TUNKAR CHANGVAWN

Rom 10:9
I kain Isua
chu Lalpa a ni tih i tan a, Mitthi
zing ata Pathianin a kai
tho tih i thinlunga i rin chuan
chhandamin i awm ang, tih hi.

EMMANUEL AFTER
CARE CENTRE
Bethel Veng,Champhai
Mizoram : 796321
Phone: 9612194537

for

- St.Cyril of Jerusalem

Vo l u m e XI

I s s u e - 595 Date : 20th March 2 0 16 ( Sunday )

A m a n t h l a k h a t a h R s . 20/ -

Article RUIHHLO NGHEITE TAWH TUR THLEMNA

KOHHRAN

Good Friday leh Easter Sunday hmang

Khawvel puma Kristian tam

zawkte chuan Zirtawpni leh
Pathianni te hian Isua Krista
thihna leh Thawhlehna ni
pualin, urhsun takin hun an
hmang mek. Mizoram a
Kohhran pawl tam ber
Presbyterian chuan he
hunpuiah hian thupui bik
neiin thusawi an ngaithla a.
Good Friday khan Isua a
ngawi reng, Mite hmuhsit
leh duhloh, A nakah thisen
leh tui a luang chhuak, tih
thupuite hman a ni. Tin, Easter Sunday hian Chawhma
inkhawmah Thihna chelh
hlen t heih a ni lo,
Chawhnuah,
Amah
ngaitute hnenah a in lar, zan
inkhawmah, Amah angin
kan tho leh ang, tih thupui
hmangte in Pathian thuchah
ngaihthlak \hin a ni dawn
bawk a ni. Inrinni zanah,
Kross lo chu chhuan tur
dang a awm lo, tih hmangin
thusawi ngaihthlak a ni
bawk. Baptist Kohhran

Hna \ha thawhna bul chu

thawhlehna a ni.

pawhin he hunah hian thupui

neiin Pathian thuchah an
ngaithla anga, Good Friday
khan I Pet 2:21 leh Easter
Sunday ah Rom 1:4 te an
hmang ang. UPC Kohhran
tam zawkah chuan he hunpui
hi ruai nen an hmang hlawm a
ni. Catholic Kohhranah pawh
dan pangngaiin he hun hi
urhsun taka hman a ni a. Ram
chhung hmun hrang hrangah
Good Friday ni hian Kross
kawngzawh neih a ni a,
kawngzawhah hian in nghahna
hmun hrang hrang 14 neih a
ni. Tin, he hun chhung hian kesil
rawngbawlna te neih a ni a, tui
thianghlim (Holy Water) siam
a ni bawk. Tui thianghlim hi
kumtluana Kohhran chhungkaw tinin an kawl tur niin, an
duh ang tawk mahni inah an
hawn hlawm a ni. Tui thianghlim hi damloh nikhuaah te,
ramhuai hnawhchhuah nan te,
chhiatna dang dang laka anmahni
vengtu atante hman a ni.

