Epekto ng Online Class sa mga Working Student

na mag-aaral sa Pamantasan ng
Arellano- Jose Rizal Campus

Introduksyon

Isa sa pinakamalaking hamon sa Departamento ng Edukasyon (DepEd) kabilang ang

Komisyon sa Mas Mataas na Edukasyon (CHED) sa Pilipinas ay ang pagpapatupad ng
“Online Class” para sa mga mag-aaral. Ito ay madaliang pinagpulungan ng kagawaran
ng edukasyon sa tulong ng mga myembro ng DepEd at sa pamamagitan ng
pangkalahatang desisyon ng ating gobyerno bilang solusyon sa nahintong “face to face
class” ng mga mag-aaral sa ating bansa.

Ang “Online Class” o ang pag-aaral sa pamamagitan ng paggamit ng teknolohiya at

internet upang maisagawa ang pagkaraniwang interaksyon ng mga guro sa kanilang
mga estudyante na isinasagawa sa loob ng paaralan ay likas na pamamaraan sa ibang
bansa. Ito ay ginamitan ng iba’t-ibang istilo na maaring iilan ay naging epektibo upang
ito ay magtagumpay.

Ilan sa mga bansang ito ay ang United States, India, China, South Korea, Malaysia,
United Kingdom, Australia at South Africa. Ang United States kung saan ang mga
kabataan ay binibigyan ng libreng edukasyon at pagdating sa tamang edad ay
kinakailangang matutong maghanapbuhay at maging responsible sa kanilang mga sarili
ay may mataas na bilang ng mga estudyante na nagpatala ng kanilang mga kurso sa
pamamagitan ng “Online Class” kumpara sa nakasanayang edukasyon na isinasagawa
sa loob ng paaralan dahil nakakapagbigay ito ng opportunidad para sa mga mag-aaral
na nagtatrabaho sa tulong ng kanilang mataas na kalidad ng teknolohiya kaya ang
stratehiyang ito ay naging modelo at tinularan ng ibang bansa.
Ang unang pangkalahatang pagpapatupad ng “Online Class” kabilang ang mga
pampublikong paaralan sa Pilipinas ay naisakatuparan noong nakaraang taon nang
magsimula ang pandemya laban sa Covid-19 upang patuloy na matugunan ang
pangangailangang pang-edukasyon para sa mga mag-aaral. Ito ay isinakatuparan
upang maging bahagi ng pag-iingat na ang virus ay hindi madaling kumalat lalo na para
sa mga kabataan.

Suliranin ng Pag-aaral

Lingid sa pagtugon ng gobyerno sa panunahing pangangailangan ng mga kabataan,

karamihan sa mga nag-aaral na naghahanapbuhay habang isinasabay ang kanilang
pag-aaral ay may kanya kanyang pamamaraan upang sila ay patuloy na makatugon sa
pangangailangang pang-edukasyon. Ngunit ito ay nananatiling suliranin sa iilang mag-
aaral sapagkat karamihan sa kanila ay kulang sa pinansyal na syang dahilan ng kanilang
pagtatrabaho. At ang “Online Class” ay nangangailangan din ng pinansyal na suporta na
upang matugunan ang “internet data” na kanilang ginagamit sap ag-aaral. Ito ay
nagbibigay ng panibagong pagsubok para sa kanila na dapat nilang isa-alang alang sa
pamamagitan ng pagsasakripisyo ng iba pa nilang pangangailangan gaya ng
pagpapakabit ng “wifi” na dumadagdag sa kanilang gastusin.

Pangkayariang Konseptwal
Marahil iba’t iba ang epekto ng “Online Class” para sa mga “working students” dahil
nakabase ito sa kung paano nila iisinasaayos ang kanilang bawat hakbang.
Nagdaragdag ito ng presyon o bigat sa kanilang araw araw na pamumuhay. Ang
kanilang pag-iisip ay nahahati sa trabaho at pag-aaral. Gayunpaman, ang “Online Class”
para sa mga “working students” ay may positibo ring epekto gaya ng pagsasagawa ng
kanilang mga gawain tuwing day-off o kahit sa kanilang break time. Ngunit hindi
maaring ipagpaliban o iurong ang klase mga hindi “working students” para sa kanila
kung kaya sila ay nangangailangang magsagawa ng pansariling pagsasaayos ng
kanilang iskedyul na may pagsang-ayon ng kanilang mga guro upang makatugon sa
kanilang mga pinapasukang klase. Sa kabilang banda, ang pagiging “working student”
ay maagang pagpapamulat sa mga kabtaan sa kalakaran ng buhay na maaaring
bentahe sa kanilang paghahanap ng trabaho sa darating na panahon.

