MGA HALIMBAWA SA IBA’T IBANG DISKURSO

DESKRIPTIB
A. KARANIWANG DESKRIPSYON

Maganda at madaling pakibagayan. Iyan ang impresyon ng sinumang

makakaharap ni Linda. Dala marahil iyon ng kanyang mapang-akit na mga mata na
nakahahalina sa sinumang makakakita nito. Ang kanyang namumurok na pisngi at
napakalalim na biloy ay lalong nagpapaganda sa kanyang mukha kung siya ay
tumatawa.
Parang iginuhit ang kanyang kilay at nagatataglay ng mga pilikmatang malantik
at mahahaba na lalong nakatutulong upang ikaw ay mahalina sa kanyang mga mata. Sa
kanyang pagtawa, mapapansin mo ang pantay-pantay at mapuputi niyang ngipin. Ayon
sa marami, ang mahaba at maitim niyang buhok ay nagsisilbing pang-akit ni Linda sa
mga kalalakihan.
Si Linda ay may matatag ba paninindigan sa buhay. Ginagawa niya nag
anumang kanyang sabihin. Makabago siLinda at sosyal pero matapat na
nagpapahalaga at nag-iingat sa kanyang puri at pagbabago.
Relihiyoso at may takot sa Diyos si Linda. Lagi siyang nagsisimba, mababa ang
loob at handang tumulong sa sinumang nangangailangan. Mapagpasensya rin siya
kaya napakarami niyang kaibigan.

-mula sa Bernales, et al. (2006)

B. MASINING NA DESKRIPSYON
Ang pagiging kawal, o pagiging kadre, ay pagiging isang bitak ng bato, pagiging
isang bloke ng semento sa itinatayong pundasyon ng pagbabago. Isang pares ng
braso’t kamao sa walang mukhang digma. Isang buhay. Isang kulumpon ng buto. Baril
man o salita ang hawak mo, mag-isa kang tatakunton sa masukal na gubat ng pag-
alam. Mag-isa mong tatawirin ang ibabaw ng bangin, ang madulas na tulay na kawayan,
at mag-isa kang mahuhulog, mag-isang lalangoy, aahon , aakyat sa kabilang pampang.
Mag-isa kang haharap, makikipagtunggali sa panganib. Ano man ang iyong
kahihinatnan, matitipak ka ba, o mananatiling nakatayo, walang kamay na sasalo sa iyo,
walang ulo, balikat, katawan na tatakip o manangot para sa iyo. Sa katapusan ay mag-
isa mong ipaglalaban ang buhay mo. Sa katapusan, ang lahat, ano man ang kanilang
adhika, ay mag-isang makikipagdigma at mag-isang mamamatay.

Mula sa Isang Pitak ng Isip

Ni Shielfa Alojamiento

NARATIB
Iba’t ibang Uri ng Naratib

 Maikli o mahabang kwento/nobela

 Talambuhay
 Kasaysayan
 Kwento ng paglalakbay
 Kwento ng pakikipagsapalaran
 Balita
 Alamay, Leyenda, epiko at kwentong-bayan
Payak na naratib

