Santa Monica Institute of Tech.

Andrada Bldg. Poblacion, Iligan City

Modyul
3
Linggo
3 at 4
Senior High School
Filipino sa Piling Larangan (Akademik)
Unang Semestre ng Taong Panuruan 2020-2021 Guro: Ceasar Ian H. Mundala

Nilalayong mga Resulta ng Pagkatuto

1. Natitiyak ang angkop na proseso ng pagsulat ng piling sulating ademiko
FPL(Akademik)MODULE

2. Naisasagawa nang tama ang mga hakbang sa pagsulat ng mga piniling akademikong sulatin
3. Nakasusulat ng sariling pagbubuod sa akdang binasa
Aktibidad

A. Basahin ang mga pangungusap sa ibaba at pansinin ang mga salitang

naka-boldface. Pagkatapos basahin ay punan ang mga blangkong espasyo sa Gawain gamit ang mga
salitang naka-boldface.

a.    Ako si Juan Dela Cruz.

b.    Ako ay 6 na taong gulang.
c.    Nakatira ako sa 8 Daang Salvador, Diliman,  Lungsod ng Quezon.
d.    Anak nina Jose at Mela Dela Cruz.
e.    Nag-aaral ako sa Mababang Paaralan ng Lapu-Lapu.
f.      Ako ay nasa unang baitang.
Gawain:

(a) Si ______________________ (b)___________________________________.

(c) _____________________________________________________________________.
(d) _____________________________________________________________________.
(e) ____________________________________________,(f)_______________________.

B. Isaayos ang mga sumusunod na pangyayari upang mabuo ang buod ng “Impeng Negro”.

1. Pagkakataon na niyang sumahod subalit muling isiningit ni Ogor ang kanyang balde
sapagkat malapit lamang ang pinagdalhan nito sa inigib na tubig.
2. Marami nang baldeng nakapila sa igiban nang umagang iyon nang dumating si Impeng.
3. Nakaanim naman na siyang igib kayat ipinasya na lamang niyang umuwi upang maiwasan si
Ogor at maging tampulan ng tuksuhan sa igiban.
4. Walang nagawa si Impen kundi ang magpaubaya kay Ogor.
5. Mahigpit ang bilin ng ina ni Impen bago siya bumaba ng bahay na huwag siyang
makikipag-away na muli kay Ogor.
6. Nang siya’y paalis na, pinatid siya ni Ogor at tumama ang kanyang pisngi sa labi ng
nabitiwang balde.
7. Sa labis na sakit na naramdaman niya ay tawanan pa sa paligid ang kanyang narinig.
8. Nakuha niya ang paghanga at paggalang ng mga taong nakapaligid sa kanila ni Ogor dahil sa
nangyari.
9. Sumuko ang nanlulupaypay at duguang katawan ni Ogor.
10. Binalot ng poot ang kanyang dibdib laban kay Ogor kaya’t sinunggaban niya ito at walang habas
na pinagsusuntok ang kalaban.

Pagtalakay sa Aralin
 IBA’T IBANG URI NG AKADEMIKONG SULATIN

SINOPSIS/BUOD
Ang sinopsis o buod ay isang uri ng lagom na kalimitang ginagamit sa sa mga akdang nasa tekstong
naratibo tulad ng kwento, salaysay, nobela dula, parabola, talumapati at iba pang anyo ng panitikan. Ang
buod ay maaring buoin ng isang talata o higit pa o maging ng ilang pangungusap lamang. Sa pagsulat ng
sinopsis ay naglalayong makatulong sa medaling pag-unawa sa diwa ng ng seleksyon o akda, kung kaya’t
nararapat na maging payak ang mga salitang gagamitin. Layunun din nitong maisulat ang pangunahing
kaisipang taglay sa akda sa pamamagitan ng pagtukoy sa pahayag ng tesis mo.
FPL(Akademik)MODULE

ARALIN 1: Paglapat ng mga kaalaman at kasanayan sa pagsulat

ng buod ng isang akdang binasa.
1. Alamin mo:
 Kaya mo bang bumuo ng isang kuwento?
 Pagsunud-sunurin mo ang mga pangyayari sa loob ng kahon upang makabuo ng isang kuwento. Isulat
ang nabuong kwento.

Nagkasakit ang Nagtapos sa kolehiyo ng Naglabada ang ina upang siya’y

ama. may karangalan. mapag- aral

A B C
Nagtinda ng diyaryo Naging maunlad ang Namatay ang ama.
upang makatulong sa ina. buhay.
D E F

Pagpili sa mahahalagang detalye at impormasyon sa akdang binasa

Panuto: Basahin at unawaing mabuti ang buod ng kuwento.

Isang Kakaibang Pagbabalik

Victoria I. Ramos

Magkababata sina Ramon at Basilio. Magkatulad ang kanilang paniniwala at panuntunan sa buhay.
Ang nabasa sa pahayagan ang nakapagpabago ng prinsipyo ni Ramon na ganito ang isinasaad: Walumpung
libong piso bilang gantimpala sa sinumang makapagtuturo sa isang taong pinaghahanap ng maykapangyarihan. Si
Basilio na kanyang kababata ang tinutukoy ng panawagan.

Pauwi na si Ramon mula sa bundok na dating pinagtataguan dala ang salaping natanggap bilang gantimpala. Sa
halip na kasiyahan ang madama ay balisa siya at punung-puno ng alalahanin. Hindi nawala sa kanyang isipan ang
katawang payat ni Basilio na pinaglagusan ng mga bala.