True Jokes

Tholeh Thlarau
-C.Hranghluna.
Nimahsela Thlarau Thianghlim chu in chunga a lo thlen
hunah thiltihtheihna in la nei ang; tichuan Jerusalem khuaah te,
Judai leh Samari ram khaw tinah te, kawlkil thleng pawhin ka
thuhretute in ni ang, a ti a.
- Tirhkohte 1:8
Vawiin Pathianni hi Kristiante tan chuan ni pawimawh tak, Easter Sunday
a ni a, he hunah hian Lalpa chu tho leh thlarau hmangin a mite hnenah a inpuang a, a
mite chenchilh hlen tura hmuh theihlohva Pathian inpuan chhunzawmna champha,
Easter Sunday a ni.
Lalpa hian a hnathawh hi Kross ah a tleitla mai lo va, a hnathawh chhunzawm
zel turin tho leh thlarau hmangin a inpuang chhunzawm ta zel a. He tho leh thlarau hi
Lalpa chuan a zirtirte khan an chang lo vang tih a hlau takzet a ni. Lalpa kha khawvela
a cham chhung khan a zirtirte hmaah a thiltihtheihzia te, a thiltihmak te, mitthi a
kaihthawhte, damlo a tihdam te, uain a tihpun te, chhangper leh sangha hmanga mak
tak maia mipui sang tam tak a hrai te kha; a zirtirten an hmu a, chiang takin an hre
vek a ni. Mahse mita an hmuh leh benga an hriat mai kha a tawk dawn lo tih a hriat
reng avangin, Jerusalem khua kalsan lo tur leh Pa thiltiam Thlarau Thianghlim lo
thleng tur kha lo nghak turin a ti ta tlat a ni. ( TT 1:4)
Diktak chuan khati khawp khan Lalpa kha, zirtirte khan a hringhranin an
hmu a, Pathian a nihzia phatrual lohvin a tarlang a; a nihna diktak hrechiang ber ber
tu te an ni. Mahse Lalpa kha a sawi ang taka Kross a khenbeh a nih chiah khan,
rinhlelhna sual hmangin a zirtirte kha beihin an awm a. Thlana nithum chhung lek a
awm pawh nghak hlei thei lovin, zirtirte khan an eizawnna ngai lenden kha an hna leh
ta fur hlawm a. Benga an hriatna leh mita an hmuhna mai kha chu a lo tawk zo lo
nasa mai a lo ni. Petera te meuh pawh a phat hmasa tu an ni a, zirtir Thoma te phei
chuan a lo ringhlel nasa mai a nih kha.

DANGLAM

Kohhran chanchin chhuah tur

neite chuan kartin Ningani aia
tlai lovah sms in emaw phone
in biak pawh theih kan ni e.
Cont; 9612194537

- Saihmngliana Sailo
KHAWVELA RUL SEI BER HMUCHHUAK
Gordon Buchanan chuan Amazon leh Ecuador ramhnuaia
a chet tlatna chu BBC Two-ah Sunday zan dar 9-ah a ti
chhuak thin a,' Tribes, Predators and Me' tia domcumentary
siamin series thum-a then a ni a, Espisode I-ah chuan Ecuador rama Waorani tribal ho te nena 'anaconda', tunlai
khawvela rul lian ber leh sei ber nia an chhal chu tihlan a ni
a, ft. 17 aiin a sei (hei aia sei pawh hi kan hre mai thei e!).
Waorani tribal ho hian rul veha man vel hi mi huaisen nihna,
pasaltha-a an inchhal vena nia sawi a ni a, anaconda atang
hian 'spiritual power' an dawng thei niin an insawi. Amazon
lamah ve thung chuan anaconda hi nungcha hlauhawm berah
an ngai ve thung
a, mihring eitu /
dawlhtu a ni an ti.
Ecuador-ah
chuan Gordon-a
ho hian ramsa
vang
tak,
Kempere an tih,
Waorani jaguar
shaman, kum 40a upa chu an hmu
chhuak bawk a,
he ramsa hi a
pianhmang a
dangdai viau mai.
A
chanchin
erawh an sawi
tam lo.

EMMANUEL for
Editor

: C.Hranghluna
9612194537
News Editor : Chanchinmawia
9615820416
Contributor:
Lalnunsanga Fanai
9862120903
Dak a la duhtan kum khat lakman
pek lawk a ngai. Tin, thuchhuah tur
nei chuan hawrawp felfai tak emaw
khawlchhut hmangin, Office,
Emmanuel After Care Centre,
Bethel Veng, Champhai ah thehluh
tur a ni. Thu lut a piang erawh
chhuah vek a remchang kherlo
th e i .

www.champhai.net

Editorial
Ngai a neih
Eng thil pawh hi ngaia kan
neih tawh chinah chuan, a hlutna te,
a ropuina te, a thatna te hmuh kan a
awl a, ngaihnep te, hmuhsit mai te,
duhloh mai te a awl sawt thin.
A bik in Kristian kan nihna hi
ngaiah kan neih lutuk ta em? Lal Isua
tih te, Good Friday / Easter Sunday
tih te hi, thil thleng satliah angah
ngaiin, Kristiante hun pawimawh
satliah angin kan hmachhawn em?
Isua tawrhna te, Isua thawhlehna te
tluka hlu leh pawimawh hi, ringtute tan
thil dang a awm theilo hial tura ngaih
a ni a. A ni bik leh hun bik kan hmang
a nih phei chuan, urhsun leh ngai
thutak em em chunga kan
hmachhawn a pawimawh leh zual hle
a ni. Ringtute tana hun pawimawh kan
hman mek hi Pathian min tawrhsakna
leh tho leh nun hlu tak min pek hlutzia
kan hriat thar lehna atan te, Pathian
nena kan inzawmna leh inkungkaihna
tihngheh leh zual nante tangkai taka
hman i tum ang u. Ngaia neih hi
setana hmanraw tha tak a ni si a.

