Loyou kotimpuunan

1. D31 OI GINAWO DI JESUS

1 Oi ginawo di jesus 3 Pointapui ginawo nu

Hizabon sabap tuhun Mantad koginawaan
Om sinuak do tandus I kidouso togumu
Noivang do di tuhun Naanu kavasiaan

Hozou ku minsavat ginawo di jesus

Amu I kotongkizad tuhun di notobus (2 x)

2 Odoi dogo nakansau 4 Atantu zou do baino

Amu kosoou Tuhan Zadaan ku douso ku
Ahangas Mokinongou Mizon id suang ginawo
Ponuu do Kinoingan Di jesusTuhan ku

2.OLD RUGGED CROSS

1.On a hill far away,

stood and old rugged cross,
Them emblem of suffering and shame:
And I love that old cross
Where the dearest and the best,
For a world of lost sinners was slain.

Cho : so I’ll cherish the old rugged cross,

Till my trophies at least I lay down,
I will cling to the old rugged cross,
And exchange it some day for a crown,

2.On that old rugged cross,

So despired by the world,
Has wonderous attraction for me,
For the dear lamb of God
Let his glory above
To bear it to dark Calvary

Cho :
3 In the old rugged cros, 4 To the old rugge cross,
Stained with blood so devine, I will ever be true,
A wonders beauty I see, It’s shame and reproach gladly bear,
For ‘twas on that old cross, Then He’ll call me some day,
Jesus sufferd and died, To my home far away,
To pardon and sanctify me. Where His glory forever I’ll share.

Cho : Cho :

Ralan Salip

F: Oi tobpinai kou ngaawi, kanou no timpunai tokou o sambayang do ralan do

salip diti, I Tama,om I Tanak, om I spiritu Tobitua.Amen

T:Oi Jesus, sumamba yahai dika. Guminawo om monongkotoluod yahai Dika, tu

minatai ko sabap dahai.Mumang yahai do kosorou yahai daa dika kasasari,om do
osorou dahai daa ngawi I sontob I nimaan nu.Nga atangkangau yahai do karaja ngawi
om kororohiyan dahai di susuai.iti no do asasaru yahai dii, do kolihu Dika.Tumongob
yahai kopio oi Jesus.

Tumanud yahai Dika do baino, do tumakad do nulu do kalvari. Umbalan dahai do

mamarati I sontob di nimaan nu,tu minoniliu ko dahai do tanak do kinorohingan. Ingga o
koiradan do koginawaan nu do id dahai oi Jesus. Monongkotoluod yahai Dika sabap no
koginawaan nu. Tudukai no yahai , do tadau-tadau do mayo-gayo no daa on
koginawaan dahai diod Dika.

Mantad sambayang do. RALAN DO SALIP diti,mokianu yahai kopio Dika do

induljensia, do patahakon dahai montok do koduduwo di tongosiisian, I kakal po hilo id
tapui do pomolihungan. Tu ika no I Tuhan dahai di ingga o kopupuson.Amen
 KOUNDARANGAN KO-ISO

“Ukumon I Jesus Do Apatai”

F: Sambaon dahai ika , oi kristus om pantangon dahai ika

T: Sabap mantad salip Nu Tobitua, nokoponobus ko do tulun ngaawi.

Oi Jesus, poingkakat ko no do hino do natangkap, om mositi do apatai ko om

sinuhu di Pilatus I tulun do mamalapos Dika om nakatahak ko nogi doid diolo do maan
papapako doid salip. Nga aiso I maa, do sala do niman Nu. Minimang ko nopo di
osonong diod do wokon. Do soliilinaid nu do hiti id pomogunan. Mositi do sorohon dahai
kasari’sari do minatai ko, sabap dahai, do moi kaka yahai do id surga, om doid
kasanangan miampai Dika.

Tudukai no yahai oi Jesus, do au daa yahai sumuli do karaatan miampai do

karaatan naga miampai do barakat, ontok nopo do haro tulun do popinraat dahai nga
osulian no daa dahai iri miampai boros di tongosonong, tu guminawo yahai dika om
monongkioomit yahai dika.

T: Oi Jesus,tudukai yahai do tumongob kopio do douso dahai ngaawi, okon ko sabap

do oukum yahai no da pasal ngaawi di nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F: insiano yahai,oi Jesus ,insiano yahai.

T: om kosianai no dahai, tu nasansara kopio.

