srI:

srImathE rAmAnujAya nama:

shrI bhagavad rAmAnujamunibhiranugrihItam

|| gadya trayam ||

First Edition: 2009

Copyright © 2009
All Rights Reserved
 srI: gadya trayam
srImathE rAmAnujAya nama: Ed. 1

gadya trayam
sharaNAgati gadyam.................................................................................................................................... 3
shrIrangga gadyam ...................................................................................................................................... 7
shrI vaikuNTha gadyam .............................................................................................................................. 9

AzhvAr emperumAnAr jIyar thiruvadigaLE sharaNam 2

http://www.acharya.org
 srI: gadya trayam
srImathE rAmAnujAya nama: Ed. 1

shrI bhagavadrAmAnuja munibhiranugrihItam

|| gadya trayam||
|| sharaNAgati gadyam ||

yO nityamachyutapadAmbujayugmarukma
vyAmOhatastaditarANi truNAya mEnE |
asmadgurOrbhagavtOZsya dayaikasindhO:
rAmAnujasya charaNau sharaNam prapadyE ||

vandE vEdAntakarpUrachAmIkarakaraNDakam |
rAmAnujAryamAryANAm chUDAmaNimaharnisham ||

* bhagavannArAyaNAbhimatAnurUpa * svarUparUpa guNa vibhava

aishvarya * shIlAdyanavadhikAtishaya * asangkhyEya kalyANa
guNa gaNAm * padmavanAlayAm * bhagavatIm * shriyam * dEvIm *
nityAnapAyinIm * niravadyAm * dEvadEva divyamahiShIm *
akhilajaganmAtaram * asmanmAtaram * asharaNyasharaNyAm *
ananyasharaNa: * sharaNamaham prapadyE || 1

pAramArthika bhagavachcharaNAravindayugaLa aikAntika *

Atyantika parabhakti paraGYAna paramabhaktikruta *
paripUrNAnavarata nitya vishadatama * ananyaprayOjana
anavadhikAtishayapriya * bhagavadanubhavajanita *
anavadhikAtishaya prItikArita * ashEShAvasthOchita *
ashEShashEShataikaratirUpa * nitya kaingkarya
prAptyapEkShayA * pAramArthikI bhagavachcharaNAravinda
sharaNAgati: * yathAvasthitA aviratAZstu mE || 2

astu tE || 3

tayaiva sarvam sampatsyatE || 4

akhilahEyapratyanIka kalyANaikatAna * svEtara samastavastu

vilakShaNa * ananta GYAnAnandaika svarUpa! *
svAbhimatAnurUpaikarUpa * achintya divyAdbhuta nitya
niravadya * niratishaya aujjvalya saundarya saugandhya *
saukumArya lAvaNya * yauvanAdyanantaguNanidhi * divyarUpa!

svabhAvikAnavadhikAtishaya * GYAnabalaishvarya * vIrya

shakti tEja: saushIlya vAtsalya * mArdava Arjava *
sauhArda sAmya kAruNya * mAdhurya gAmbhIrya audArya *
chAturya sthairya dhairya shaurya parAkrama * satyakAma
satyasangkalpa * krutitva krutaGYatAdyasangkhyEyakalyANa *
guNagaNaugha mahArNava!

AzhvAr emperumAnAr jIyar thiruvadigaLE sharaNam 3

http://www.acharya.org
 srI: gadya trayam
srImathE rAmAnujAya nama: Ed. 1

svOchitavividhavichitrAnanta * Ashcharya nitya niravadya *

niratishaya sugandha niratishaya sukhasparsha * niratishaya
aujjvalya * kirITa makuTa chUDAvatamsa * makarakuNDala
graivEyaka * hAra kEyUra kaTaka * shrIvatsa kaustubha
muktAdAma * udarabandhana * pItAmbara kAnjchI guNa *
nUpurAdyaparimita * divyabhUShaNa! * svAnurUpa * achintya
shakti shangkha chakra gadA[Zsi] shArnggAdyasangkhyEya *
nitya niravadya * niratishaya kalyANa * divyAyudha!

