Republika ng Pilipinas

Pamantasang Normal ng Leyte

Lungsod ng Tacloban

Di-Masusing Banghay Aralin

sa Filipino Baitang 10
Oktubre 10, 2017

CASTIL, FEB VRENELLI A. DR. ROWENA ARIASO

BSED S39 Guro

I. Layunin
Pagkatapos ng aralin, ang mga mag-aaral ay inaasahang nakagagawa ng
sumusunod nang may 85% kawastuhan:
1. Natutukoy ang pagkakasunod-sunod ng mga mahahalagang detalye sa
akda.
2. Naipahahayag ang sariling paniniwala at pagpapahalaga kaugnay ng mga
kaisipang namayani sa akda.
3. Makabubuo ng isang maikling presentasyon batay sa mitolohiyang binasa.
II. Paksa at Kagamitan
Sina Thor at Loki sa Lupain ng mga Higante, ni Snorri Sturluson, isinalin sa
Filipino ni Sheila C. Molina
Panitikang Pandaigdig (Modyul para sa Mag-aaral) Baitang 10, ph. 174-177
Mga larawan o kagamitang biswal, dice
PowerPoint Presentation
III. Pamamaraan
(4As / 4 Ps)
A. Panimulang Gawain:

Gawain 1
PANUTO: Kailangang punan ng mga mag-aaral ng tamang kasagutan
ang bawat kahon na nagsasaad ng serye ng mga bilang. Matapos punan
ng bilang ang tiyak na bahagi ng kahon, tutumbasan naman ito ngayon ng
mga letra na makikita sa dakong kanan. Ito ang tutulong upang mabuo ang
salita.
 Gawain 2

PANUTO: Ang mga baraha sa unang hanay ay naglalaman ng mga

larawan ng mga Diyos at Diyosa ng Mitolohiyang Norse. Sa ikalawang
hanay naman ay makikita ang elemento ng kanilang kapangyarihan. Ang
bawat Diyos at Diyosa sa unang hanay ay may mapakikinggang tunog na
sumisimbolo sa elemento ng kanilang kapangyarihan. Kinakailangang
pakinggan ito ng mabuti at piliin sa ikalawang hanay ang baraha na
naglalarawan sa tunog.

B. Paghahalaw

Tatalakayin ang mitolohiya sa pamamamagitan ng obstacle course map.

Ang mga bilang sa mapa ay simbolo ng mga tagpo na naganap sa mitolohiya.
Ang katabing larawan naman ng bawat bilang ay nagpapakita ng obstacle
course na kailangan nilang malagpasan. Sa huling bahagi ng course map ay
may mga tanong na kailangan sagutin ng mga mag-aaral upang maabot ang
Finish Line.

MGA KATANUNGAN:
1. Ano ang damdaming namamayani sa mitolohiya?
2. Sino ang mga pangunahing tauhan sa akda?
3. Bakit nagalit si Thor sa pamilya ng magsasaka?
4. Paano ipinakita ng mag-anak ang paghingi nila ng kapatawaran sa
pagsuway sa utos ni Thor?
5. Ano ang ginawa ni Thor matapos mabatid na nilinlang siya ni Utgaro-
Loki?

Gawain 1

Tulungan natin si Thor na makalagan ang passcode upang muling

makapasok sa lupain ng mga higante. Kinakailangan niyang alamin ang
tamang pagkakasunod-sunod ng mga pangyayari sa pamamagitan ng
paghahanay ng mga numero sa tamang letra na nagsasaad ng pangyayari o
detalye na katumbas nito.
C. Pagsusuri

Hahatiin ang klase sa dalawang pangkat. May Blue Group at Red Group.
Matutukoy ang grupo na sasagot sa pamamagitan ng Roll the Box. Ang box
o kahon ay nahahati dalawang kulay- asul at pula. Kung sa pagpagulong ng
box ay matapat sa pula, ang Red Group ang sasagot sa tanong at kung asul
naman ang kasalungat na pangkat ang sasagot. Sa pangkat na mapipili,
lalaruin ng mga mag-aaral ang Zip Zap, Zop. Ang mga mag-aaral ay poporma
ng bilog at ang unang mag-aaral ay papalakpak ng isang beses sabay sa
pagbigkas ng salitang Zip habang nakaturo sa isang mag-aaral. Ang tinurong
mag-aaral naman ay papalakpak ng dalawang beses at bibikasin ang salitang
Zap at muling tuturo sa isang mag-aaral. Ang tinurong mag-aaral ay gayundin
ang gagawin ngunit tatlong beses siyang papalakpak at bibigkasin naman ang
katagang Zop at tuturo rin ng isang mag-aaral. Ang magkamali sa laro ang
siyang sasagot sa tanong. Kinakailangang mabilis ang daloy ng pagkilos sa
larong ito.

1. Makatuwiran bang mangibabaw ang galit ni Thor sa pamilya ng

magsasaka matapos nitong suwayin ang kanyang ipinag-uutos?

