu ahi zongin,
akisapleh buaina sungah kipkhona ahi zongin hongpia hi. Hun nunung haksatna
hong omtaktak ciangin, “Pasian’ ukna sungah i omtheihna dingin haksatna tampi
thuak ding hihang” (Sawl. 14:22) cih kammal zong nungciang in i telsemsem ding
uhhi.

John bangin a citak Pasian nasemte in, thuakna leh buainate phu ahih uhleh,
eite in zong tua haksatnate thuak loding ihi hiam? (1Pet. 4:12–15).
__________________________________________________________________
 MONDAY May 8

Piangsakpa Biakna

Simin Mangmuhna 14:7. Vanmi masa thupuak koibang in thukhup hiam? Thukhen
hun thupuak in a nunungpen bang zolna hongpia hiam? (Isa. 40:26; Johan 1:1–
3; and Rom. 1:20.)
__________________________________________________________________

__________________________________________________________________

__________________________________________________________________

Mangmuhna 14:7 in Piangsakpa biakding sapna tawh thukhup a; tuhun mipil

tampi takin nakhempeuh ama’thuthu in piang ci in umuh a, Khrisiante upna laigil
mah hong sukkhak laitakin, tua sapnathu in thupi mahmahta hi. Ama’thuthu in piang
hipeuhmah leh, eite’upna pen zuaupi hong hiding hi. Langdona lianpi mah ahi hi.
A nunungpen Mangmuhna in hongsapna penin, Piancil laibu sungah bulnei
hi. Piansakna tangthu telpha keileng, hih vannuai a biakpiakding kituhna galbuaina
teng zong telcian zolo ding hihang. “A kipatcil in Pasian in vantungte leh leitung
apiangsak hi” (Pian. 1:1). Hihmun pan i Lai Siangtho buppi tawphah ahi hi. “A
kipatcil in Pasian in piangsak.” Hebrew pau in “piangsak” cihpen bara hi a, Pasian
tungbekmah ah akizangthei sepna kammal ahi hi.
Pasian’ hihtheihna pen ciangtanh omlo cihna theihpak nading in, Ni a bawlna
ngaihsun pak dihleng. Ni in a paikhiatsak den thahatna setkan khat sung a paikhia
bekpen, leipianpan kipan mihingte’n sathau, gas leh meihol omkhempeuh tawh aki
bawlzawhzah sangin tamzaw thampeklai hi.
Ni’ khuangmai pen tai 865,000 bang apha hi a, tuasung ah eima leitung ciah
awnkhat bang kikoihthei ding hi. Ahihhang Ni pen eima’ omna vuklam sungah aksi
billion 100 bang (awn tulza) a omna sungpan a neupen pawl nahilai hi. Pistol Star
akici aksi khat in ei Ni sangin azah awnsawm thahatzaw lai hi. Tua Pistol Star
sungah ei Ni ciahciah awnkhat kikhum leh tathei ding hi. Piansak vai in lungsim
hong khimzo mahmah hi.
Piansakna in a lamdang mahmah leh ciangtan omlo Pasian honglak hi. A
piansakna vang tawh vantungte leh leitung apiansak banah, amite adingin kum
zatampi nahong semlai hi. Hih leitung a pankhia Pa, a-ompihden Pa leh hih leitung
mahah Ama’ mite a nusia ngeilo ding Pa zong ahi hi.

A lamdanglua Piansakna in Pasian hong itna hong laktel mahmah a, Ama’

piansaksa teng khempeuh tawh kitehkak leng kineulua mahmah hinapi, Khris
in eite adingin asihnop theihna banghang hiam?
__________________________________________________________________
 TUESDAY May 9

A Hongnai Pasian
Piangsakpa Pasian, ni, kha leh aksite a bawlpa, alamdang vangliatna tawh
vannuai bup nuntakna tawh a dimsakpa Pasian pen eite khempeuh hong lunglut
mahmah Pasian ahi hi. Amite Egypt’ salpan in suahtak in gamlak ah a makaihpa,
vantung panin manna azusakpa, Jericho khua’ kulh a cimsakpa, Israel mite’gal
khempeuh a zawhsakpa ahi hi. Vannuaibup piansakna ding in Ama’ ciangtanbei
vanglian a khahkhiat mahbang in, tua ciangtanbei vanglian mah eite langkhat ah
hong do-niloh siatna teng a zawhna ding in hong khahkhia lailai hi.

Simin 2Korin 5:17; Late 139:15–18; Sawl. 17:27 leh Kolose 1:17. Hihmunteng in eite
kiang Pasian hongnaihna bangteng gen hiam?
__________________________________________________________________

__________________________________________________________________

Theologiante in, Pasian’ khenvalna thu gengen uhhi. Tua mahmah pen
Pasian in Ama’ piansaksa teng khempeuh tungsiah ah omcihna hipah hi. Pasian in
munkhempeuh luahkhin cih zong genlailai uhhi. Tua in, Pasian in eima’ leitung ah
zong omkhin a, Lai Siangtho tangthu sungah a-omsa mahbang in, buaina
tuamtuamte lakmah ah na hong semsuk cihna ahi hi. Topa in “asangna leh a
siangtho munah” om a, Amah in “lungsim kiniamkhiat leh kitamkhamte ompih”
(Isa. 57:15) cihi. Zeisu mahmah in zong a nungzuite tungtang ah: “leitung mite in
kei nahong sawlna a theihna dingleh, kei nahong itmahbang in amaute na itnathu
a theihna hangun, amaute pumkhat a suahtheih taktak na’ngun, amaute lakah kei
ka om a, keitawh nang nahong omkhawm hi” (Johan 17:23) aci hi. Tua sang a
kinaizaw bangmah omthei nawnlo hi.
Pasian tungtang lungdamthu alianpen in, Ama’ liatna leh vanglian in zailua
mahmah in eite nuntakna sungdong hong phasukzo hi. Hong bawlpha ding, hong
seek in Ama’ limmel i sutdong hong puahpha ding cihi. A cihnopna ngaihsun in.
Vuklam awntampi apiangsak akemcing Pasian pen, “eite piangin hingin gamtang”
(Sawl. 17:28), bek thamlo, eite lungsim sungah nasem in, lungsim thak hongpia,
mawhna pan hong siansuah, Khris sungah mithak hong suah hi. Tuabang a vanglian,
itna tawh eite hong kemden Pasian i neihpen bangzah in lungdamhuai hiam.

Pasian munkhempeuh ah hong omman in bang lungmuanna leh lam-etna

naneithei hiam? Nangma thusim tengpeuh hong muhsak manin napatau
zawsop hiam? Tua tungtang lungdamthu in koibang in hong lungnuamsak
nasa hiam?
__________________________________________________________________
 WEDNESDAY May 10
Lungdamthu, Thukhenna, Piansakna
Vanmi masa’thupuak enphot dihni. Tawntung lungdamthu. Thukhen hun.
Piangsakpa biakna. Hiteng a kinaihdaan enin. Thukhenna ah Piangsakpa maiah idin
ciangin, lam-etna hongpia thei dingpen tua lungdamthu bekmah ahi hi. “Tu in
ahihleh Khris Zeisu tawh kipawl in a nungta mite pen mawhna thukhenna tawh
kipelh hi. Khris Zeisu tawh hong kipawlsak Kha Siangtho in mawhna leh sihna
apiangsak thukham panin hong suaktasak khinta hi” (Rom. 8:1). Thukhenna thuak
nawnlo – thukhenna sungah zong omnawnlo hi.
Pasian in Piangsakpa cih thupuak inn tulai thumaan laigil hi a, adiakin
ama’thuthu a piang (evolution) cih upna Khrisiante sungah hong kizeelmahmah a,
Khrisian upna tawphahpi suksiat sakding in hong kithawita hi.
Tua athuthu a piang cih upna kawmkal mahah, Pasian in pawlpi khat
hongphut in, a pawlpi’ min mahmah in tua evolution athuthu in piang cih upna
langkhat ah teci pang sinsen in – Pasian in Piangsakpa leh Tankhiapa ahihna thuman
tawphah a tangko ding mite ahi uhhi.

Simin Efesa 3:9; Kolose 1:13–17; Mang. 4:11 leh Rom. 5:17–19. Hihmunteng in
Zeisu mahmahpen Piangsakpa leh Tankhiapa ahihna bangteng gen hiam?
__________________________________________________________________

__________________________________________________________________

__________________________________________________________________

Zeisu in Tankhiapa leh Piangsakpa cih tegel akinaihna enpha in. Piangsakpa
ahihna mun kiniamkoihsak in, amau’thuthu in piang kicihsak a, tua mahbang in
Tankhiapa ahihna zong dothuai thu tampi omsak uhhi. Zeisu hongpaina pen
mawhna, sihna, thuaksiatna leh ngongtatna pan hong tanding in hongpai hi a –
evolution upna in mawhna, sihna, thuaksiatna leh ngongtatna cihte pen piansakna
thubulpi mah hi cipah uhhi. Pasian in Ama’ bawlsa tuate khempeuh panin hong
tankhia kik ding hi ci uh hi. A lauhuai mahmah zuau khemna ahi hi.
Tua sangin asukzaw kanlai khat pen, evolution in singlamteh tungah Zeisu’
sihna khawng zahko hi. Banghang? Paul in (Rom 5:17–19) sungah Adam’ mawhna
leh Zeisu sihna kikhen theilo in kizomsak hi. Adam leh Zeisu zong kizopna maam
khat omhi. Evolution upna ading in Adam in mawhna neilo in sihna hong tunkei
phialmahleh – kum awntampi pan kipan sihna omsa ahih manin – adam zong tua
sihna mahtawh hong kipanpah hi.
Tua hi a, evolution upna in a ikipatcil pan kipan in singlamteh susia limlim
hi. Tuatawh a kikelkii in Seventh-day Adventist pawlpi in Piangsakpa hongbia
dingun i zolna tawh khialhna langkhatpan teci i pang hi.
 THURSDAY May 11

Piangsakpa Singlamteh Tungah

Topa pen Piangsakpa in i biaktheih banah, hihtheih ding azom tampitak mah
omlai hi. I muhsasa tengmah enkikkik leng, Piangsakpa in Tankhiapa zong hilai hi.
Hong Piangsakpa Pasian pen hong Tanpa Pasian mah ahi hi. “Eima limmel sunin
mihing bawlni” (Pian. 1:26) acipa Pasian in, singlamteh tungah “Eli, Eli, lama
sabachthani, Ka Pasian, KaPasian, banghang in kei hong nusia nahiam” (Matt
27:46) ci in akikopa mah ahihi.
Eite apuksa mihing lellel in hibang thumaan lamdang mahmah koici
dawngthuk thei ding ihi hiam? Bangtawh dangthuk peuhmah ding maw? Vanmi
masa in hong hilhna ah: “Pasian kihta unla, Ama’min phat un, A thukhenna hun
hong tungta hi; vantung, leitung, tuipi leh tuinakte a bawlpa hongbia un” (Mang.
14:7) cihi.

Simin Johan 19:16–30, singlamteh tungah Zeisu thu John’ ciaptehna simin. Na
simkawm in, Lai Siangtho in Zeisu pen Piangsakpa acihna teng ngaihsun in.
“Vantung leh leitungah om nakhempeuh kha thutawh kisai vangliatna, tote,
mi ukte, aana neihnate akipan kimuthei kimutheilo khempeuh Pasian in Amah
zang in a piangsak hi” (Kol. 1:16). Hih Pasian hong itna koibang in dawngthuk
thei ding ihi hiam?
__________________________________________________________________

__________________________________________________________________

__________________________________________________________________

Vani masa thupuak Piangsakpa biakding pen singlamteh khit ciang hipan a,
vannuai bup leh Khris’ nungzuite etding in hong omtaktak ciang in “vantung,
leitung, tuipi leh tuinak piangsak pa” Pasian in, “Amah kiniamkhiat tawmzaw in
nasemlim a hongpuazaw hi. Mihing bangin Amah hong kibawl a, mihing tektek mah
a hongsun hi. Amah hong kiniamkhat tawm a, singlamteh tung ah sihding a ut hi”
(Filippi 2:7, 8) cihi.
Zeisu in mihing bangin hih leitung hong paisukma in atheisate ading bangpen
lamdang mahmah ding hi. Vanmi khempeuh in zong Amah bia uh hi. Eite ihihleh,
asi tawh hongtatsa ihi uh a, hong Piangsakpa leh hong Tanpa biakding longal
bangdang omnawn hiam?

Singlamteh hangin, ei apuksa mite in, Khris in tua singlamteh tungah hong
hihsaksa teng tungah bangteng zopsak thei ding ihi hiam? Piangsakpa in hong
sepsaksa teng pen ei hihtheih a koipen tawh behlapthei ding ihi hiam?
 FRIDAY May 12

Ngaihsutbeh Ding: Pasian biakna pen Lai Siangtho thubulpi hi limlim a, Pasian’ mite
leh leitung mite ading kidemna bulpi ahi hi. Lai Siangtholui tawntung ah,
Pasian’mite pen, pasian dangte leitung lawkii pasiante biakpiakna hangin nasia takin
kosia giapgiap hi. Pasian biakpiakna leh pasian dangte biakpiakna kikalah
kilangdona in, hih vannuaibup kisiatnapi mah hipah a, Pasian’ thukham
awlmawhlohna tawh kizom pah hi.
“Biakpiakna pen mihing nungta ihih man leh, piangsakpa maiah zong
nuntakna nei khempeuh in ahihding thu khat ahi hi. A nungta tengbek in Pasian
biathei uh a; asite in phat in biatheilo uhhi. Hong piangsakpa in eima nuntakpen
biakpiakna sungah pum-aap in, Ama’kiangpan zong hamphatna tuamtuamte
sangkik in midangte panpih theihna ding in hongsam hi. Biakpiakna pen eima
pianna leh pianna hangthu tawh piak ding hi a, eima pumpi ahilo bulphuh ding khat
leh angkhualna pan hong suahtak nading ahi hi. Pasian biaklohna in eima pianna
mansuahna hi a; a gammanna sihna namkhat mah hi a, nuntakna bulpi tawh kizomlo
ihih manin mangthang ding hita hihang.”—Ángel Manuel Rodríguez, “The Closing
of the Cosmic Conflict: Role of the Three Angels’ Messages,” p. 42.

Kikupding Dotnate:

1 A puksa hih leitung ah Pasian in hong piangsak cihbek tawh kicinglo cih
lungngai inla, banghang in tatkhiatna kamciam kisamlai thei hiam?

2 Pasian vangliatna in nang sungah nasem takpi cih ngaihsun inla; tuapen
Pasian in nang hong itna honglahna khat ahi hi. Hih vannuaibup zong Pasian
mahin piangsak cihzong theikawm in! Pasian in nang hong it in nang nuntakna
hong kem hi. Hihthu pen lungmuanna bek hilo in banghang in kiniamkhiatna
zong kulthei hiam?

3 Evolution upna maan zenleh, kum awntampi sihna, ngongtatna, siatna,

thuak siatna leh mangthangna sungah hong koihcip Piangsakpa biak ding
hong kisapnathu ngaihsun dih in. Amah banghang in biazenzen ding? Kum
tultampi sung hong khem dikdek khin hilo maw?
 LESSON 8 *May 13 – 19

Sabbath leh a Tawpna

SABBATH NITAAK
Tukalsung Simding: James 2:8–13; Thuhilhkik. 5:12–15; Late. 33:6, 9; Mang. 14;
2Pet. 3:13; Mang. 21:1.

Kamngah: “Zeisu Khris sungah nakhempeuh a piangsak Pasian in, ageelsim thute
a sepkhiatna thu mikhempeuh in a musak dingin Pasian in hih hamphatna
keitungah hongpia hi.” (Ephet 3:9).