svAbhimata nitya niravadyAnurUpa svarUparUpa guNa vibhava

aishvarya * shIlAdyanavadhikAtishaya * asangkhyEya kalyANa
guNa gaNa shrIvallabha! * EvambhUta bhUmi nILA nAyaka!

svachChandAnuvarti svarUpa sthiti pravrutti bhEda *

ashEShashEShataikaratirUpa * nitya niravadya niratishaya
GYAnakriyaishvaryAdi * ananta kalyANa guNa gaNa * shESha
shEShAshana * garuDa pramukha * nAnAvidhAnanta parijana
parichArikA paricharita * charaNayugaLa!

paramayOgi vAngmanasAparichChEdhya svarUpa svabhAva

svAbhimata * vividha vichitrAnanta bhOgya bhOgOpakaraNa
bhOgasthAna samruddha * anantAshcharyAnanta *
mahAvibhavAnanta parimANa * nitya niravadya niratishaya
vaikuNTha nAtha!

svasangkAlpAnuvidhAyi svarUpa sthiti pravrutti *

svashEShataika svabhAva * prakruti puruSha kAlAtmaka
vividha vichitrAnanta * bhOgya bhOktruvarga bhOgOpakaraNa *
bhOgasthAnarUpa * nikhila jagadudaya vibhava laya lIla!

satyakAma! * satyasangkalpa! * parabrahmabhUta! *

puruShOttama! * mahAvibhUtE! * shrIman! * nArAyaNa! *
shrIvaikuNTha nAtha!

apAra kAruNya saushIlya vAtsalya audArya * aishvarya

saundarya mahOdadhE! * anAlOchitavishESha *
ashEShalOkasharaNya! * praNatArtihara! * Ashrita
vAtsalyaikajaladhE! * anavaratavidita nikhilabhUtajAta *
yAthAtmya! ashEShacharAcharabhUta * nikhila niyamana
nirata! * ashEShachidachidvastu shEShibhUta! * nikhila
jagadAdhAra! * akhilajagat svAmin! * asmat svAmin! *
satyakAma! satyasangkalpa! * sakalEtaravilakShaNa! *
arthikalpaka! * Apatsakha! * shrIman! * nArAyaNa! *
asharaNyasharaNya! * ananyasharaNa: *
tvatpAdAravindayugaLam * sharaNamaham prapadyE || 5

AzhvAr emperumAnAr jIyar thiruvadigaLE sharaNam 4

http://www.acharya.org
 srI: gadya trayam
srImathE rAmAnujAya nama: Ed. 1

[atra dvayam]

pitaram mAtaram dArAn * putrAn bandhUn sakhIn gurUn |

ratnAni dhanadhAnyAni * kShEtrANi cha gruhANi cha ||

sarvadharmAmshcha samtyajya * sarvakAmAmshcha sAkSharAn |

lOkavikrAnta charaNau * sharaNam tEZvrajam vibhO || 6

tvamEva mAtA cha pitA tvamEva *

tvamEva bandhushcha gurustvamEva |
tvamEva vidyA draviNam tvamEva *
tvamEva sarvam mama dEvadEva || 7

pitAZsi lOkasya charAcharasya *

tvamasya pUjyashcha gururgarIyAn |
na tvatsamOZstyabhyadhika: kutOZnyO *
lOkatrayEZpya pratimaprabhAva || 8

tasmAtpraNamya praNidhAya kAyam *

prasAdayE tvAmahamIshamIDyam |
pitEva putrasya sakhEva sakhyu: *
priya: priyAyArhasi dEva! sODhum || 9

