Vol.

XV :

Issue No. 40

Dt. 6th October 2013

Pathianni

Phek 1 - na

Piantharna- Lal Isua Zirtirna atangin

Chang thlan : Johana 3:1-15 Piantharna tih tawngkam hian tlukpui leh kaihhnawih a nei nual mai. Pathian thuawih, tlanna, chhandamna, thiamchantirna, chatuan nunna, vanram kai tih te hi kan hman tlanglawn te chu an ni. Camping/crusade kan neih thin hma kha chuan Pathian thuawih tih hi kan hman lar ber a ni a. Pathian thu laipui a ni bawk a, Pathian thuah chuan kan khel nasat ber a ni hial ang. Lal Isuan Nikodema a zirtirna atangin lo chhui teh ang. Taksa piannawnna a ni lo : Lal Isuan piangthar a tihna tawngkam hi Greek chuan anothen a ni a, awmze pathum a nei - (1) a bul atangin, a pumpuiin (2) nawn, a vawihnihna atan (3) chunglam atangin, Pathian atangin. Nikodema hian piangthar tih chu piang nawn tihna ah ngaiin nu pum chhung atanga piang leh turah a inngai a, a hrethiam lo. Lal Isua sawi tum chu Pathian atanga piang tih sawina atan a hmang thung si. Pathian atanga pianna chuan a bul atanga danglamna, nihna/mize inthlak hlawkna a thlen dawn a ni. Tuiah leh thlarauva pianna : Lal Isua chuan Pathian atanga pianna chu tui leh thlarauva pianna a ni tiin a han hrilhfiah leh a. Tui hi Thuthlung hlui hun ata tawh tihthianghlimna/ silfaina entirna atana hman a ni. Piantharna chuan sual silfaina/tihthianghlimna a entir thu a hrilh a ni. Pathian thlarauvin mihring thlarauvah hna a thawk ang a, mihring nihna ril ber a thlarau chu Pathianin a tihthianghlimsak dawn a ni, tiin a hrilhfiah a. Tisa taka kan pianna chuan tisa taka nun hman zel duhna a hring a, he kan pianna pangngai mai hi chuan keimahniah Pathian lama danglamna min siamsak thei lo. Thlarau( Pathian atanga chhuak) erawh chuan mihring thlarauah danglamna siamin Pathian nena thlarauva inzawmna a siamsak a ni, tiin a hrilhfiah zui ta zel a ni. Thlarauva pianna chu : Nikodema hi sakhaw lama zirtirtu a ni bawk a, Judaten an tui hmanga sakhaw thila tihthianghlimna an pek dan chu a hrethiam mai. Mahse, thlarau chungchangah a la chiang thei lo a ni. Lal Isua chuan thlarau chu thli nen a tehkhin ta a ni. Thuthlung hlui hunah pawh thli hi Pathian thlarau nena hman kawp a lo ni fo tawh thin reng a. Thli thaw chu kan hre mai. Min chhem a, a vawt seng seng a. Kan han hawi vel a, pangpar leh thingkungte a chhem che lawp lawp pawh kan hmu thei. Chung thil che atang chuan thli a thaw tih kan hre thei, a lo kalna kan hre lo va, a kal zelna tur lam pawh kan hre hek lo, amah tak kan hmu thei si lo va. Lal Isua chuan thli i hmu thei lo va, a hnathawh i hre thei si ang hi a ni. Thlarau chu engtinnge a thawh dawn i hre lo, mahse a hnathawh chu mihring a tihdanglam dan atangin a hmu thei a ni. Piantharna ka sawi hi Pathianin a thlarauva mihring nun a thlak danglam hlawk ka sawina a ni, tiin a hrilhfiah ta a ni. A sawi chiang tawh viau chuan a lang. A ni tak a, TV chhunga electric current kal vel dan te, thil ri leh milem a lak luh dan leh a pek chhuah dan zawng zawng hi kan hrethiam lo. Mahse, TV atangin milem leh ri te kan hmuin kan hre thei si. Engtinnge a lo awm theih ang ? : Nikodema hi a fakawm hle. Judate zirtirtu, mite zah kai tak ni mahse a hriatthiam loh chu tlawmah la lovin a zawt zel. Piantharna awmzia chu a hre ta niin a lang, mahse engtin nge a lo awm ang tihah a la chiang lo. Isua hian zirtirtu ni si a, Pathian thua chhandamna kawng Pathianin a buatsaih dan a hrethiam lo chu a khak a, a sawifiah zui ta a. Amah Lal Isua ngei kha hmana thlalera Mosian dar rul lem a siam a khaikang a, rul chukten an en a an dam ta ang khan, kraws-ah khaikanin a awm ve dawn tih a hrilh ta a ni. Lal Isua chu miten piantharna an chan a, Pathian thlarauvin nun thar a pek theihnan kraws-ah a thi ang a, chumi ring apiang chuan piantharna an chang dawn a ni tiin Nikodema hi a hrilh leh ta a ni. Amah Lal Isua chu khawvel mihringte sualna lak ata chhandam tura Pathian tirh a nih thu a inpuang ta a ni. Hetiang taka indawt fel taka piantharna thu inhrilhfiahna hi hmun dangah kan hmu lo. Keini pawhin kan zirchian a tha hle a ni. Nikodema chanchin hi Lal Isua zuitu zingah a hming pawh a lang lem lo. Mahse, Lal Isuain hmaichhan meuha a hrilhfiah a ni bawk a, a piangthar tha hle niin a lang. A thih hnu, a ziritirte zawng zawng pawhin an bawihsawm ngam loh laiin, amah atanga beisei tur a awm miah loh hnuah a nunna thapin a bawihsawm ngam tlat a ni.