Kinabukasan, hangos na kumatok sa pintuan ng pamilya ni Ramon ang asawa ni Basilio. Natagpuan daw niya
ang supot ng salapi sa paanan ng kanilang hagdanan. Sino raw kaya ang nagdala noon. Samantala, sa di-kalayuan,
natagpuan ang bangkay ni Ramon. Bibitin-bitin sa isang punungkahoy.

Panuto: Piliin at isulat ang letra ng wastong sagot na tumutugon sa isinasaad ng nasa loob ng kahon.

1. Ano ang relasyon ni Ramon at 2. Saan sila nanirahan? 3. Paano pinatay si Basilio?
Basilio sa isa’t isa?
 a. Magkapatid a. kabundukan a. pinahirapan
b. Magkaibigan b. kabukiran b. pinagbabaril
c. magkamag-aral c. kanayunan c. pinagtataga

4. Paano natunton 5. Bakit hindi mapalagay si 6. Paano namatay

ng mga sundalo ang kinaroroonan ni Ramon sa kanyang ginawa? si Ramon?
Basilio
a. isinuplong ni Ramon a. natatakot a. pinatay siya ng sundalo
b. natiktikan siya b. nasasabik b. tumakas siya
c. itinuro ng asawa c. nakokonsensiya c. nagbigti siya
FPL(Akademik)MODULE

Pagsunod sa Mahahalagang Hakbang sa Pagbubuod

Hindi madali ang paggawa ng buod. Kailangang isaalang-alang ang mahahalagang hakbang upang
ito’y maging malinaw at nauunawaan. Naririto ang mga hakbang sa pagbubuod.
1. Basahing mabuti ang buong akda upang maunawaan ito nang lubos.
2. Tandaan ang mahahalagang detalye tulad ng tauhan, tagpuan at pangyayari.
3. Suriin at pag-aralang mabuti ang mga kaisipang nais pagtuunan.
4. Pagsama-samahin ang magkakaugnay na kaisipan at pangyayari batay sa
pagkakasunud-sunod nito.
5. Isulat nang maayos at malinaw ang buod.
6. Huwag ding kalilimutan ang pamagat at may-akda ng kuwento/akdang binasa.
Naunawaan mo ba ang iyong binasa? Sagutin mo ang inihanda kong gawain upang malaman kung gaano mo
naunawaan ang mga kaalamang aking inilahad.

Panuto: Basahing mabuti ang kuwento. Pagkatapos, isulat ang hinihingi ng bawa’t bilang.

Ang Pulubi
Erlinda M. Santiago at Evelina T. Inocencio

Siya ay palaboy. Malimit siyang matagpuang nakahilata o kung di-ma’y nakasubsob sa mga pang-ibabang
baytang ng Luneta Grandstand. Sa mga dakong hatinggabi, makikitang banay-banay siyang maglakad, wari’y
hinahatak ang mga paa sa kalakhan ng damuhang pinagpapahingahan ng mga magkakatipan. Nanghihingi ng
limos. Iniiwasan siya kung minsan, sanhi ng kanyang hindi kanais-nais na amoy. Anong klase ang magiging
amoy ng pulubing hindi naliligo? Unang oras ng madaling-araw, sa damuhang hindi kalayuan na Chinese Garden
sa Rizal Park, ilang pareha ng mga 8 kabataang lalaki at babae ang nagtitipon. May kung anong
pinagkakaabalahan. Paika-ikang nakalapit sa grupo ang pulubi.

“Hoy, Tanda, halika!” sigaw ng isang binatilyong medyo “high”.

Atubili ang pulubi. Lumapit sa kanya ang binatilyo at itinulak siya palapit sa grupo. Sabi ng isa:

“Gusto mong mamasyal sa langit, Tanda?”

Nakamata lang ang pulubi. Sa kanyang mukha’y naroon ang pagkainosente. May nagsindi ng sigarilyo.
Pinilit iduldol sa bibig ng pulubi. Pagkahitit nang kaunti, ang matanda ay sinasal ng ubo. Tawanan ang grupo.
Pagkaraan pa ng ilang gabi, nabuwag ang sindikato ng mga nagbebenta ng bawal na gamot na ang parokyano ay
mga estudyante at kabataang naglalagi sa Luneta. Ang mabaho, hindi naliligong pulubi ay naglahong parang
bula.

Panuto: Isulat ang hinihingi ng bawa’t bilang sa patlang.

 1. Isulat kung sino ang pangunahing tauhan sa kuwento. _____________
2. Piliin at isulat ang letra ng mga pahayag na walang kaugnayan sa kuwento ______
a. Nagpanggap na pulubi ang matanda
b. Naghiganti ang pulubi sa mga kabataan
c. Namulat ang mga kabataan sa kahalagahan ng edukasyon
d. Wala nang kabataang nalululong sa mga bawal na gamot
3. Ang kaisipang tumutugon sa kabuuan ng kuwento ay_______
a. Mahilig makipagsapalaran o sumubok sa iba’t ibang bagay ang mga kabataan
b. Maraming kabataan ngayon ang nalululong sa ipinagbabawal na gamot
c. Suliranin sa pamilya ang dahilan ng pagkakalulong ng mga kabataan sa iba’t
ibang bisyo
FPL(Akademik)MODULE

d. Mahirap unawain ang pag-uugali ng mga kabataan

4. Ang unang pangyayaring naganap sa kuwento ay _______
a. Nilapitan ng pulubi ang ilang pareha ng mga kabataang lalaki’t babaeng
nagtitipon di-kalayuan sa Chinese Garden
b. Nanghihingi ng limos ang pulubi sa mga magkatipang nagpapahinga sa malawak
na damuhan sa Luneta na nagsilbing tahanan niya
c. Tinawag ng isang binatilyo ang matandang pulubi at itinulak siya palapit sa
grupo ng mga kabataan
d. Paika-ikang nakalapit ang pulubi sa grupo ng mga kabataan
5. Ang kuwento ay nagwakas sa ______
a. Pagkakabuwag ng sindikatong nagbebenta ng bawal na gamot
b. Pagkakahuli sa mga kabataang naglalagi sa Luneta
c. Pagsuko ng matandang pulubi
d. Pag-alis ng pulubi sa Luneta

Pagbuo ng tamang balangkas ng isang buod

Alam mo ba kung paano gumawa ng balangkas(outline) ng isang ulat o buod ng kuwento?