manOvAkkAyai: * anAdikAla pravrutta * ananta

akrutyakaraNa krutyAkaraNa * bhagavadapachAra
bhAgavatApachAra * asahyApachArarUpa * nAnAvidha *
ananta apachArAn * ArabdhakAryAn * anArabdhakAryAn *
krutAn * kriyamANAn * kariShyamANAmshcha sarvAn *
ashEShata: kShamasva || 10

anAdikAla pravruttam * viparIta GYAnam * AtmaviShayam *

krutsna jagadviShayam cha * viparIta vruttam cha *
ashESha viShayam * adyApi vartamAnam vartiShyamANam cha *
sarvam kShamasva || 11

madIyAnAdikarma pravAha pravruttAm *

bhagavatsvarUpatirOdhAnakarIm * viparIta GYAna jananIm *
svaviShayAyAshcha bhOgyabuddhEr jananIm * dEhEndriyatvEna
bhOgyatvEna * sUkShmarUpENa cha avasthitAm * daivIm
guNamayIm mAyAm * dAsabhUtam * 'sharaNAgatOZsmi;
tavAsmi dAsa:' * iti vaktAram * mAm tAraya || 12

tEShAm GYAnI nityayukta * EkabhaktirvishiShyatE |

priyO hi GYAninOZtyartham * aham sa cha mama priya: ||

AzhvAr emperumAnAr jIyar thiruvadigaLE sharaNam 5

http://www.acharya.org
 srI: gadya trayam
srImathE rAmAnujAya nama: Ed. 1

udArAssarva EvaitE * GYAnI tvAtmaiva mE matam |

Asthitassa hi yuktAtma * mAmEvAnuttamAm gatim ||

bahUnAm janmanAmantE * GYAnavAn mAm prapadyatE |

vAsudEvassarvamiti * sa mahAtma sudurlabha: ||

iti shlOkatrayOdita GYAninam * mAm kuruShva || 13

puruShassa para: pArtha! * bhaktyA labhyastvananyayA *

bhaktyA tvananyayA shakya: * madbhaktim labhatE parAm *
iti sthAnatrayOdita * parabhaktiyuktam mAm kuruShva || 14

parabhakti paraGYAna * paramabhaktyEka svabhAvam * mAm

kuruShva || 15

parabhakti paraGYAna paramabhakti kruta * paripUrNAnavarata *

nitya vishadatama ananya prayOjana * anavadhikAtishayapriya
bhagavadanubhavOZham * tathAvidha bhagavadanubhavajanita *
anavadhikAtishaya prItikArita * ashEShAvasthOchita *
ashEShashEShataikaratirUpa * nitya kingkarO bhavAni || 16

EvambhUta matkaingkarya prAptyupAyataya avaklupta *

samasta vastu vihInOZpi * ananta tadvirOdhi
pApAkrAntOZpi * ananta madapachArayuktOZpi * ananta
madIyApachArayuktOZpi * ananta asahyApachArayuktOZpi *
EtatkAryakAraNabhUta * anAdi viparItAhangkAra vimUDhAtma
svabhAvOZpi * Etadubhaya kAryakAraNabhUta * anAdi viparIta
vAsanA sambaddhOZpi * EtadanuguNa prakruti vishESha
sambaddhOZpi * EtanmUla * AdhyAtmika * Adhibhautika *
Adhidaivika * sukhadu:kha taddhEtu * taditarOpEkShaNIya *
viShayAnubhava GYAna sangkOcharUpa * machcharaNAravindayugaLa
aikAntika * Atyantika parabhakti paraGYAna * paramabhakti
vighna pratihatOZpi * yEna kEnApi prakArENa * dvayavaktA
tvam * kEvalam madIyayaiva dayayA * ni:shESha vinaShTa
sahEtuka * machcharaNAravindayugaLa aikAntika * Atyantika
parabhakti paraGYAna paramabhakti vighna: * matprasAda
labdha machcharaNAravindayugaLa aikAntika * Atyantika
parabhakti paraGYAna paramabhakti: * matprasAdAdEva *
sAkShAtkruta * yathAvasthita matsvarUparUpa guNa vibhUti *
lIlOpakaraNa vistAra: * aparOkShasiddhamanniyAmyatA *
maddAsyaika svabhAva * AtmasvarUpa: * madEkAnubhava: *
maddAsyaika priya: * paripUrNAnavarata * nitya vishadatama
ananya prayOjana * anavadhikAtishaya priya madanubhavastvam *
tathAvidha madanubhava janita * anavadhikAtishaya prItikArita *
ashEShAvasthOchita * ashEShashEShataikaratirUpa * nitya
kingkarO bhava || 17