“Ang Pamantasan ng Arellano- Jose Rizal Campus ay kasalukuyang tumatanggap at

tumutulong sa mga estudyanteng nagtatrabaho habang nag-aaral. Sila ay binibigyan ng
pagkakataong rumesponde sa pamamagitan ng palugit sa oras o sapat na panahon ng
pagsumite ng mga gawaing pampaaralan. Katuwang ang mga guro sa pagbibigay ng
kanilang malawak na pang-unawa at mas mahabang pasensya sa pagtuturo sa kabila
ng suliraning ito. Ito ay nagbibigay ng kaluwagan at mas malaking oportunidad para sa
mga “working students” upang sila ay makasabay sa kanilang subject syllabus o ang
pagkakasunod sunod na topic na kanilang tatalakayin sa loob ng isang semester.

Ang mga mag-aaral na sumasailalim sa “Online Class” ay may kanya-kanyang

pamamaraan ng pagdanas nito sa tulong at gabay ng kanilang mga guro at higit sa
lahat sa suporta ng kanilang mga magulang at pamilya. Para sa mga “working
students” na doble ang pasanin at ibinubuhos na pagsisikap ay nangangailan ng unawa
mula sa kanilang guro at sa mga taong nakapaligid sa kanila. Ang mga estudyanteng ito
ay nananatiling positibo at dedikado tungo sa kanilang pangarap na makapagtapos sa
kabila ng pagsubok na kanilang kinakaharap lalo na sa panahon ng pandemya. Sila ay
marapat na bigyan ng libreng kagamitan gaya ng tablet o anumang gamit
pangteknolohiya o libreng load na magagamit nila sa kanilang pag-aaral nang sa
gayundin ay makabawas ito sa kanilang pinansyal na pangangailangan.
Saklaw at Limitasyon ng Pag-aaral

Ang pag-aaral na ito ay nakatuon sa paglalahad ng epekto ng “Online Class” sa

mga “working students” sa Pamantasan ng Arellano- Jose Rizal Campus. Isinakatawan
nito ang karanasan at opinsyon ng mga estudyante maging sa iba’t ibang Pamantasan
sa Pilipinas.

Kahalagahan ng Pag-aaral

Mahalagang malaman ang epekto nito sa mga “working students” sapagkat ito
ay bahagi ng kanilang araw-araw na suliranin sa pagbabalanse ng kanilang oras at
kakayahan kasabay ng kanilang paghahanapbuhay. May mga iilang “working students”
ang nahihirapan dahil sa kanilang kakulangang pangpinansyal at karamihan sa kanila ay
kabilang sa mahirap na mamamayan na nagpapasan ng maraming responsibilidad sa
kanilang pamilya. At sa aking pananaw, ito ay kinakailangang mabigyan ng atensyon ng
nakatalagang kagawaran ng edukasyon.

Depinisyon ng mga Terminolohiya

 working students – sila ay literal na mga estudyanteng nagtatrabaho habang nag-

aaral. Karamihan sa kanila ay mga anak ng mga magsasaka, mga pamilya na
walang maayos na pinagkukunan ng income o kung may pinagkukunan man ay
hindi sapat.

 online class - ito ay isang pamamaraan ng pag-aaral na ang klase ay isinasagawa

online (paggamit ng internet upang tayo ay makipagsalamuha sa estudyante o
guro). Isa itong paraan upang tayo ay matuto sa kahit saan man at anong oras
man.
 subject syllabus – ito ay naglalaman ng listahan ng mga bagay na tatalakayin sa
isang paksa o kurso ayon sa pagkakasunod-sunod

 pandemya - isang epidemya  ng nakakahawang  sakit na kumakalat sa

pamamagitan ng mga  populasyon  sa isang malawak na rehiyon

 Optical Training Program - isang programa na nagpapahintulot sa mga mag-aaral

sa internasyonal sa Estados Unidos na magtrabaho pansamantala hanggang sa 12
buwan. Maaaring makumpleto ang OPT bago o pagkatapos makumpleto ang iyong
pag-aaral, ngunit mahalagang tandaan na pinapayagan kang magtrabaho ng 12
buwan sa kabuuan kasama ang paunang pagkumpleto ng degree at pagkatapos ng
pagkumpleto ng degree.