Bago mo sagutin ang gawaing inihanda ko, basahin at pag-aralan mo muna ang
paksang ilalahad.

Ano ang balangkas?

Ang balangkas ay isang talaan ng mga impormasyong ilalahad o isusulat. Nakatala

ang mga ito ayon sa pagkakasunud-sunod ng mga impormasyong nabanggit.

Narito ang mga patnubay sa pagbabalangkas:

1. Isang pamagat lamang ang gagamitin sa balangkas

2. Bilang Romano ang gagamitin sa mga pangunahing paksa
3. Gamitin sa mga paksa sa ilalim ng mga pangunahing paksa ang malaking letrang
A, B, C, D
4. Gamitin sa mga pantulong na detalye ang mga bilang Arabiko na 1, 2, 3, 4
5. Palugitan at ilinya nang sama-sama ang magkakatulad na pangkat
6. Gumamit ng tuldok pagkatapos ng letra o bilang ng bawat paksa
7. Gamitan ng malaking letra ang unang salita sa bawat paksa
8. Isulat na malalaking letra ang pamagat ng ulat o buod

Upang madali ang gagawing pagbabalangkas ng mga impormasyon, pangkatin ang

 mga impormasyong dapat magkakasama. Piliin ang mga pangunahing paksa.

Sundin ang ayos na ito sa pagbabalangkas

PAMAGAT
I. Pangunahing Paksa
A. Paksa sa ilalim ng pangunahing paksa
1. pantulong na detalye
2. pantulong na detalye
3. pantulong na detalye
B. Paksa sa ilalim ng pangunahing paksa
FPL(Akademik)MODULE

1. pantulong na detalye
2. pantulong na detalye
3. pantulong na detalye
II. Pangunahing Paksa

Narito ang isang halimbawa ng balangkas ng isang ulat o buod.

PAG-IINGAT SA LOOB NG TAHANAN

I. Bakit kailangan ang Mabuting Pag-iingat sa Loob ng Tahanan?

A. Upang maiwasan ang di-inaasahang gastusin
B. Upang maiwasan ang mga aksidente
II. Bakit Nagkakaroon ng Aksidente sa Tahanan?
A. Nakaliligtaang pansinin ang mga pinagmumulan ng panganib
1. Madulas na sahig
2. Laruang nagkalat
3. Posporong hindi itinago
4. Gamot na walang pangalan
B. Hindi tumpak na paggamit ng mga bagay
1. Kutsilyo
2. Matatalas o matutulis na bagay
3. Kalang de-koryente / de-gas
4. Plantsa
C. Mga hindi nakukumpuning sira
1. Kawad ng kuryente
2. Sirang hagdan
3. Sirang silya/mesa
III. Paano Makaiiwas sa Aksidente?
1. Pagbisita sa buong bahay at paligid
2. Pagtuturo sa mga bata ng mga dapat at di-dapat gawin

Makatutulong sa pagpuna ng sariling ulat ang mga tanong na ito:

1. Kapana-panabik ba ang pamagat ng aking ulat? Ito ba’y makatatawag ng pasin ng babasa o
makikinig?
2. Lubha bang malawak o kulang sa impormasyon ang aking paksa?
3. Pinagsama-sama ko ba ang mga kaalamang magkakaugnay?
4. Nakatulong sa pagbuo ko ng ulat ang ginawa kong balangkas? Magagawa ko kaya nang maayos ang
ulat ko kung walang balangkas?
5. Mahusay ba ang daloy ng mga kaalaman sa aking ulat mula sa simula hanggang huli?
6. Nagawa ko ba ang nararapat sa pagwawasto ng mga kamalian, pagdaragdag o pagbabawas ng mga
impormasyon?
 Naging malinaw ba sa iyo ang mga impormasyong inilahad? Mayroon ka bang dinaunawaan?
Balikan mo at muling pag-aralan upang malaman kung paano ang pagbuo ng isang balangkas.

Natitiyak ko ngayong handa ka na sa pagsagot sa gawaing aking inihanda.

Panuto: Piliin at isulat ang mga impormasyong nakasulat sa ibaba na nararapat sa mga blangkong bahagi
upang makabuo ng isang maayos na balangkas ng isang sanaysay.