Poingkakat id doos do salip,

Mogiad tina pointahib
Poimpapak o tanak Dau
 KOUNDARANGAN KO-DUO

“Pasaanon I Jesus Do salip Dau”

F: Sambaon dahai ika,oi kristus om pantangon dahai ika.

T: sabab mantad salip Nu Tobitua,nokoponobus ko do tulun ngaawi.

Oi Jesus, awagat kopio o salip di pasaanon diolo Dika. Songkuro nodi

kosisinduolo nu dino! Tu pointongkop ngaawi I ganit doid tinan Nu. Poingkuro ko nodi
dati do koowit do manaan dino salip tagayo tumakad dilo nulu totidong.

Posoroho no yahai do lobi po do moninduol Dika o douso dahai, ko ino salip tawagat.
Om sabab ika no, do torimoon dahai o kosusaan ngaawi, gisom orikot o kapataion
dahai.

Mokinsian yahai dii Dika, do monokodung dahai do manaan do salip dahai miagal Dika
do monogit tokuuri do douso dahai ngaawi.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Mongos-ongos ginawo Dau,

Kotongob sabap Tanak Dau
Sinuak no do padang
 KOUNDARANGAN KO-TOLU

“Kodunsangan Di Jesus, Do insan Nogi Do Noonsitan Do salip Dau”

F : Sambaon dahai ika, oi kristus om pantangon dahai ika.

T : Sabap mantad salib Nu Tobitua, nokoponobus ko do tulun ngaawi

Oi Jesus norikot no hinuyan nu, om osomok no do au ko kapanau, nga sunsubon

ko wagu dilo mata-mata ngaawi do mamanau. Sabab no do hinuyan no om winagat do
Salip, nakasadu om nokotungub ko,nga aiso o tutumamba po Dika toi ososonong po do
momboros Dika.

Songkuro sanang daa o ginawo dahai, nung hilo yahai daa do popoilo Dika, do
guminawo om osianan kopio yahai Dika. Ompuno yahai no, tu I douso dahai ngaawi o
popodunsong om manansara Dika. Oi Jesus, id katangaban dahai diti, onuai yahai po
do graasia , do au nodi yahai momidouso.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Osusa om osisian
Kokito tina kinoingan
Tabantug om Tobitua
 KOUNDARANGAN KA-APAT

“ Nokotuka I Jesus Di Tina Dau”

F : Sambaon dahai ika , oi kristus om pantangoan dahai Ika.

T : Sabap mantad salip Nu Tobitua, nokoponobus ko do tulun ngaawi.

Oi Jesus, iisa iti poingandad Dika do poingkakat diod ralan di awayaan nu? I Tina
nu ilo , I guminawo kopio Dika. Songkuro di o katangaban dau do kokito Dika,tu ingkaa
di kopio o kasansaraan Nu. Monokiboros da isio Dika, nga au ngaawi ilo mata-mata
asaga. Koponongkiboros nopo di isio Dika doid mato dau, do maso ko tumalib.

Oi jesus ,tudukai yahai no do guminawo kopio di Tina Nu Tobitua. Om ika, oi Tina

dahai, pokinsianai yahai no,do au yahai da olingan do momusorou ii toruol ngaawi di
Tanak Nu, I au otingkod do guminawo dahai.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabpb do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Mintong Tina do tanak,

Miad sabap pinapapak,
Adahaan do linuo
 KOUNDARANGAN KO-LIMO
“ Tumamba I simon do Sirene di Jesus do manaan do salip”

F : Sambaon dahai ika, oi kristus om pantangon dahai ika.

T : Sabap mantad salip Nu Tobitua,nokoponobus ko do tulun ngaawi

Oi Jesus ,naawi no dii o ginarasan Nu, om I salip Nu awagat,au Nu di oowit

manaan. Suhuwon nodi dilo mata-mata ngaawi o songulun poungaranan do I simon, do
tumamba do manaan salip Nu. Asaga yahai daa nung I simon no yahai , do mooi do
katamba yahai nodi daa Dika.

Tudukai no yahai, do tumamba do tulun di tongosusa om I tongomiskin, tu nung

tumamba yahai diolo, ika sondiri no o tambaan dahai. Om onuai yahai no do graasia do
manaan do salip dahai sondiri, do kotoboi yahai no daa, do tumanud Dika, lolobi po di
ontok yahai do kosusaan.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Isai tuhun amu miad,

Nung Tina kristus mongiad,
Nosusa o ginawo
 KOUNDARANGAN KO-ONOM
“Minomiid I Veronica do Turos di Jesus”

F : Sambaon dahai ika,oi kristus om pantangon dahai ika.

