Tu ni March kha 18, 2017 ih zaak ding gaamdang taangthu pen Croatia sung aa,

Pasian in Akhatna Hi cih thu lu hi

Agen: Naum
Ka min pen Naum hi. Kum 7 ka phaak lai-in ka upna haangtak in ka lak ngam hi.
Yugoslavia gam ah Sani ni (Saturday) ni simin sang kikah a, ka kum a moilai hangin
Sabbath ni simin sang kah loh ding khensat in, Sabbath nih sang ka kah loh ciangin kei
pen thu a sit dingin thusit ding pawlkhat seh uh hi. Ka sang khaan sungah ka lut ciangin
kumpi zum pi pan thusit dingaa a kiseh mi (5) ten a dang sangnaupang te paikhia sak uh
hi. Sang khaan sungah kei pen sang makaipa, sangsia (2) leh uniform a silh palik bu nih
te mai ah hangsan takin ding in tua palik bu khat pen thukan te hi sawnsawn lai hi.
Banghang Sanini (Saturday) ni-in sang kah lo na hiam? ci-in thusit kipan ta hi.
Banghanghiam cih leh Topa Pasian ka um a, a ma thukham (4) na tawh kituak in
Sabbath ni sang akah lo ka hi hi. Ahang in Sabbath ni simin biakinn ah ka kikhawm hi,
ci-in ka dawng kik hi. Palik bupa in sal ge ga in, Hih sangpan in hong ki tawpsak ding a,
pilna sin thei nawn lo ding na hi hi, ci-in taai guap guap hi.

Kei zong, Kei biakinn ah kikhawm ding hi ing, banghanghiam cih leh ka
nuntakna ah Pasian pen a khatna ahi hi, ci-in ka dawng pah hi. Palik bupa in, Na
biakinn uah bang hih na hi hiam? ci-in thu ong sit a, Lai Siangtho ka sim uh a, la sa in,
thu ka ngen uh hi, ci-in lauhet lo in ka dawng kik hi. La khat hong sa sin aw leh, ci-in
thusit ten la ong sa sak uh in, ken zong la khat ka sak khit ciangin kumpi lam pan thunei
te tawh kimuh khak hunpha hangin Topa tungah lungdam kohna ka nei hi. Tua baan ah
cidam nading, kumpi te aading leh thu maantak leh limtak in thusit pawl, Pasian in a
makaih na ding in thu ka nget sak a, thu ka nget khit ciangin, Na pa in Sanini (Sabbath)
ni sangkah loh dingin hong sawl hiam? ci-in thusit pawl in ong dong in, maantak in ka
gen a, Hong sawl kei ci-in ka dawng kik hi. Hong sawl mah hi, ci-in dawngkik
zenzen leh a pa thongkia ding hi. Tua thu piang ding apa in thei ahih manin a tapa Sanini
in sangkah lo dingin sawl ngei lo takpi hi. Thusit mi (5) teng tawmvei sung dai dide uh a,
tua khit a sawt loin, Sang kah thei lai ding maw, kah thei nawn lo ding cih hong ki
theisak ding hi, ci-in thakhat thu in thusit (5) te in kei tungah ong gen uh hi.