PASINDI NGA PARE Pagpipilian:

FPL(Akademik)MODULE

I. Panganib na Dulot ng Sigarilyo

A. _____________________________________ Epekto sa Sanggol sa Sinapupunan
1. Asido Sakit sa Puso
2. Alkohol Taglay na kemikal
3. Idrokarbon Paggamit ng pipa
4. Phenol Pagbilis ng Tibok ng Puso
5. Glycerol Sakit na Nakukuha sa Paninigarilyo
6. Nikotina Itigil ang Paninigarilyo
B. _____________________________________ Epekto ng Usok ng Sigarilyo sa
1. Pagbara ng usok sa daluyan ng hangin
2. Pag-iiwan ng latak sa baga na sanhi ng kanser
3. _____________________________________
4. Pagkaramdam ng mabilis na pagkahapo
C. _____________________________________
1. Kinukulang ang bata ng kinakailangang dugo at oksihena
2. Kulang sa timbang/mahinang-mahina ang katawan
II. ____________________________________
1. Kanser sa baga, pantog, lapay
2. __________________________
3. Emphysema
III. Maling Paniniwala ng Tao
A.___________________________
B. Di-pagpansin sa Nalalanghap na Usok ng Sigarilyo

Pagbibigay - reaksyon sa isang halimbawa ng buod na binasa

Panuto: Basahing mabuti ang buod ng dulang “Sa Pula, Sa Puti.” Pagkatapos, sagutin ang
mga katanungan. Letra lamang ang isulat.

Malapit lamang ang bahay ng mag-asawang Celing at Kulas sa sabungan kaya’t dikataka-takang ito
ang maging bisyo ni Kulas.
Hindi maawat ni Celing ang asawa sa pagsasabong. Madalas silang magtalo dahil
dito. Minsa’y nagpumilit si kulas na pumunta. Walang nagawa si Celing kundi ang
magbigay ng pantaya. Pagkaalis ng asawa, agad na tinawag ni Celing si Teban, ang kanilang katulong,
upang pumusta, subalit hindi sa manok ni Teban kundi sa kalaban. Matalo man ang asawa’y bawi lamang
ang pera.

Kahit malasin sa katataya ay di pa rin sumuko si Kulas lalo na nang udyukan ng

sabungero ring si Castor. Sinabi nitong wala silang pagkatalo sapagkat daraanin sa
pandaraya. Duduruin ng karayom ang paa ng manok na kanilang isasabong upang humina at di na makapalo
pa. Sa ginawang paliwanag ay naganyak na muling pumusta si Teban. Nangakong higit na malaki ang
ipupusta sapagkat nakatitiyak na ng panalo. Naging mapagbigay naman si Celing subalit gaya nang dati, sa
kalabang manok din pumusta si Teban gaya ni Kulas.
 Kapwa talunan si Kulas at Celing sapagkat ang manok na kanyang pansabong ang
siyang nanalo na hindi nila pinustahan.

1. Sa iyong palagay, bakit inuna ang pangalan ng tauhan sa buod?

a. sa kanila iikot ang kuwento o pangyayari
b. ipinaaalala ang magsisiganap
c. nakalimutang unahin ang lugar na paggaganapan ng mga pangyayari
d. magandang basahin ang mga pangalan
2. Ang buod ay winakasan sa
a. panghihinayang ng tauhan
FPL(Akademik)MODULE

b. kinahinatnan ng mga pangyayari

c. naging kapalaran ng manok
d. paglalarawan ng katangian
3. Ang suliranin sa dula ay binanggit sa talata
a. 1 b. 2 c. 3 d. 4
4. Alin sa mga sumusunod ang di-binanggit sa buod?
a. Tagpuan b. suliranin c. wakas d. panahon
5. Ang kabuuan ng buod ay malinaw sapagkat
a. nababasa ang mga pahayag
b. nahuhulaan ang wakas
c. sunud-sunod ang pangyayari
d. madaling maunawaan ang mga kaganapan

Subukin mo
Panuto: Piliin at isulat lamang kung ano ang tinutukoy ng mga sumusunod na
pahayag.

Pagpipilian:
Balangkas sipi Romano malaking letra
buod orihinal na akda arabiko pamagat balangkas
1. Ang banghay ng mga impormasyong ilalahad. Nakatala ang mga ito ayon sa
pagkakasunud-sunod ng mga impormasyon.
2. Pinaikling ulat ng isang teksto o akda.
3. Ang mga numerong dapat gamitin sa mga pantulong na detalye.
4. Ang nararapat isulat sa malalaking letra ng isang ulat o buod.
5. Ang tawag sa pinagkunan ng buod ng isang akda o teksto.

ARALIN 2: Pagsulat ng Buod ng Isang Akda

Sa pagbubuod ng isang akda, mahalagang malamang hindi kinakailangan ang maliligoy o paulit-ulit
na paggamit ng mga salita. Dapat na ito’y maging tiyak, payak at maayos upang madaling maunawaan ng
sinumang babasa.

Sagutin mo ang pagsubok na inihanda ko para sa iyo upang mataya kung gaano ka kahusay bumuo ng mga
pahayag.

Panuto: Piliin at salungguhitan ang mga salitang hindi na kailangan pa sa pangungusap at hindi
makapagpapabago sa mensaheng nais nitong iparating.
 1. Pumasok siya sa loob ng silid at nagsimulang mag-ayos ng mga gamit.
2. Naging abala siya ng mga nakaraang araw sa paghahanda sa nalalapit niyang kaarawan sa
okasyon.
3. Sinimulan niyang ayusin ang mga gamit na nakapatong sa ibabaw ng mesa.
4. Nang kanyang buksan ang nakasarang kabinet, may lumabas na bubuwit.
5. Mabilis ang karipas ng takbo ng bubuwit kaya’t hindi ito inabot ng kanyang pamalo.

Minsan, nakabasa ka ng mga pahayag na masyadong matalinghaga o malalim ang kahulugan. Kung
ito’y ginamit sa akdang igagawa mo ng buod, mahihirapan ka kung di-mauunawaan ang mga kaisipang nais
nitong ipahayag. Mahalagang malaman ang mensaheng nais ipakahulugan ng mga salawikain o kasabihan
FPL(Akademik)MODULE

upang di maging sagabal sa pag-unawa ng akdang binabasa.