AzhvAr emperumAnAr jIyar thiruvadigaLE sharaNam 6

http://www.acharya.org
 srI: gadya trayam
srImathE rAmAnujAya nama: Ed. 1

EvambhUtOZsi | 18

AdhyAtmika Adhibhautika * Adhidaivika du:khavighna gandha

rahitastvam * dvayamarthAnusandhAnEnasaha * sadaivam vaktA *
yAvachCharIrapAtam * atraiva shrIranggE sukhamAsva || 19

sharIrapAtasamayE tu kEvalam * madIyayaiva dayayA

atiprabuddha: * mAmEva avalOkayan * aprachyuta pUrva
samskAra manOratha: * jIrNamiva vastram sukhEnEmAm
prakrutim * sthUlasUkShmarUpam visrujya * tadAnImEva
matprasAdalabdha machcharaNAravindayugaLa aikAntika *
Atyantika parabhakti paraGYAna * paramabhakti kruta *
paripUrNAnavarata * nitya vishadatama ananya prayOjana *
anavadhikAtishayapriya madanubhavastvam * tathAvidha *
madanubhavajanita * anavadhikAtishaya prItikArita *
ashEShAvasthOchita * ashEShashEShataikaratirUpa * nitya
kingkarO bhaviShyasi || 20

mA tE bhUdatra samshaya: || 21

* anrutam nOktapUrvam mE * na cha vakShyE kadAchana *

rAmO dvirnAbhibhAShatE |
sakrudEva prapannAya * tavAsmIti cha yAchatE |
abhayam sarvabhUtEbhyO * dadAmyEtadvratam mama ||
sarva dharmAn parityajya * mAmEkam sharaNam vraja |
aham tvA sarvapApEbhyO * mOkShayiShyAmi mA shucha: ||
iti mayaiva hyuktam || 22

atastvam tava tattvatO majGYAnadarshana prAptiShu *

nissamshayassukhamAsva || 23

antyakAlE smrutiryA tu * tava kaingkaryakAritA |

tAmEnAm bhagavannadya * kriyamANam kuruShva mE ||

|| iti sharaNAgati gadyam samAptam ||

shrI bhagavadrAmAnujamunibhiranugruhItam
|| shrIrangga gadyam ||

chidachitparatatvAnAm * tatvayAthAtmyavEdinE |

AzhvAr emperumAnAr jIyar thiruvadigaLE sharaNam 7

http://www.acharya.org
 srI: gadya trayam
srImathE rAmAnujAya nama: Ed. 1

rAmAnujAya munayE * namO mama garIyasE ||

* svAdhIna trividha chEtanAchEtana svarUpa sthiti pravrutti bhEdam *

klEsha karmAdyashESha dOShAsamspruShTam * svAbhAvikAnavdhikAtishaya
GYAna balaishvarya * vIrya shakti tEjassaushIlya vAtsalya mArdavArjava *
sauhArda sAmya kAruNya mAdhurya gAmbhIryaudArya * chAturya sthairya
dhairya shaurya parAkrama * satyakAma satyasangkalpa * krutitva
krutaGYatAdyasangkhyEya kalyANa guNagaNaugha mahArNavam *
parabrahmabhUtam * puruShOttamam * shrIranggashAyinam *
asmatsvAminam * prabuddha nitya niyAmya nitya
dAsyaikarasAtmasvabhAvOZham * tadEkAnubhava: * tadEkapriya: *
paripUrNam bhagavantam * vishadatamAnubhavEna nirantaramanubhUya *
tadanubhava janita anavadhikAtishaya prItikArita * ashEShAvasthOchita
ashEShashEShataikaratirUpa * nitya kingkarO bhavAni || 1