Kohhran Aw

Pathianni chhuak

Dt. 6th October 2013

Phek 2- na

2013- KOHHRAN AW SEMTUTE: B-1: Lalengkima, Lalruatfeli, Lalkhawngaiha B-2: Lalrinzuala, Zahmingliana B-3: Vanlalruata, Lalfakmawia, Lalruatsanga B-4: Vanlalawmpuii, Lalrinawma B-5: Lalruatkima, Lalramluahkima B-6: Lalawmpuia, Lalmuanawma, Zonunmawia B-7: Zodinmawia, Jonathan Lalnuntluanga B-8: F. Lalremruatpuia, Lalrindika, MS Dawngliana, Zohmingkima B-9: Lalrinhlui,Lalbiaksiami, Lalramtharzuala B-10: Lalhmangaiha, Roluahpuia B-11: Vanlalpeka, Remruatsanga B-12:Lalnunthara, Lalfelkima, New Saron : BL Thanzama, TBC VL Remruatsanga, Lalruatkima

Synod News
@ KTP Rorel Inkhawm 2013 thurel bawhzuiin Central KTP chuan October 25 hian ram pum huap Counselling Training hmun 10-ah a buatsaih dawn a. Hemi hma October 4-5 hian CKTP hruaitute pualin Synod Conference Centre-ah Counselling Training hi buatsaih a ni dawn a, Resource person atan Rev. Lalrinmawia (Leader, CKTP) leh Rev. R.Lalhmingthanga (Director, Family Guidance & Counselling Centre) te hman an ni ang. October 25-a Counselling Training neihna tur hmunte chu: Zarkawt, Aibawk, Lunglei Venglai, New Serchhip, Saitual, Kolasib Venglai, Darlawn, Rawpuichhip, Khawzawl Vengthar leh Champhai Vengthlang te a ni a, Kohhran Biak In/Hall-ah training hi neih a ni ang. @ Synod Mission Board chuan kum 2014 chhung Contract basis-a thawk turin Missionary, category hrang hrang (Evangelist, Evangelist Teacher, Staff Nurse, Health Worker, puanthui zirtirtu) a la leh dawn. 1. Synod Mission Board office atangin dilna form siam sa (standard application form) lak tur a ni. 2. Dilna chu October 18, 2013 tlai dar 4:00 thlengin Synod Mission Board Office-ah thehluh tur a ni. 3. Mathematics leh Science thiamte chu mamawh bikna avangin Evangelist Teacher atan duhsak theih an ni ang. 4. Diltu chu kum 18 - 35 inkar a ni tur a ni. 5. October 26, 2013 (Inrinni) dar 10:00 a.m.-ah Synod Office-ah personal interview neih tur a ni. 6. Hlawh chu Synod hnuaia Contract rawihna rate angin pek a ni ang.