T : sabap mantad salip Nu Tobitua,nokoponobus ko do tulun ngaawi

Oi jesus ,natakapan do lisohuk om raha oh turos Nu, om pinindulaan ko po wagu

do tulun tangaraat. Miri –tiri o raha do mantad sigar do rugi, diod tulu nu om lumuyung
doid mato Nu.i sangti Veronica pinopokito do kosianan dau kumaa id Dika, om pihido no
dau o turos Nu do tudung dau. Id koponong’kotoluadan no do koboronian dau,tindohoyo
Nu no o waya do turos Nu doid tudung diri.

Tudukai no yahai,do au yahai daa milo do orosian do sumiliu do saksi Nu, doid
koboroso dahai, om id koimaan dahai.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Tina kristus poingintong zou,

Om poingampai kosusaan Dau
Izou nogi tumongob
 KOUNDARANGAN KO-TURU
“ Kodunsangan di Jesus do kuminduo”

F : Sambaon dahai ika , oi kristus om pantangon dahai Ika”

T : Sabap mantad salip Nu Tobitua, nokoponobus ko do tulun ngaawi.

Oi Jesus, lobi sansara Nu do kodunsong diti baino ko di gulu I, om lobi sinusa Nu

do mingkakat. Sundung tu, do poingilo iyolo, do osomok no do au ko kapanau, nga
suga’gangon om mangan ko nogi ara’raho dilo mata-mata ngaawi.

Tudukai no yahai, do mamarati do agayo kopio o karaaratan do douso, tu

nasansara ko kopio do monogit dii. Onuai no yahai do graasia, do kaanu daa yahai
mimang sonong do mantad baino om do tumanud do ponuhuan Nu ngaawi.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabpb do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Nookuo tu jesus za matai

Nung okon ko sabap dagai
Do monogit douso za.
 KOUNDARANGAN KO-WALU
“Moboros I Jesus do Tondu ngaawi do Jerusalem”

F : sambaon dahai Ika, oi kristus om pantangon dahai Ika”

T : Sabap mantad salip Nu Tobitua, nokoponobus ko do tulun ngaawi

Oi Jesus, kiwaro do tondu songingandad do hilo disan do ralan, do mintong Dika

do maso ko tumalib. Norikot no iyolo do tumongob do kokito Dika, om ihad no iyolo.
Nga sunudai Nu nogi yolo do :” kada ihad pasal Doho nga sabap dokoyo sondiri, om I
tanak dokoyu ngaawi” ka Nu.

Tudukai no yahai, do kasa’sari daa yahai do mamantang Dika om mimoyo di

ponontudukan Nu ngaawi. Mantad no daa do kopodulian dahai, kopuriman no daa o
toinsanan tulun do koginawaan Nu.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Om nokito di Maria,
Tanak Dau Jesus osusa
Mogimpapatai nodi
 KOUNDARANGAN KO-SIAM
“Kodunsangan di Jesus do kumointolu”

F : Sambaon dahai Ika, oi kristus om pantangon dahai Ika.

T : Sabap mantad salib Nu Tobitua, nokoponobus ko do tulun ngaawi

Oi Jesus, iti no o tohuri no kopio do kasadu ko, om kotungub ko doid tana.

koingkakat ko po wagu! Onsitan ko dino salip tu awagat kopio om ilo tulun ngaawi do
songinsorili nga sonso’sorou nung apatai ko toi ko au. Nga au ko I napatai, om imang
ko awgu ingkakat, do tumakad do nulu do kalvari.

Tudukai no yahai, do au yahai daa osikap do tumingkod lumawan do karaatan

ngaawi, toi I nunu nopo I kopogowit dahai do momidouso.Tambai yahai no,do osikap
yahai daa wagu do gumuli do id Dika, do soira nopo do koinsodu yahai Dika. Onuai
yahai no do graasia, do lumawan om mangala do koimbaytan ngaawi , I popoinsodu
dahai mantad Dika.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Oi Tina do koginavaan,
Pokitoo zou katangaban
Di id suang ginawo Nu.
 KOUNDARANGAN KOHOPOD
“Iduan I Jesus Do Rasuk”

F : Sambaon dahai ika, oi kristus om pantangon dahai Ika.