svAtma nitya niyAmya nityadAsyaikarasAtma svabhAvAnusandhAna pUrvaka *

bhagavadanavadhikAtishaya * svAmyAdyakhila guNagaNAnubhavajanita *
anavadhikAtishaya prItikArita * ashEShAvasthOchita *
ashEShashEShataikaratirUpa * nitya kaingkarya prAptyupAya bhUtabhakti *
tadupAya samyagGYAna * tadupAya samIchInakriyA * tadanuguNa
sAtvikatAstikyAdi * samasta Atma guNa vihIna: * duruttarAnanta *
tadviparyaya GYAnakriyAnuguNa * anAdi pApa vAsanA
mahArNavAntarnimagna: * tilatailavat * dAruvanhivat * durvivEcha
triguNakShaNakSharaNa sbhAva * achEtana prakruti vyAptirUpa * duratyaya
bhagavanmAyA tirOhita svaprakAsha: * anAdyavidyA sanjchita * ananta
ashakya visramsana karmapAsha pragrathita: * anAgata ananta kAla
samIkShayAZpi * adruShTa santArOpAya: * nikhila jantu jAta sharaNya! *
shrIman! * nArAyaNa! tava charaNAravindayugaLam * sharaNamaham
prapadyE || 2

EvamavasthitasyApi * arthitvamAtrENa paramakAruNikO bhagavAn *

svAnubhava prItyOpanIta aikAntika atyantika * nitya
kaingkaryaikratirUpa * nitya dAsyam dAsyatIti * vishvAsapUrvakam *
bhagavantam nitya kingkaratAm prArthayE || 3

tavAnubhUti sambhUta prItikArita dAsatAm |

dEhi mE krupayA nAtha! * na jAnE gatimanyathA || 4

sarvAvasthOchita ashEShashEShataikaratistava |
bhavEyam puNDarIkAkSha! * tvamEvaivam kuruShva mAm || 5
EvambhUta tattvayAthAtmyAvabOdha * tadichChArahitasyApi *
EtaduchchAraNa mAtrAvalambanEna * uchyamAnArtha paramArtha
niShTam * mE mana: * tvamEva adhyaiva kAraya || 6

apAra karuNAmbudhE! * anAlOchita vishESha * ashESha lOka sharaNya!

AzhvAr emperumAnAr jIyar thiruvadigaLE sharaNam 8

http://www.acharya.org
 srI: gadya trayam
srImathE rAmAnujAya nama: Ed. 1

praNatArtihara! * Ashrita vAtsalyaika mahOdadhE! anavarata vidita

nikhila bhUta jAta * yAthAtmya! * satyakAma! * satya sangkalpa! *
Apatsakha! * kAkutstha! * shrIman! * nArAyaNa! * puruShOttama! *
* shrIrangganAtha! * mama nAtha! namOZstu tE || 7

