yaratandukanijwe n’intambara y’amoko ndetse n’intambara ya

Mulele muri icyo gihe.

-Iya kabiri: i Kabela hegereye umuhanda bityo byorohera abagenzi

bazanywe n’imodoka kuhagera.

-Iya gatatu: i Kabela ni hafi y’ikiyaga Tanganyika. Byoroheye

abashyitsi kuhagera banyuze mu mazi, kandi abantu bashobora
kuroba amafi yo kugaburira abashyitsi.

-Iya kane; Abakirisitu bo muri ako gace bari abanyabuntu barangwa

n’umwuka mwiza wo kwakira abashyitsi. Tukigerayo, umurimo
watangiye biruhije. Donatien ahamya ko, basanze abantu bo muri
ako gace badahuje. Imana irababwira ngo muteranirize abantu bose
mu rusengero mutangire kubigisha ijambo ry’Imana. Inshuro ya
mbere hateranye abantu bake, abateranye bose baremwa umutima
n’ijambo ry’Imana ikoresheje Mariyamu. Bahumurijwe n’ayo
magambo batangira gufatanya natwe muri uwo murimo nubwo
bamwe bari abanyantege nke, uko niko umurimo w’Imana w’i Kabela
watangiye. Itsinda ry’abemeye ijambo ry’Imana ritangira kugenda
ryiyongera uko bukeye, dutangira kwakira abashyitsi baturuka mu
midugudu yegereye i Kabela.

3. IGICE CYA GATATU

3.0. UMURIMO W’IMANA MARIYAMU KINYAMARURA

YAKOREYE I KABELA
I Kabela niho hari icyicaro gikuru cy’uyu murimo. Haberaga imirimo
myinshi inyuranye: Umurimo wo kwakira abashyitsi, umurimo
w’amasengesho, umurimo wo gukiza abarwayi, Imana yiyerekana mu
bitangaza bitandukanye mu mpano yo kugenzura imyuka, impano
y’ubuhanuzi n’izindi, ubivuga ni Rubeni MTEMANWA, Abashyitsi bose
bavaga i Kabela, batahaga bahamya ko umurimo w’Imana
uhakorerwa ari uw’ukuri.

3.1. UMURIMO WO KWAKIRA ABASHYITSI

Kwakira abashyitsi ntabwo wari umurimo woroshye. Uko umubare
w’abashyitsi wagendaga wiyongera niko umurimo wo kubakira
wakeneraga abantu bitangira kuwukora. Buri wese nkuko Imana
yamuhaye impano niko yagiye imuhamagara. Ihamagara abarobyi
b’amafi, ababaji, abahinzi, abubatsi b’amazu, abahanga mubyo
gutunganya amamesa, isabune n’ibindi kugira ngo abashyitsi babone
ibyo kurya.

Abantu Imana yakoze ku mitima bitangira kugura amato, ipikipiki

ndetse n’amamodoka kugira ngo umurimo wo kwakira abashyitsi
urusheho kugenda neza. Kandi hariho n’abadozi b’imyenda n’urusyo
rw’imyumbati. Niyo mpamvu twitangiraga gusenga kugira ngo Imana
idushakire abo bakozi.

3.1.1. Ingorane zo mu itangira

Mwitangira harimo ingorane nyinshi cyane ku bari baritangiye
umurimo. Icyambere bahuye n’inzara no kubura imyambaro. Mwene
data Donatien aravuga ati: ‘’habayeho igihe numva nshaka kurira
ubwo nabonaga umugore wanjye adodesha urushinge rw’intoke
igitenge cye cyacitse kugira ngo abone uko acyambara. Nanjye
ubwanjye nigeze ngendesha ibirenge kubwo kubura inkweto.
Byageze igihe biba ngombwa ko mesa ishati nkategereza ko yuma
ngo nyambare mbone gusubira mu mudugudu. Nta yindi nari mfite
yo guhinduranya. Bamwe mu bo twakoranaga umurimo w’Imana w’i
Kabela basubiye mu mirimo yabo isanzwe. Ariko abandi bagambirira
gukomeza uwo murimo nubwo byari bigoye. Muri bo dushobora
kuvuga nka Yohana Kashaje, Donatien Lulacha, Benoit Sango. Aba
bihanganiye imibabaro bakomeza umurimo kugeza ku iherezo.

Igitangaje ni uko iminsi yakurikiyeho abihanganiye mu murimo bagize

imigisha myinshi mu by’Imana yabahaye (mu Bworozi, ubuhinzi,
amafaranga n’ibindi) kurusha ba bandi bataye umurimo bagasubira
mu mirimo yabo isanzwe. Hageze aho Mariyamu na Kashaje bagira
inka nyinshi.