Kaya mo bang ibigay ang kaisipang napapaloob sa pahayag na nakasulat sa ibaba?

Panuto: Isulat ang letra ng kaisipang tumutugon sa bawat pahayag.

A. Pagkakaisa ng lahat B. Pagtupad sa pangako C. Pag-asa sa buhay

D. Pagtanaw ng utang na loob E. Pakikitungo sa kapwa F. Pagdisiplina sa anak

_______1. Anak na di-paluin, ina ang patatangisin

_______2. Ang di marunong lumingon sa pinanggalingan, di makakarating sa paroroonan
_______3. Higit na matibay ang walis kung ito’y nabibigkis
_______4. Sa taong may hiya, ang salita’y panunumpa
_______5. Sa likod ng ulap, naroroon ang liwanag

Paghango ng mga makabuluhang kaisipan sa binasa.

Panuto: Basahing mabuti ang talata. Pagkatapos, piliin ang kaisipang mahahango rito.
Letra lamang ang isulat.

_____1. Kung dumarating ang mga pagsubok, ito ay inyong harapin. Lagi ninyong gawin ang matuwid.
Linangin ninyo ang mabuting gawi upang hindi laging humihingi ng
paumanhin. Kung dumarating na ang mga kahirapan na wari ay humahadlang sa inyo,
harapin ninyo ito at subukin ang lahat ng paraang maaaring ikalutas nito upang
makapagpatuloy kayo sa inyong magagandang balak.
a. Supilin ang sarili sa paggawa ng masama upang hindi makasakit ng kapwa.
b. Humingi ng paumanhin sa mga taong nagawan ng pagkakamali.
c. Huwag mawawalan ng loob sa tuwing mahaharap sa pagsubok upang makamit
ang anumang minimithi sa buhay.
d. Taglayin sa tuwina ang magagandang-asal upang patuloy na matamo ang mga
biyayang kaloob ng Maykapal.
_____2. Kung ang mga tao’y marunong gumamit at mangalaga sa mga likas na kayamanan ng bayan, sila’y
di mawawalan ng gawain. Ang paninira at walang patumanggang pagpuputol ng ating mga punungkahoy sa
gubat. Ang pangingisda sa pamamagitan ng lason at dinamita at ang pagbibili ng ating lupain sa mga
banyaga ay pawang nakapipigil sa pag-unlad natin.
a. Nakaaapekto sa pag-unlad ng kabuhayan ang kawalan ng pagmamalasakit natin
sa kalikasan.
b. Nagbibigay ng iba’t ibang hanapbuhay sa mga mamamayan ang mga likas yaman ng ating bayan.
c. Nakaaapekto sa ating buhay ang pagpuputol ng mga punungkahoy, paggamit
ng dinamita at pagbebenta ng mga lupain sa dayuhan.
 d. Nawawalan ng pag-asa ang mga mamamayan sa pagkasira ng ating kalikasan.
_____3. Kung ang bawa’t tao’y nakakikilala sa Diyos, wala nang digmaang magaganap, alitan at kaguluhan.
Wala nang piitan sapagkat wala nang gagawa nang masama.
a. Maiiwasan ang paggawa ng masama kung matututo lamang magdasal ang tao.
b. Hindi kailan man makagagawa ng masama ang taong nakakikilala sa Diyos.
c. Walang digmaang magaganap kung tatanggapin ng tao ang Diyos sa kanyang
buhay.
d. Namamayani ang kapayapaan at kabutihan kung ang bawa’t tao’y may takot sa
Diyos.
_____4. Hindi sapat na mabuhay lamang nang matagal. Kailangang maging kasiya-siya ang panahong
FPL(Akademik)MODULE

itatagal natin sa daigdig. May malaking kinalaman dito ang pamimili ng

wastong pagkain.
a. Nakapagpapahaba ng buhay ang pamimili ng wastong pagkain.
b. Gawaing kasiya-siya ang buhay na ilalagi sa mundo sa pamamagitan ng
wastong pagkain.
c. Nakatutulong nang malaki ang pamimili ng wastong pagkain sa pananatili ng
mahaba at kapaki-pakinabang na buhay.
d. Magiging kasiya-siya ang buhay kung mapananatili natin itong malakas at
malusog.
_____5. Magiging maligaya ang ating pamumuhay kung tayo’y magtataglay ng ganap na kalusugan –
malusog na pangangatawan, isipan at emosyon.
a. Matatamo ang kaligayahan sa buhay kung ang isang tao’y may malusog na
pangangatawan at isipan.
b. Kalusugan ng katawan, isipan at emosyon ang puhunan sa tagumpay.
c. Magiging maligaya lamang ang tao kung siya’y malusog.
d. Ang kalusugan ng isang tao’y matuturing na kayamanan.

Paggamit ng kaalamang gramatikal sa pagbuo ng pangungusap at pagkilala sa

maayos at mabisang pangungusap.

A. Pagbuo ng pangungusap
Panuto: Isaayos ayon sa pagkakasunud-sunod ang lipon ng mga salita upang makabuo
ng isang mabisang pangungusap. Mga letra lamang ang isulat.