M ihing hong kipiansakna ah zahtakna vang neihding ahi hi. Hong bawl
Pasian in picingtak a hongbawl manin mimalkim in mannei kimthei hi.
Nu’gilsunga omlai nau, khutkhe neilo khang thak, thakiamlua khangno,
ngaihsutna a picing nawnlo pitek zong Pasian’ maiah manpha mahmah hi. Pasian
pen amaute’Pa ahi hi. Amaute in Atapa leh tanute ahi uhhi. “Tua Pasian pen leitung
buppi leh a tunga om khempeuh a piangsakpa hi a, vanlehlei a ukpa Topa ahih
manin mihingte’ lamsa biakinn sungah tenglo hi … Mihing khat tungpanin leitung
minam khempeuh hong piangsak in, leitung khempeuhah omsak hi” (Sawl. 17:24–
26).
Eite pen khang guizui ihi uhhi. Innkuankhat ihilel uhhi. Ulehnau vive ihi uh
a, Pasian khat in hong piansak ihi uhhi. Piansakna in mimal manneihna omsak hi.
Khangzui in amau’cii leh chromosome teng hong kikaikhawm in eima pumpi khat
hongsuak a, amau’lim pen Pasian in paai khia hi. Hih vannuai buppi ah nangtawh
akibang kuamah omlo hi. Nangmah in apicing piantuam nahi a, vannuai a
piangsakpa in silehsa pumpi a kicing in hongbawl in, nangmah leh namawhna
adingin Ama’ pumpi hong piakhia ngiat hi.
*May 20, Sabbath a ding kiginkholhna in tukaal lesson sim in.
 SUNDAY May 14

Thukhenna, Piansakna leh Vaipuak Laakna

Eite pen sazang honkhat kikaikhawm mawkpeuh, Africa zawngkuhpi
kipuahpha peuh hi lengbel, i nuntak in khiatna bangmah neilo hi. Awn tulgiat bang
apha mihingte lakpan in, hih leitungah eima omna ding munpeuh a zongzonglel
mikhat ihih lelleh, bangmah ngiimna omlolel in anungta leltak ihi ding uhhi.
Tuabang hilo, Lai Siangtho in ngiimna deihna a kidim nuntakna hong pia hi. Pasian
in eite hong piangsak ahih manin i tatlehhek khempeuh Ama tungah vaipuak inei
hi. Hong bawlpa mahmah in vaipuak tawh hong lencip hi. Leitung buppi nangawn
zong “lungsim kizopna” hong koihsak lai hi.

Simin Mangmuhna 14:7; Rom. 14:10 leh James 2:8–13. Thukhenna in vaipuak
laakna tavuan laakna bangteng hong neisak hiam? Thukhenna, Pasian’
thukhamna leh biakpiakna koibang in kizom dimdiam hiam?
__________________________________________________________________

__________________________________________________________________

Mangmuhna 14 sunga vankimlai a leng vanmite’ thupuak in “Ama’ thukhen

hun hongtung zohi” (Mang. 14:7) cihi. Pasian in deihteel theihna tawh hongbawl
pan kipan in, eima ading eimah mahin khensatpah ding hihang. Eite pen samal
honkhat kikaikhawm lelbek hileng, khangguizui in pianglel hileng, tatlehhekna
khempeuh zong eideihna bang hilo a-omsa khatin hong ukcip ding hi.
Thukhenna in ahihleh lungsim vaipuak ensak hi. Hih leitung haksatna sung,
thukhen hun ah, tawntung thute lungngai in thukhensat dingin Pasian in hongsam
hi. Vanmi masa in zong “van tung leitung, tuipi leh tuinakte a bawlpa hongbia un”
(Mang. 14:7) ci in zolngaungau a, tua in, biakpiakna khempeuh in Pasian hong
piansakna bulphuh ding honghilh hi.
Tua mahbang in, nisagih Sabbath ni i belhna in, Zeisu in piangsakpa hi a,
biak taakcingpa hi cihna ahi hi. Ama’ thukham sawm tengzong vantung thukhunpi
hi a, apicing in nuntakna’ng hi ci in pomna ahi hi. Thukham in Pasian ukzawhna
tawhphah leh Ama’ omzia tellahna ahih manin, thukhenna ah dinsan hongsuak hi.
Sabbath thukham tungah cihtakna in, thumang dingin kipum aapna ahi hi.

Piansakna i telcianna in koibang in tatleh hekna huzaap hiam? Khanggui

zuihna leh kiimlehpaam in, deihteelna koibang in huzaapzo thei hiam? Eima
deihteel masak ahi khollo gamtat hoihlo khawngteng pen, Pasian hehpihna
tawh, koibang in zogawpthei ding ihi hiam?
__________________________________________________________________
 MONDAY May 15

Sabbath leh Piansakna

Piansak laipek panin Pasian in Sabbath hong piapah ahih lamtak i leitung in
telcian ding kisam mahmah hi. Kum 1800 khitdeuh khawngin evolution upna in
leitung buppi ah laangkeei a hihman in, Pasian in zong lam-etna lianpi khatmah
hongpiapah hi. Tuathu Mangmuhna 14:6, 7 sungah i sinsin laitak mah ahihi.
Satan in Zeisu a muhdahna tawh Piangsakpa leh Tankhiapa in biakpiakna
neihding deihlo ahih manin, Piansakna limlim mi’lungsim pan hepkhiat sawm
limlim hi. Khris in Piangsakpa ahih manin biak takcingpa ahihna pomna pen
Sabbath hi a, sialehpha kidona lianpi sungah a bulphuhpi pen mah ahi hi. Hun
nunung ading Pasian thupuak inzong Khris in vantung leitung Piangsakpa a hihman
in Amah biakpiak ding ahi hi. Biakpiakna ding thu a tawphahpi in hong Piansak
hang hi.

Simin Piancil 2:1–3; Pai. 20:8–11; leh Thuhilhkikna 5:12–15, Mangmuhna 14:6, 7
tawh enkak in. Sabbath thukham in Piansakna leh Tatkhiatna tawh akizopna
bangteng namu hiam?
__________________________________________________________________

__________________________________________________________________

Sabbath in Ama’sungah tawlngakna lim hi tawntung hi. Piangsakpa tungah

cihtakna lim tuamvilvel zong ahi hi (Ezek. 20:12, 20). Thukham bangin hongkalh
luat zong hilo a, Ama’ sungah dikna tawlngakna maantaktak ahi hi. Eima’tha tawh
ihih zawhloh teng Pasian in hong gualzawh sak ahihna Sabbath in honglak hi.
Lai Siangtho in Ama sungah tawlnga in Sabbath hoihtak donding hongsam
hi. Sabbath pen tawlngakna bek hi a, nasep hilo; hehpihna hangbek, thukhun hilo;
khamuanna bek, suksiatna hilo; Ama’ tungah kingahna, eima’ tung hilo cihna ahi
hi. Sabbath simin Ama’ hoihna sungah lungnuam ding hang a, Khris sungbek ah
muhtheih ahi hotkhiatna hangin Amah phat ding hihang.
Sabbath in, apicing Eden lui pen vantung minthanna leh leithak cihte tawh
atawntung in a kizopna ahi hi (Isa. 65:17; Mang. 21:1).
Sabbath mahin eima zungpi ah hong samkik hi. I pianna innkuan bulpi tawh
kizopna ahi hi. Akhang akhang in Sabbath pen kizahtak denden hi. Eima pianhun
tawh tatsatlo in kizop denna ahi hi. Pasian’ tate ihihna minthang thumaan tungah
hong lungkipsak hi. Amah tawh kinaih na’ng in hongsam niloh hi.

Sabbath thukham pen, Mangmuhna 14:6, 7 sungah koibang omkhinkhian a,

tu hun nunungah banghang in thupi thei hiam? Pai. 20:8–11.
__________________________________________________________________
 TUESDAY May 16

A Pilvang Khollo Khemna Khat

Eite pianzia picinna a susia dingin, dawigilo in apilvang khollo bawltawmthu
khat hong guangziau hi. Tua bawltawmthu pen zong a pomthei pawlkhat omveve
hi. Tuathu in, Pasian pen piankhiatna bulpi mah hi a, ahihang, nuntaktheih nading
in hunsawtpi zang hi cihi. Evolution icih damdamin kikhelsak hi ci uhhi. Tua paizia
in “science pilna” leh Piancil laibu kizawitawn theisak ta hi. Tuathu in piansakhun
pen sawtpi hi a, ciangtanh ommello in, leitung nuntak khit zong kum awn tultampi
(billion) phata ci uhhi.

Simin Late 33:6, 9 leh Hebrew 11:3. Hih munte pan Pasian in leitung a bawldan
koibang in telgenkhiat mahmah lel hiam?
__________________________________________________________________

__________________________________________________________________

__________________________________________________________________

Lai Siangtho kicianlua lel hi. Pasian in “pau in, pianglel hi; thu pia in, kiplel
hi” (Late 33:9) cihi. “Pasian kampauna tawh leitung leh vantung piang a, tu in i
muhtheih nate a-omnailopi panin hong piang hi ci in upna bekmah tawh athei ihi
hi” (Heb. 11:3). Piancil a lian khatna mahmah in, nai 24 aphasinsen ni, niguk
sungteng, Pasian in leitung bawl in a nisagih ni tawlnga cih telgen mahmah lel hi.
Piancil khat leh nihna tegel kammalte in thudang peuhmah lutzo sakvetlo lel
hi. Niguk sung Piansakna a umlo laitheite pawlkhat nangawn in, Lai Siangtho
laikungpu in niguksung Piansakna thu hong hilh nuam hibek hi civeve uhhi.
Hebrew pau in “ni” pen Piancil 1 ah “yom” ahi hi. Lai Siangtho sung
tawntung ah, “yom” leh nambat khatpeuhpeuh a bulhsim in, (nikhatna ni, nithumna
ni), nai 24 apha ni a cihna ahi hi. Lai Siangtho sungah “yom” cihpen ciangtan neilo
hunsawtpi ahihna a genna mun khatzong omhetlo hi. Tua ahih nakleh nai 24 hun
hilelpeuh hi. Tuabang in Pasian in niguk sungtaktak mahin leitung bawlzolo hileh,
nisagih Sabbath ni in bang kiciatna neituan ding hiam? Banghang in Pasian in
hongsawl hiam? Niguk sung piansakna omngeikei zenleh, niguk sung piansakna cih
limlim in bangmah khiatna neilopi khat hongsuak ding hi. Piansak hun sawtpi cihthu
in, nisagih Sabbath a kulna mah talsik in topah lian hi. Tua in Lai Siangtho cihtakna
tawh kisai dotna hong omsakpah hi.
Sabbath dona tawh, Satan in, Pasian ukzawhna laigil mah vatsukpah lian a,
niguksung piansakna nialna in, tua niguk sung piansakna a susiazo ding bangdang
omnawn hiam? Khrisian tampitak mahmah in tua nisagih ni Sabbath pen
awlmawhlo uhhi. A nunungpen khemnapi ahi hi.
 WEDNESDAY May 17
Piansakna, Sabbath, leh Hunbeina
Kum tultampi lai in akipan kidona lianpi in, Pasian’ ukzawhna langdona ahi
hi. Tua tona in tuni ciang dongmah kiplai hi.

Simin Mangmuhna 14:7, 9 leh 12. Anuai a munte a tomcing in behlap in.

Mangmuhna 14:7 hongsapna ___________________________________________

__________________________________________________________________

Mangmuhna 14:9 hihloh ding sawlna ____________________________________

__________________________________________________________________

Mangmuhna 14:12 kumite cihna ________________________________________

__________________________________________________________________

Hihmun tengin hun nunung a sialehpha, Satan leh Khris kikal a kidona lian
thubulpi pen biakpiakna mah ahi hi. Eite in Piangsakpa maw sapi maw i biakpiak?
Piansakna in eite’ upna tawphahpi mah hi a, nisagih Sabbath zong Piancil lai a
Piansakna sungmah ah abulphuh hi (Pian. 2:1–3) a, a kiseelzolo a tawntung tua
Piansakna limpua ahi hi. Hilhcianna bulpi limpua bulpi ahi hi. Tua sangin a bulzaw
ding icihleh Pasian Amah ngiat mah ahi hi.
Tua hi a, nisagih Sabbath i buluh ciangin, Piangsakpa Topa’ukna aana
asangpen mah a buluh ihi pah hi. Na khempeuh pampaihsak in a laigil pan alongkha
ihi hi. Pasian dinmun mahmah a laksak ihi hi (2Thess. 2:4).
Bangbang hileh nitawp cianga buaipih dingpen Zeisu tungah itna leh
cihtakna ahi hi. Ahih hang Lai Siangtho in tua itna zongpen thukham zuihna tawh
kilakkhia (1John 5:3; Mang. 14:12) a, thukham sawmlakpan Sabbath bekmah in
adangteng khempeuh’ nungah omin, tuabekmah in Pasian pen Piangsakpa ahihna
honglak hi (Pai. 20:8–11). Topa abia mipawl leh sapi abia mipawl khentel theihna
ding limpua ahi hi (Mang. 14:11, 12). Sabbath pen nakhempeuh ading in abulpi mah
ahih hang, buaina nunungpen in Piangsakpa biakpiakna ahihlam telsiam haksa
mahmah hi.
Mi tampitak in nikhat peuhpeuh Sabbath bangin tangleng zong bangmah
kilamdang tuanlolel hi cih upna nei uhhi. Tuathu Lai Siangtho siksan in koici
dawn ding hiam?
__________________________________________________________________
 THURSDAY May 18

Sabbath leh Tawntung Tawlngakna

Sabbath pen a gimhuai leitungah belhding mun ahi hi. Kalkhat sung leitung
lungkhamna teng nusia in Pasian tawh kikhawlhna – Sabbath ah ilut uhhi. Jew mi
laikungpu Abraham Heschel in Sabbath pen “hunzui kumpi inn” naci hi. Ni
sagihni simin, vantung Pasian inn in vantungpan leitung ah hong tuaksuk in, Topa
in hih nai 24 sungteng beek Ama’ minthanna sungah Amah mah tawh
kikhawlkhawm dingin hongsam hi.
Heschel in ama’ laibu sungah, Sabbath ahoihna leh a thupitna tawh kisai in:
“Sabbath pen vantung maleep leh Pasian’ hong ompihna teci hi a; thungetna sungah,
messiah hong omna tua Sabbath mah ki lam-en in, Sabbathni sim in tuathu mah
hong phawkkiksak hi. Mi khatpeuh in tua Sabbath nopsakna a theih ngeikei leh, tua
mi in hong tungding leithak nopna zong nuamsa tuanlo ding hi” cihi.
Piancillai in, Zeisu in eite omna ding muntuam khat hong bawlsak hi. Tua
sungah buktheih ahi hi. Tualai ah ombit thei ding hihang. Ama’ nasepteng zosiangta
hi. Sabbathni in i tawlngak ciangin, Ama itna sungah a tawlnga ihi uhhi. Vantung
thak leh leitung thak sungah tawlngak ding lam-etna tawh a tawlnga ihi hi.

Simin Isaiah 65:17; 66:22; 2Peter 3:13 leh Mangmuhna 21:1. Sabbath tanna in eite
masuat, tawntunghun koibang in honglak hiam?
__________________________________________________________________

__________________________________________________________________

Leitung masa abawlpa Pasian mahin bawlpha kik ding a, Sabbath inbel
Piangsakpa lim a puakngeisa bangin puasuaklai ding hi (Isa. 66:23). Jew mite
mahmah in Sabbath pen olam haba a cihuh hong tungding leithak ciapkholhna
limpua ci uhhi.
Vankimlai aleng vanmite’ thupuak in, kum zalom sawmnihkhat sunga
lungkham mite tungah Piangsakpa biakpiak ding a hanthotna ahi hi. Piangsakpa,
nakhempeuh a bawlpa, hong tankhiapa, mawhna a siansuah khit ciangin
nakhempeuh abawlpha dingpa hong kawhmuh pah hi. “Tuaciang in tokhom tungah
atupa in, ‘tu in nakhempeuh athakin kabawl hi. Hihthute muantaak in thumaan ahih
manin, laiah gelh in hongci hi’” (Mang. 21:5).