T : Sabap mantad salip Nu Tobitua, nokoponobus ko do tulun ngaawi

Oi Jesus, baino pointimpak ko no dii id Nulu do Kalvari, I kinoyonon do

kapatayon Nu. Nosorilian ko do tulun togumu, pingirakan ko, om sasanaon ko diolo. Au
koinsomok Dika I Tina Nu, om I songowian diolo kinoruhangan Nu ngaawi. Wundaton I
toomod do mata-mata tangaraat o rasuk Nu, om lumabus nodi wagu o raha Nu. Miagal
nopo,do nogonitan ko wagu do kuminduo.

Tudukai no yahai , do popogirot do koginawaan dahai,kumaa do id Dika om

kumaa di tulun do suai. Onuai yahai no do graasia,do guminawo di nunu nopo I
tongosonong om I sontob di doun surge.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Oi Maria, ajalo zou

Guminavo jesus tokou
Om au nodi humavan
 KOUNDARANGAN KOHOPOD OM ISO
“Papapakon I Jesus id salip”

F : Sambaon dahai Ika, oi kristus om pantangon dahai ika

T : Sabap mantad salip Nu Tobitua, nokoponobus ko do tulun ngaawi.

Oi Jesus, papapakon nodi diolo o palad Nu, om lapap Nu doid salip. Tobokon
dahai nogi do jarum o tunturu dahai, om orualan yahai no kopio. Doulu po dii o
topurimanan Nu,tu palad om lapap Nu nolopusan do paku. Sunudan ko dilo mata-mata
do papalanat do longon Nu om gakod Nu, om mimoyo ko diolo,au ko lumawan diolo.
Om yahai diti, oi Jesus,asa’saru yahai do lumawan do ponuhuan Nu di tongosonong.

Tudukai no yahai do mimoyo kopio, di nunu nopo I pointuduk Nu do id dahai, tu

iri nopo ngaawi nga mogowit dahai doid kasanangan om koposion sogigisom.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Mari Tina Tobitua,

Papapako ginavo za,
Id salip di Jesus za
 KOUNDARANGN KOHOPOD OM DUO
“Minatai I jesus doid salip”

F : Sambaon dahai ika, oi kristus om pantangon dahai ika.

T : sabap mantad salip Nu Tobitua, nokoponobus ko do tulun ngaawi.

Oi Jesus , poimpapak ko id salip, do mogimpapatai. Mogimpapatai ko sabap

dahai, do mooi no da osiliu yahai,do tanak do kinorohingan om koongoi nodi doid surga.
Au ko otogod di tulun tangaraat di minamatai Dika.Pinaampun nu ngaawi iyolo om
suminmbayang ko, di Ama Nu,do papaampun diolo Muli nodi ilo tulun ngaawi.
Tumongob dati o wokon diolo. I Tina Nu Tobitua om kinoruhangan Nu ngaawi , maso
po songingkakat id somok do salip Nu.

Tudukai no yahai, do papampun di tulun di momoruol toi ko I papakaus do ginawo

dahai. Kaanu yahai no daa,do sumambayang montok diolo , mongoi do kopuriman nodi
daa iyolo, do agayo kopio o koginawaan Nu kumaa toinsanan tulun.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Tanak Nu aiso kahasaan,

Sabap douso nogonitan,
Boogizai zou linuo
 KOUNDARANGAN KOHOPOD OM TOLU
“Poinsiribaon nodi I Tinan di Jesus mantad salip”

F : Sambaon dahai ika, oi kristus om pantangon dahai Ika

T : Sabap mantad salip Nu Tobitua, nokoponobus ko do tulun ngaawi

Oi Jesus, aiso nodi o giginangau po, do poinsoriri do salip Nu. Nongkouli no

ngaawi o tulun. Nga kakaal po do wookon do mata-mata om I Tina Nu maiampai do
kinoruhangan Nu ngaawi, I minogowit do tukad, om oingat kopio iyolo do pinopinsiriba
di tinan Nu, om pokibitai ko no diolo di tina Nu Tobitua. Osusa toomod o ginawo di tina
Nu do kokito di sigar do rugi om I paku ngaawi om I ganit nu ngaawi.

Tudukai no yahai do monginsasamod di tina Nu do au yahai nodi poposusa po

Dika sabap di douso dahai ngaawi,nga onuai yahai no do graasia do popounsikou disio
do koimaan dahai ngaawi di tongosonong.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Au zou tumingkod do miad,

Jesus napatai do talaat
Om Maria osusa
 KOUNDARANGAN KOHOPOD OM APAT
“Lobongon I Jesus”

F: Sambaon dahai ika,oi kristus om pantangon dahai ika.