WORLD

Date 27th March 2016

SUNDAY

Article
Ruihhlo
ngaiten ruihhlo kan nghei
rual chiah a
kan hmelma
lian ber pakhat chu rilru
no hi a ni.
Ruihhlo
lamah chuan
kan rilru a huaisen tlang takzet a. Ruihhlo avanga
kan zahawmna hralh te, tih hmelhem te,
thawmhnaw leh neih hlu dang tihral te, Addict

pakhat ka hriat phei chuan, ka nupui leh ka

fate hi hralh theih nise, hralh duh khawpa rilru
chhia ka put chang a awm fo mai! a ti. Kan

ruihhlo tih avang hian chhungte nena inhauh te, neih

neihloh te, tlangrel leh \ihlengkhai nih te, hriselna
tih chhiatte leh Jail runthim te, chhungte nena
intuithlarte leh thihte thlengin kan ngam a. Ruihhlo
tan chuan mi huaisen ber, pa ber, rinawm ber,
engkim tuar huam, engkim chan huamte kan ni
nawk mai! Mahse heti taka ruihhlo tana kan rilru
kan tih pachan theih lai hian, thil dangah chuan rin
aiin kan duap tlang a!
VUI LEH VAINA! Thil ho te te ah
vuina tur kan zawng a, kan hre thei em em zel a!
Chhungte laka tihtauhna turte, Home a thawktute
laka vuina tur leh tihtauhna tur te hi kan hre thei
viau! Thil hote anga langah kan rilru a na zung zung
a, mahni inkhawngaihna kan ngah a; mite hi min
hrethiam tu ni se, min khawngaiha min duat hlerh
hlerh tu ni vek se tihte hi kan duhthusam a ni! Kan
chhungte pawh hian min dawm liak liak sela,
kehthei dawm ni mai lo, kehsa dawmin min dawm
sela kan duh ber mai. Mahse hetiang rilru nu hnei
hnuai kan put lai hian, kan chhungte lamah thung
chuan ngaihtuahna hrang hlak hmanga en leh teh
kan ni thung a. Kan chhungte hi chuan a nghei tawh

PAGE - 2
- C.Hranghluna.

bawk a, a dawhthei deuh tawh ang chu te min lo ti a!

Tunah chuan a hauh ngam ve tawh ang, te min lo tia!
Tunah chuan chhungkaw harsatna a hrilh ngam ve tawh
ang te an ti zel a. Rilru fim leh puitling taka harsatna
tuar ngam ve tawh tura min ngaih avangin, mi pawh an
dim der der lo va, beiseina sang tak nen kan tihtur atan
a \ha pui pui min ngaihtuah sak a. Mi pangngai hmuh a
min hmuh te, mi pangngai anga min en te hi an chak
ngawih ngawih a, chutiang rilru nen chuan lawm takin
kan ruilo nun hi an lo dawngsawng ve thung a ni.Hetiang
tehnuaih karah hian rilru no tak leh duat hlerh hlerh
beiseia chhungte emaw Home a thawktute hi kan beisei
\hin avangin, thil hote alangah kan rilru a thlep zung
zung a, kan rilru a na thuai thuai a; mahni kan
inkhawngaih thar leh a, vanduai bik nia in hriatna te,
kan \hat hi kan chhungte leh thawktute hian an duh tak
tak lo nia ngaih na te hmangin kan rilru no kan kawm
mial mial a. A tawpah phei chuan runluih avanga
ruihluih thlengin thutlukna diklo kan siam zung zung \hin
a nih hi!
RINHLELHNA: Tuten emaw min ringhlel
deuh se kan la na em em a, miten min rin theihna tur
khawpin kan rinawmna hi kan la hmang chhuak lo va,
mite rilrua rintlak kan nihna lei chhuak tur khawpin nun
kan la hmang rihlo a ni tihte hi kan ngaihtuah phal fo tur
a ni. Min rinloh deuhin kan vui a, min ringlo bawk a tiin
an rinloh anga awm kan tum nghal uaih uaih a. Min
ring deuh sela, a tam zawk hi chu min ring sual leh lawi
si! Ruihhlo kan nghei hian, kan chhungte leh
\henawmkhawvengte hian chuti maiin min ring nghal
lovang tihte hi kan rilruah tuh tlat i la. Tin, kan rui chiahlo
pawh rui anga min ngaih tlat changte, kan ruk ni miahlo;
an thil bo an hmuhloh satliah mai mai a min rinhlelh
melh changte thlengin, kan tawh tur reng a ni tih i hre
reng ang u. Kan ruihlai khan mite min rinhlelhna tur hi
chu kan thawk chhuak hneh em a ni tih i hre thar leh
ngam zawk ang u. Min rinloh aia kan rinawm \umte a,
kan thinur nasat theihziate hi ti ru! A nihna takah chuan
rinhlelh te hi kan tawh tur leh tawrh tur, kan damna