|| iti shrIrangga gadyam samAptam ||

shrI bhagavadrAmAnujamunibhiranugruhItam
|| shrI vaikuNTha gadyam ||

yAmunArya sudhAmbhOdhimavagAhya yathAmati |

AdAya bhaktiyOgAkhyam * ratnam samdarshayAmyaham ||

* svAdhIna trividha chEtanAchEtana svarUpa sthiti pravrutti

bhEdam * klEsha karmAdyashESha dhOShA samspruShTam * svAbhAvika
anavadhikAtishaya GYAna balaishvarya * vIrya shakti tEja:
prabhruti * asangkhyEya kalyANa guNagaNaugha mahArNavam *
paramapuruSham bhagavantam nArAyaNam * svAmitvEna suhruttvEna
gurutvEna cha parigruhya * aikAntika Atyantika tatpAdAmbujadvaya *
paricharyaika manOratha: * tatprAptyE cha tatpAdAmbujadvaya
prapattE: * anyanna mE kalpakOTi sahasrENApi * sAdhanamastIti
manvAna: * tasyaiva bhagavatO nArAyaNasya * akhilasattva dayaika
sAgarasya * anAlOchita guNagaNa akhaNDajanAnukUla amaryAda
shIlavata: * svAbhAvika anavadhikAtishaya guNavattayA *
dEvatiryangmanuShyAdi akhilajana hrudaya Anandanasya * Ashrita
vAtsalyaika jaladhE: * bhaktajana samshlEShaika bhOgasya * nitya
GYAna kriyaishvaryAdi * bhOga sAmagrI samruddhasya * mahAvibhUtE: *
shrImat charaNAravindayugaLam * ananyAtma sanjjIvanEna * tadgata
sarvabhAvEna * sharaNam anuvrajEt || 1

tatashcha pratya:am * AtmOjjIvanAyaivam anusmarEt || 2

chaturdasha bhuvanAtmakamaNDam * dashaguNitOttaram cha

AvaraNa saptakam * samastam kArya kAraNa jAtamatItya vartamAnE *
paramavyOma shabdAbhidhEyE * brahmAdInAm vAngmanasAgOcharE *
shrImati vaikuNThE divya lOkE * sanakavidhi shivAdibhi api *
achintya svAbhAvaishvaryai: nitya siddhai: * anantai:
bhagavadAnukUlyaika bhOgai: * divya puruShai: mahAtmabhi:
ApUritE * tEShAmapIyat parimANam iyadaishvaryam *
IdrushasvabhAvam iti * parichChEttumayOgyE * divyAvaraNa