Nangma innkuan sungmah ah Sabbath tawh koibang in vantung ciamkhol thei

ding nahi uh hiam?
__________________________________________________________________
 FRIDAY May 19

Ngaihsutbeh Ding: “Piangsakpa Pasian biakna ding hangthu omkhin hi. Vantung
biakpiakzia paipi ah, vanmite in tomcing takin pulakthei uhhi: ‘Nangmah in
nakhempeuh napiangsak hi’ (Mang. 4:11). Pasian in Piangsakpa cihpen leitung mite
kiangah hihtheitawp in tangko a, ‘vantung leitung tuipi leh tuinakte abawlpa
hongbiata un’ (Mang. 14:7) cihi. Tua vanmi in thukham lina kammal te zangin
Pasian biakna piading in sam hi (Pai. 20:11).
“Thukham sungah Sabbath thukham in Pasian pen Piangsakpa ahihna tawh
seal in zang a; Ama’ukzawhna gamhuam teng, Ama’ piansaksa teng; leh Ama’
ukzawhna thu pulak hi. Gulpi in ama’ gualzawhna dingin, hih phawkna pen a
hepkhiatsak kulmasa hi”—Ángel Manuel Rodríguez, “The Closing of the Cosmic
Conflict: Role of the Three Angels’ Messages,” pp. 40, 41.

Kikhupding Dotnate:

1 Kei koipan kongpaikhia a, banghang in hilai ah om, koilam zuan a pai ding
leh kei ading a tawpna bang hiam cih dotna tengpen Sabbath in koibang in
hong dawnsak hiam?

2 Piansakna lungngai dihin. Hih vannuai ah eite i omtheihna hangthu zong

lungngai in. Hih Piansakna phawkna lianpi Sabbath pen kalkhat simin
hongtung den ahihman in, Piansakna a thupitna bang hong hilh hiam?

3 Daniel 3 leh 6 sungah, hih thuciaptehna sungah biakpiakna buaina koibang

in namu hiam? Hihmun ah bangteng om a, Pasian’mite in “sapi ciaptehna”
hunciangin koibang huhna khawng ngahthei tuam ding hiam?
 LESSON 9 *May 20 – 26

Buaina a Kici Khuapi

SABBATH NITAAK

Tukaalsung Simding: Mang. 17:1, 2, 15; 18:1–4; 17:4–6; Matt 16:18; Jer. 50:33–
38; Late 115:4–8.

Kamngah: “Amaute in Tuuno a simding uhhi. Ahi zongin Tuuno in topate’ Topa,
kumpite’ Kumpi ahih manin, Amah leh Ama’sap ateel citak in Amah azuite in
tua kumpi sawmte a zogawp ding uhhi” Mang. 17:14.

K idona lianpi pen Mangmuhna sungah numeinih tawh lim kipuasak a: khatin
Ni silh in (Mang. 12); adang khat in puansan silh hi (Mang. 17). Khris’
minthanna sungah Ni asilh numei pen Mangmuhna 12 sungah kigelh hi.
Tuanu in ama’ lamngaihpa Zeisu tungah citak hi. Upna diklo sungah amah
kinintawm saklo hi. Lai Siangtho sung tawntung ah numei siangtho khatin Zeisu’mo
or pawlpi maan’lim puaden hi. Jeremiah 6:2 ah zong “A melhoih a ngeekdikdek Zion
tanu” cihi. Kamsangpa in numei citak pen “Zion tanu” ci in Pasian’ mitepen
tuabangin minvawh hi (Efesa 5:25–32; Hosea 2:20).
Lai Siangtho in biakna cihtak lohna peuhmah angzuak leh zualzang cihi
(James 4:4). Israel mite in acihtakloh uhciangun, Ezekiel in “a pasal itzawlo in
gamdang mitetawh mawhna abawl numei tawh nakibang hi” (Eze. 16:32) ci in na
kahtam hi.
Tukaal sinna sungah, Mangmuhna sunga numeinih tawh teci ilak dinguh a, a
thukzaw in ci leng thumaan leh thukhial cihna ahi uhhi.

*May 27, Sabbath a ding kiginkholhna in tukaal lesson sim in.

 SUNDAY May 21

A Kikelki Thu Nih

Simin Mangmuhna 12:17 leh 17:14. Pasian’ pawlpi koibang in honglak a, Satan in
koibang in dokik hiam?
__________________________________________________________________

__________________________________________________________________

Kum zalom tampi sungmah, Pasian in Ama’tungah a citak mi nanei tawntung

hi. Mang. 12:17 in a citak mite’n “Pasian’ thukhamna zui” ci a, Mang. 17:14 in
zong “saptuam, teeltuam leh a citakte” cihi.

Simin Mangmuhna 14:8 leh 17:1, 2. Vanmi in bangthu phamawh tangko a, Babylon
in zong tuathu langpang in bang tangko zel hiam?
__________________________________________________________________

__________________________________________________________________

John in Mangmuhna laibupen kumzalom masa tawplam ah gelh hi. Tualai in

tanglaipek a Babylon khuapi pen lei vumsalpi bek in om hi. John in a Mangmuhna
laibu a gelhlaitak in, Babylon khuapi pen a kisuksiatna kum zatampi phakhinta hi.
Mangmuhna in tanglai Babylon khuapi pen hun nunung ading lim leh liim
puasak hi. Mang muhna genkholna sungah, Babylon in, Lai Siangtho luihun
mahbang in biakna maanlo lim puasak hi. Tanglai Babylon a makaihna thukhun
mahin tulai khang Babylon hong piankhiatna zungmah a hihi.
Mangmuhna 17:1-6 ah, puan a dupsan leh a-ausan asilh numeikhat in
zangkuam khatah om cihi. Tua numei in sapi sandup khat tuang cihi. Lai Siangtho
in tuanumei pen angzuaknu cihi. Tua nu in ama’ lawmngaih Zeisu Khris nusia khin
cihi. Hihteng ah John in, leitung buppi a huzaapzo a citaklo biakna khat honglak hi.
A kammal zatte enlecin: “hih vangliatna in leitung kumpite tawh a paktat gamtatna
gamta uh a, leitung mite in tua paktatna-zu dawn in kham uhhi” (Mang. 17:2) cihi.
Zu kham maw? Lai Siangtho sungah a lehbulh vive leh numei pasal paktatna maw?
Amaanlo kihilhna, upna leh gamtatna a cihnopna ahi hi.

Makaite leh nautangte akibang in, tuathu lehpaiin khimkhin zo cihi. Eite
galmuanna khatbek in bangahi hiam? Ephet 6:10–18.
__________________________________________________________________
 MONDAY May 22

Hehna Lenggah Zu

Simin Mangmuhna 17:1, 2, 15 leh 18:1–4. Babylon’ huzaap bangzah kizeel hiam?
__________________________________________________________________

__________________________________________________________________

__________________________________________________________________

Tua apuksa pawlpi in leitung gamtampi phazo in ama’ khemna leitung

bupmah kizeelsak hi. Lungdamthu pen gam khempeuh, nam khempeuh, pau
khempeuh leh mihing khempeuh tungah a kizeel ding pen Satan in haza mahmah
ahih manin, Amah in “leitung mihing khempeuh” (Mang. 14:6; Matt 24:14; Mang.
17:2) a khemtheihzah in hanciam in khem hi cihi.
Mangmuhna 17:2 in, athuthuk Babylon alian in leitung kumpite tawh “paktat
gamta” khin hi ci in tangko hi. Bang paktatna hiam? Thukham palsat in kipawlna
ahi hi. A puksa pawlpi in, kumpi’gamtawh kipawlna nei hi. Pawlpi maan taktak
ahihleh, pawlpi in Zeisu Khris tawh kipawl hi. Apuk pawlpi in gammakaite leh
amau ukna aana vangliatna zong uhhi. Gam in amau thute thapiasak uhhi. Zeisu
kiangpan tha a lakding sangsik in, kumpigam’ thapiakna zong zawsop hi.
Mangmuhna 17:2 inbel a tangthu paizia zomsuak in: “Leitungmi khempeuh
in ama’ paktat-na lenggahzu dawnuh in kham uhhi” cihi. Lenggahzu siangtho
ciimsilsel pen Lai Siangthothak in, eite hong hotkhiatna dingin singlamteh tungah
akibua Khris sisan limpuasak hi (Matt 26:27–29). Luka 22;20 ah Zeisu in, “hihhai
in thuciamna thak Keima’sisan” naci hi. Tua a siangtho lungdamthu lenggahzu a
kisiatsakna pen, Pasian’kammalte pen biakna makaite thuhilhna tawh a khekuh
ciangun, tua in “Babylon’zu” (Matt 15:9) hongsuak hi.
Phawkding thu, Pasian in Amite Babylon sungpan hong samkhia hi.
Cihnopna ah, ngeina bangzahta in a kisia in, kizeelpha mahmah phial hitaleh zong,
hunkhat teitei ciangin, acitak Ama’mite “kamite” (Mang. 18:4) Ama’cihdan takin
omveve ding hi. Tua siatna sungpan mahin Pasian in amaute asapkhiat hun omteitei
ding a, tua “dawikua” leh “kha gilote omna, akihhuai a muhdahhuai vasa namkim
omna” (Mang. 18:2) a kisiat hun tungding cihi.

Vanmite thupuak a tangkote pen Pasian in “kamite” Babylon sungpan

samkhia acihtheihna dingin bangthu nei uhhiam?
__________________________________________________________________

__________________________________________________________________
 TUESDAY May 23

Thuthuk, Alian Babylon

Simin Mangmuhna 17:4–6. Hihmunte in hih gitlohna ngeina tawh kisai bangteng
gen hiam?
__________________________________________________________________

__________________________________________________________________

Sinnasa sungah Mangmuhna 17 in a lampial biakna in Lai Siangtholui

Babylon upna icihcih pen Khrisian upna sungah hong lutpih hi.
“Babylon’ omzia telcian theihna ding zongnuam leng, ama’thu akiciapteh
masak penna mun Piancil laibu mah etkik kulding hi. Tuhun in Iraq gam icihcihna
mun, Mesopotamia gam khanglam Babylonia acihna mun Shinar zaangkuam pan
in hong kipan hi. Tua munah Babel Tau kilam a, mihing in amau kicing akisakna,
amau kidop tawmna, Pasian kiangpan suahtakna a lakna uh ahi hi (Pian. 11:1-4).
“—Ángel Manuel Rodríguez, laigelh “The Closing of the Cosmic Conflict: Role of
the Three Angels’ Messages,” p. 43.
Babel Tau, tanglai Babylon khuamun pen Pasian kammal tangtak in
langdona in kilam ahi hi. Babel alamte in hih mualsuangpi pen amau’minthanna
dingin alamuh hi a, Pasian in amau’kam tawkbuaisak hi. Piancil laibu in “Tua hi a,
ama’min Babel kici a, tua munpan in leitung khempeuh kampau pen Topa in
kitukalhsak hi” (Pian. 11:9).
Ama’ ngeina in naksiatlua lawmlawm ahih manin “misiangthote leh Zeisu
sungah sihna thuakte sisan dawnuh in kham uhhi” (Mang. 17:6) – Babylon
akisiatzia hong tellahna ahi hi (Isa. 49:26).
Tua mahbangin, khalam Babylon in zong mihing thuhilhna tungah kinga
biakna nei a, mihing’ deihna leh mihing’ ngeina in a zawppih upna ahi hi. Mihing’
phuahtawm biakna hi a, atei mahmah biakna makaite vive hinapi in, Zeisu in Ama’
lungdamthu, ngongtatna kihello Ama’ itna tungah aphuhsa Ama’pawlpi langdona
in hong dingkhia ahi hi.
Mangmuhna laibu mahmah in biakna namnih pulak hi. Amasa in Zeisu
muangin Ama’ Thu tungah ding hi. Anihna in mihing ukzawhna leh biakna makaite’
suahtakna tungah dingsak uhhi. Khat in Khris bulphuh upna, Khris’ hehpihna,
biakpiakna leh hotkhiatna ding mawhsawpna a muang hi. Adangkhat in, Khris
hotkhiatna munah mihing bawltawm upna teng lutsak in, pawlpi’ ngeina tungah
suakta takin ding uhhi.

Pasian muanglo zaw in eimah kimuanzawk ding abaih mahmah upna ahi
Babylon in pilvang takin hong khimna panin eileh eimah koibang in kidalzo
thei ding hiam?
 WEDNESDAY May 24

Ki Aap Ding Sapna

Mangmuhna in ama’ sung a numei tegel limpuak tawh kizui in kintak in ki-
aap ding hong zol hi. Hih leitung kidona sungah Pasian’ mite’n gallel ding bangin
omding uh himahleh, Ama’ pawlpi in atawpna ah galzo teitei ding cih Pasian in
hong kamciam khin hi.

Simin Matt 16:18 leh Mang. 17:14. A pawlpi tawh kisai in Zeisu in nungzuite tungah
bangthu hilh hiam?
__________________________________________________________________

__________________________________________________________________

Khris in Ama’ pawlpi kilamna bulkip ahi hi. Ama’ pawlpi in Kha Siangtho
makaihna tawh Ama’ kammal tungmah ah kiphut hi. A kikelkii in, Babylon zong
mihing’ bawltawm ngeina leh upna sungah zungkha hi. Mihing’ ngaihsutna leh
ngeina khawngpeuh, Pasian dinmun ah ahi a, a sangzaw peuhin akoih, biakna makai
khat peuhpeuh in, Babylon buaina a luahsuk ahi hi.
Tanglai Babylon hunlai in, pawlpi leh gam pen khat hi a kibang lel hi.
Nebuchadnezzar in kumpi tokhom hongluah pan kipan in pasiante bangin paupah
hi. Pasian maan a tona in, Babylon kumpipa in, leitung buppi huamin, Pasian’ mite
ading a lianpen biakpiakna pen, ama’ thupiak bangbek in biakpiak ding, tua milimpi
biak ding thupiak anial peuhmah in a nunung ciang in thuak ding ci in thupia hi
(Daniel 3).
Leitung hun nunung ciangin, pawlpi-gam hongpiang ding a, khalam Babylon
gamin, kha makaipa in Pasian bangin hongpau ding hi. Ama’ kammalte leh a
thupiakte zong Pasian’thu sungah hong guangding hi. Khang tawntung mahin Rome
Pope in, leitung ading Pasian’ dinmun ah kading uhhi cihi. Pope Leo XIII in 1894
June 20 ni in laihawmkhiat agelhna sungah, “Kote in hih leitung ah Sangpen
Pasian dinmun kalen uhhi” ci hi. Ferraris Ecclesiastical Dictionary sungah zong,
“Pope pen lianlua mahmah a, mihing mawkmawk hinawnlo in, Pasian leh, Pasian
dinmun ah omta hi” cihi. Sawltak Paul in hihthutawh kisai in “tua a gilopa in
mite’biak pasian akici khempeuh nial gawp ding hi. Tuate khempeuh sangin a
lianzaw in akingaihsut banah, Pasian kahihi ci in biakinn sungah vatu ding hi” (2
Thess. 2:4) cihi.

“Babylon” sung mahmah ah Pasian tungah a citakmi omkhinkhian ahihlam

itheihsa ahih mahbang in, tuathu i genciang koibang in kidophuai a, tuathu
tawh kisai in midangte thukhenloh ding leh tuathu langdo lohding banghang
in thupi hiam?
 THURSDAY May 25
Babylon: Milim Biakna Phualpi
“Alian thuthuk Babylon” hihtheihna’ng thupatna khat omlai hi. Milim biakna
pen Babylon’ biakpiakna ah athubulpi ahi hi.