kalkawnga fiahna kan paltlang ngei ngei tur a ni tih hi kan

pawm thlap zawk tur a ni. Chutiang rilru huaisen leh puitling
chu kan put theih phawt chuan, damna kalkawng hi zau takin
kan hmaah a in hawng a ni tih kan hriat a pawimawh hle a ni.
Tin, mite hian min ngaihsak vut turah ngai lo i la, keinin
kan ruihloh tak avanga ti \ha riauva kan inhriat lai hian, kan
chhungte leh midangte hi chuan, kan tihawm tak ti ah min ngai
mai a! Diktak chuan kan tih ngei ngei tur, kan tih har lutuk
avanga an mangan fo thil satliah kha a ni tih kan hriatpui tur a
ni. Kan nghei tak avanga an lo lawm thar surh te, an phur
hurh reng te, mi an fak fo te, an fuih pawrh fo nih te, an
khawngaih leh hriatthiam ber nih tum a, a no zawnga champion nih tum tlat hi bansan ngam a ngai. Kan ruih chhung kha
leh zah kha min hrethiam tawh a, kan hriatthiam ve a hun ta e.
Kha leh chen kha min dawh tawh a, kan dawh let ve a hun ta
e. Kha leh chen kha keimah vangin an lo tuar tawh a, tunah
chuan an tan ka tuar ve tawh ang. Kum tam tak an rilru ka
tihah tawh a, tunah chuan an tan ka rilru ka seng ve tawh ang.
An ngaihtuah ber \hin khan, ka ngaihtuah let ve tawh ang tihte
hi kan rilru kan buatsaihna tur atan a pawimawh em em a ni.
CHHUANLAM TUR DAP! Ruihhlo nghei
\henkhatte hi chuan, ruihhlo kan han nghei hi ti \ha hi kan inti
em em a! A \halo zawng a ni hauh lo, mahse thiltihawm tak
leh kan tih ve ngei ngei tur thil kan ti a ni mai. Mi pangngaite
tih awm tak, thil \ha naran tak kan ti a ni mai! tia ngaihtuah ta
lo hian, kan chapo a, kan thinte hi kan tichhe thar leh vel a!
Kan rilru no lutuk hi kan chik nghur nghur lo chauh zawng a ni
e! Hetiang vel hi kan nih avangin, chhungte pawhin kan ruih
leh hlau reng rengin mi an kehthei dawm a, an rilru hahna leh
harsatna min hrilh \ha ngam lo va. Kan thin a rim ang tih hlau
reng rengin mi an hlauhtlawn a! Ruihhlo nghei tam takte phei
hi chuan an ruih leh chak tawh chhuanlam tur hi an dap an
dap a. Vui leh vaina, ruih pui atana remchang tak zawng ta
reng reng hian hun an hmang a. An han ruih takah phei chuan
chhungte pawh in, kan lo chuti lo a ni, i nu vang, i pa vang
tih ang reng, chhuanlam tur kan dap a. A rui a te aimahin kan
inthlahrung a, mahni kan indem a, an ruih nachhan kha ni tlatin
kan in hria a, chutiang rilru kan put a, an ruih avanga thiam loh
an chanlohna tur an dap tih reng reng ngaihtuah lo hian, dem
tur kan zawn pui chiam chiam a! A rui ate nuih kan tiza viau
mai thei a ni! Mahse heng thlemna zawng zawng hi ruihhlo
ngheina kawngah hian kan tawh ngei a ngai lawi si a ni.