AzhvAr emperumAnAr jIyar thiruvadigaLE sharaNam 9

http://www.acharya.org
 srI: gadya trayam
srImathE rAmAnujAya nama: Ed. 1

shatasahasra AvrutE * divya kalpakatarUpa shObhitE * divyOdyAna

shatasahasrakOTibhirAvrutE * atipramANE divyAyatanE *
kasmimshchidvichitra divya ratnamaya divyAsthAna maNDapE * divya
ratnastambha shatasahasrakOTibhirupashObhitE * divya nAnAratna
kruta sthala vichitritE * divyAlangkAra alangkrutE * parita:
patitai: patamAnai: * pAdapasthaishcha nAnAgandha varNai: *
divya puShpai: shObhamAnai: * divya puShpOpavanai: upashObhitE *
sangkIrNa pArijAtAdi * kalpadruma upashObhitai: * asangkIrNaishcha
kaishchit * anta:stha puShpa ratnAdi nirmita * divya lIlA maNDapa *
shatasahasra upashObhitai: * sarvadA anubhUyamAnairapi *
apUrvavat AshcharyamAvahadbhi: * krIDAshaila shatasahasrai:
alangkrutai: * kaishchit nArAyaNa divya lIlA%sAdhAraNai: *
kaishchit padmAvanAlayA divya lIlA%saddhAraNai: *
sAdhAraNaishcha kaishchit * ChukashArikA mayUra kOkilAdibhi: *
kOmalakUjitairAkulai: * divyOdyAna shatasahasrkOTibhirAvrutE *
maNimuktA pravALa krutasOpAnai: * divyAmala amruta rasOdakai:
divyANDa javarai: * atiramaNIya darshanai: * atimanOhara madhura
svarairAkulai: * anta:stha muktAmaya divya krIDAsthAna
upashObhitai: * divya saugandhika vApI shatasahasrai: * divya
rAja hamsAvalI virAjitairAvrutE * nirastAtishaya AnandaikarasatayA
cha * AnantyAchcha praviShTAnunmAdayadbhi: * krIDOddEshairvirAjitE *
tatra tatra kruta divya puShpa paryangka upashObhitE * nAnApuShpa
Asava AsvAda matta bhrunggAvalIbhi: * udgIyamAna divya gAndharvENa
ApUritE * chandanAgaru karpUra divya puShpa avagAhi
mandAnilAsEvyamAnE * madhyE divya puShpa sanjchaya vichitritE *
mahati divya yOgaparyangkE ananta bhOgini * shrImadvaikuNTha
aishvaryAdi divya lOkam * Atma kAntyA vishvamApyAyayantyA * shESha
shEShAshanAdi sarva parijanam * bhagavata: tattadavasthOchita *
paricharyAyAm AGYApayantyA * shIlarUpa guNa vilAsAdhibhi: *
AtmAnurUpayA shrIyA sahAsInam * pratyagra unmIlita sarasija
sadrusha nayanayugaLam * svachCha nIlajImUtasangkAsham *
atyujjvalapIta vAsasam * svayA prabhayA atinirmalayA atishItalayA
atikOmalayA svachChayA mANikyAbhayA krutsnam jagadhbhAsayantam *
achintya divyAdbhuta nitya yauvana svabhAva lAvaNyamaya amruta
sAgaram * atisaukumAryAdIShat prasvinnavat * alakShyamANa
lalATaphalaka divya alakAvalI virAjitam * prabuddha mugdhAmbuja
chArulOchanam * savibhramabhrUlatam * ujjvalAdharam * shuchismitam *
kOmalagaNDam * unnasam * udagra pInAmsa vilambi kuNDala alakAvalI
bandhura kambukandharam * priyAvatamsa utpala
karNabhUShaNashlathAlakAbandha vimardashamsibhi: * chaturbhi:
AjAnuvilambibhirbhujai: virAjitam * atikOmala divya rEkhAlangkruta
AtAmra karatalam * divya angguLIyaka virAjitam * atikOmala divya
nakhAvalI virAjitam * anuraktAnggulIbhi: alankrutam * tatkShaNa
unmIlita puNDarIka sadrusha charaNa yugaLam * atimanOhara kirITa
makuTa chUDAvatamsa * makara kuNDala graivEyaka * hAra kEyUra
kaTaka * shrIvatsa kaustubha muktAdAma * udarabandhana pItAmbara