Simin Jeremiah 50:33–38, leh 51:17, 47. Tanglai Babylon’milim biakna leh Pasian
in a dawnthuk kikna bangteng peuh namukha hiam?
__________________________________________________________________
__________________________________________________________________

Jeremiah 50 leh 51 in Babylon pen Medes leh Persia te in susia ding cih
genkhol hi. Amau kisuksiatna ding hangthu khatin milim biakhang ahi hi. Babylon
mite in tu milim tepen pasiante’ limpua ci in umuh hi. Babylon biakna sungah,
milim biakpiakna leh a zeh tengpen siangtho hi ci uh a; pasiante in zong milim teleh
taattungte sungah leitung vangliatna tetawh hong tenguh ci uhhi. Tua milimte
suksiatna pen, Pasian’ maipha taanna cihzah dong in ngaihsun uh a; Babylon hun
masalam pawl in, Chaldean kumpi Marduk-apla-iddina II in, Mesopotamia gam
khanglam ah taisuk in, Assyria kumpipa Sennacherib leh a galkap hon’ khutsung
pan a suahtak dingin Babylon pasian’ milimte pua hi. (Jane R. McIntosh, Anceint
Mesopotamia: New Perspectives ABC-CLIO, Inc., [Santa Babara, CA, 2005] pp.
34-43).
Lai Siangtho kamsangte in, hih nuntakna neilo milim biakpiakna leh a nungta
a nuntakna a piaden Piangsakpa Pasian biak piakna khaikhinsak hi Jer. 51:15, 16,
19).

Simin Pai. 20:4–6 leh Late 115:4–8. Milim biakna tungtang bang gen hiam?
__________________________________________________________________
__________________________________________________________________

Khalam Babylon in a milim biakpiakna ah sing leh suang milim maiah

kunziau sangin a thukzaw tham in pai himah taleh, khalam Babylon leh tanglai
Babylon anihmah un a biakpiakna sungvuah milimte zang uhhi. Biakpiakna ah
milimte zatna pen, “zahtak piakna” ci uh a, thukham nihna palsatna ahihi. Tawntung
natebek lunggulh zaw ding in leh, Pasian’ liatna khawngpen nuntakna neilo milim
peuhtawh biakpiak lohding in, Kha Siangtho in eite lungsim sungah hong phawksak
den ahihhang hi. Hih milimte in kumzalom lina khawngin Khrisian biakna sungah
hong lut takciang in lawki biakna sangin Khrisian biakna saannophuai kisazaw ta
hi. A dahhuai thu ah, Pasian bekmah in a tanding ahi siangthona leh zahtakna
tengpen, hih milimte tungah kipia gawp ahih manin, khalam ah kiamsukna lianpi
hongpiang hi.
 FRIDAY May 26

Ngaihsutbeh Ding: “Mangmuhna 14 thupuak, Babylon puk acihpen, khatveilai in a

siangtho biakna in akihhuai biakna hongsuak cihna ahi hi. Hih thupuak in thukhenna
tawh hong vauna mah bang in, hun nunung ciang hipan ding ahih manin; abeisa
kumzalom tampilai in a puksa Roman pawlpi bek kingawh theilo hi.” — Ellen G.
White, The Great Controversy, p. 383.
Daniel 3 sunga, Hebrew tangval thumteng, “kumpi Nebuchadnezzar koih
kham milim nabia ding uhhi” (Dan. 3:5) ci in sawl hi. Tanglai Babylon in – hun
nunung ciangin, khalam Babylon mahin, thumaanlo “milim” hong biasak dingcih
limpuakna leh lahna ahi hi (Mangmuhna 13:15; 14:9, 11; 16:2; 19:20; 20:4).
Hebrew tangval thumte’n a palsat dinguh thukham nihna (Paikhiatna 20:4, 5), pen
a dang vangliatna khatmah in tua thukham nihna mah mundang khatpan mah in
hang vaihawm teitei ding a, tuapen (Dan. 7:25) sungah “hunleh thukham khelsawm
ding” acih bangin thumaanlo takin hih ding hi.
Thukham dangkhat mah thumaanlo takin koibangin kikhel hiam? Thukham
lina in, biakpiakna khempeuh’ a laigil hi a, “vantungte, leitung, tuipi, tuinak leh a
sungah om khempeuh apiangsak a, nisagihni a tawlnga Pa biakna piading maw (Pai.
20:11; Mang. 14:7), ahih keileh, sapi leh ama’ milim biakna piading maw cih teelna
ah bulphuhpi ding ahi hi.

Kikupding Dotnate:

1 Babel Tau leh khangthak khalam Babylon kizopna bang om hiam? A

kibatna bangteng om hiam?

2 Hih ngaihdan nihte nakoici khaikhin thei diam? Zeisu in a pawlpi thuneihna
pia hi. Ahihhang khalam makaite khutsungah biakpiakna pumkoih ding
lauhuai icihsa ahi hi. Pawlpi thuneihna koibang ciangtanh om hiam?

3 Babylon’ mawhna namkhat ahi milim biakpiakna in, milim’ maiah kunziau
bek hilo cih koibangin telcianthei ding ihi hiam? Protestant te nangawn tua
milim biakpiakna sungah koibangin pukthei ding ihi hiam?
 LESSON 10 *May 27 – June 2

Satan’ Khemna Nunung

SABBATH NITAAK

Tukaalsung Simding: Mang. 12:9; 16:13, 14; 1Thess. 4:16, 17; Ezek. 8:16; Ezek.
20:1–20; Mang.18:4, 5.

Kamngah: “Nangma’ thumaan tawh amau siangthosak in. Nangma’thu in

thumaan hi.” (John 17:17).

C
hicago khuapi sungah September zinghoih khat ahi hi. Michigan bualtui
tungah ni hong taanphetleh, a gamla vaikuan dingte’n zong Kennedy leh
Eisenhower lamliante tung mawtaw tam mahmah sungah paingeingai uh a,
naupangte zong sanginnlam zuan ngeingai uh, tualaitak in a dahhuai mahmah
lauhuaina khat Chicago khuamite sungah hong kipan hi. Mipite cinat hong kipan
ngeingai uh a, pawlkhat bang Tylenol zatang a nekkhit uh sawtlo in bang
sihlawhliang uhhi. Tua zatangte a ki-etcian ciangin potassium cyanide akici
sihtheihna gunamkhat tawh kituam cicitciat hi. Theihloh mikhat in tua zatang nakhel
man hi. Tuni ciangdong a kua’n hih hiam cih kitheizo mahmah nailo hi.
Mangmuhna in “leitungmi khempeuh” in “Babylon’ zu” dawnding uh cihi.
Amaanlo upna leh thuhilhna in atawpna ah sihna bekmah hongtun ding hi.
Bangbang hileh hih leitung pen kidalna zatui omlopi in hong ki pumnutsiat hilo a,
hih khalam gu kidalna ding in vanmithumte thupuak omgige khin hi.
Tukal sungteng in, Babylon’ khemna bek hilo in, tua khemna hangin
sihtheihna pan hong hotkhiatna ding Zeisu’ ngiimna tengzong kisinlai ding hihang.

*June 3, Sabbath a ding kiginkholhna in tukaal lesson sim in.

 SUNDAY May 28

Mihing’ Muhna ah A Thumantuak Lampi

Ni nunung tawh kisai in, Zeisu hong vaukholna ah “Khris kineihkhem teleh
kamsang kineihkhemte hongpiang ding a, a teelsa mite nangawn a khemzawh
nading un, nalamdangte hong bawl ding uhhi” (Marku 13:22). Teelsate kuate hiam?
Amahmah in “Nakpi takin pengkul hongging ding a, leitung munkhempeuh ah
vanmite hong paisak in, leimong khatpan mongkhat dong in, a teelsa mite a
kaikhawmsak ding hi” (Matt 24:31) cihi. Ni tawpni ciangin khemna tepen lauhuai
nasia mahmah a, micitak te nangawn khem in omtheilai ding cihthu lauhuai salo
nahiam?

Simin Mang. 12:9. Satan in kua khem? Hih kammalte koibangin natel hiam?
__________________________________________________________________

__________________________________________________________________

Khang tawntung in Pasian in mihing citak aneih tawntungsa mahbang in

nitawpni in zong neilai veve ding hi. Ahihtei hang, Satan’ khemna kinakzeel
mahmah cih hihthu in hong theisak hi.

Simin Paunak 14:12. Bang vauna lian hong kipia hiam?

__________________________________________________________________

__________________________________________________________________

Mihingte in thuman thukhial, sialehpha khentel in a nuntakpih thei dingin,

amau lungsim leh ngaihsutna azang dingin hong kihilh tawntung hi. Lai Siangtho in
bel mikhempeuh mawhnei kihhuai (Jer. 17:9; Rom 3:9–18) ci-a, eima ngaihdan
muanna lelbel, a sawtlo in khialthei, khialhna bawlthei hilel hi. Akhang akhang in
mihing tampi takmah in amau maan a kisak manun gitlohna tampi kibawlkhin zo
hi. Amau un “hoih asakuh lampi” ah apaiman uh ahi hi.
Tua sangin Pasian’thu sungah kibual zaw ding hang a, Ama’thu panin, Kha
Siangtho tungah ki-aapna tungtawn in, thuzuau panin thumaan, akhial panin adik,
asia panin apha hong hilh ding hi. Eima thabek isuan a, eima ngaihdan tawh i omleh,
Satan’ khemna sungah a samat i suaklel ding uhhi.

Mihingte omzia ngaihsunpah lel lecin, amau hoihsak banglel in a gamta mite,
amau upna peuh Pasian deihna aci mawkmawk a, siatna a bawlbawl mite
ngaihsun in. Hih a dahhuai thute pan bang pilna nangahthei hiam?
__________________________________________________________________
 MONDAY May 29

Sih Theihlohna Zuai Lui

Simin Mangmuhna 16:13, 14 leh 18:2, 23. Sikha lam khemna bangpeuh namu hiam?
__________________________________________________________________

__________________________________________________________________

“Daw’kua” cihkhawng “dawi’kha” cihkhawng “bumtawi aitawi” cihkhawng

pen dawi nasepna vive a hihi. Hun nunung ciangin khemna lian nihte lakpan khat in
“kha sitheilo” cih hipah hi (Ellen G. White, The Great Controversy, p. 588).
Tuni in tuate kimumu lel hi. Khrisiante mahmah in, kha sitheilo cih upna pen
amau upna thukhunpi hipah ziau lel hi. Khrisian tampitak mahin, sihciangin
gupngahte vankahto in, guplohte hell ah tuaksuk uh ci-in umuh hi. Pasian’ nasem
minthangpa Billy Graham a sihciangin, “vantung ah Zeisu tawh mangkhawmta”
cihbang i zangei hiam? Tuabang thute pen pulpit tungpan, sangkhan sungpan leh
sivuina lak khawngah kizamun mahmah hi.

Simin Thuhilhsia 9:5; Job 19:25–27; 1Thess. 4:16, 17; leh Mang. 14:13. Sihkhit
nuntakzia ding thu, kiciantel takin Pasian honghilh bang om a, koi tengah lam-
etna i neithei ding hiam?
__________________________________________________________________

__________________________________________________________________

__________________________________________________________________

Babylon zuauna khuam bulpi khat pen sihna’thu telkhialhna hi a, kha sitheilo
upna bulphuhna ahih manun, sikhalam huzaap nading lampi a honsak ahi hi. Mi
sisate in omzia namkhat peuhtawh eite hong hopihthei lai cih na-upkhakleh, Satan’
khemna simzawhloh omte pan koibang in kidal zothei ding nahi hiam? A sisa nanu,
natano leh itlehngaih khatpeuh hiding na-up khat hong piangvat in hong hopihvat
leh, hai up ding bangzah baih ding hiam? Tuabang omkhinzo a, omlai in nitawpni
dong omlailai ding hilel hi. Eite’ gal kidalna ding pen, Lai Siangtho sungah zungkha
in mi sisate’thu, tua Lai Siangtho hilhna bangin lenkip ding hibek hi.

Khangthak sikha’thu nomau’ ngeina sungah namuhkhak bang om hiam?

Pasian’thu tungah kiptak in omna in banghangin eite kidalna hithei ding
hiam?
 TUESDAY May 30

Babylon: Ni Biakna Phualpi

Ni biakna pen Egypt, Assyria, Persia leh Babyloncihteng ah laang mahmah
hi. James G. Frazer in The Worship of Nature acih alaibu gelhsung ah, “Tanglai
Babylon ni biak kipat hunpen a kitheizo nawnlo hi” (—Volume 1, p. 529) cihi.
Lamdang bang sakhuai liang a, Lai Siangtholui mite bangpen nibiakna in nakhim
mahmah hi.

Simin Ezekiel 8:16 leh 2Kumpite 23:5, 11. Israel leh Judah sung mahah
nibiakpiakna tungtang kamsangte in bangci gelh hiam? (Rom. 1:25 enkak in)
__________________________________________________________________

__________________________________________________________________

__________________________________________________________________

Kamsang Ezekiel, Daniel khanpihpa, in Pasian’ mite in biakinnpi nungngat

zawzen in ni suahnalam ngasa in omuh cih gen hi. Ni piangsakpa biakpiak ding
sangsik in a ni mahmah bia pah uhhi.
Mangmuhna 17 sungah, John in Babylon thukhun khat ahi, ni biakpiakna in,
tuhun biakna kiholem hunin Khrisian pawlpi sungah honglut ding cihi. Kum zalom
lina masalam in Constantine hong kikhelna in Roman kumpigam lungdamna lianpi
piangsak hi. Constantine in nibiakna tawh kinakzop mahmah hi. Tangthupu Edward
Gibbon in, “Ni pen leitung buppi in Constantine a kempa leh a makaihpa ci uhhi”
(The History of the Decline and Fall of the Roman Empire, chapter 20) ci hi. AD
321 kumin Constantine in “Sunday law” kipsak masapen hi. Tua kipsakna lai in,
“Ni zahtak piakna ni in, ukpite leh khuapi sunga om mipite khempeuh tawlnga in,
nasepphual teng khak ding hi” (—Edict of Constantine, A.D. 321) cihi. Ama’
khutnuai mikhempeuh in Sunday tang ding cih thukhauh zong hisak tuanlo ahih
hang, Roman mipi khempeuh lungsim sungah Sunday tannopna hong thahatsak hi.
Tualaipan kipan in kumpite leh pope-te in gam’thupiakna leh pawlpi makaite
thukimna tawh, Sunday nibekmah biakpiakni in kipsak uh a, tuni ciangdong mah,
Khrisian a tamzaw in zang ngeungau lai uhhi. Mipi a tawmzaw in thudang khat a
upzawk uh ciangun, thuman thutak in bangmah hong hihloh zen mahmah hive aw.

Na kimkot a Khrisian pawlpi tampitak in Sunday tanna laangsak mahmah cih

enpha in. Satan’ zuauthu in bangzah kizeelbaih nasa hiam? Misite’ omzia tawh
kisai in, eite’galdal in bangbek hiding hiam?
 WEDNESDAY May 31

Cihtak Ding Sapna

Mangmuhna 14 a vanmi nihna thupuak pen “Babylon cimhzo, cimhzo” ahi
hi. Mangmuhna 17 ah zong, khalam Babylon limpua numei in, puan a dupsan leh
ausan silh in, ganhingsan khat mah tuang a, ama’ lenggahzu hawmkawikawi in,
leitungbup in mawhna khamsak cihi. Pawlpi leh gam ki pumkhat hi. Khialhna in
gualzo hi. Dawite in khemna nalamdangte bawl uhhi. Leitung pen huntawp buaina
sungah kilawnsuk hi.
Tua laitak mahin Pasian’mite ahihleh gensiat, simmawh, nenniam leh
bawlsiat thuak uh a hihhang, Khris leh Kha Siangtho’ thahatna tawh kiptak in ki-
aapna tawh ding zo uhhi. Hell, leh gitlohna’ thahatna in Khris tungah cihtakna
kuaitan zolo hi. Ama’ sungah ombit uhhi. Amah in “belhna leh thahatna, haksat
hunin hong huhpahpahpa ahi hi” (Late 46:1).
Pasian in, hun nunung mite Ama’thu tungah citak dingin hongsam hi. Zeisu
in zong “Na thutawh amauti siansuah in. Na thu in thuman hi” (John 17:17) ci in
thungen hi. Mihing’ ngaihdan leh ngeina hilo, Pasian’thumaan in leitung tangthu
sungah eite hong makaih ding Nitak Aksi ahi hi.
Dr. Edward T. Hiscox, Standard Manuel for Baptist Churches laikungpu’
kammal in theih huai hi. 1893 kumin amah in, Sunday hong kipatkhiatna thu a hilh
ciangin amau patau thei mahmah uhhi.
“Sunday in dawibiakna tawh hong kipan in, ni-pasian mintawh Khrisian
sungah hong kituiphum citciat mahmah leh, a lampial pope in hong pomsuk ahih
manin, Protestant nangawn in zong a siangtho ngeina in hong zang tamai uhhi”—
Edward Hiscox, before a New York ministers’ conference, Nov. 13, 1893.