 Curricular Training Program - .isang programa na pansamantalang pinapayagan

ang mga mag-aaral sa internasyonal na makakuha ng karanasan sa trabaho na
direktang nauugnay sa kanilang pangunahing sa pamamagitan ng pagtatrabaho,
bayad o hindi bayad na internship, o kooperasyong kooperatiba (co-op). Habang
nag-aaral ka sa Estados Unidos papayagan kang magtrabaho kasama ang kaunting
mga paghihigpit. Karamihan sa mga kolehiyo at unibersidad ay maaaring
makatulong sa mga mag-aaral sa internasyonal sa paghahanap ng trabaho sa
campus at labas ng campus.

Kaugnay na Literatura at Pag-aaral

Ang “Online Class” ay isang plataporma sa mga epekto ng “new normal” sa

ating bansa dulot ng pandemik na Corona Virus. Ito ay isinakatuparan ng magsimula
ang “lockdown” upang maging tuloy-tuloy ang pagbabalik-aral ng mga estudyante
sa buong taon sa pamamagitan ng paggamit sa internet, at ang estudyante ay di na
kinakailangang lumabas pa ng bahay upang magtungo nang personal sa klase at
makaharap ang guro at mga kamag-aral. Ang pamumuan ng DepEd ay pinag-aralan
ding mabutin ang magiging epekto nito sa mga normal na mga mag-aaral kabilang na
ang mga “working students” na ipinagsasabay ang pag-aaral sa kanilang pagtatrabaho.
Ang pangunahing layunin ng nasabing aplikasyon ay upang mapanatili ang
koneksyon at maipagpatuloy ang paghahatid edukasyon gamit ang
makabagong teknolohiya sa pagitan ng mga guro at mag-aaral. Sa una ay marami
ang bumatikos sa naisip na paraan na ito ng DepEd ngunit sa huli ay walang
nagawa ang karamihan dahil hindi maaaring ipagpatuloy ang nakasanayang “face-to-
face class” at napakadelikado ang pagsasagawa ng aktwal na klase dahil sa banta ng
pandemya.

Sa bansang United States, isa sa mga dahilan kung bakit ang mga mag-aaral o
estudyante doon ay maagang namulat sa industriya ng paghahanap-buhay ay ang
pagiging ”working students” nila. Dahil sa kagustuhan nilang makapagtapos ng kolehiyo
sa kanilang bansa, sila ay nagtatrabaho upang makalikom ng sapat na pera pang-aral
dahil mataas ang kalidad ng edukasyon sa kanilang bansa kalakip ang mataas na
presyo o halaga nito. Ang “Optical Training Program” sa United States ay nagbibgay ng
oportunidad na magtrabaho sa loob ng isang taon na maari mong tapusin bago o
pagkatapos mong grumadweyt sa kolehiyo. Ang “Curricular Practical Training” naman
ay ang pagpapahintulot sa mag-aaral na magtrabaho sa isang kompanya kung saan sila
ay maaring direktang mamasukan o mag-apply pagkatapos ng kanilang pag-aaral. Isa
ito sa tinutularan ng Arellano University kung saan ilan sa mga “working students” ay
nagtatrabaho sa isang particular na kompanya na kalaunan ay maari silang tanggapin
bilang empleyado.

Ayon kay Villeroz (2014) ang pagiging working student ay hindi biro. Ang
pinakamatinding kinakaharap ng mga estudyante ngayon sa pampublikong
paaralan ay ang kahirapan sa buhay. Sa panahon ngayon, itinuturing na ang
pag-aaral ay isa sa pinakamahalagang kayamanan ng bansa. Ngunit hindi
ganoon kadaling makapag-aral, mayibang estudyante na nakatuon ang pansin sa
kanilang pangangailangan na makahanap ng trabaho upang matustusan ang
kanilang pangangailangan sa pag-aaral. Sa makatuwid, kailangan talaga ng
pagpuporsige para makatapos ng pag-aaral. Sa kaparehong taon, ayon sa
Georgetown, ang mga working students ay nagtatrabaho sa average na 30
oras sa isang linggo. Pero mahigit 25 porsyento ng working students ay tuloy-tuloy na
nagtatrabaho full-time at enrolled sa kolehiyo. Dahil sila’y estudyante sa umaga at
empleyado sa gabi.