2. Sang-ayon ka ba sa ginawa ni Thor na pagpukol ng maso sa ulo ni

Skymir dahil sa nakabubulabog na paghilik nito?

3. Tama ba na ipagmataas ni Utgaro- Loki ang kakayahan ng mga higante

kahit gumagamit lamang ito ng mahika sa bawat paligsahan?

4. Kung ikaw si Thor, paano mo ipakikita ang iyong damdamin matapos

mong malamang ikay nilinlang lamang?

5. Sang-ayon ka ba sa ginawang pandaraya ni Utgaro-Loki upang

maipagtanggol lamang ang kanilang lupain?

D. Paglalapat

Hahatiin ng guro ang klase sa tatlong pangkat batay sa kakayahang

taglay ng mga mag-aaral upang magtanghal ng isang maikling
presentasyon batay sa binasang akda.
UNANG PANGKAT
G- Nakasusulat ng isang kolum sa pahayagan ukol sa mga ulat ng
pandaraya o panlilinlang sa kapwa
R- Ang mga mag-aaral ay magiging kolumnista/columnist
A- Philippine Columnist Writers

S- Matutunghayan natin sa media at sa lipunang ginagalawan ang mga

nagaganap na dayaan sa kapwa, pulitika at industriya ng mga taong
mapagsamantala sa iba. Dahil dito, ang Philippine Columnist Writers ay
naglunsad ng isang Column Writing Express upang ipabatid at
ipamulat sa sambayanang Pilipino ang maling gawain ng panlalamang
o panlilinlang sa iba.

P- Newspaper Column

S- Ang mga mag-aaral ay na tatasain ayon sa sumusunod na

pamantayan: ang nilalaman, pagkamalikhain, orihinalidad/kaisahan,
at mensahe.

IKALAWANG PANGKAT

G- Nakagagawa ng isang komiks na nagpapakita ng isang maikling

daloy ng kuwento tungkol sa isang tao na malakas at matibay na hinarap
ang mga hamon ngbuhay.

R- Ang mga mag-aaral ay magiging cartoonist

A- Filipino Artist Guild, Sambayanang Pilipino

S- Sa bawat pag-inog ng mundo, humaharap sa mga pagsubok o

matinding dagok ng buhay ang isang tao na tila bay nasa isang
paligsahan na kailangan mapagtagumpayan. Kaugnay ng taunang
pagdiriwang ng Human Empowering Month, naglunsad ang Filipino
Artist Guild ng patimpalak sa paggawa ng komiks upang makiisa sa
selebrasyon at makapagbigay ng inspirasyon sa mga Pilipino na tibayin
ang loob sa pagharap ng anumang hamon.

P- Paggawa ng komiks ukol sa taong matibay na humarap sa hamon ng

buhay.
S- Ang mga mag-aaral ay na tatasain ayon sa sumusunod na
pamantayan: ang nilalaman, pagkamalikhain, orihinalidad/kaisahan, at
mensahe.

IKATLONG PANGKAT

G- Nakabibigkas ng isag rap na kasasalaminan ng kasamaang

naihahatid ng paglilihim ng katotohanan, pagmamataas at
panloloko sa iba.

R- Ang mga mag-aaral ay magiging rapper

A- Filipino Rap Music Group

S- May paniniwala tayo na Kung kasamaan ang itinanim, ay siya ring

aanihin. Hindi maitatanggi na ang paglilihim sa katotohanan o
panlilinlang sa kapwa ay isang akto ng masamang gawa at kailanmay
hindi magiging tama. Ito ay nagdudulot lamang ng kaguluhan at hindi
pagkakaunawaan sa pagitan ng dalawang panig. Bilang tugon
upang gabayan ang mga Pilipino, naglunsad ng pagtatanghal ng
pagbigkas ng isang rap ang Filipino Rap Music Group upang ipabatid sa
mga Pilipino ang kasamaang dulot nito.

P- Pagbigkas ng isang rap

S- Ang mga mag-aaral ay na tatasain ayon sa sumusunod na

pamantayan: ang nilalaman, pagkamalikhain, orihinalidad/kaisahan,
at mensahe
 RUBRIKS

PAMANTAYAN MAGALING KATAMTAMA NANGANGAILANG PUNTOS

(8-10) N AN NG
(7-5) PAGSASANAY
(1-4)

Nagpakita ng Bahagyang Walang kaugnayan

malinaw at nagpakita ng sa paksa.
NILALAMAN kawili-wiling malinaw na
kaugnayan sa kaugnayan sa
paksa. paksa

May Mahusay, at May kahusayan sa

napakahusay at kaakit- akit ang pagkakabuo ngunit
PAGKAMALIKHAIN higit na kaakit- pagkakalahad kulang sa pagiging
akit na ng kaisipan pagkamalikhain sa
pagkakalahad dahil sa paglalahad ng
dahil sa maayos maayos na kaisipan.
at malikhaing pagkakabuo
pagkakabuo nito. nito.