Venglai Pavalai ten Home pui

Presbyterian Kohhran
Venglai Pavalai Pawlte
chuan ni 19 March `16 khan
Emmanuel After Care Centre, Septic tank siam sak
hnatlang an nei a. He
hnatlangah hian pavalai pawl

a\angin mi 11 an thawk
chhuak thei a. Septic tank
siamna senso at an hian
Rs.10,000/- tling lo deuh an
hmang a ni. Pavalai pawlte
chungah Home thawktute an
lawm hle.

Bethany ah Camping dawn

Baptist Kohhran Bethany,

Venglai Champhai chuan ni
26-28 March hian
Rev.H.Lengluta speakera

hmangin Crusade an nei

hmasa anga, ni 29 March
a\angin Camping an nei
chhunzawm dawn a ni.

Bethel Kohhran Hmeichhia Beltheiah

Presbyterian Kohhran
Hmeichhia, Bethel chuan
Bethel Kohhran in Kross
sipaia a tirhchhuah, Pi
Lalchhanhimi te chhung
rawngbawlna hmun Belthei,

(tuikuk) Lunglei District ah

Good Friday hmangin hun an
hman pui. He hun hmang hian
Bethel Kohhran Hmeichhia
a\angin member 20 vel an kal
a ni.

UPC ten chawimawina leh pastor thlah

UPC Kohhran Bethel chuan
Good Friday ni tak khan an
bialtu Rev.Vanlalfela Ram
tiamte chhung chawimawina
hlan hmangin ruai nen Good
Friday an hmang a. Rev.Van
lalfela Ramtiam hi Aizawl
East District Treasurer atan
thlan thar a nih tak avangin
Pathianni Chawhnu hian
ama pual thlahna hun hman
a ni nghal ang. He chawim

awina hunah hian Evan

F.Liberty-a, Zuangtui Aizawl,
Evan Lalbiakmuana, Chiah
pui, Unaupa K.Pazawna
(Zawntea) Tuikhuahtlang,
Aizawl te hnen a\angin
Pathian thuchah ngaihthlak
\hin a ni. Bethel pastor bial
vawng tur Rev.Lalrema hi a
damloh avangin Rev.Rosanga
Colney, District Superintendent in a hmui rih dawn a ni.

BCM hruaituten Halkha tlawh

Baptist Kohhran hruaitute
chuan Ningani a\anga
Pathianni thleng (24-27
March) hian Halkha,
Myanmar ah inkhawmpui
chhimin hun an hmang mek.
He inkhawmpuiah hian

BCM hruaitute a\angin,

Rev.H.Lianngaia, General
Secretary, Rev.KV.Thanga,
FOD Director, Rev.Zolaw ma, AICS Principal te an kal
bakah zaipawl member 24 ten
an \awiawm bawk a ni.