3.1.2. Umurimo wo mu Lutabura

Ubwo Mariyamu yatangiraga umurimo mu Lutabura, itorero ryo mu
Lutabura niryo ryatangiye kwakira abashyitsi ryonyine. Ryakomeje
gukora uwo murimo kugeza ubwo Mariyamu yimukiye i Kabela. Musa
Matare umugabo wa Mariyamu, mw’itorero rya Bibogobogo niwe
wabaye uwa mbere kugemura ibyo kurya i Kabela. Nyuma habaye
inama y’itorero mu Bibogobogo no mu Lutabura ngo batangire
kugemura ibyokurya by’abashyitsi i Kabela.

Muri iyo nama umubyeyi umwe witwa Suzana NYIRAGANZA atanga

igitekerezo, agira ati; ntabwo ari ibyokurya gusa tuzajya tugemura i
Kabela ahubwo dutangire guhinga n’imirima hariya i Kabela. Aho
niho guhinga imirima kwatangiriye. Kugeza igihe komite
yashyizweho, imirima yakomeje guhingwa.

Kubera uburemere bw’umurimo, abakristo bamwe batangiye

guhunga amatorero. Iyo bahungiye umwe muri bo ararwara yenda
gupfa bimenyekana ko ari Imana yamukubise, bajya kumuzana
bamuhetse mu ngobyi bamusubiza mu Lutabura, uwo muntu arakira.
Kugera mu Lutabura k’uwo muntu byamubereye umuti ahita akira.
Gahunda yo mu Lutabura, Nyagisozi nta mugabo wari wemerewe
kurya abashyitsi batararya.
3.1.3. Gushyirwaho kwa Komite
Mw’itangira abakristo bari batuye i Kabela bakoraga uko bashoboye
mu kwakira abashyitsi no kubitaho. Ariko uko abashyitsi bagiye
biyongera niko byagiye bikomera kubakira no kubagaburira.

Umushumba B Ngabwe Yona, azana igitekerezo cyo gukangurira

abarimu bo mu mashuri abanza gutangira gutanga imisanzu yabo yo
kugura ibyokurya by’abashyisti ndetse n’imikeka yo kuryamaho.
Kubw’ubuntu abarimu barabyemera. Iryo niryo tangiriro rya komite
yo kwakira abashyitsi. Yari iyobowe n’abantu batanu:

1.Umuyobozi Mukuru MTEMANWA Ruben (Perezida)

2.Uwungirije Anania RURAMUTSWA,

3.Umunyamabanga M’munga MUSENGELWA Alphonse

4.ndetse n’umujyanama B. NGABWE Yona

5.Samusoni GASHINDI umubitsi

Inkunga muri icyo gihe zarabonetse ariko ziba iz’igihe gito, kubera ko
abashyitsi biyongeraga buri gihe (1969), biba ngombwa ko
bashishikariza amatorero baturanye gufasha uwo murimo.
Hashyirwaho komite ikurikirana ibyo kugaburira abashyitsi b’i Kabela;
UMK (Ubumwe bw’Imfashanyo mu Matorero). Iyo komite yitabira
uwo murimo mu gihe gito. Biciye muri ibyo bitekerezo, imfashanyo
zitangira kuza ziva mu matorero menshi ya CMLC, CEPAC, CADAF na
CELPA zivuye ahantu hanyuranye: Baraka, Bukavu, Fizi,.... Iyo komite
ikomeza kwaguka n’imfashanyo ziza ari nyinshi kugira ngo zifashe
kwakira abashyitsi bagaburirwa kandi bacumbikirwa no kubaka
amazu akomeye, kugura amato, amamodoka atwara abantu, guhinga
imyumbati n’ibindi. Ibyo byose byari ukugira ngo abashyitsi bakirwe
neza. Hanyuma Amatorero yandi y’i Burundi n’ayo mu Rwanda
yifatanya n’uwo murimo.

3.1.4. Kwakira abashyitsi

Abari bashinzwe gahunda yo kwakira abashyitsi mu byo kurya no
kuryama, ni abakozi b'amatorero ya Methodiste yigenga n'abandi
b'amatorero atandukanye yabafashaga mu murimo w'Imana kwa
Mariyamu i Kabela (Gereranya Abaheburayo 13:2). I Kabela wari
umudugudu muto wubatswe ku muhanda uva Uvira ujya i Baraka.
Kuva Uvira ujya i Kabela hari kilometero 82 ku nkengero z'ikiyaga cya
Tanganyika. Kuva i Kabela ujya i Baraka (Bomani) hari kilometero 8.

Ukiva mu modoka (cyangwa waje n'amaguru) wahitaga wakirwa

n'abakristo bakunezerewe mu byishimo n'indirimbo n'umunezero.
Hanyuma wahabwaga amazi yo koga n'ibyokurya mbere yuko
bakwereka aho uryama, iyo mirimo yakorwaga mu byishimo,
mw'ituze no mu mahoro. Urukundo rw'abantu b'Imana b'i Kabela
rwatangazaga abantu. Buri mukozi ntabwo yagombaga kubwirizwa
ibyo agomba gukora, ahubwo buri wese yasunikwaga n'umutima we
kwita ku bandi uko ashoboye, agerageza kunezeza Imana mu mirimo
yabaga ashinzwe gukora. Ibi byanezezaga Imana kubera ko
ubuhamya bukurikira bugaragaza ukuntu Imana yacyashye umuntu
wasuzuguraga umurimo wa mugenzi we.