May kaisahan sa May kaisahan May kaisahan ngunit

ORIHINALIDAD/ paksa, tema , at ang pag- walang kaugnayang
KAISAHAN diin na angkop uugnay at diin sa diin ng akda.
sa akda. sa akda.

Buong bisang Malinaw na Hindi malinaw kung

naihatid ang naihatid ang ano ang mensaheng
MENSAHE mensaheng nais mensahe nais ihatid
iparating
IV. Ebalwasyon

A. May Pinagpipilian

PANUTO: Basahin at unawaing mabuti ang mga tanong. Isulat ang tamang
sagot sa
patlang.
_______1. Saan napagpasiyahan nina Thor at Loki na maglakbay?
A. Aesir C. Thruovangar
B. Asgard D. Utgaro
_______2. Paano pinarusahan ni Thor ang magsasaka at ang pamilya nito?
A. Inangkin ang mga ani sa palayan.
B. Hininging kapalit ang mga anak nito.
C. Pinaluhod sa kanyang harapan ang mag-anak.
D. Sinira ang bahay sa pamamagitan ng pagpukol ng maso.

________3. Aling daliri ng higante natulog at nagpahinga sina Thor sa pag-aakalang

itoy isang silid?
A. Hinlalaki C. Hintuturo
B. Hinliliit D. Palasinsingan
________4. Bakit pinukpok ni Thor ng maso ang ulo ni Skymir habang itoy natutulog?
A. dahil malakas itong humilik
B. dahil malikot ito sa pagtulog
C. dahil malakas itong umungol
D. dahil nagsasalita ito habang natutulog
________5. Ano ang ipinayo ni Skymir kay Thor sa pagharap nila sa mga higante?
A. Huwag magpakita ng pagmamataas
B. Huwag tanggihan ang paglahok sa paligsahan
C. Sundin ang anumang ipagbilin ng mga higante
D. Iwasan ang pagpapakita ng anumang kahinaan

________6. Saang bansa sa Europa nagmula ang mitolohiyang Sina Thor at Loki sa
Lupain ng mga Higante?
A. Denmark B. Iceland C. Norway D. Sweden
________7. Ano ang pangatlong paligsahan na nilahukan ni Thor laban sa mga
higante?
A. Pabilisan sa pag-inom ng alak
B. Pabilisan sa pag-ubos ng pagkain
C. Pagbuhat ng malaking pusa sa lupa
D. Makipagbuno sa matandang si Elli
________8. Bakit nilinlang ni Utgaro-Loki si Thor sa mga paligsahang sinalihan nito?
A. upang ipagtanggol ang kanilang kuta
B. upang itago ang kanilang kahinaan
C. upang walang manaig sa taglay nitong kapangyarihan
D. upang hindi na muling bumalik si Thor sa kanilang lupain

________9. Alin sa mga sumusunod ang HINDI kabilang sa mga paligsahang

nilahukan ni Thor?
A. Pabilisan sa pagtakbo
B. Pabilisan sa pag-inom ng alak
C. Makipagbuno sa matandang si Elli
D. Pagbuhat ng malaking pusa sa lupa

________10. Kung ikaw si Thor, ano ang iyong mararamdaman matapos mong
malamang nilinlang ka sa paligsahan?
A. Magagalit, dahil hindi naging patas ang labanan.
B. Mabibigla, dahil hindi inaasahan ang pangyayari.
C. Malulungkot, dahil hindi itinanghal na wagi sa labanan.
D. Mayayamot, dahil ipinapakita lamang na mahihina ang kalaban.

B. Paghahanay

PANUTO: Tukuyin sa Hanay B kung sino ang tauhan na tinutukoy ng mga

pahayag sa Hanay A. Tandaan, maaaring ulitin ang mga sagot.

HANAY A HANAY B

______1. Anak na lalaki ng magsasaka A. Elli

______2. Matandang babae na nakipagbuno kay Thor B. Hugi

______3. Hari ng mga higante C. Logi

______4. Kanang-kamay ni Thor D. Loki

______5. Nakalaban ni Loki sa pabilisan ng pagkain E. Rosvka

______6. Higanteng sumama sa paglalakbay nina Thor F. Skymi

______7. Katunggali ni Thjalfi sa paligsahan G. Thjalfi

sa pagtakbo H. Thor

______8. Anak na babae ng magsasaka I. Utgaro- Loki

______9. Diyos ng kulog at kidlat

______10. Gumamit ng mahika upang

linlangin si Thor

V. Gawaing- Bahay

Maghanap ng isang artikulo o balita sa pahayagan tungkol sa mga dayaan na

naganap sa larangan ng isports o laro. Ipadikit ang ginupit na balita sa short bond
paper at bigay ang sariling pananaw kung paano masosolusyunan ang mga ganitong
klaseng pandaraya.