Khatiang kha a ni dawn a ni tih Lalpa khan a lo hrelawk vek tawh a. Petera
ten huai pui pui a, a thihna hmun thlenga zui tura a insawi rinawm vel lai pawh khan,
Lalpa chuan a lo ringlo nasa mai a. I hawikir hunah i unaute tinghet ang che, a ti
duh lek chauh a ni. Thlarau Thianghlim tello mihring hau ngawt hi chu, Lalpa tan a
rintlak tawk lohva, Lalpa zui turin a nghet tawk hek lo. Lalpa tana nung turin a
huaisen tawk lo va, Lalpa tana thi tur pawhin a inpe pumhlum thei hek lo. Hei hi
Lalpan a hriatchian em avangin, mihringte chenchilh kumkhua tur leh mihring chhunga
zirtir leh hnathawh chhunzawm zel tura, a thawhleh a ngai ta reng a; chu tho leh
thlarau hmanga a mite chhung luhchilh turin Lalpa chuan hna a thawk ta zel a ni.
Lalpa chu fakin awm rawh se.
Diktak chuan tunlai khawvela thil thleng langsar em em chu William Booth
an a lo sawi lawk tawh ang hian, Thlarau Thianghlim tello sakhuana, tih hi a ni.
Thlarau Thianghlim lam aia, kan mithmuh leh benghriatna lama innghat ringtu kan
pun tak thur thur avang hian, a langa mawi mai te, dan ang chauhva Pathian biakna
te, Pathian hriatfiah theihlohna te, Pathian tawn fiah theihlohna te thleng hian, harsatna
thuk takah ringtu tam takte hi kan tang ta mek a nih hi. Hei hian a nghawng lian tak
chu ringtu nisi a Pathian ringhlel reng nun te, Pathian hi a awm tak tak lova ngaihna
te, Kristianna hi sakhaw pakhat ang maia hmuh satliahna te, incheina leh kawr mai
atana Pathian biakna te, rinna dang danga pen darh zel hniallohna te thlengin, a
nghawng \halo leh rapthlak pui pui hi kan tuar mek a nih hi.
Pathian thu benga kan hriat maina leh kan thluaka kan khawlna mai hi chu
Thlarau Thianghlim tello chuan, a nung lo va, thiltihtheihna a nei hek lo. Mahse tunlai
khawvelah hian Thlarau Thianghlim nena lendunna leh inbiak pawhna tak tak te,
Joban, Benga hriatna mai zawngin ka hre tawh che a, nimahsela tunah chuan ka
hmu ta che, a tih nun thleng pha lo va duhtawk mai na ah hian kan tang ta \huap a
ni. A rukin kan Kristianna kawngah hian kan dal telh telh a, Pathian kan hlat ru hret
hret a; sapram Kohhrante ang mai khuan, engtikah emaw chuan kan la ral vek mai
thei a ni.
Zirtirte pawh hi Lalpa hian a tho leh thlarau hmangin a tlawh kual a, an
hnenah vawi tam tak a in lar a. Mahse chuti taka chiang chuan an hnenah inlar
mahsela, Thlarau Thianghlim lo thleng tur chu nghak turin a ti tlat a ni. Tichuan Tho
leh thlarau chu an hnenah a lo thlen hunah Pathian thiltihtheihna keng chungin rawng
an bawl tawh anga, Krista tana thuhretu ni turin kawlkil thlengin an kal anga, hrehawm
leh thih hlauhawmna hmunah meuh pawh; Lalpa tana thih thlenga thuhretu rinawm
an ni tawh dawn a ni. Pathian chu an beng maiin an hre tawh dawn lo va, an
chhunglam nunin a hmufiah tawh zawk dawn a ni. Chutiang taka pawimawh leh hlu
chu a nih avangin, vawiin Thawhlehna Ni hmangtu ringtute hian, tho leh thlarau hi
ngai pawimawh thar leh i la. Pathian hi mihringah a chang a ni mai lo va, mihring
chhungah thlarauvin a cheng ta a ni tih hi, thihna hneha a thawhlehna hmang hian i
hre thar leh ang u.
Tho leh nun hi kan nitin nun atan te, sual kan hmachhawn nan te, kan
chhungkaw kalsiamtu atan te, kan lungawina atan te, kan thlamuanna atan te i hmang
zel ang u. Thlarau Thianghlim hmang chauh hian Pathian nihna leh awmzia pawh
kan hre thei chauh a ni si a. Amen.