T : sabap mantad salip Nu Tobitua, nokoponobus ko do tulun ngaawi.

Oi Jesus , posuangon ko nodi doid lobong. Nolihungan no o ganit Nu, om nolopot

ko no do kain do tolidang. Lobongon ko nodi do minsosodop. Id kabun id osomok,
kiwaro o pamalabangan do hilo id pampang. Owito ko no di do hilo. Ih-iti po kokitanan
Dika di Tina Nu Tobitua. Ingkuro dati isio do katahan do popotongkiad Dika? Nga ,orikot
nopo kotolu tadau oi Jesus, tumungag ko no wagu mantad poimpatai do osonong om
arayou do muli do hilo id surga, do au nodi asansara po.

Tudukai no yahai do momusorou kasa’sari do kaandasan om kounsikaan ngaawi

do surga. Tambaai yahai no, do guminawo kopio Dika om apatai yahai nopo dii, nga
asanang yahai nodi do miampai Dika sogigisom.

T : Oi Jesus,tudukai yahai, do tumongob kopio do douso dahai ngaawi, okon ko sabap

do oukum yahai no do pasal ngaawi dii, nga sabap do moninduol Dika ngaawi iri. Om
onuai no yahai do graasia do au nodi yahai momidouso.

F : Insiano yahai, oi Jesus, insiano yahai.

T : Om kosianai no dahai, tu nanansara ko kopio

Songian tinan matai daa

Paradisum onuai daa
Maria ada hivai
 KOUNDARANGAN KOHOPOD OM LIMO
“I Jesus nokotungag, poimpasi doid Gereja”

F : Sambaon dahai Ika , oi kristus om pantangon dahai Ika.

T : Sabap mantad salip Nu Tobitua, nokoponobus ko tulun ngaawi.

Katalib nopo I tadau sabat, kosuabon po di tadau do minggu pipiro tondu do

minongoi hilo id kalabangan om minogowit do tumau towongi. Korikot nopo iyolo do
hilo, kokito no diolo doid lobong diri, do inggino no I tinan di Jesus.Poboroso no I
malaikat doid diolo do “ nokuro tu ihumon dikoyo I tulun poimpasi id tanga dii
nangapati?
Inggino no isio do hiti.Nokotungag no isio, miagal dii nokoboros laid dau” (Mat
28,Mrk 16,Yoh 20)

Ingga songulun do mantad dotokou do masi nopo montok do tinan dau sondiri, om
ingga songulun po do mantad dotokou do matai montok dau sondiri. Nung masi tokou
,nga masi tokou do montok di kinorohingan.napatai no I kristus nga nokotungag
wagu.iri no sabab do sumiliu isio do kinorohingan montok do tulun di poimpasi om nogo
montok di tulun nangapatai. Iri nopo tulun di nokopiiso no doid kristus nga nosiliu no do
tulun kawawagu. I nopo I laid nga ingga nodi, tu toinsanan nosiliu do kawawagu ( Ram
14: 7-9, 2 Kor 5:17)

Sumambayang tokou
Oi kinorohingan,
Poimpasi yahai do momusorou dii sunundu di kristus. Tumanud yahai doid
kinoudipanan Disio om tumanud yahai nogi doid kinotungagan disio. Amen.
SAMBAYANG KOOWIAAN

Oi Jesus, do mooi do atampasi o tulun ngaawi,minisiriba ko do hiti id tana mantad

surga, om ogumu kopio I kinosusaan om kinasansaraan Nu.

Au minomoduli Dika, o ginumuan do Johudi. Mangai ko no diolo tangkapo,kagasai ko,

om owito ko no doid di Pilatus do mangan poimamango,sasanao om loposon.

Ogumu po kopio I kinasansaraan Nu di susuai om tohuri nopo nga ukumo ko no di,do

apatai do poimpapak do salib.

Oi Jesus,mantad ngaawi di rinuol Nu di Obitua, om mantad salip di kinapataion

Nu,poiduo yahai no do mantad douso ngaawi, I mogowit dahai id kosusaan om
poinsoduo no yahai mantad kosusaan do naraka om angatai yahai no do kumaa doid
surga tu asanang sogigisom do hilo.Amen

*sambayang tama za om Ave Maria

Barakat:

F : Abarakatan kou no daa di kinorohongan I kikuasa kopio,

I Tama, I tanak, om I spiritu Tobitua

T : Amen