Christian News
Kan thenawm ram Bangladesh khawpui Dhaka atanga km 70 vela hlaa Kristian Biak In saklai chu tawpsan turin sawrkar chuan thuchhuah a siam. He Biak In hi Tangail Evangelical Holiness Biak In niin Bilbathuagani khuaa awm a ni a, he Kohhran hi September 8 khan an ding tan a, Kristian 25 vel member an awm a. An Local Council chairman Rafiqul Islam Faruk chuan Biak In an sak duhlohna hi a entir a, midangah kangkai zelin mi 200 velin an zawm ve leh a. Biak In sak tawpsan tura an tih mai piah lamah hian Muslim pathian biakna Mosque-ah kal zawk tur leh an rinna an phatsan loh chuan an khua atanga an hnawhchhuah tur thu an hrilh bawk niin an sawi. Biak In sak duhlohna hi Sept. 13 khan an entir a, hemi ni vek hian LC hruaitute chuan Kristiante hi an office-ah kovin thu eng engemaw an hrilh a, hetia office chhunga an awmlai hian pawnah Muslim mipui pungkhawm 1000 velin an thu ngaichangin an awm bawk a. Office chhungah hian an hotute chuan Keistian an nihnachhante an zawt a, thil sual lian tak an ti niin a sawi bawk niin an koh zinga tel ve Mokrom Ali, kum 32 chuan a sawi a. Muslim-a an inpek let leh vat loh chuan an in an halsak tur thu leh amah chu na taka an sawisak bakah khawtlangin an ensan dawn thute an hrilh a. Hetia an hrilh veleh hian a thinlungah Isua a thlan zawkzia leh a thinlungah Isua a nun zawkzia a hre chhuak zual tih Mokrom Ali hian a sawi thung. Pathianni hmasa lama kan rawn tarlan tawh Iran rama Pastor tanina khung mek Pastor Saeed chungchangah tlemin hmasawnna a awm ve hret a. Tunkar tir lam khan US President Obama chuan pastor chungchang hi Iran President Rouhani phone hmanga a biak tumin a sawi tel a. Tunkar Thawhtanni khan pastor hi a chhungte darthlalang chhanah hmuh an phalsak a. Tunlai hian Iran hian US hi a hmaizah thar deuh emaw tih turin a awm ve deuh a, hei vang hian pastor chhungte hian beiseina sang tak an nei thar a. Amaherawhchu, pastor Saeed hian US leilung a rah hma chu an ngaih a tha tluantling thei lo niin a chhungte hian chanchinthar thehdarhtute an hrilh. Tunkar khan Egypt rama khaw pakhat Zakaria khuaah chuan Muslim leh Kristian inkarah buaina a chhuak . He buaina intan dan chu Kristian pakhat Kirollos Sabet, kum 22 mi chuan Muslim hmeichhia pakhat a ngaizawng a, hei vang hian Mulim chhungkua lam chuan dik lo taka khuaikhemah an puh a. Hei hi punlun zelin Muslim leh Kristiante inkarah inhmuhthiamlohna a thleng ta a. Muslim-te chuan Kristian inahte lutin an bungrua tam tak an tihchhiatsak a. An khaw hotu Mayor chuan buaina a reh vat theih nan police-te a chettir a. Amaherawhchu, hei buaina hi a punlun zual zel a, Muslim lam chuan Kristiante in mai bakah an Biak Inte pawh hal an phut a. Hetiang a nih tak avang hian an khaw hotute chuan inremna siam vat thain an hria a, Sabet-a chhungte hian pawisa Egyptian pounds 300,000 an chawi anga, a hmeichhia hian ama duhthu reng vanga ngaizawng a nih avangin cheng 15000 a chawi thung ang tiih thu an rem a. Hei hian buaina a ti reh chuang lo niin an sawi. Hei hi hmun danga Kristiante chungah a kankai a hlauhawm hle niin mi thenkhat chuan an sawi. He khuaah hi mihring 4000 vel an cheng a, a zatve hi Muslim an ni a, a zatve dang hi Kristian an ni thung.

Kohhran Aw

Pathianni chhuak

Dt. 6th October 2013

Phek 3-na

Pavalai Music video shooting ni kha aw .!! -Zonunmawia pa

Kan kohhran chanchinbu,KOHHRAN AW enkawltute
hian,K TP,Pavalai adt. pual bika thuziah tarlanna column bik a hranpain min

Damlo Tawngtaipui Ngaite

Pu Lalzarmawia, Pi Sangkhawli,Upa Hrangvelthanga, Pi Zoramthari, Pu Tlangchuana, Nl. Zoramthangi, Pi Laltluangi, Pi Kutdengi, Pi Siamliani, Pu T. Lalduhawma, Pi Tuahthangi, Pu VL Hriata, Pi Vanlengi, Pu Lalramliana, Pi Lallawmi, Pu Lalhmangaiha, Lalrosangi, Pi Ngaihtlingi, Pi Siamtei leh Pi Bawitluangi te i tawngtaipui zel ang u.