CHRISTIAN NEWS
ISIS TEN BANGLADESH CHRISTIAN TE RIKRAP
NAN MI THAT

Hussein Ali, kum 68 a upa vihhlum a nih chungchangah ISIS

te chuan mawhphurtu an nih thu leh Bangladesh ram chhunga
Christian te vaukhan nan a he tualthahna hi thleng a nih thu
an puang.
Kan thulakna in a tarlan dan in Ali hi Kurigram khua a zingkar
a excer la a kal chhuak chu firfiak bike a chuang te'n a
nghawngah nasa tak a an vih vanga boral a ni. Bangladesh
ah hian a bikin Islam sakhaw zuitu nilo sakhaw mi tlem zawk
te leh Christian te chungah tharum thawhna leh tualthahna
ISIS te kutchhuak a pung chho mek zel a, hetih lai hian ISIS
te hmalakna thlawp Bangladesh chhul chhuak Jamaat-ulMujahideen pawl te lakah Christian te an himlo in nunna
chan an awm deuh reng bawk. Sorkar hmalakna heng firfiak
pawl te lakah hian a beitham in hmasawna a tlem hle bawk.

BIGGER THAN SATAN- JUSTIN BIEBER

PURPOSE TOUR
Dan bawhchhiat vanga chanchinbu headlines te luah awl lova
nun duhdah a hman hnu a Christian ringtu tha a nih thu uar
taka puang chhuaktu Justin
Bieber "Purpose" tour nei a
zinkual mek chuan a performed
na stage-ah Designer Jerry
Lorenzo kutchhuak a inbel
chuan mite ngaihven a hlawh hle.
Designer Lorenzo hian sum
hmuhna tur paihlama mite nun
khalhngil thei tur design theihna
hun a inhawng chu a lawm zia a
sawi bakah naupang te hnenah
Isua Krista hnungzuitu rinawm Generation pian tir chu an
tum ber leh duhthusam a nih thu a sawilang bawk.
Hetihlai hian nikum September thla a Complex Magazine
nen a an interview tuma Lal Isua ang a nun thianghlim neih
duh leh mite chunga ngilneihna leh hmangaihna rilru pu chunga
a rorelna apiangah lawm zel thei tura nun hman tum Justin
Bieber hian Lorenzo kawr design 'Fear God' tih te leh 'Bigger Than Satan' etc tih inziak te chu stageah a ha chhuak
ziah thin a ni. **(Justin Bieber Purpose tour kawr hi Ebay
lamah order theih in a awm nual bawk)

kan

awt
wm

hfai

gin

LUNGTUM
AIAH
EKTUM......
Thianpa
chetchhiatna ve thung aw niang.
Tumkhat chu kan thian hovin
zanah Theihai ruk kan tum leh
pek a lawm le. Kan theihai ruk
tum hi Biak in bul mai a nih a
vangin thawmdim a ngai riau mai
a, inkhwm zan a ni bawk nen.
Chuan hla an sak hun kan nghak
ta a. An hlasak hun nghah pah
chuan kan ti ti mai mai a. Chutah
le khuang a ri, an zai ta. Keini
pawh kan che ve nghal, theihai rah vawm tla tur chuan
kan che ve nghal. Lung te chhar khawm in theihai rah
chu kan vawm ta lauh lauh mai a, chutia kan vawm tliar
tliar lai chuan kan thianpa pakhat lungtum chharkhawm
chu a rawn t ta teng tung mai "eee..!a uih lutuk, ala lum
vut vut mai, a thing a nilo rengreng. Tunge helai ah hian
han hman thawt thawt che u, a uih lutuk" tihpah chuan
a kut zungtang te chu a rawn phar kak thu mai...a ngaihna
kan hrelo hlawm he haw viau mai, a mah lah chuan
"ekthing ani miahlo, ala lum vut vut a lawm" uih ti lutuka
then nwng chung chuan a rawn ti leh.. kan hrethiam ve
ta. Inkhawm zai hun nghaka kan thut lai khan kan zinga
pakhat chu, a thimlai chuh in kawng bul maiah cuan a lo
han chu niin. Chu chu kan thianpa theihai rah vawmna
tur lungtum zawng khan lungtum emaw ti in alo han
thampherh chu ni in. A kut lah chu a uih vung vung mai
bawk nen, a thin lah chu a rim em em leh nghal..kan nui
nasa lutuk chuan Theihai pawh kan hrechang tawhlo reng
reng. k tharlam tham chu a tihchi lo viau ngei ang....!
- Thups
( I chetchhiatna kha midangte nuih pui atan rawn
thawh ve ta che. Sms/Whatsapp 9612194537 )

Naupang pual
Chei rawh le

Pic: Kensei (Bleach)

Diltu: 8974669600

KEIMAHNI
Kumtluana chawhmeh min pe \hintu bazar nuho zawng zawngte chungah

lawmthu kan sawi thar leh \hin e.