_____1. Karaniwan lamang sa mga taong nakikipagtunggali sa buhay

a. at matapos na b. ang maghangad na mawala
c. ang mga suliranin sa buhay d. nang lahat ang hirap
_____2. Ang mumunting kabiguan
a. ay nagbibigay-ningning b. sa mga mithiin
c. at pangarap sa buhay d. ang pagkatalo pala
_____ 3. Hanggang may nalalabing mga suliraning dapat lutasin
a. at bahaginan ng kalinga at pagmamahal b. mga taong nararapat na tulungan
c. ang kaganapan sa buhay d. ay hindi pa natatamo
_____ 4. Ngayon ko napatunayang
a. mga mahal sa buhay b. matamis palang
c. makipagsapalaran d. nang dahil sa iyong
_____ 5. Ngayon ko nalaman
a. na hindi pala makakamit b. sa pamamagitan
c. lamang ng tagumpay d. ang lubos na kaligayahan
 B. Pagkilala sa maayos at mabisang pangungusap.
Panuto: Isulat ang letra ng may pinakamaayos at mabisang pangungusap.
_____ 1.
a. Isang pagpapakilala ng kabutihang-asal ng mga anak at pagkilala sa
kapangyarihan ng magulang ang paghalik ng kamay ng anak.
b. Ang paghalik ng kamay sa magulang ng anak ay pagpapakilala ng kabutihang
asal ng mga anak at pagkilala sa kapangyarihan.
c. Isang pagpapakilala ng kabutihang-asal at pagkilala sa kapangyarihan ang
paghalik ng anak sa kamay ng kanilang mga magulang.
FPL(Akademik)MODULE

d. Ang pagkilala sa kapangyarihan ng magulang at pagpapakilala ng anak ng

kabutihang-asal ay maipapakita ng anak sa paghalik nila sa kamay ng kanilang
magulang.
_____2.
a. Itinuturing na kalapastanganan ng isang bata ang tumawag sa kanyang
nakatatandang kapatid nang hindi gumagamit ng mga ukol na paggalang.
b. Ang tumawag sa kanyang nakatatandang kapatid ay itinuturing na
kalapastanganan nang hindi gumagamit ng mga ukol na paggalang ng isang
bata.
c. Itinuturing na kalapastanganan sa kanyang nakatatandang kapatid ng isang
bata nang hindi gumagamit ng mga ukol na paggalang
d. Ang tumawag sa kanyang nakatatandang kapatid nang hindi gumagamit ng mga
ukol na paggalang ng isang batang itinuturing na kalapastanganan sa kapatid.
_____3.
a. Mabisang tagapagpaalala ang pagdarasal tuwing orasyon ng kanilang tungkulin
sa pamilya sa lahat ng mga anak at sa mag-asawa.
b. Mabisang tagapagpaalala ang pagdarasal ng orasyon sa lahat ng mga anak at sa
mag-asawa ng kanilang tungkulin sa pamilya.
c. Ang pagdarasal ng orasyon ay mabisang tagapagpaalala ng kanilang tungkulin
sa pamilya sa lahat ng mga anak at sa mag-asawa.
d. Sa lahat ng mga anak at sa mag-asawa ang mabisang tagapagpaalala ng kanilang
tungkulin sa pamilya ay orasyon.
_____4.
a. Ipinalalagay sa kawalang ng bait ng isang bata ay kakulangan sa pagtuturo ng
magulang kung ang bata ay sumasali sa usapan ng matatanda.
b. Kung ang bata ay sumasali sa usapan ng matatanda, ipinalalagay na kawalan ng
bait ng bata at sa pagtuturo ng bata ay kakulangan.
c. Kawalan ng bait ng isang bata at ipinalalagay na kakulangan sa pagtuturo ng
magulang kung ang bata sa usapan ng matatanda ay sumasali.
d. Kakulangan sa pagtuturo ng magulang at ipinapalagay na kawalan ng isang bata ang sumali sa usapang
ng matatanda.
_____5.
a. Naghangad ng masama sa kanyang mga anak, magulang ay wala.
b. Magulang ay walang naghangad nang masama sa kanilang mga anak.
c. Walang magulang naghangad nang masama sa kayang mga anak.
d. Sa kanyang mga anak na naghangad nang masama, walang magulang.

Pagsulat ng buod na may malinaw na presentasyon ng mga kaalaman.

 Panuto: Piliin at isulat ang letra ng pahayag na angkop sa bawat patlang upang mabuo ang isang talatang naglalahad
ng malinaw na presentasyon ng mga kaalaman.

Ang walang halagang buhay ay isang maagang kamatayan.

Isang kasabihan ang “marami ang may hininga subalit walang halaga.”
Nabubuhay na walang katuturan at nagiging pasanin pa ng tahanan at lipunan ang mga
salarin at tamad ay kabilang sa malaking hukbo ng mga nakapagpapabigat sa kabuhayan ng bansa 1.
__________________________.
Ang buhay na walang kinabukasan at pangarapin sa paggawa ng mabuti at paglilingkod sa kapwa ay kawa-awang
buhay. Ang taong nabubuhay sa sarili lamang ay
di kataka-takang malimot ng tanan. 2.__________________________________.
FPL(Akademik)MODULE

Hindi ang dami ng taon ng paninirahan sa daigdig ang uri ng buhay at nagawa ang nagpapatingkad sa abang katauhan.
Sina Rizal, Gregorio del Pilar at Wenceslao Vinzons ay nagsiyao sa panahon ng kanilang kabataang gulang.
3.___________________________________________
Ang labis na nagpapahalaga sa pansamantalang buhay na ito ay siyang agad nawawalan. 4.
_______________________________________. 5. _____________________________________________.