3.1.5. Ntuzongere kuvoma amazi (Ubuhamya bwa M’munga

Msengelwa Alphonse)
Umushumba Alambe Lulonga na surintendant bo mw’itorero rya
methodiste ryigenga i Bubembe bari inshuti ariko barwanyaga
umurimo w’Imana w’i Kabela. Umunsi umwe, Alambe asanga
umukozi w’Imana umwe w’umushyitsi wavuye mu Rwanda yitanze
mu murimo wo kuvoma amazi y’abashyitsi ku kiyaga cya Tanganyika.
Alambe abwira uwo muntu ati: ‘’Ntukajye uvoma amazi kuko uwo ari
umurimo w’abagore. Mu muco wacu ntabwo abagabo bavoma amazi
kuko ari umurimo w’abagore n’abana”

Nimugoroba Mariyamu yahamagaje Alambe maze aramubaza ati:

‘’Kuki wabwiye umukozi w’Imana ngo ntakajye avomera amazi
abashyitsi? Imana yarakajwe n’ibyo wakoze. Uyu mwaka uzavanwa
mu murimo w’ubushumba bw’itorero, kandi akanwa k’inshuti yawe
Surintendant wakoheje gusuzugura umurimo w’Imana niko Imana
izakoresha mu kugukura mu murimo wo kuba umushumba w’itorero
mu nama nkuru (conference) muri uyu mwaka. Noneho mu nama
y’umwaka utaha nawe bazamuvana mu mwanya we w’ubushumba.
Kandi koko muri uwo mwaka ibintu byabaye nkuko Mariyamu yari
yabihanuye.

Mu mubabaro n’agahinda ko kuvanwa mu murimo w’Imana,

umushumba Alambe yarihannye arahindukira yiyemeza kwitanga
atizigama mu murimo w’Imana. Nyuma y’umwaka umwe yahawe
icyubahiro cyo kuba Surintendant asimbura ya nshuti ye. Ya nshuti ye
Surintendant yavanywe mu murimo burundu kuko yakomeje
kwinangira umutima yanga guhugurwa.

3.1.6. Imirima yafashaga kubona ibyokurya

kugirango haboneke ibyo kurya byo kwakira abashyitsi abantu bafite

umutima mwiza batanze imirima y'ibigazi by'amamesa, imirima
y'imyumbati, imirima y'intoryi n'ibindi. Ibyo byavaga ahantu henshi
habonekaga abantu nkabo: Nk'i Kabela, mu Bibogobogo, kwa Nundu,
mu Lusenda, mu Lutabura, mu Minembwe, i Nagiheli, mu
Mutambala, mu Lweba, ku Murambya no kuKabala. Nk'uko Imana
yabaga ibahaye kubikora kandi Imana yabibafashagamo.

3.1.6.1. Itubura ry’Amamesa (Ubuhamya bwa Tabisha Mwenge)

Umunsi umwe twabonye ko amavuta yo gutekera abashyitsi
akenewe i Kabela. Nanjye nari umwe muri abo bitangiye umurimo
wo gutunganya amavuta mu mirima y’ingazi abandi bitanze
 kubw’uwo murimo. Uwo munsi
tujya mu murima w’ahitwa
Mukyamba ariko ntitwasaruye
ingazi nyinshi kuko hari mu kwezi
kwa karindwi. Ibigazi byose twari
twabonye byashoboraga kuvamo
ijerekani imwe y’amavuta ya litiro
20.

Twiyemeje kwenga amamesa y'ibyo

bigazi twari twabonye kugira ngo
tudasubira i Kabela ntacyo
dutahanye kandi hakenewe
amavuta. Ariko mu gihe cyo kudaha
amavuta mu isafuriya
twayengeyemo dusanga twujuje
amajerikani arindwi aho kubona ijerekani imwe twatekerezaga,
dusubirayo twuzuye ibyishimo mu mwuka wo gushima Imana kuko
kuri twe cyari igitangaza cyo kubona amavuta(amamesa) atubuka mu
isafuriya mu gihe twayadahaga.

3.1.6.2. III.1.6.2. Gukorerwa igitebo (Urugega) na Marayika

(Ubuhamya bwa Tabisha Mwenge)

Bakundwa, twabonye ukuboko kw'Imana muri uyu murimo. Umunsi

nagiye kuzana ibigazi mu murima wo hafi yo mu Lusenda. Icyo gihe
ibigazi byari byinshi, byuzuza igitebo cyane ariko kimbana gito.
Mbona hasigaye ibigazi bicye hasi. Nanze kubisiga aho nungaho ibiti
ku gitebo cyanjye habonekamo umwanya wabyo. Mu gihe cyo