Karkalta chhung khan chhun lamah thing kan ek thin a, tin, zan lamah Home
lama hun min rawn hmanpui thintu te zawng zawng chungah lawmthu kan sawi e.
Chanchinbu min laksaktute zawng zawng chungah lawmthu kan sawi thar leh
a, a thlawna min semsaktute chungah kan lawm takzet bawk.
JERSY THUINA KHAWL THAR
Aizawl pan buai ngai tawh lovin Champhai leh a vel zawng zawng tan Jersy thuina
khawl thar kan nei ta. I duhzawng rawng leh design i duh angin rawn order ve rawh
le. Jersy puan chi hrang hrang kan nei nghal e. Min duhsaktute duhsak let ve hi
kan chak ber a nih avangin tlawm thei ang berin kan lo thui sak zel ang che u.
PENIEL ART WORKS, Chawngthu Hotel bul. Dawr Veng, Champhai.
Ph. 9862303779 / 8014356081

CHANCHIN LAWMAWM..KHAWLTHAR (BANNER PRINTER)

Khawl thar \ha zawk, banner mai baka thlalak leh citation te print nana duhthusam kannei leh ta
hlauh mai. Min dartuten harsatna intawhloh nan venglai bazarah banner, thlalak,citation, name
plate, etc ulukngai bikte lokal ula. Banner pangngai leh singboard mamawh ten Awmpuiphei ah
bawk aw. Chhiatni \hatniah thla kan la thei a, kan thlalak sakte poster kan present \hin a nia. Heng
kan citationsiamte hi a reh ve theih tawhloh a, he vanneihna hi rawn pan ve rawh le.
- Thangbuta, Design & Printing
Awmpuiphei veng & Venglai Bazar, Champhai. Ph. 9862174630 / 9615445221

THLANLUNG |HABIK, THLAN KER LEH THLAN SIAM

Farkawn thlan lungchang \ha bik kan zuar reng e. Thlanlung kan ker thei a, Granite hmangin mawi
takin kan siam thei bawk. Tin, thlan pum pui kan rem/siam thei nghal vek bawk e. Min rawn pan
vela, min han chhin ve teh le. Kan thiamtawp hmangin kan theihtawp kan lo chhuahsak dawn che
nia.
- KHALTHANG ARTS
Aizawl Road, Pu C.Luaia In hnuai Champhai. Ph. 8575303365

HENGTE HI I MAMAWH VE EM?

Intel Core i series i5, i3, dual core, AMD series etc...kan thleng thar e. Laptop sony vio,
acer, asus, hp, lenovo duhthlan tur a awm bawk e. Gaminf Playstation, Printer, Wofer,
Grapics Card, Internet 3G data card leh Printer ink chi hrang hrang kan kawl bawk e. Min
dawrtute free gift tha tak kan pe tel zel.
- LL Computers,

Khuangluaia building,Venglai Bazar, Champhai. Ph. 9615953749

ELECTRON IC MULTI-BRAND S HOW ROOM
Laptop & Desktop COMPUTER, Mobile Phone, Digital Camera, TV, Fridge, Washing Machine,
Inverter / UPS, Motor leh Inverter Battery chi hrang hrang, Laser & Inkjet Printer, Woofer, 3G/
GPRS Internet Data Card, bakah electronics bungrua chi hrang hrang kimna leh tlawnna hmun.
Company trained technician thiam leh rintlak tak tak ten an thutchilhna hmun a nih
avangin after sales service ah harsatna a awm tlem bik.

JK BUSINESS SERVICES,
Venglai Bazar, Champhai. Phone: 03831 234649 (O) 9862725644 (M)

P u b l i s h e d & E d i t e d by C . H rSuperman
a n g h l u&nWonder
a & woman
P rinted at CK O f fset Pri n ti n g & Pap er Wor ks, Ch am ph ai V en gt h l an g.