AzhvAr emperumAnAr jIyar thiruvadigaLE sharaNam 10

http://www.acharya.org
 srI: gadya trayam
srImathE rAmAnujAya nama: Ed. 1

kAnjchIguNa nUpurAdibhi: * atyanta sukha sparshai: divya gandhai: *

bhUShaNai: bhUShitam * shrImatyA vaijayantyA vanamAlayA virAjitam *
shangkha chakra gadAsi shArnggAdi divyAyudhai: * sEvyamAnam *
svasangkalpamAtra avaklupta * jagajjanma sthiti dhvamsAdikE *
shrImati viShvaksEnE nyasta * samasta Atmaishvaryam * vainatEyAdibhi: *
svabhAvatO nirasta samasta sAmsArika svabhAvai: * bhagavat
paricharyAkaraNa yOgyai: * bhagavat paricharyaika bhOgai: *
nityasiddhai: anantai: * yathAyOgam sEvyamAnam * AtmabhOgEna
ananusamhita parAdikAlam * divyAmala kOmala avalOkanEna *
vishvamAhlAdayantam * IShadunmIlita mukhAmbuja udara vinirgatEna *
divyAnAnAravinda shObhAjanakEna * divya gAmbhIrya audArya * saundarya
mAdhuryAdi anavadhika * guNagaNa vibhUShitEna * atimanOhara divya
bhAvagarbhENa * divya lIlAlApa amrutEna * akhilajana hrudayAntarANi
ApUrayantam * bhagavantam nArAyaNam * dhyAnayOgEna dhruShTvA *
[tatO] bhagavatO nityasvAmyam * AtmanO nityadAsyam cha * yathAvasthitam
anusandhAya * "kadA%ham bhagavantam nArAyaNam * mama kulanAtha *
mama kuladaivata * mama kuladhana * mama bhOgya * mama mAtara *
mama pitara * mama sarva * sAkShAt karavANi chakShuShA; * kadA%ham
bhagavat pAdAmbuja dvayam * shirasA dhArayiShyAmi; * kadA%ham bhagavat
pAdAmbuja dvaya * paricharyAkaraNa yOgya: * tadEkabhOga: * tatpAdau
parichariShyAmi; * kadA%ham bhagavat pAdAmbuja dvaya paricharyAshayA *
nirasta samastEtara bhOgAsha: * apagata samasta sAmsArika svabhAva: *
tatpAdAmbuja dvayam pravEkShyAmi; * kadA%ham bhagavat pAdAmbuja
dvaya paricharyAkaraNa yOgya: tadEka bhOga: * tatpAdau
parichariShyAmi; * kadA mam bhagavAn svakIyayA * atishItalayA dhrushA
avalOkya * snigdha gambhIra madhurayA girA * paricharyAyAm
AGYApayiShyati" iti * bhagavat paricharyAyAm AshAm vardhayitvA * tayaiva
AshayA * tatprasAda upabrumhitayA * bhagavantam upEtya * dUrAdEva
bhagavantam * shEShabhOgE shriyA sahAsInam * vainatEyAdibhi
sEvyamAnam * "samasta parivArAya * shrImatE nArAyaNAya nama:" iti *
praNamya utthAya utthAya * puna: puna: praNamya * atyanta sAdhva savinayA
vanatO bhUtvA * bhagavat pAriShada gaNanAyakai: * dvArapAlai: * krupayA
snEha garbhayA dhrushA%valOkita: * samyak abhivanditai: * stairEva
anumata: * bhagavantam upEtya * shrImatA mUlamantrENa * "bhagavan! *
mAm aikAntika Atyantika * paricharyA karaNAya * parigruhNIShva" iti
yAchamAna: * praNamya * AtmAnam bhagavatE nivEdayEt || 3

tatO bhagavatA svayamEva * Atma sanjjIvanEna * amaryAda shIlavatA * ati

prEmAnvitEna * avalOkanEna avalOkya * sarvadEsha sarvakAla
sarvAvasthOchita * atyanta shEShabhAvAya * svIkruta: anuGYAtashcha *
atyanta sAdhva savinayAvanata: * kingkurvANa: krutAnjjalipuTa: *
bhagavantam upAsIta || 4

tatashcha anubhUyamAna bhAvavishESha: * niratishaya prItyA anyat

kinjchit kartum dhraShTum smartum ashakta: * punarapi shEShabhAvamEva
yAchamAna: * bhagavantamEva * avichChinna srOtOrUpENa * avalOkanEna *

AzhvAr emperumAnAr jIyar thiruvadigaLE sharaNam 11

http://www.acharya.org
 srI: gadya trayam
srImathE rAmAnujAya nama: Ed. 1

avalOkayannAsIta || 5

* tatO bhagavatA svayamEva * AtmasanjjIvanEna * avalOkanEna avalOkya *

sasmitamAhUya * samastaklEshApaham * niratishaya sukhAvaham *
AtmIyam * shrImatpAdAravindayugaLam * shirasi krutam dhyAtvA * amruta
sAgara antarnimagna: * sarvAvayava: sukhamAsIta || 6

lakShmIpatEryatipatEshcha dayaikadhAmna: *
yO%sau purA samajaniShTa jagaddhitArtham |
prAchyam prakAshayatu na: paramam rahasyam *
samvAda ESha sharaNAgati mantrasAra: || 7

|| iti shrI vaikuNTha gadyam samAptam ||

AzhvAr emperumAnAr jIyar thiruvadigaLE sharaNam 12

http://www.acharya.org