Ilan sa mga “working students” na nagsasagawa ng online class sa Pamantasan

ng Arellano ay may mga sariling pamilya, kung kaya, hindi lamang sa dalawang bagay:
paghahanapbuhay at pag-aaral, nahahati ang kanilang oras o panahon araw-araw. Sila
ay mas nagtataglay o nagbibigay ng mas making sakripsiyo sapagkat sila ay mga
pamilyado. May iilang mga mag-aaral “working students”na hindi nagiging epektibo sa
kanila ang online class dahil mas nagiging kampante sila sa kanilang pag-iisip na hawak
nila ang kanilang sariling oras na nagdudulot minsan ng kapabAyaan. Karamihan sa
kanila ay hindi nakakapagsumite ng mga “paper works” dahil iniisip nila na maari nila
itong isagawa sa ibang panahon at higitna mas mahalaga sa kanila ang pagtatrabaho.
Sila ay maaring maging hindi kapantay lamang ng mga ordinaryong “working students”
sapagkat may kanya-kanya silang sariling pamilyang dapat itaguyod o buhayin.
Karaniwan sa mga “working students” na dumadaan sa online class ay nagpapatulong
sa kanilang mga asawa o kapatid upang mbawasan ang kanilang alalahanin at mas
mapagaan ang kanilang sitwasyon.

Sa kasalukuyang “online class” na ipinapatupad sa ating bansa ay nananatiling

isang eksperimento sapagkat ito ang napapanahon na nakikitang solusyon para sa mga
mag-aaral upang maipagpatuloy nila ang kanilang pag-aaral sa gitna ng pademya dulot
ng virus na Covid-19. Nangangailangan din ng pag-sasaalang alang para sa mga
“working students” na mas higit na naapektuhan dulot ng kahirapan sa panahon ng
pandemik.
Metodolohiya ng Panaliksik

Ang ginamit na metod o disenyo sa pananaliksik na ito ay ang Kwalitatibong

Pamamaraan ng Pananaliksik kung saan, bilang Kwalitatibo o “Qualitative Rersearch” ay
nakapokus at tumutuloy sa karanasan ng mga “working students” ng Arellano
University – Jose Rizal Campus, na nakabase sa mga isinagawang pag-interbyu. Kalakip
ng mga karanasan, nagtatalaga din ito ng mga pagkukumpara ng mga kasagutan ng
mga taong ininterbyu na naglalabas ng pinaka-karaniwang epekto para sa kanila ng
pagiging “working students” sa pagpapatupad ng “online class”

Ang mananaliksik ay nagsagawa ng interbyu sa pamamagitan ng “social media”

kung saan siya ay nagtala ng mga katanungan na kanyang pagbabasehan ng kanyang
napiling paksa ng pag-aaral. Ito ay kanyang isinagawa hindi lamang sa mga estudyante
ng Pamantasan ng Arellano kundi pati na rin sa ibang Pamantasan ng kolehiyo kundi
kabilang ang World Citi Colleges-Caloocan Campus, Our Lady of Lourdes Fatima
University-Valenzuela Campus at University of the East-Caloocan Campus. Karamihan sa
mga “respondents” o ang mga mag-aaral na nagbigay ng kanilang panig at mga
kasagutan ay may edad na 18-29 yrs. old, at iilan sa kanila ay pamilyado na. Tatlo sa
sampung “respondents” o (3 out of 10) ng Pamantasan ng Arellano-Rizal Campus ay
masasabing may estimasyong humigit-kumulang tatlumpu’t porsyento (30%) ng
kabuuang populasyon ng mga kolehiyong mag-aaral na nagsasabing pamantasan. At
dalawa sa bawat tatlo (2 out of 3) na working students ay may sariling pamilya na
binubuhay. Ayon sa kanila, mas nahihirapan silang sumabay sa “online class” dahil
karamihan sa kanila ay walang sariling “wifi access” o “wirelessi or cabled internet” sa
bahay at nagiging bahagi ito ng kanilang pang-araw-araw-araw na gastusin at
suliranin. Isang malaking hamon ito para sa kanila sa usapang pinansyal.

Batayan ng Pagsulat ng Pagsasaliksik

Ang paraan ng pagkuha ng datos sa pag-aaral ay isinagawa sa pamamagitan ng

social media.

 https://www.facebook.com/
 https://www.messenger.com/

Kalakip nito ang ibang pinagmulan ng impormasyon:

 https://monitor.icef.com/2012/06/8-countries-leading-the-way-in-online-
education/

 https://www.ice.gov/sevis/practical-training

 https://www.internationalstudent.com/study_usa/way-of-life/working-in-the-usa/

 https://www.coursehero.com/file/p7cdiil/EPEKTO-NG-PAGIGING-WORKING-
STUDENTS-SA-AKADEMIKONG-PERPORMANS-NG-MGA-MAG-AARAL/