Simin Ezekiel 20:1–20. Ezekiel’ deihna bulpi bang hi a, cihtak ding sapna ah
Sabbath tawh koibangin kituak naci hiam?
__________________________________________________________________

__________________________________________________________________

Ezekiel 20 in, dawibiakna teng nusiazaw in pasian ahilo “Egypt’milimte”

munah Piangsak Pa hong biakpiak nading in hanthawn hi. Vanmi thumte thupuak
sungah, Pasian mahin zong “Babylon kicimzo” ahih manin “Piangsakpa biakpiak”
ding hong hanthawn hi. Sabbath tungah cihtakna mahmah in zong hun nunung a
ding athupi mahmah khat hongsuak ding hi.

Ezekiel 20:1–20 sungpan nangma ading bang pilna nangah thei hiam?? (1Cor.
10:11 etbeh in).
___________________________________________________________________
 THURSDAY June 1

Thumanhna ading Hehpihna

Numei puan dupsan leh ausan silh, ganhing san tungtuang nu in, ama’
lenggahzu hawm kawikawi ahih manin, leitungbup in Babylon zuauthu kham uhhi.
“Babylon lenggahzu” tawh kisai in EGWhite in “Tuazu in bang hiam? Ama’ zuau
thute hi. Thukham lina a Sabbath thukham pen Sabbath dangkhatmah tawh khek in,
Eden huansungah Satan in Eve a khemna kammal tengmah zangpha kik in kha
sitheilo cihthu vive genin nei hi.” —Ellen G. White, Review and Herald, Dec. 6,
1892. Hih zuauthu in mi awntampi khemzo hi. Pasian in, siatna sungah zungkip
takin a omom Ama’mite tungah hun nunung hanthotna piaden hi.

Simin Mangmuhna 18:4, 5. A puksa biakna sunga a omlai mi tampite Pasian in

koibang in sam ngetngut hiam?
__________________________________________________________________

__________________________________________________________________

I muhmuhsa genphapha leng, biakna sungmah ah a om Pasian’mi tampite in,

Lai Siangtho hilhcianna khawng zuungawpgawp uhhi. Lai Siangtho thumaan
teltaktaklo uhhi. Pasian in itna tawh tangtak in hong sapna pen: “Keima’mite aw,
amawh gamtatna ah kihelkha in, a gimthuakna thuak pih khading nahih manun
hong paikhia un” (Mang. 18:4).

Simin 1Johan 3:4 leh Rom 14:23 simkak in. Lai Siangtho in mawhna koibang in
telkheh hiam? Hih Lai Siangtho munte koibang in kituiton naci hiam?
__________________________________________________________________

__________________________________________________________________

Mawhna pen Pasian’thukham palsatna hang ahi hi. Thukham thuman theihna
ding zong a nungta Khris sungah upna hangbekmah ahi hi. Eite thanem, kitambaih
leh a pukbaih mawhneite vive ihi uhhi. Upna tawh Khris i saanuh ciangun, a beisa
teng hong sawpsiang in tu a ding hong thahatsak hi. “Ama’thu umin zuihtheihna
ding hehpihna” (Rom. 1:5) hongpia ci hi. Vantung in Pasian’ thukham a manglo
apawlpi mite hong zolna pen, upna tawh kalsuankik ding ahi hi. Sabbath a tang
Adventist mite hong zolna zongpen, angkhualna leh thumanh ding hanciamna nusia
in, eite mawhna thaman kisiatna panin hong honkhia, Khris hong hehpihna sungah
upna tawh nuntak ding ahi hi. Israel mite in thukham tungah a cihtakna (Thuhilhkik.
4:6) in, leitung mite maiah eite’ cihtakna mah hiding a, Babylon sungpan mihingte
i paikhiat pihtheihna ding lamlak zong ahi hi.
 FRIDAY June 2

Ngaihsutbeh Ding: “Mangmuhna sunga alian Babylon in a tuamvilvel in, a lampialsa

biakna teng aki pumkhatna limpua tuam hi. ‘Alian Babylon’ in Papacy, a lampialsa
protestant pawlpite leh sikhabiakna cih thumteng ki pumkhatna’ min ahi hi. Tua
Babylon kici kammal in amau’ kipawlna leh makaite hiphadiak a, nautangte tungah
tuphalo zawsop hi. A nautangte ahih uhleh ‘tuitampi’ hilel uhhi” (Rev. 17:1, 15) —
The SDA Bible Commentary, vol. 7, pp. 851, 852.
“Tua lampialna lianpi tungtawn in, kha sitheilo cih upna leh Sunday siangtho
sakna tawh Satan in mipite khemin huaiding hi. Kha sitheilo cih upna in sikha
biakna leh, Sunday siangthosakna in Rome bulphuhna kipsak ding hi” —E.G White,
The Great Controversy, p. 588.
Lai Siangtho lui sunga, Babylon gammite’ biakna sungah misisate’kha in
munthupi penpanin pang uhhi. Babylon gam mite in kha sitheilo ci in upna
kipmahmah nei uhhi. Sih peuh ciangin, kha kikholna leitung tunguh cihi. Kha
nungta tawntung cihpen Lai Siangtho hilhna tawh kilehbulh hi. The Jewish
Encyclopedia sungah zong kha sitheilo cih upna in khial hi cihi. “Pumpi a kisiat
nungah kha omsuaklai hi cih upna pen, Lai Siangtho in koimah ah hilhlo hi… Kha
nungta tawntung cihpen Jew mite in Greek mitetawh kikhawlhna pan hongngah
khakuh hi a, adiak in Plato’ upna hi a, Orphic leh Eleusinian kici tanglai Babylon
upna tumdang khatpan ahi hi”— Kaufmann Kohler, The Jewish Encyclopedia,
“Immortality of the Soul,” (1906).

Kikupding Dotnate:

1 Sihna tungtawn thumaan pen banghang in telcian ding thupi nasa hiam?
Bang panin hong dalthei hiam? Banghang in hong lungmuangsak thei hiam?

2 Dawi hong khemna pawlkhat in kitelcian mahmah napi, pawlkhat kawi

mahmah hi. A namnih mahin koibang in i pialthei tammaw?
 LESSON 11 *June 3 – 9

Pasian’ Seal leh Sapi’ Ciamtehna: Khen 1

SABBATH NITAAK

Tukaalsung Simding: Mang. 14:12, Efesa. 2:8–10, Matt 27:45–50; Mang. 13:15–
17; 14:4, Luka 5:18–26.

Kamngah: “Tuaciang in a nungta Pasian’ ciamtehna a tawi vantungmi khat

nisuahna lampan hong paito kamu hi. Leitung leh tuipi suksiat theihna ding
vangliatna a kipia vantungmi lite kiangah amah in, nakipitak in gen a, ‘I Pasian
nasemte a taltang tungah ciaptehna ibawlkhit matengin, leitung tuipi leh
singkungte susia naikei in’ aci hi.” (Mangmuhna 7:2, 3).

S
api ciamtehna tawh kisai in hun nunung thupiang dingte i sinciangin, Pasian
in koici sep a, khate’ galpa in koici sep cihpen hong kibanglo ding hi. Kidona
lianpi a thubulpi taktak pen Khris leh Satan kikalah cihtakna, ukzawhna leh
biakpiakna ahi hi. Mangmuhna 13 sungah sapi, Daniel 7 sunga kiineu leh
2Thessalonian 2 sunga “kisiatna’ tapa” cihte khempeuh in, Pasian’ vang liatna
buluhna leh langdo biakpiakna piansakna piangsak uhhi. Amau un hihlo phamawh
in zawh thawh thutawh hih uh a, khatveivei golhguk leh thaman tawh biakpiakna
sawl uhhi.
Tua’ langkhatah, Pasian’ gampen itna bekmah in thuzawh hi. Sapi biakpiak
ding sangin, Pasian’ mite in Amah mah biakpiakna sungah a lianpen lungnopna leh
a sangpen kipaakna nei uh hi. Amah in amau tungah kipia mahmah ahih manin,
amauti in zong Ama tungah ki-aap pha mah mah uhhi. Hun nunung ciangin
sapi’ciaptehna ngahna pan hong dalthei ding galmuanna khatbek om a – kuamah’n
a suktat zawhloh Zeisu tungah itna in Amah hong lenkipsak hi.

*June 10, Sabbath a ding kiginkholhna in tukaal lesson sim in.

 SUNDAY June 4

Thuakzawhna tawh Kipkho

Mangmuhna 14:7 sungah, Pasian in Piangsakpa bia ding in mikhempeuh
hongsam hi. Vanmi masa thupuak zong ahi hi. Mangmuhna 14:8 ah zong, Pasian in
“Babylon” pen biakna maanlo hi a, tanglai Babylon lui tungah zungkha hi cihi. Tua
in zong vanmi nihna thupuak ahi hi.
Mangmuhna 14:9, 10 ah, vanmi thumna in sapi biakloh ding a vauna ahi hi.
Vanmi in gingtak in kiko a, “Mi khatpeuh in sapi leh ama’ milim biakna pia a, a
taltang leh khut tungah ama’ ciaptehna a ngah peuhmah leh, tuami in Pasian’ hehna
zuhai dawnkha ding hi” cihi.

Simin Mang. 14:12. Hiteng ah hun nunung Pasian’mite omzia ding namnih in bang
teng hiam? Banghang in thupi khawm uhhiam?
__________________________________________________________________

__________________________________________________________________

Greek pau in “thuakzawhna” pen hupomone hi a, a hoihzaw letkhiatna ah

“thuakzawhna tawh kipkho” cihi. Hun nunung ciangin langdona leh bawlsiatna
nasia mahmah sungah a citak ding mipawlkhat Pasian in nei hi. Ama’ hehpihna
hangin, amaute thuakzawhna tawh kipkho dinguh a, a nungta Pasian bulphuh,
hehpihna tawh kidim in thumang in nungta ding uhhi.
Piangsakpa bia (Mang. 14:7) cihin, sapi biakpiakna tawh kilehbulh (Mang.
14:7) a, Pasian thukham kemcing in Zeisu’ teci panna aneite ahi uhhi (Mang.
14:12). Khris leh sapi’ vangliatna tungah cihtakna in, a nunungpen biakpiakna hong
hiding a, hih sialehpha kidona lianpi thulaigil in Sabbath mah hong hiding hi.

Simin Rom. 8:1–4; Efesa 2:8–10, leh Kolose 1:29. Hihmunte in upna tawh nuntakzia
bangpeuh honghilh hiam?
__________________________________________________________________

__________________________________________________________________

Upna tawh nungta in hehpihna ngah in nuntakzia hong khel hi. Honpa tungah
a ki-aapmah mah anungzuite in Zeisu “sungah” upnanei beklo in “Zeisu’ upna”
mahmah nei ding uhhi. Zeisu’ upna bangin, hun nunung amaute’ upna hiding a,
sihna sung dongah citak mahmah ding uhhi.

Na neuno tungah bangzah citak na hiam? Haksatna taktak hongtun ciang

ading bang honghilh hiam? (Luka 16:10).
 MONDAY June 5

Vannuaibup Kitom

Simin Matt 27:45–50. Hih munin singlamteh tungah Khris phutkhak thu bang hong
hilh hiam? Zeisu in ka Pasian aw banghangin hong nusia nahiam acihpen bang
khiatna nei a, hihthu in “Zeisu’ upna” cihin bang khiatna nei cih hong
telciansak thei hiam?
__________________________________________________________________

__________________________________________________________________

__________________________________________________________________

Singlamteh tungah kikhai, khuamial in tuamcip, leitung mawhna, zumna leh

suksiatna teng pua in, anuntak sung khempeuh abelh tawntung a Pa’ itna tawh
kikhenkhia hi. Hun hoih sungteng khempeuh Pa tungah a kiptawntung mah bangin;
hun siapen singlamteh tungdong ah kipsuak hi. Khuahun pianzia khempeuh in
lunghian theihna’ng vive ahih hang, Honpa in muangteiteilai hi. Pasian in taisan
bang ahihhun in zong, Zeisu in lelhna pialo hi.
“Khuamial lauhuai sungah, Pasian in taisan bang ahih kawmkal ah, Khris in
leitung haksat na haisungpan acilteng dawnkha talailai hi. Tuabang lauhuai
hunlaitak in, tuani dongmah a Pa’ saanna tungah kinga laiveve ahih manin, tua upna
tawh Khris in gualzo veve hi” —Ellen G. White, Khris Triumphant, p. 277.
Zeisu’upna cihpen upna thuthukpi hi a, muangin, ki-aap taktak ahih manin
leitung dawite khempeuh in kiloksak zolo hi. Muh theihloh hunin zong a muang
veve upna, telzawhloh hunin zong a umveve leh let ding atawm mahmah laitak in
zong a lenveve upna ahi hi. “Zeisu’ upna” mahmah in, haksatna sungmah in
uptentan manin hong kipia hi a, hong pailai ding haksatna zong hong zawhpih lai
ding hi. Tua “Zeisu’upna” mahin eite lungsim sungah khawsa in, Khris hong lianbel
sakthei banah, sapi’ ciamtehna hun zong kiptak mahin hong zawhpih lai ding hi.
Tuapen upmawhloh hunkhat peuhah hong piangvat mawk hilo hi. Pasian’
mite in nisim in upna tawh nungta toto ding uhhi. Khuahun hoih ciang, a siatciang
in, Pasian hong naibang ahih ciang, Pasian gamla bang ahih ciang – phamawh salo
ding hi. “Midik in upna tawh nungta ding hi” (Gal. 3:11; Habakuk 2:4) cihi. Ki
puahphat ding hun in tuhun ahi hi. Haksatna khempeuh sung ah upnatawh dingkip
peuhleng, nuntak sungin gahpha gahthei veve ding hihang.

Nangma nuntakna pen hong kinuaigawp ding bang ahih laitak in, nang
neihsun in upna khatbek cih ngaihsun in. Na koici hih ding hiam? Bang pilna
nangah kha hiam? Tua bang temah a phukha ding midangte nahuhtheih na’ng
bang pilna nangahkha hiam?
 TUESDAY June 6

Vawhbang in Aat
Sapi ciaptehna genkholna pen biakpiakna ah lampialna hi a, neihlam
khawsakzia khaktan (pD;yGm;a&;ydwfpdkY) na, bawlsiatna leh sihdaan chiding himai hi. Hong
thapia khat ahihna zong lungluthuai mahmah zel hi. Hun siatpen laitak in zong,
“Pasian’ thukham kemcing in Zeisu’ upna anei mite” (Mang. 14:12) Pasian in thapia
in kipsaklai ding hi. Tua thukham acihcih teng lakah, a li-na, nisagih Sabbath ni
kihel hi.
Mangmuhna 13 sunga sapi genkholna in, Pasian langdona ah asiapenpen, a
sangpenpen ahi hi. Ahihdan kipatna pen khemna hipah malam hi. Mangmuhna 13
sungah, mailam hunin gilopa in sapi icihcih biakna-gam kikop vangliatna tawh
zawhthawhna zang ding cihi.
Biakna bawlsiatna zong thuthak hi khollo hi. Pasian thupiakna tawh
biakpiakna abawlpa Abel pen Cain in a thahna pan hong kipan ahi hi (Pian. 4:1–8).
Kum zalom khatna pan kipan in bawlsiatna omtoto ding cih Zeisu in hong genkhol
khinzo hi. “Note hong that tekhawng pen Pasian nasem in a kingaihsut hun hong
tungding” (John 16:2; Matt 10:22; 1Pet. 4:12) cihi.
Sapi ciaptehna genkholna pen pasian manlo tawh kizopna nunungpen hiding
hi. A beisa bawlsiatna mahbang in, mi khempeuh upna namkhat umsak ding uh a,
biakna namkhat bek kipsak ding uhhi.