A. Ang buhay na handang magpakasakit alang-alang sa isang simulain

sa karapatan at kaligayahan ng marami ay siyang walang kamatayan.
B. Subalit sila’y magkakapatid na bituin sa kasaysayan ng
maluwalhating labi na hindi malilimot kailanman.
C. Kaya nga’t isang maagang kamatayan ang walang halagang buhay.
D. Ang palad na inilaan sa paglilingkod sa bayan ay nananatiling
kaluwalhatian.
E. Sila ang mga patay sa gitna ng mga buhay.

Pagsulat ng isang buod batay sa tamang format at pagbubuo.

Panuto: Isaayos ang mga sumusunod na talata upang makabuo ng isang buod ng kuwento. Isaalang-alang ang tamang
format at pagkakasunud-sunod ng mga
pangyayari. Isulat nang buo ang buod ng kuwento.

Kuwento ni Mabuti
Genoveva Edroza Matute

1. Isang araw, habang siya’y tahimik na umiiyak sa isang sulok ng silid-aklatan, nadatnan
siya ni Mabuti. Katulad niya, nagpunta rin doon ang guro upang umiyak. Hindi na
siya nakaiwas pang di ipagtapat ang suliraning dinadala.
2. Bukambibig ng guro ang salitang “mabuti” kaya ito ang itinaguri sa kanya ng kanyang
mga mag-aaral. Isa sa kanyang mag-aaral ang lihim na humahanga sa kanya hindi sa
panlabas na anyo kundi sa kabutihan ng kanyang pagkatao.
3. Hanggang minsang narinig niya ang isang kamag-aral na may alam pala tungkol sa
ama ng anak ni Mabuti, na ito ay isang doktor. Nabalitaan din niya ang tungkol sa
pagpanaw nito.
4. Dito niya lubos na naunawaan kung bakit iniiwasan ni Mabuti ang magbanggit ng
kahit na ano tungkol sa kanyang asawa.
5. Sa halip na pagkapahiya, dahil sa inaakalang walang halagang suliranin,
pagmamalasakit ang kanyang nadama mula sa guro, sa pag-uukol nito ng panahon sa
pakikinig.
6. Na ito’y ibinurol hindi sa bahay ni Mabuti kundi sa ibang bahay.

Lagumin mo . . .
A. Panuto: Piliin ang wastong sagot. Letra lamang ang isulat.
_____1. Ang pagkabigo sa isang hangarin sa buhay ay hindi nangangahulugan ng pagkabigo ng pangarap. Maraming
lagusan ang isang tao na mataman at matapat niyang pagtugaygay sa kanyang layunin sa buhay. Tandaan lamang na
 ang Roma ay hindi naitayo sa isang araw. Anong kaisipan ang tumutugon sa talata?
a. Unti-unti ang pagtatamo sa hinahangad na mga pangarap sa buhay.
b. Mahirap ang mabigo sa mga layunin.
c. Maraming pagtatangka ang nararapat gawin upang matupad ang mga pangarap.
d. Huwag susuko sa mga suliranin sa buhay.
_____ 2. Sinasabing ang pagkasiphayo sa mga unang pagtatangka sa buhay ay
nakapagpapahinahon sa isang tao upang sa mga susunod niyang
pagbalangkas ay taglayin ang katalinuhan.
a. Nakapagpapahinahon ang mga kabiguang nararanasan.
b. Natututong magpakahinahon ang mga nakararanas ng pagkasiphayo
c. Nagiging matalino ang isang taong nabibigo.
FPL(Akademik)MODULE

d. Mabuting magturo ang karanasan.

_____3. Sinasabing ang lakas ng isang bansa ay nakasalalay sa kanyang mga mabuting
mamamayan. Sila ang inaasahang magpapaunlad ng kanilang sariling bansa sa
pamamagitan ng mabuting paglilingkod at pangangalaga sa kalagayan ng bayan.
a. Sa mabuting mamamayan nakasalalay ang pagpapaunlad ng bansa.
b. Mamamayan ang inaasahang mangangalaga sa bayan.
c. Lalakas ang isang bansa kung pangangalagaan ang kalagayan ng bayan.
d. Mapauunlad ang bayan ng kanyang mamamayan.
_____4. Alin sa mga pangungusap ang wasto?
a. Sandigan ng kinabukasan sa bansa ang kabataan.
b. Kabataan ang sandigan ng bansa sa kinabukasan.
c. Ang kinabukasan ay sandigan ng kabataan.
d. Ang bansa sa kinabukasan ay sandigan ng kabataan.
_____5. Ang mga sumusunod na pangungusap ay wasto, maliban sa isa
a. Dakilang mithiin ng Pangulong Manuel L. Quezon ang pagkakaroon ng
sambayanang Pilipino ng isang wikang pambansa.
b. Pagkakaroon ng isang wikang pambansa ng sambayanang Pilipino ang dakilang
mithiin ng Pangulong Manuel L. Quezon.
c. Ang pagkakaroon ng sambayanang Pilipino ng isang wikang pambansa ang
dakilang mithiin ng Pangulong Manuel L. Quezon.
d. Mithiin ng Pangulong Manuel L. Quezon ang pagkakaroon ng dakilang
sambayanang Pilipino ng isang wika.

B. Basahin at unawaing mabuti ang buod ng “Sa Mga Kuko ng Liwanag”. Pagkatapos,
sagutin ang mga katanungan. Letra lamang ang isulat.