Kei zong thu piang teng ka nu leh ka pa gen dingin inn ah ka ciah pah a, Ka nu
leh ka pa in bel ka khensat ding thu thei khin uh a; Thusit (5) te tung pan bangmah
theihsak na omlo ahih man in Sanini (Sabbath) ni lo buang kei zong sang ka kahkik hi.
Tan (4) sang ka zawh ciangin sang ka zom thei nawn kei hi, banghang hiam cih leh amah
in Sanini (Sabbath) ni sang kah ngiat lo dingin khensat a, tua ahih man in kum (15) ka
phaak ciangin lo ah hunbit in ka pa tawh nasep ding ka kipan ta hi. Ahi zongin Topa
Pasian in kei aa ding in geel na khat na nei gige hi. Ama teenna gam ah Seventh-day
Adventist pawlpi in a phuh tan (8) sang om ngel ngel ding hi cih upna khat nei gige hi.
Yugoslavian Union pan ka sanggam te khat uh hong hawh in Adventist tan (8) sang a
sawt loin kihong ding hi cih thu hong gen ciangin ka lawp mahmah uh hi. Sangnaupang
45 tawh 1969 kum in Marusevek ah tua sang kihong hi. Hih tan (10) sang a ki hon ding
pen kei aa dingin thu lamdang pi khat hi. Pasian hong vaihawm sak hi, ci-in awng liang
in ka gen hi.
Ko pen khang masa hi ung. Ellen G White gelh, Pilna thu (Education) bu pen
sang siate in hong sin pih a, a hoih pen pilna ka ngah uh hi, ci thuah lai hi. Ka sang uh
pen kumpi ciapteh na ngah lo ka hih man in gam kumpi in Lai vuanpi ciangin vuanding
hong piak nam (17) te ah om loh a pha mawh ahi hi. Hih Laivuanpi pen baih hetlo hi,
ahi zongin kum (4) a cin ciangin kumpi sang ah a kah sangnaupang te sang in mattam ka
ngah zaw uh a, a gam uh Yugoslavia ah a hoihpen sang in hong kiciamteh hi, ci-in lawp
tak in ka gen hi. Hih tan (10) sang pan ka on ciangin Piantit leh Latin kampau a sinna,
Lagreb khuapi ah a kiphut pilna sangpi (University) ah pilna ka zom hi. Tua sangpi
(University) pan hong zawh ciangin nasep nam (2) ngah hi. Nasep khat pen kumpi
lampan hi a, amun saang zaa kipia in ngah theih hamphat na te zong om hi. Adang nasep
pen Marusavek Adventist sangpi ah sangsia sep ding ahihi. Kumpi thunei te tawh ka
kimuh na ah Adventist khat ka hihlam hong thei uh teh Sanini (Sabbath) ni simin
biakinn ah kikhawm ding hi ing. Bang hang in hih zaah a, a seem dingin hong sam na hi
uh hiam? ci-in ka dong hi. Kongsapna uh a hang pen, gam thu ah mi citak tawm lua
ahih man in nang daan a, a citak na seem kisam hi ung, ci-in kumpi thuneite in dawng
kik uh hi.

Lungdam mahmah ingh; a hi zongin, Marusevek Adventist sangpi ah sangsia sep

ding saang khin ing, ci-in lungkia hetlo in ka dawng kik hi. Kum tampi sungmah
Marusevek Adventist sangpi ah sangnaupang te Piantit leh Latin pau hilh bek lo in
tawntung nuntak na thu zong ka hilh beh lai hi. Pasian leh Gupkhiatna - Hih thunih te ka
sangnaupangte sin ding ka lunggulh masak bel ahi hi. Tua khit ciangin thu tuamtuam
theihna, nuntakna pen a thupi ngaihsut ding uh zong ka deihsak a, nuntakna ah lung bang
aa, a nungta ding hilo in hunte manpha mahmah hi, ci-in veitak in ka gen hi.

Tuni-in, sangnaupang atamzaw pen Adventist ahi nailote, leh milimbia innkuan
pan hong kah uh ahih manin Marusevek Adventist sangpi pen Pasian thumaan taangkona
phualpi bangin ngaihsun hi. Ih Adventist sangpi a kiphut ding leh a khan toh toh nading
a hang thuhoih mahmah khat om hi. Teci pan ngam nading thusin na hih sangpi ah om
hi, ci-in khuamuhna tawh ka gen hi. Leitung a koi lai mun ah Adventist ahi nai lo
sangnaupang (200) te nitak sim, nisim, Sabbath sim in Topa Pasian thu sin uh hiam.

Tu kuata Sabbath (13) na sumpi tawh a pualam phaak zawh nadingin Croatia gam
aa om Marusevek Adventist sangpi aa ding nong huh uh lungdam mahmah ungh. Pasian
in a zah tampi thupha tawh hong thuh sak ta hen! Amen.

Tu ni ih gamdaang taangthu zaak ding tua teng hi KA LUNGDAM.

***************