Simin Mang. 13:15–17. Hun nunung Pasian mite in bang haksatna masuan uh hiam?
__________________________________________________________________

__________________________________________________________________

__________________________________________________________________

Genkholna in bawlsiatna pen sumlehpai ciangtanna tawh kipan ding ci hi.

“Ciaptehna” a neilo peuhmah “zuaktheilo leitheilo” cihi. Tua hun ciangin, mi
tampite in lelhna pia ding uhhi. Thunial mi peuhmah sih daan bang hiliang phial
ding hi.
Hun nunung haksatna hongtun ciangin Khrisiante in sapi ciamtehna tawh
kiholem in a sangthei dingin dawi gilo in hongbawl ding hi. Tua hong tungding
haksat hun kantan zawhna dingin Pasian hong itna in hong thahatsak ding hi.

Simin Galati 6:7–9. Hun nunung thupiang ding sungah a kigelh kholloh hang,
a thukhunpi in sapi ciamtehna tawh koibang in zattaak a, koibang in dingkip
thei ding ihi hiam?
 WEDNESDAY June 7

Tuuno a Zui Mite

Simin Mangmuhna 13:1, 2. Sapi koipan hongpai a, kua in vangliatna pia hiam?
__________________________________________________________________

__________________________________________________________________

Mangmuhna 13 sunga sapi masa in vangliatna, tokhom leh thuneihna

lianpipen gulpi tungpan in ngah hi. Mangmuhna 12:9 leh 20:2 in, gulpi pen Satan
hi cihi. Satan pen galpilpa hi a, leitung vangliatna zangin nasem hi. Mangmuhna
12:3-5 in “gulpi”- dawigilo – in “Ta pasal” a suahphet in susianuam cihi. Hih “Ta
pasal” pen “Pasian in Ama’ tokhom tungah lato” cihi. Tuapa pen Khris ahi hi. Tano
Khris a suksiat nopman in, Satan in Rome kumpi Herod zangin nakpi takin nasem
hi. Zeisu’ ninunung ciangin, Roman gam khawk ukpa Pilate in Khris pen sihdaan
pia a, Rome mithatpa in singlamteh tungah khaisak in, Rome galkap khatmah in
teitawh sun in, Rome galkapte in ahan cingsak hi. mangmuhna 13:2 sungah, gulpi,
Satan in Rome dawibia kumpi tawh nasem a, ama’ tokhom leh ukzawhna aana pen,
hih sapi apia hi.
“Tua gulpi in, Satan limpuasak masaphot ahihtei hang, anihna ah Rome
kumpigam aiawh hileuleu hi. Roman Ukpigam a zomto vangliatna, gulpi tungpan
‘vangliatna, tokhom leh ukzawhna angah’ pen papal Rome ahihlam kician mahmah
hi” —The SDA Bible Commentary, vol. 7, p. 817. Tangthupu A. C. Flick in, “Rome
gam a kisiatgawp napan, lungsim gamlianpi ‘Roman pawlpi’ hong piangkhia hi”
cihi. —A. C. Flick, The Rise of the Medieval Church (1900) p. 150 as quoted in The
SDA Bible Commentary, vol. 7, page 817.

Simin Mangmuhna 13:3 leh 14:4 sung tengah, a kitukalh bangpeuh namukha hiam?
__________________________________________________________________

__________________________________________________________________

A kitukalh thu pen “leitungbup” in sapi zui uh a, Pasian in “Tuuno a zui

mihing” nei cihi. Munkhat peuhpeuh pan pangding hihang a, Zeisu ading maw,
Zeisu langpang ding maw! Lai omna, munlai cih peuhmah omtheilo hi. Zeisu tungah
kiptak in kipiakna ahih keileh, alang lamah pangding hilel hi.

“Keima’ min hangin note hong ki mudah ding hi. A tawpdong in a thuakzote
in hotkhiat ngah ding uhhi” (Matt 10:22). A tawpdong a thuakzo dingin na
kigingkhin hiam?
 THURSDAY June 8

Zeisu bek: Eite Palai

Simin Mangmuhna 13:4, 5. Hiteng ah sapi vangliatna bangpeuh ki pulak hiam?

__________________________________________________________________

__________________________________________________________________

Mangmuhna sapi pen, dawibia Rome panin leitung buppi biakding in hong
piangkhia a lampial vanglian biakna ahi hi. Mangmuhna 13:5 ah, zahkona vanglian
ahi hi. Lai Siangthothak in zahkona pen, Pasian tawh kikim kisakna hi cihi.

Simin Luka 5:18–26 leh Johan 10:33. Zahkona namnih koici gen hiam?
__________________________________________________________________

__________________________________________________________________

__________________________________________________________________

Makaite in Zeisu in zahko hi ci in mawhsak hi. Zeisu lampan, Amah in,

Pasian piaksa mawh maisak theihna vang ngahkhin ahih manin, thumaanlo
mawhsakna ahi hi. Tuapen Zeisu in Pasian mah ahihhang hi. Amahmah in Philip
kiangah: “hih tanvei omkhawm khin napi, kei hong thei nailo nahi hiam? Kei ahong
mukhinte in, Pa amukhin ahih manin, banghang in ‘Pa honglak in hong cithei nahi
hiam?” (Johan 14:9) cihi.
1Timoti 2:5 in zong, Pasian leh eite kikal ah mihing Zeisu Khris in palaipa
cihi. A kikelki in, Roman pawlpi in, mawhneite leh Pasian kikal palaipa in siampipa
hi cihi. Siampipa mahmah in mawhnei a, amahmah in palaipa kisam ahih manin,
eite’ palaipa hitheilo hi. Zahkona cihpen mi khat in Pasian tawh kikim akisakna leh
Pasian dinmun ah omna ahi hi. Roman pawlpi in, vangnei akisakna thunih anuai ah
enin: “Pope pen lian in zahtakhuai mahmah a, mi mawkmawk hinawnlo ahih manin
…hih leitung PASIAN ahi hi” cihi —Lucius Ferraris, “Papa,” article 2 in his
Prompta Bibliotheca (1763), vol. 6, pp. 25–29.
Pope Leo 13 napa in kiphatsakna tawh: “Ko (pope te) in hih leitung ah
Vanglian Pasian dinmun kalen uhhi” ci hi. —The Great Encyclical Letters of Pope
Leo XIII (New York: Benziger, 1903), p. 193.
Hih kammalte tungtawn in “anti- langdo” cih kammal “anti-Khris; Khris
langdopa” acih pen in, “langdo” kinken zong hikhollo in “mun-suan” peuhzong
hithei cih zong hong tellahna ahi hi. Tua hi a “anti-Khris” cihpen “Khris’dunmun
ah” cihzong hithei veve hi. Zahkona vive mah ahi hi.
 FRIDAY June 9

Ngaihsutbeh Ding: “Vantungah kidona lianpi a kipatlai tekin, Satan in Pasian

lawnkhia ding ngiimna neikhin zo hi. Tuathu a tangtutna dingin Piangsakpa langdo
a, vantung panin kihawlkhia taleh, leitung mahpan in tua a nasep zompaisuak hi.
Mihing khemin Pasian’thukham palsat sak ding lam a zong kinken hi. Thukham
khempeuh paihsiang leh khatbek nial kiaukuauna zong, a thaman akibang veve ahi
hi. Thukhunpite paihkhiatna ding in; Satan in Lai Siangtho thumaan susia in, thu
ummi tampitak upna sungah khialhna tawh kihelsak hi. Kidona lian sunga anunung
pen thumaan leh thukhial kitukalhna pen Pasian thukham mah hipah hi. Hih
galphual ah – mihing bawltawm thukhun leh Jehovah thukhun, Lai Siangtho sungah
biakna leh mihing’ ngeina banga piang biakna galphual ahi hi” —EG. White, The
Great Controversy, p. 582.
Mangmuhna sung tawntung ah, biakpiakna leh piansakna in kikhenkhia
theilo hi. Sialehpha kidona thubulpi leh sapi ciamtehna ahihtheihna cihte khempeuh
in, Pasian bek mah biaktakcing taktak ahihna pulaak hi. Khris in Piangsakpa ahihna
pen Sabbath biakpiakna thulaigil ahi hi. Zeisu in tuani a thupisakna in a “Topa”
(Matt 12:8; Marka 2:28; Luka 6:5) kahi hi cihi.
Sabbath in eite piankhiatna phawktawntungna ahi hi. Mihing ihihtheihna
hong phawksak hi. Mihing peuh mah mannei sak hi. Eite pen piansakte ihihna leh
Piangsakpa zong eite biakpiak dingpa ahihna hong phawksak sawnsawn hi. Tua
hangmahin dawigilo in Sabbath mudahlua mah mah hi. Eite leh Piangsakpa kizopna
khamkhau hi a, hun nunung ciangin zong tuamah thu pangpi hong hiding hi.

Kikupding Dotnate:

1 Tuipi’ sapi in ama’ ukzawhna angahna thubulpi bangteng hiam? Tuate zong
i theih lohkal in i lungtang sungah koibang in omthei ding hiam?

2 Satan zong a omtakpi mah hilo in tanglai thuciin hilel hi acite tawh koibang
in nakiho ding hiam? Na koici hilhcian ding hiam?
 LESSON 12 *June 10 – 16

Pasian’ Seal leh Sapi’ Ciamtehna: Khen 2

SABBATH NITAAK

Tukaalsung Simding: Mang. 12:6, 14; Dan. 7:25; 2Thesa. 2:3, 4; Thuhilhkik 6:8;
11:18; Pai. 20:8–11.

Kamngah: “Tua ciangin a nungta Pasian’ ciamtehna atawi vantungmi khat,

nisuahna lampanin hong paito kamu hi. Leitung leh tuipi suksiat theihna ding
vangliatna akipia vantungmi lite kiangah amah in nakpi takin gen a, ‘I Pasian’
nasemte a taltang uhah ciaptehna ibawlkhit mateng in, leitung, tuipi leh
singkungte susia naikei un’ acihi.” (Mangmuhna 7:2, 3).

K um zalom sawmlehnga lai in, Italy gam saklam Alps mualtung Piedmont
zangkuam ah, Waldenses akici mite, Lai Siangtho tungah a citak mahmah
mite teeng uhhi. Khris tungah citaklua uh ahih manun nasia takin kibawlsia
gawp uhhi. A.D. 1488 kumin, Loyse zangkuam a Waldenses te in amau upna hangin
Rome pawlpi thahna thuak uhhi.
Bawlsiatna dangkhat mah in kum zalom sawmleh sagih lai in hong piang a,
ukpipa Savoy in zong galkap 8,000 paisak in, mipite tenna sungah ama’galkapte
omthei dingin ngen hi. Ama’ngetna mipi in zong zawppah ahih manin, galkapte in
amau bawlsiat dingmite olno takin ngah uhhi. 1655 kum April kha 24 ni, zingsang
nai 04:00 am in, honthahna ding thukipia tahi. Tua tungin mi 4000 val in sihlawh
hi.
Tangthu peuhmah bel kizomzom mai hi. “Sapi ciamtehna” in tangtawng
laipek panin biakna vaimello in bawlsiatna tawh kizomden hi. A beisa bawlsiatna
mahtawh a kibang in, biak-piakna ngeina ding a kibawlsa tengmah lohtheihloh
zuisak ding hi. Guallelhna a pia-ngeilo ding mi Pasian in neitawntung ding hi.

*June 17, Sabbath a ding kiginkholhna in tukaal lesson sim in.

 SUNDAY June 11

Sihliamna
Mangmuhna 13 leh 14 sungah sapi’ vangliatna in, leitung buppi a ding
biakpiakna ngeina maanlo khat gen hi. Ahihhang adang zong omveve lai hi.

Simin Mangmuhna 13:5; 12:6, 14; leh Daniel 7:25. Hih vangliatna in abeisa
hunlaipek pan kipan in biakna bangtanvei ukcip ding ci hiam?
__________________________________________________________________

__________________________________________________________________

__________________________________________________________________

Hih sapi in tangthu sungah hun ciangtan pawlkhat mah ngahding cihi.
Genkholhna nikhat in kumkhat tawh kikim ding cikhin hi. Gamlak vakna 14:34 ah:
“nikhat ading kumkhat” ci in lai siangtho in nikhat pen kumkhat in sim hi. Pasian
mahmah in “Nikhat ading kumkhat kong sehsak khin hi” (Ezek. 4:6) cihi. Hih
thukhun mahpen Lai Siangtho in hun a genkholna Daniel 9:24-27 sunga kaal 70 hun
khawngmah ahzong kizang hi. Mangmuhna 13:5 a kha 42 acihpen zong, khakhat ah
ni 30 vive tawh, kum 1260 hong suak hi. Tanglai kum simna ah ni 360 ta phasak hi.
Kum zalom lina lai in, Roman kumpipa Constantine in Khrisian pen
agambup biakna suaksak hi. Nisuahna lam gamte a kaihkhop theihna’ng in, a khuapi
pen, Byzantium ah, AD 330 kum in khiin ahih manin, Rome kumpi mun hong
awngta hi. Tua mun awngpen Pope in hong luah hi. Biakna makaipi ahih banah
Europe sung buppi ukpa bangliang hongsuak hi. AD. 358 kum in, milimbia Rome
kumpipa Justinian in, upna lampeuhmah kembit tawntung dingin, Rome bishop pa
vaipuak hongpia hi. Hun laizang lai a pawlpi in AD 538 pan 1798 dong vanglian a,
hih lesson thupatna a omsa bangin bawlsiatna nakpi takin bawl hi. Napoleon i
galkap mangpipa Berthier in AD 1798 kumin, Pope amatciang in tua genkholna
hong tangtung hi.
Berthier leh a galkapte in Pope Pius VI manuh a, papal tokhom pan hong
hemkhia uh hi. Tuabang in pope akimat pen thu phamawh hong himah taleh,
Mangmuhna 13:12 in, a sihliamna damkik ding ci a, leitung in zong hi vanglian
panin thudang tampi zakbeh zawsop lai ding hi.

Lai Siangtho genkholna in mailam thupiang dingte hong theikholsak cihpen

bangzah in lamdang cih ngaihsun in. Pasian hong kamciam sate hong tungnailo
phialse mahleh a muanhuaina thu bangpeuh honghilh naci hiam?
__________________________________________________________________
 MONDAY June 12

Pialkhiatna

Simin 2Thesalonika 2:3, 4, 9–12. Hun nunungthu Paul in bang genkhol hiam?
AntiKhris vangliatna tawh kisai thu kician bang genkhol nei hiam?
__________________________________________________________________

__________________________________________________________________

__________________________________________________________________

Sawltak Paul in Khrisian pawlpi pen Pasian’ kammal thumaan panin

“pialkhia” ding cih hong hilhkhol hi. Lai Siangthothak pawlpi in lampialna khaici
vom ding a, Khris nihveina hongpai kikma in tua upna in phungcing mahmah ding
ahihna ngaihsak phadiak hi. Lungdamthu taktak ahi lo khat in pawlpi sungah
honglut ding a, Pasian thumaan subuai ding hi.
Tua lampialna nungah Satan omgige hi. Amah in “Pasian biakinnpi” sungah
omin, “Pasian tungsiah ah ka omhi” aci dingpa “mawhna mipa” (2Thess. 2:4) ahihi.
“Alian zuaukhempa” ama’ deihna picintheih na’ngin, mihing mah khutzat ding hi.
Daniel leh Mangmuhna sungah gamtatzia ding a genteng in, Daniel 7 sunga kiineu,
Mangmuhna 13, 14 sunga sapi leh 2Thesalonika 2 sunga “thukham palsatpa” a
cihteng pen kawkkhawm uhhi.
SDA Bible Commentary inzong: “Daniel genkholna sunga mindaisakna
milimbia Rome tawh a kizomsuk acihpen … leh, John in kamkeii bang ahi sapi
acihpen in …kiineu, sapi vangliatna leh thukham palsatpa acihteng tawh kibatna
tampi takmah nei hi. Hihthu in Daniel, Paul leh John cihte hong gen vangliatna …
papacy lammah ah hong zuatpih uhhi” cihi —Volume 7, p. 271.
Lai Siangtho genkhol thute in, Pasian’ kammal pan apialkhia mihing bawl
tawm, Lai Siangtho thumaan pan a lampialsa lungdamthu tawh biakna ngeina khat
hongpian ding hong pulakna thu ciapteh ding thupilua mahmah hi. Hih genkholna
khempeuh pen Zeisu nihveina hong paikikna’ng mihingte kigintheih nading in
Pasian in hong piak ahi hi. Pasian’ kammal panin a pialkhia biakna a thuhilhna
dingin Pasian piak ahihi (Mang. 18:4). I thupuak bulpi penin mihing awntampi a
khem ngeina khat’ thu ahi hi. Khemthuak mahtaleh uh, Khris in itveve hi. Eite’n
zong tuabang in ihih ding uh ahi hi.