Nagpunta si Julio sa Maynila upang hanapin ang kasintahang si Ligaya Paraiso na

napilitang sumama kay Gng. Cruz na nangakong magbibigay sa kanya ng hanapbuhay.
Napag-alaman ni Julio na si Ligaya ay kinakasama ng isang Intsik, si Ah-tek. Nagkita ang
magsing-irog at nagbalak na tumakas patungong Marinduque. Sa pagtatangkang pagtakas ni Ligaya nahuli siya ni Ah-
tek at napatay si Ligaya sa sakal. Pagkatapos ng libing ni Ligaya, dali-daling nakipagkita si Julio kay Ah-tek upang
maghiganti. Nagsisigaw ang Intsik kayat nakatawag ito ng pansin ng mga tao sa paligid. Sa pag-aakalang
magnanakaw, hinabol siya ng taong bayan at binugbog hanggang sa mapatay.
_____6. Ang unang pangyayari sa kuwento ay
a. pagsama ni Ligaya kay Gng. Cruz b. pagbibigay ng hanapbuhay ni Gng. Cruz
c. pag-aasawa ni Ligaya d. paghahanap ni Julio kay Ligaya
_____7. Ang kuwento ay nagwakas sa isang
a. melodrama b. komedya c. trahedya d. katatakutan
_____8. Ang suliraning binanggit sa kuwento ay tungkol sa
a. pagiging mangmang ni Ligaya b. pagkawala ni Ligaya
c. pagkapariwara ng buhay ni Ligaya d. pagkaligaw ni Ligaya
 _____9. Ang halos kabuuan ng kuwento ay naganap sa
a. Maynila b. Marinduque c. Lalawigan d. Iskwater
_____10. Alin sa mga sumusunod na salita ang nagpapahiwatig na hindi naging maligaya sa buhay si Ligaya sa kabila
ng karangyaan sa piling ni Ah-tek?
a. pakikipagkasundo b. pagtakas c. pagpapakamatay d. paghihiganti

Subukin mo . . .
Isaayos at isulat ayon sa pagkakasunud-sunod ng mga pangyayari upang mabuo ang buod ng kuwentong “Mabangis na
Lunsod.” Isaalang-alang ang pagtatalata.

1. Sa bawat araw na pamamalimos ay kailangang magbigay siya ng piso kay Bruno,

FPL(Akademik)MODULE

sapagkat kung hindi ay sasaktan siya nito.

2. Tanghali na’y ilang singkong bagol pa lamang ang nasa kanyang bulsa. Gutom na
gutom na siya subalit kailangan pang mamalimos sapagkat pagdating ni Bruno’y tiyak
na hihingin nito ang kanyang parte.
3. Buhay ni Adong ang simbahan ng Quiapo. Mawala na ang lahat huwag lamang ang
simbahan at ang mga taong pumapasok at lumalabas dito.
4. Natulig siya. Nahilo at pagkaraan ng ilang sandali, hindi na niya naramdaman ang
kabangisan sa kapayapaang biglang kumandong sa kanya.
5. Nahuli siya ni Bruno at dahil sa liit niya’y animo isang sisiw ang niluluray ng matitigas
nitong bisig.
6. Pamamalimos ang kanyang ikinabubuhay at ito na rin ang nagsilbi niyang tirahan.
7. Ang araw na iyon ay tila ipinagkait kay Adong sapagkat kakaunti lamang ang nanlimos
sa kanya.
8. Dito niya nakilala si Aling Ebeng at ilan pang pulubi.
9. Nang sabihin ni Aling Ebeng na dumarating na si Bruno, hindi takot ang kanyang
naramdaman kundi paghihimagsik ng kalooban, ng pagnanais na makatakas sa anino ni
Bruno, sa gutom, sa kabangisan at kapaligirang kanyang kinasusuklaman.
10. Tumakbo siya upang makalayo sa dumarating na si Bruno. Nagpasikut-sikot sa
maliliit na iskinita.

Paunlarin mo . . .
Wasto ba ang lahat ng iyong naging kasagutan? Nangangahulugan lamang na
naging maingat ka sa pagsusuri ng mga pangyayari upang maging maayos at malinaw ang buod na iyong isinusulat.
Kung mayroon ka mang kamalian, muli mong balikan ang
iyong ginawa upang malaman kung bakit iyon ang tamang sagot.
Muli mong sagutin ang inihanda kong gawain upang mapalawak pang lalo ang
iyong kaalaman.

Panuto: Pagsunud-sunurin ang mga pahayag upang makabuo ng isang mabisang buod ng sanaysay. Isulat ang buod.
1. Dapat nating isaisip na walang makatutulong sa ating sarili kundi tayo rin.
2. Maaaring ngayon ay malakas tayo ngunit bukas makalawa ay may mabigat na
karamdaman na.
3. Kaya dapat ay mayroon tayong naitatabi upang may magamit sa oras ng
pangangailangan.
4. Hindi lamang karamdaman ang dapat nating paghandaan kundi mga sakuna at di
inaasahang pangyayari.
5. Bawat tao ay kailangang matutong mag-impok para sa hinaharap.

Gaano ka na kahusay?
Panuto: Isaayos ayon sa wastong pagkakasunud-sunod ang mga pahayag upang makabuo ng isang talata.
1. Kaya dapat ay alagaan nating mabuti ang ating kalusugan.
2. Kapag tayo ay may karamdaman, nauubos ang ating pera at kabuhayan sa pagpapagamot.
 3. Samantalang kung malusog ang ating katawan, bukod sa hindi tayo magkakagasta ay
maligaya pa tayo.
4. Ang kalusugan ng isang tao ay maituturing na isang kayamanan.
5. Hindi rin tayo makapaghanapbuhay.

Mga Pinagkunan

 Lontoc, et. al. Pinagyamang Pluma. Quezon Avenue, Quezon City: Phoenix Publishing House Inc,
2016.
FPL(Akademik)MODULE