Nais kong ibahagi sa inyo ang namagitan sa amin ng aking Itay isang gabi.
Hinding-hindi ko makakalimutan ang gabing iyon. Malakas ang ulan noon ngunit
maalinsangan ang simoy ng hangin.
Nagsusuklay ako sa loob ng akin silid. Katatapos ko pa lamang maligo at
nakatapis pa lamang noon. Narinig kong kumakatok si Itay sa pinto ng aking
kwarto. Nang sagutin ko ang pagkatok niya, sinabi niyang kailangan daw naming
mag-usap at nakiusap siyang papasukin ko siya.
May pag-aalinlangang binuksan ko ang pinto at siya’y kagyat na pumasok
sa aking silid, laking gulat ko nang ipinid niya at susian ang pinto. Kumabog ang
aking dibdib. Kinabahan ako bigla. Natakot. Mabiis na hinawakan ni Itay ang aking
mga kamay. Hinaplus-haplos niya ang aking buhok at ang aking mukha. Pinaraan
niya ang kanyang daliri sa aking kilay, sa aking mga pisngi at sa aking mga labi.
Napasigaw ako.
“Itay., huwag po! Huwag po Itay! Ako’y inyong anak! Utang na loob, Itay!”
Ngunit parang walang narinig ang aking Itay. Ipinagpatuloy lamang niya ang
kanyang ginagawa. Ipinikit ko na lamang ang aking mga mata dahil ayaw .kong
makita ang mukha ng aking ama habang ipinagpapatuloy niya ang kanyang
ginagawa sa akin. Mariin ang aking pagkakapikit. Hindi ko magawang lumuha.
Bigla kong narinig si Inay. Sumisigaw siya habang binabayo ang nakapinid
na pinto ng aking kwarto. Nagpupumilit siyang pagbuksan ng pinto. Garalgal ang
naghuhumiyaw niyang tinig.
“Hayop ka! Hayop ka! Huwag mong gawin iyan sa sarili mong anak! Huwag
mong sirain ang kanyang kinabukasan!”
Subalit wala ring nagawa si Inay. Hindi rin siya pianakinggan ni Itay.
Nananatili na lamang akong walang katinag-tinag at ipinaubaya ko na lamang ang
aking sarili sa anumang gustong gawin ng aking Itay.
Pagkalipas ng ilang minuto ay biglang tumigil ang aking Itay. Iniharap niya
ako sa salamin at ganoon na lamang ang aking pagkamangha at pagkagulat sa
aking nakita. Magaling naman pala mag-make-up si Itay.
Nang gabing iyon ay nagtapat sa akin si Itay. Bakla pala siya. Ngunit hindi
ako nagalit sa kanya, manapa’y labis akong nagalak sa galing at husay na
ipinamalas niya. Naisip ko, matutuwa ang aking boyfriend dahil lalo akong
gumanda ngayon.
Niyakap ko si Itay at kapwa kami napaluha sa labis na kagalakan.
Masaya na kami ngayon at nabubuhay ng matiwasay.

Lovingly yours,
BADONG
*Halaw sa isang e-mail na aking natanggap. RAB
 EKSPOSITORI
SANAYSAY

Kahalagahan ng Edukasyon

Ang Edukasyon ay mahalaga sa bawat isa dhil dito nakasalalay ang

kinabukasan ng bawat tao at kung ano ang kanyang kahihinatnan d2 sa mundo. At ito
ang ating sandata para magkaroon ng magandang buhay. Maraming paraan upang
makamit natin ang isang mabuting hinaharap.

Ang paghahanda para sa ating kinabukasan ang mabisang paraan upang

makasiguro tayo sa ating pamumuhay. Ngunit may mga hadlang din na maaring
pumigil sa ating pagtatagumpay, kaya marapat lang na maging maagap ang bawat isa
sa atin upang tagumpay na malagpasan ang mga ito.

At ang pagkamit ng tagump[ay ay kailangan buo determinasyon, tiwala sa sarili,

may pananampalataya sa Diyos at marami pang mga katagian na dapat nating taglayin
para makamit natin ang magandang bukas. “KAHIRAPAN AY DI HADLANG SA
KINABUKASAN”.

Lagi natin tandaan na tayo gumgawa ng ating sariling kapalaran kaya kung
anuman ang ating tatahakin ay nakasalalay sa ating mga kamay. at lagi tayo sasandal
sa ating Panginoon sa lahat ng ating mga ginagawa dahil walang imposible sa kanya
kung tama at nararapat ang iyong ginagawa.

Mula sa Edukasyon.wordpress.com
PAGLALAHAD NG PROSESO

Ano Ang Proseso Ng Akademikong Pagsulat?

AKADEMIKONG PAGSULAT 
Sa paksang ito, ating aalamin kung ano-ano ang mga proseso ng akademikong
pagsulat at ang mga halimbawa nito.
Ang akademikong pagsulat ay isa sa mga mahalagang bagay na kailangan
nating malamang gawin lalo na kung ikaw ay isang estudyante. Ito rin ay mahalaga
dahil sa pamamagitan ng akademikong pagsulat, mabibigyan solusyon ang mga isyung
panlipunan.
Pero bago paman tayo sumulat ng isang akademikong sulatin, kailangan nating
pumili ng paksa, lumikha ng mga ideya, at bumuo ng detalye galing sa pangunahing
ideya natin. Kung ikaw ay isang estudyante, dadaan sa draft at pagtanggap ng
kritisismo galing sa mga guro mo ang iyong paksa.
Pagkatapos nito, puwede mo nang i-rerebisa ang paksa. Susunod, kailangan
mong gawin ang paglalathala. Kabilang dito ang paglagay ng komposisyon o sulatin.