“Tua hi a, note tungah hong kibawl ding nadeih bangun, midangte tungah
nabawl un; Moses thukham leh kamsangte thuhilhnate pen hihmah a deihna
ahi hi” (Matt 7:12). Mangmuhna 13, 14 a sapi vangliatna tawh kisai in hih a
tunga thute koibang in zangsiam ding ihi hiam?
__________________________________________________________________
 TUESDAY June 13

Satan’ Galhiam Nunung

Entel siamte in sanglam leh ukna aana neite kimuangzo nawnlo cihi. Mi
tampi in “biakna makai ding kilawm kituak leitungah kua omding hiam ci uh hi.”
Mangmuhna in ahihleh biakna leh gam kipawlna ah a muanhuaipen vangliatna
hiding in, sapi vangliatna hi cih pulak hi.

Simin Mang. 17:12–14. Hih leitunghun nunung pen John in bangci pulak hiam? A
vanglian mahmah langdona bangpeuh namukha hiam?
__________________________________________________________________

__________________________________________________________________

Hihtengah thu kician mahmah thum John in pulak hi. Khatna, leitung
thahatna in “lungsim pumkhatna” nei a, “amau thahatna leh ukzawhna” pen sapi
aap hi. Anihna, hih a kihelzau zuauthu in Zeisu leh Tuuno langdo hi. Thumna,
leitung gal nunungpen ah, Khris leh a nungzuite in gualzo uhhi. Sapi in gualzo lo a;
Zeisu in zo hi.
Dawimangpa in leitung minamte gawmkhop na’ng bangthu a zangtam
ngaihsun in. Tang thu in hong genphapha hi. Rome ukpi gam kipukna pan
thumanpha tampitak kimukhia hi. German te in saklam gamteng hong zawh
takciang in, Rome kumpipa Constantine in biakna lamah hong kiheita hi. Pawlpi
thuneihna in gam’thuneihna tawh kop in, Constantine deihna bang lianin hong
kizangthei ta hi. Kum zalom lina sung, buaina tuamtuam kawmkal ah; Sunday
sianthona hong thahat mahmahna in, biakna leh gam kipumkhatna hong piangsak
hi. Constantine in a gam kipum khatsak nuam mahmah a, Rome pawlpi in tuathu
piangsak nuam mahmah hi. A minthang tangthu pu Arthur Weigall in zong: “Pawlpi
in Sunday siangthona bawl … tuani in kalsim ni’pawini hi a; Khrisian biakna in
zong milim biakna pawi khat tawh mipite a lungdamsak ding pen, Khrisiante
masuan hi” cihi. —The Paganism in Our Khrisianity (New York: G. P. Putnam’s
Sons, 1928), p. 145.
Buaimahmah laitak in, leitungbup a patauh laitak in, liam lehbai, launa hunin,
mipite in amau a kembit thei ding thukhat peuhpeuh lunggulh mahmah uhhi. Tanglai
a mingongtatte omzia hi a, tuabang piangkik ngei nawnlo ding kici theilo hi.
Genkholna sungah, hun nunung ciangin hih tengmah hong piangsak kik ding cihi.
Hih thute hongpian theihna ding ngaihsut hakmahmah phial taleh, leitung ah
hibang thute piangpahpah lel cih i muhsa ahihi. Hong piangding thute theihkim
zawhloh hang, hong piang bang bang masuan dingin kigingsa omding hihang.
 WEDNESDAY June 14

Sapi Ciamtehna

Simin Mangmuhna 14:9 leh 14:12. Sapi ciamtehna koi ah kikoih hiam? (Thuhilhkik
6:8; 11:18 enkak in). Pasian’ mite leh sapi ciamtehna ngahte kikhaihna namnih
bangteng hiam?
__________________________________________________________________

__________________________________________________________________

Khatzaw in sapi bia a, a khat in Pasian’ thukhamna kemcing (sapi in a laihnop

mahmah thukham a lina kihel) a, Zeisu’ upna bang upna nei uhhi. A kilamdanna tua
ahi hi. Dawimangpa in zong, tuipi-sapi leh lei-sapi tungtawn in nasem in, Pasian
ukzawhna leh biakpiakna ahi Sabbath mah langdo sawm hi. Sapi ciamtehna pen
taltang leh khuttung ah kikoihsak hi. Taltang cihpen lungsim, ngaihsutna,
geeltheihna leh khentelna omna acihna hi a; khut ahihleh zuihna leh sepna a
cihnopna ahi hi.
Biakna lamah suahtakna hong kigaakcip ding hunin upmawh sangin hong
manlangzaw tham ding hi. Pasian Kammal bangin Sabbath thumaan a zui cinten
mite pan kipumkhatna a susia ding langdona hongkici zawsop ding hi.
“Lai Siangtho Sabbath a zahtak mite pen, thukham leh daihna langdo mite ci
in, mipi lang pangte hi uh a, Pasian thukhenna leitung ah a samsukte hong kicikik
bilbel ding hi. A thumanna leh zahtakkaina khawng pen, lungsim khauhna leh ukna
langdona suaksak ding uhhi. Kumpite maimialsak cihtawh kimawhsak ding uhhi.”
—Ellen G. White, The Great Controversy, p. 592.
Rome pawlpi in Sunday nipen biakna lamah amau’aana neihna “ciaptehna”
hi cihi. Tua mahbangin, Catholic pawlpi in zong tua kikhelna pen amau’sep hi ci uh
a… Tua sepna in zong, biakna lamah amau’ vangneihna ciaptehna hi cihi. —The
American Catholic Quarterly Review, January 1883.
Mangmuhna in a genkholna ah, leitung
gamkhempeuh haksat hun in, leitung mahmah in gam,
biakna leh mipi kizopna leh lungsim kipuahphatna hong
omding a, Sunday tanna zong hong kisawlngawh tading a
“sapi ciamtehna” hong suak ding hi. Koici pian ding cihpeuhmah kithei nailo hi.
Lai Siangtho inbel a zaipi in hong pia a, sialehpha kidona lianpi pen sapi biakpiakna
leh Piansakna limpua nisagih Sabbath in a thubulpi hong hi ding hi.

Mihing peuhmah pen Pasian lampang leh Satan lampang ci in koibang in

kikhen tawntung uh hiam? Banghang in munlai omtheilo hiam? Kua lamah
pangzaw cih eilehei koici kitheih ding ihi hiam?
 THURSDAY June 15

Sabbath Sittelna
Tu mahmah in, bawlsiat na’ng vive kiginna omtawntung hi. 2012 kum, June
ni 6 ni in Pope Benedict XVI in, Rome khua, St. Peter’s Square ah mihing
kikaikhawm 15,000 tetungah a genna ah, Sunday pen mihing khempeuh tawlngakni
hiding a, amau lungsim suakta takin innkuante leh Pasian tawh kikhawlthei ding uh
cihi. “Sunday guptentanna in mihing suahtakna gupna hi” cihi. Hihthu in, nidang
khatpeuh tanna hangin, Lai Siangtho Sabbath a langdo cihna zong hipah samlo hi.
Ahihhang Sunday pen “tawlngakni” ahih sese in ngaihsuthuai hi. A sawtlo in,
thukhauh hongpai ding a, Pasian’ kammal bangin Sabbath thumaan azuite pen mipi
langpangte hongsuah ding uhhi.
Hih haksat hunciang in, a citak Pasian’ mite in, Ama’ hehpihna leh
vangliatna tawh Ama’ nungmah zuikip ding uhhi. Mi’ thapiakna peuh zuimawk
mawk loding uhhi.
Sapi ciaptehna ahilo, Pasian’ seal ngah ding uhhi. Seal pen tanglai in,
kumpite ukzawhna aana kipna in kizang tawntung hi. Pasian’ seal pen Ama’
thukham kipsakna hiding in i um hi. Tanglai sealte zong mikhat leh khat kibanglo
hi. Kamsangpa Isaiah in “Ka nungzuite aw, Pasian in kei hongpiak hihthute limtak
in kem in koihcing un” (Isa. 8:16) cihi.

Simin Paikhiatna 20:8–11. Sabbath thukham sungah bang Lai Siangtho seal namu
thei hiam? Sabbath thukham in adang thukham tetawh koibang in kilamdang
hiam?
__________________________________________________________________

__________________________________________________________________

Thukham lina sungah seal tawh kisai thuthum kihel hi. Khatna, seal neipa:
“Topa note Pasian” (Pai. 20:10). Nihna, seal neipa zaa: “Topa piangsakpa” (Pai.
20:11). Thumna, seal neipa gamhuam: “vantungte leh leitung, tuipi leh a sunga
omkhempeuh” (Pai. 20:11). Mangmuhna 7:1, 2 sungah Pasian’ seal pen lungsim
limpua taltang tungah kikoih hi. Eima teelna leh suahtakna pen Zeisu in thupisak hi.
Pasian kammal upna sungpan pialkhia nawnlo ding in, i lungsimte Ama’ Kha
siangtho tawh kibawlpha sakding in hong zolzol hi (Eph. 4:30). Mi citakte a
cihciang in “Pasian’ thukham a kemcingte leh, Zeisu bang upna aneite” (Mang.
14:12) a hihlam zong i telsiam tahi. Tua thukham a cihte sungah, sapi in a khelnop
mahmah thukham lina zong kihelpah hi.

Biakna suahtakna gaakcipna lamah hong zuatpihthei ding in namuh bangpeuh

a om hiam? Hong khak honghal bangpeuh omlai hiam?
 FRIDAY June 16

Ngaihsutbeh Ding: “Protestant in amau leh Roman vangliatna tawh kikal a

kuamthukpi kantan in a khut hongzan ding a, sikha hopihna tawh hongsawk ciangin,
hih namthum teng hong ki gawmtuah ding a, USA in zong, ama’ ukna ngeina
khempeuh nusia in Protestant tawh kipawltheih ding lampi hongzong ding a,
papal’zuauthu tengin mun honglaksak takciang in, alamdang mahmah Satan’
nasepna teng kiteltaktak tading a, hun nunung naimahmah ta cih kitheipah ding hi.”
—Ellen G. White, Testimonies for the Church, vol. 5, p. 451.
“Mangmuhna laibu sung tawntungah Sunday in biakpiakna ni langdona
ahihlam ki telkhin lua hi. Tua Sunday in, a uphuai hetlo liangzah in gulpi’ khelpilna
hi a, Pasian tung ah hehmahmahna tawh Ama’ thukham khelding a hanciamna ahi
hi. Lamdang vevalualo napi khemna thukpi hileuleu hi. Vannuai buppi in, amah pen
Pasian dinmun ah koih in biak piakna bulpi a hihtheihna dingin, Pasian’thukhamte
in, diktatlo ahihmanin, laihkul hi cihi. Tua gulpi in, Pasian pen thukham sungah,
Piangsakpa leh Tankhiapa ahih kopna munsan lianmah, biakpiak taktak dingpa
ahihna sanlian panin thukham lumlehsak lian hi (Pai. 20:8–11; 5; Mang. 4:11; 5:9,
13, 14). Tuabang in thukham akhelsakna pen muhdahna bek hilo in Pasian bekmah
biakpiak ding ahihna munlian a buluh nopna zong ahi hi. Hibang in thukham a
khelna tawh amah gualzawh sawm hi.” —Ángel Manuel Rodriquez, “The Closing
of the Cosmic Conflict: Role of the Three Angels’ Messages,” pp. 53, 54.

Kikupding Dotnate:

1 Lam-etna bekmah tawh hun nunung manawhin kalsuan ihih teihang,

lawplua in hun leh ni ciangtanna khawngtawh hong kihilhna khengval khakloh
ding bang hangin thupithei ding naci hiam? Bangzah lauhuai thei ding a, hong
kihilhkholna ciang khengvalna hangin bangthu peuh piangngei hiam?

2 Tua a kigensa lauhuainate pialkawm in; hibang leitung omzia peuhmah

tawh tua sapi ciaptehna leh bawlsiatna khawng zong hong piangthei ke’nteh
acite tungah koici bangin dawngpha kik thei ding ihi hiam? Hibang palam
zonna pen ngaihsun siam abatlaitak mah in, banghang in ngaihsun siam
satheilo zaw ihi hiam? Leitung ah zong thute manlang takin kikhel zatzat
ahihzong phawk in.
 LESSON 13 *June 17 – 23

Pasian’ Vaang tawh Taangpempam

SABBATH NITAAK

Tukaalsung Simding: 1Thess. 5:1–6; Johan 8:32; Mang. 18:1; 4:11; Pai. 33:18,
19; Mang. 5:6, 12; 13:8.

Kamngah: “Tuakhit ciangin vantung panin vantungmi adangkhat hongpaisuk

kamu hi. Amah in aana alian mahmah nei a, ama’ vangin leitung buppi a taan
hi” Mangmuhna 18:1.

A
sawtlo in, hun nunung thute hongpiang tading a, cikciang, koibang cihpen
hong kihilh lianlo hi. Ahihhang honghilhsa teng kicinglua lel hi. Pasian
thukham lina langdo in, Sunday tanna ding thukip piakna zong, hongpiang
ding hi. “Vantung leitung tuipi leh ciktui te abawlpa” (Mang. 14:7) langdona in,
leitung buppi huam in hong piangding a; “leitung piancil panin a kigokhin Tuuno’
laibu sungah amin kigelhlo khempeuh in tua sapi leh a milim bia ding uhhi” (Mang.
13:8) cihthu Mangmuhna mahin hong hilhkhol khinzo hi. Zeisu Khris’ nung zuiding
teel a, Ama thukhamna amang khempeuh – amau’minte in nuntakna laibu sungah
omgige ding hi. Mihingte hong ciapteh lelding sangin, Pasian hong ciapteh ding
bangzah in uthuai zaw hiam.
Hihthu leitung ah ahilh dingin Pasian in Seventh-day Adventist Pawlpi hong
phutkhin hi. Tua ahih manin, Zeisu thumaan sungah, eimahmah, kikhel ding hang
a, ei ading Zeisu hongsihna a kibulphuh, Ama’ sungah eite’ hotkhiatna ahi
“tawntung lungdamthu” (Mang. 14:6) tawh kipuahpha in thaksuah ding kisam
hihang.

*June 24, Sabbath a ding kiginkholhna in tukaal lesson sim in.

 SUNDAY June 18

Haksatna Nunung ading Kisakkholna

Simin 1Thesalonika 5:1–6. Hun nunung ading Paul in bang hanthotna hong pia
hiam?
__________________________________________________________________

__________________________________________________________________

Paul in, Khris nihveina hongpai ding thutawh kizui in Thessaloniki thu-
ummite tungah “khuaphawk in pilvang” dingin hanthawn hi. Paul in tualai thu-umte
tungah tuabangci ahihleh eitung ah eleh?
Paul in amaute pen “khuavak’tate” (1Thess. 5:5) naciliang a, “khuamial
sungah omlo” uh ahih manun, “Khris hongpai ding ni” in “guta bangin” (1Thess.
5:4) hongtung ding cihi. Zeisu in “khuaphawk” acih kammal pen, lungsim takpi
tawh thungetna tawh kizom (Matt 24:42; 26:40, 41) cihi. Khuaphawk cihpen
khalam tei cihna ahihi. Pilvang cihpen eima nuntak hun leh thuphamawh taktakte
hoihtak in awlmawh cihna ahi hi.
EGWhite: “leitung in athuakding pen lianlua nasialua a hong tungvat ding
ahih manin, thumaan zong hoihtak in kiginkhol kul hi.” —Testimonies for the
Church, vol. 8, p. 28.
Leitung in a lam-etloh laitak himah taleh, eite ading in lam-etloh laitak hilo
hi. Cikciang ding hiam i theihloh hangin, hong naita cihbel kimuthei lel a, tuni in
kiginding ni ahi hi.

Daniel 2 enkik inla, genkholsa bangin, kumpite piangin bei cih namu ding hi.
Hihthu in, Pasian genkhol peuhmah tangtung teitei cih muantheihna’ng hong
koici hilh naci hiam?
__________________________________________________________________

__________________________________________________________________

Khris in hihun nunung thupuak hongpiakna in, hong tungteitei ding ahih
manin, i kiginkhol theihna’ng ahi hi. Daniel leh Mangmuhna genkhol thute pen,
khangthak genkholna tetawh tuiton leh, leitungah bang hongpiang ding cih hong
mutheisak hi. Pasian genkholna kammalte in, hotkhiat na tangthu hong theisak
maleep a, Daniel 2 inbel, Pasian i muantheih nading thupiangte honglak hi.

Paul in, midangte bangin “ihmulel” ding hongcilo hi. Bang acihnopna hi a,
ihmu cih koici kitheithei ding a, ihmu takpi ihihleh zong bangin hong phawng
thei ding hiam?
 MONDAY June 19

Thumaan Thei

Simin John 8:32; John 7:17 leh John 17:17. Thumaan tawh kisai Zeisu in bang
kamciam hongpia a, koi ah kimuthei hiam?
__________________________________________________________________

__________________________________________________________________

__________________________________________________________________

Pasian in a nunungpen hong hanthotna pen, Babylon gitlohna nusia in, Ama’
kammal sunga om thumaan khuavak sungah kalsuan ding ahi hi. Na khempeuh a
lamhong pen Lai Siangtho hi a, mite in Lai Siangtho lenkip in a zuih laisiah, hun
nunung ah khemin omlolel ding a, a phadiak in Sabbath vai mahmah ahi hi.
Vantungmi thupuak in zuauthu sangin thumaan, mihing’ngeina sangin Lai
Siangtho, upna maanlo peuh sangin Pasian hong thuhilhna saang ding hong deih
sakzaw hi.
Vanmi thumna thupuak, amasa tegel’nungpan hongzui pen in, sapi’
ciaptehna thu hong hilhkhol hi. Lai Siangtho genkholna sung tawntung a, sapi in
leitunggam aihke’h biakna vangliatna limpua hi. Mangmuhna 13 leh 14 sunga tuipi
sapi penin, leitungbup biakpiakna khat in Rome sung panin hong piangkhia hi.
Rome vangliatna in leitungbup huzaap phial in, pawlpi leh gam kipawl theihna’ng
hong makaih ding hi. A mungtuppi uhpen, sumlehpai lam ahi a, leitung pulnatna,
mite buaina, gamtuamtuam gamvai thusia omhun laitak in kipumkhatna neihtheih
nading ahi hi.
USA mahmah in tua leitungbup kipawlna pen hong makaih ding hi. “Alian
zuauthu ahi kha sitheilo upna leh Sunday siangthosakna cihte tungtawn in, Satan in
mipite hongkhem ding hi. Kha sitheilo cih upna in sikha hopihna hong piangsak
ding a, Sunday siangtho sakna in Rome tawh ki zopna hong bawlsak ding hi. USA
a protestantte mahmah in akhutuh hongzan ding uh a, Rome vangliatna tawh khut
hong kilen ding uh a; hiteng thum hong ki pumkhat takciang in, amau’ hoih sakna
bangbang in hong kalsuan tading uhhi” —Ellen G. White, The Great Controversy,
p. 588.
Hih thupuakte sungah, Khris nungzui a, lungsimsung vuah anungta Zeisu’
upna tawh Pasian thukham a zuite zolna thupi omhi (Mang. 14:12).

Zeisu’ kammal “thumaan in note hong suakta sakding hi” acihpen koibang in
natel hiam? Bang acihnopna hiam? Thumaan in koibang in hong suaktasak
hiam? Hitengah “suakta” cihpen bang hiding hiam?
__________________________________________________________________
 TUESDAY June 20

Kipuahphatna Kizomsuak
Pasian in hun nunungmi pawlkhat neituam a, tuate in biakna puahphate
liangko tungah ding in, Lai Siangtho bekmah amaute’ upna hisak, Khris bekmah
amau hotkhiatna bulpi, Khasiang tho bekmah amaute’ thahatna leh Topa hongpai
kikna’ng zong amaute’ lam-etna bulpi hiding hi. Mihingte’ ngeina leh khuamial in
a seelcip, Lai Siangtho Sabbath kihelna thumaan pen, Topa hong paikikma in
leitung khempeuhah kipulaak ding hi.
Hih vanmi thumna thupuak in, hun nunung biakna puahphatna piangsak
picingsak a, hih leitungah Khris nasepna zosak hi. Lai Siangtho laibu nunungpen in,
lungkiat theihna tampitak kawmkal ah, Pasian thupuak nunung pulaak hi.
Mangmuhna 14 sungah leitungbup pawlpi in tawntung lungdamthu tawh tuam hi
cihi.
Mangmuhna 14 sunga vanmi thumteng khit ciangin, Mangmuhna 18 sungah
vanmi lina in zui hi. Hih vanmi in, vanmi thumte thupuak tangkona ah vangliatna
pia ahih manin “leitung in Pasian’ vaangtawh taang pempamh hi” (Mang. 18:1)
cihi. Alian 18 pen leitung tangthu sungah a lianpen, lungdamthu gualzawhna pulaak
hi.

Simin Mangmuhna 18:1. Hih vanmi tawh kisai bang thuthum John in pulak hiam?
(Hab. 2:14 ah zong kimu thei)
__________________________________________________________________

__________________________________________________________________

Biakbuk sunga om minthang Pasian kiangpan hong tuaksuk vanmi in, Pasian
thupuak nunung tangko ding leh, leitungah hong tungding thute, leitung mite in
theikhol sakding in vaipuak kipia hi.
Tua vanmi in “aana lian mahmah” nei cihi. Lai Siangtho thak sungah
Greekpau in “aana” pen exousia ahi hi. Zeisu in nungzuite a sawlkhiat lai in hih
kammal zang hi ci in Mate Lungdamthu in ciamteh hi. Matt. 10:1 sungah, Zeisu in
anungzuite pen dawigilote tungsiah ah “aana lian” pia hi. Sialehpha kidona sungah
gualzawhna dingin vantung vangliatna pia in paisak hi. Matt 28:18,19 ah zong,
khatvei sawlpha kik a, tuatung inbel vantungah “vangliatna khempeuh” guan in
“mikhem peuh ka nungzui suaksak un” cihi.

Nidang a hongpai ngeisa vangliatna aana in, tulai hun nunung ciangin koibang
in hongpai kikkik hiam? Akua aana zui ihi hiam: Pasian’aana, eima aana, sapi’
aana maw, adang khat peuhpeuh maw leh? Tu in nangin kua aana zui nahi
hiam?
 WEDNESDAY June 21

Pasian’ Vangliatna in Leitungah Kidim

Simin Mangmuhna 4:11; 5:12; 19:1; leh 21:26. Mangmuhna 18:1 na ah Pasian
vangliatna in leitungah kidim acihna ah bang kammal tawh kizom hiam?
__________________________________________________________________

__________________________________________________________________

Vannuai ah sialehpha kidona lianpi pen Pasian zahtakna leh vangpiakna thu
zong hilai veve hi. Satan kici langdo vanmipa in, Pasian diktatlo a, biakpiak dingbek
hong ngen in, bangmah hongpia mello hi cihi. Gilopa in, Pasian thukham in eite’
suahtakna leh lungnopna hong gaakcip hi cihi.
Zeisu nuntakna, sihna leh thawhkikna in tua zuauthu lawnthalta hi. Eite hong
Piangsakpa in eitemah hong tankik dingin hih leitung guldumthuk sungah hong
tuaksuk hi. Satan mawhsakna bulpi ahi Pasian in itna leh dikna tawh kidim ahihlam,
singlamteh tungpan hong dawng hi.
Ama’ itna sungmah ah, Ama’vang ading in, Ama’ hun nunung mihingte in,
Ama’ itna leh minthanna, biakna neimello in angsungbek akhual hih leitung ading
kipumpiakna hangin, leitung buppi ah Pasian’ vang tangsak hi.

Simin Pai. 33:18, 19. Pasian in Ama’ vang Moses tungah koici lak hiam? Pasian’
vang in bang hiam?
__________________________________________________________________

__________________________________________________________________

Pasian vang in Ama’ omzia hi. Eite Pasian’ itna tawh kidim in, eima omzia
zong tatkhiatna itna tawh kidim leh, leitung pen Pasian vangtawh kidim ding hi.
Eima mimal nuntakna sungah Ama’ hong itna pulakna in Ama’vang, Ama’
omzia pen leitung ah a pulaksak ihi hi. Khalam khuamialna kawmkal ah vanmi
thumte’ thupuak ahi leitung ah eite pulak ding a nunungpen thupuak in, “Pasian
kihta unla Amah phat un” (Mang. 14:7) cihi.
Eite gamtat hoihna leh dikna sungah eite vangliatna omzo theilo hi. “Khris’
dikna thupuak pen leimong khatpan leimong khat dongah thawnsak ding hihang.
Hihpen vanmi thumna thupuak maa a zialsakna leh Pasian minthanna ding ahi hi.”
—Ellen G. White, Testimonies for the Church, vol. 6, p. 19. Ellen G. White mah in:
“Upna tawh dik kisakna in bang hiam? Leita ahilel mihing in ama’ading nangawn
ama’hihtheihloh vangliatna pen, Pasian in hong hihsakna ahi hi.” —Testimonies to
Ministers and Gospel Workers, p. 456.
Eima minthanna ding bangmah omlo a, Pasian ading bekmah ahi hi.
 THURSDAY June 22
Tuuno, A Kigo Tuuno
Mangmuhna sungah limpua tampi om a, a thupi vive mah zong hi uh a;
vantungah gulpi khat (Mang. 12:3, 4, 7), vanlaizang aleeng vanmi (Mang. 14:6),
sapi tung atuang numei khat (Mang. 17:3), cihkhawng ahi hi. Pasian kammal pan
vive hi a; Kha Siangtho in Johan humuap in, tuate simin azui mite tungah thumaan
thutak hong pulaak ahih manin, “Hih laibu asim mite mi hampha hi a, hihthu kigente
ngai in, hih laibu sunga kigelh thu a zuite zong mi hampha mah ahi uh hi. … Hih
thute hong tunding hun naita hi” (Mang. 1:3).
Mangmuhna laibu sung tawntung ah hong kidawk dendenkeei limpua
khatmah omleuleu hi. Bang limpua hi a, bang aiawh ahi hiam?

Simin Mangmuhna 5:6, 8, 12; 7:17; 14:1; 15:3; 19:7; 21:22, 23; leh 22:1, 3. Tua
limpua tuuno, akhiatna bang, Mangmuhna laibu sungah banghang in kilang
pahpah hiam?
__________________________________________________________________

__________________________________________________________________

A laibu thumakai in “Zeisu Khris’thu” cipah ngiat hi. “Tuuno” hiziau beklo
in, “akigo” Tuuno hisese hi (Mang. 5:6, 12; 13:8). Tuapen a kikhailum Zeisu Khris
ahi hi. Hihteng ah lungsim leh kha’thu hi a, Lai Siangtho bu hangbek hilo,
Mangmuhna mahmah leh vanmi thumte thupuakte mahmah ahi uhhi. Tuuno, akigo
Tuuno, khailup thuak Zeisu, eite mawhna ading aki pumpiakpa, tua thupuak’
thulaigil pipa omlo peuhmah in, Pasian in Ama’ pawlpi nasep dingin hongsapna
tung ah thumaanna leh cihtakna omtheilo ding hi.
“Eite upna laigil ah, eite nasepna leh thuhilhna sermon laitang ah, laigelhna,
thungetna, lasakna, Lai Siangtho hilhcianna leh i nasepna khempeuh sungah tua
akigo Tuuno peuhmah pen alaigil leh abulpi in koihhamtang ding hihang.
Singlamteh tungah hong pulak Tuuno’ hong itna in midangte tawh ikizopna leh
leitung idonna khempeuh ah pulakkhia sawn ding hihang” —Ángel Manuel
Rodriguez, “The Closing of the Cosmic Conflict: Role of the Three Angels’
Messages,” p. 70.
Cihnopna ah, alauhuai sapite, galdodo gulpi, pulnatnate, bawlsiatnate,
sapi’ciamtehna cihte khempeuh kawmkal mah ah; a masapen leh a laigilpen ah
Tuuno, akigo Tuuno omgige lai hi. Amah bekmah, hong hihsaksa teng, tumah in
hong hihsak leh hong hihsak denlai ding teng – khempeuh pen vanmi thumteng i
thupuakteng mah ahi hi.

A kigo Tuuno pen thupuak laigil ah koihna in, midangte i makaihna leh
eimahmah kha nuntakna a dingin banghangin thupi thei naci hiam?
 FRIDAY June 23

Ngaihsutbeh Ding: “Pasian’ nasemte in, ki-aapna siangtho hangin amaitang uh taang
in, munkhat pan mundangkhat paisemsem uh a, vantung pan amau saansa thupuak
tangko uhhi. Aw tulsim tawh, leitung khempeuh ah, vauna pia kawikawi ding uhhi.
Na lamdang bawl, cina damsak in, lim lamdangte in thu-ummite nungzuih ding
uhhi. Satan in zong nasem veve in, zuau nalamdang bawl ding a, mihingte muhna
ah vantung panin meikuang nangawn kiasuksak ding hi” (Mang. 13:13).
“Kha Siangtho in lungsimteng zokhin ahih manin, tua thupuak pen hong
kinialna tampi omkhollo lel ding hi. Tua kinialna’ng teng kilangh khinzo hi. Khaici
kivawh khinzo a, hong potoh ding leh hong gah ding bek kisamlai hi. Mission
nasemte hawmkhiatsa teng khempeuh in mite lungsim zodikdek khinzo a, a lungsim
uh a kigaakcip sak mi pawlkhat ahihleh tua thumaan telcian zolo in thumang ding
lam in paikhollo ding uhhi. Tu in khuavak in munkhempeuh taanta a, thumaan zong
siangtak in kimuthei ta a, a thumaan Pasian tate ahihuh leh, amau a lencipteng
khempeuh zong nusia uhhi. Innkuan kizopna, pawlpi kipawl na cihte in amaute tuate
sungah a omciploh nading in kemzo tuanlo hi. Thumaan ahihleh nakhempeuh
sangin manphazaw pek hi. Mitampi takmah in thumaan langdo mah taleh, tampi
mah in Topa’ lamah dingkip veve uhhi”—Ellen G. White, The Great Controversy,
p. 612.

Kikupding Dotnate:

1 Ellen G. White in “upna hangin dik kisakna thupuak pen vanmi thumna
thupuak taktak ahi hi” cihi. — Evangelism, p. 190. Bang acihnopna hiam?
Upna hangin dik kisakna in vanmi thumna thupuak tawh koici kizop hiam?

2 Mang. 14:12 simkik in. Pasian’ thukham kepcinna leh kumpi thukham
koibang in kilamdang hiam? Thumanna in, cikciangin kumpi thukham
suakthei hiam? Pasian thukham a kemcing hetlo khat in koibang in
thumangpa hithei veve ding hiam?

3 Mangmuhna sunga alauhuai mahmah sapite’ thu i genciang in, hong zahko
theite koibang in nadawngkik hiam?