1. Pre-writing – Dito ang pamimili ng paksa at pagkolekta ng impormasyon para

sa sulatin.
2. Actual Writing – Nakapaloob dito ang pagsulat ng borador/draft.
3. Rewriting – Nagaganap dito ang pagrerebisa at pagwawasto at paghahanay
ng ideya o lohika. Sunod, kailangan mong sagutin ang mga
sumusunod na tanong:
 Ano ang paksa ng teksto ng susulatin?
 Paano ko ilalahad ang mga datos na nakalap upang mabigyan
kahulugan
 ang paksa?
 Saan at paano makukuha ng sapat na datos kaugnay ng aking
paksa.
 Ano ang layunin sa pagsulat nito?

Sa pagrerebisa naman, tanungin ulit ang iyong sarili:

 Tama ba ang mga pangungusap?
 Malinaw ba ang pagkakalahad ng mga ideya?
 May pagkakaugnay ba ang mga ideya?
 Malabo ba ang mga ideya?
 Angkop ba ang mga salita na ginamit ko?
 Malinaw ba ang pangkalahatang mensahe?
 May kaisahan ba ang bawat talataan?

Salamat sa inyong maiiging pagbabasa. Aming sinisiguro ang pagserbisyo ng bago at

pinaka-tinatangkilik na balita. Hanggang sa susunod na mga bagong balita mula dito
lamang sa Philnews.

Mula sa - https://philnews.ph/2020/10/06/proseso-ng-akademikong-pagsulat-
%E2%80%8B-proseso-at-halimbawa-nito/
 ARGUMENTATIB

A. Pabuod na Pangangatwiran

Nakakikilabot ang mga ideya at teoryang ipinakikita sa Da Vinci Code.

Halimbawa, inilarawan doon si Hesus bilang isang tao at hindi Diyos na
nagkarelasyon kay Maria Magdalena. Inilarawan din sa nobela ang mga Opus Dei,
isang ginagalang na kongregasyon ng simbahang Katoliko, bilang mga mersenaryo at
gahaman sa salapi. Ayon nga kay Vice mayor Danny Lacuna, ang pelikula raw at ang
pinagbatayn nitong nobela ay offensive to the established beliefs of the Roman
Catholic Church. Mapanganib din ang mga ideyang nakapaloob sa akda sa mga
mamamayan. Maaaring akalain ng maramun na paktwal ang mga ito bagama’t si Dan
Brown, ang may-akda ng nobela, mismo ay umaming ang kanyang akda ay
kumbinasyon ng facts at fiction. Ang problema, where do we draw the line? Sa aklat
man o pelikula, hindi nililinaw kung alin ang paktwal at kung alin ang piksyon. Dno
ang aasahan nating gagawa ng distinksyon? Ang mga karaniwang mamamayan?
Kaya nga, sa ngalan ng katotohanan at pagbibigay-proteksyon sa interes ng publiko,
dapat lang na ipagbawal ang distribusyon ng aklat na Da Vinci Code at ang
pagpapalabas ng pelikulang bersyon nito.

B. Pasaklaw na Pangangatwiran
Hindi dapat ipagbawal ang distribusyon ng nobelang Da Vinci Code at ang
eksibisyon ng pelikulang bersyon nito. Taliwas ang hakbang na ito sa probisyon ng
ating Saligang Batas na pumoprotekta sa kalayaan sa artistic na pagpapahayag.
Labag din ito sa karapatan ng mga mamamayang pumili. Sabihin na nating ang
nobela/pelikula ay may mga sensitibong ideya/eksena. Ngunit kailanganag hayaan
ang mga mamamayan ang pumili kung babasahin/ panonoorin nila ito at hayaang sil
ang magpasya. Sa argumentong ito, dapat, manaig ang karapatan kaysa sa sobrang
reaksyon ng mga ultra-konserbatibong sector ng ating lipunan na nagnanais supilin
ang ating mga dinanas na panunupil sa ilalim ng rehimeng Marcos. Huwag na nating
papanumbalikin ang madilim na kahapong iyon sa ating kasaysayan. Magtiwala tayo
sa talino ng mga mamamayan. Napatunayan na natin ito sa pelikulang Schindler’s
List na tinangka ring pigilan noon dahil umano sa labis na karahasang inilarawan
niyon. Ngunit nang hindi magtagumpayan ang gayong pagtatangka, napatunayang
tama lamang ang pagpapalabas ng pelikulang iyon dahil lalo iyong nagsilbing
pangmulat s amga Pilipino sa nakatatakot na senaryo ng digmaan. Sa madaling sabi,
walang malinaw na banta sa ating interes at moralidad upang pigilan ang Da Vinci
Code, maliban siguro sa bantang bunga ng malikot na guniguni ng mga ultra-
konserbatibong moralista na nagkukubli sa likod ng hipokrisi!