siam lo mah se, thu leh hla chhuahtur neite tan chuan zau takin an in hawn thu an sawi thin a. Chuvangin pavalai huang atan he thute hi han tarlang ve ta ila. Pavalai hoten rawngbawlna peng pawimawh tak pakhat kan neih zing a mi, Pathian fakna hla panga lai music video kan han buatsaihnaah hian, ka lo thlirvena sir atang hian ka rilru a lawmna thenkhat han tarlang ve ila. Hla record tur pangate hi kan conductor-te leh committee te thlan an ni ber a, heng zinga hla pahnih Luipui luang ri rehnaah ka chawl ang tih leh Khawpui Thianghlim tihte hi kan conductor Pu Ralkapthanga phuah a ni nghe nghe a, ani hian heng hla phuah/siam tur hian,a rilruah phurna(emotion) nasa taka awm tirtu chu kan kohhran upa nikum mai a chatuan ram min pansan san ta,Upa Lalruma Sailo nena a hun tawp lama Pathian thua an inpawl dunna atanga heng hlate hi siam alo ni nghe nghe a ni. Hla pahnih dang,Van arsi eng leh Tlang thawveng (pavalaiten kan hriat thiam dan)te hi hranghluihote hla duh pawl tak an ni thin a. Tlang thawveng phei hi chu, Mizoram pum huap Pavalai Revival meet kum 2010-a, Aizawl Chanmari Kohran Biak ina kan lo rem ve tawh kha a ni a.Tin, Sualin bo mah ila tih hla KHB no 163 na hi chu kan adviser Upa K.Lalthlenglianan min thlan sak ni ta berin ka hria a,he hla kan thiam nal tak ber hi, kumin August ni 4 hmanga Synod buatsaiha zoram pum huap Pavalai Revival Meet,Aizawl Bethlehem Kohhran Biak inah neihah khan kan lo rem tawh bawk a ni. Heng a tir lam hla pali te hi nikum november ni 23 zanah daih tawh khan Pu Joseph-a Studio-ah kan lo record tawh a,thla hmasa September ni 14 leh a tuk tlaia shooting kan han neih dawn meuh chuan a hla thu enlawk a hautak ve hle a,a chhan chu pavalaite hi kan rilru chak dan a inang lo hlawm hle a,a hla thute pawh kan lo theihnghilh nual hman tawh vang a ni. Tunah chuan a shooting ni a, rilru min ti hlimtute zingah chuan, Pavalaiten kan la fan ngai lohna mual leh kawngte kan zawh a, pavalai pawlah chuan awm lo ila chuan kan fan ramte hi kan thleng phak lo mai thei ani.Tin, car 7 lai inzuiho kan ni a, ka chuanpuite zinga chanchin hlimawm tak nia ka hriat chu, mi 2-te chuan an nupui neih ni a necktie an awrh kha, khami ni khan an awrh leh hmasak berna ni a ni a, pakhat chuan a suit lei thar, hak chhuahna hun remchang a la awm loh avanga kum 2 ngawt mai a lo dah that tawh chu rawn hak chhuahna hun remchang atan a rawn hmang a, pakhat leh chuan he shooting huna hak turin suit thar a lo nei bawk a,a ropui hle a ni. Keiniho din hmun ang hi car dang 6 ahte khan awm ve hlawm tak ang maw..?? Shooting ni a, ruahsurin min tihkhaihlak avanga, patling 30 zet suit nalh tak nen mi phai thlama kan tawm tak te,chabet kan kai nasat hlawm ziate,an hriat loh avanga kan police pa ber handset miten an lo ruksak, an zawn leh dante, kan zai awki chhuah dan inanglo tak tak Malawman a report thiamzia thu te leh hla hriltu Mahruaii hruai ve a ngaihna chhante, zanriah bawp nang hman tawka kan nilen tak avang a, biak in choka lama kan fatu Pu Rokima leh Pu Rinchhana te fakawmzia thute chu sawi vek seng ta lo mai ila. He music video tihpuitlinna tura pavalai ten kan hun hman dan hrang hrangah, kan hlimin kan lawm tlang hle niin a lang a,hun remchang dangah pavalaite kokim zawka music video siam leh tur pawh hian ruahmanna a la awm reng bawk a ni.

Pangpar Enkawltu Turte

Dt.07-13.10.2013 chhunga pangpar enkawltu tur te:-(1) Pi Dengthangpuii (2) Nl. C.Laltani (3) Pi Vanlalruati (4) Pi Vanlalruali

Pangpar Khawitute
Vawiina pangpar khawitute : 1) Pi C Parkimi 2) Pi Lalropuii Pathianni leha pangpar khawi turte: 1) Pi Zoramliani 2) Pi R.Lalnuntluangi

Vawiin NPSS Zirlai

Beginner Isuan mitdel pahnih a tidam Primary Phar sawm tihdam thu Junior Tita Inter D.L. Moody-a Sakramen Tleirawlte leh media Senior John Knox-a

Pathianni Zan Tawngtai

Zanin inkhawm bana tawngtai hruaitu Nl. Julie Lalhmangaihzualia ni a, tawng tai turin Kohhran mipuite sawm kan ni.

Pathian Ram - July

1.Pathian ram - ` 5,64,745 2. Ramthar - ` 3,44,391 3.Tualchhung - ` 3,25,530 A vaiin - ` 12,34,666 Ip tla zawng zawng - 431

Chhungkaw Thu
Dt.02.10.2013(Nilaini) zan Pu Lalhmingmawia te chhungkua Sateek Kohhran atanga lo pem dawnsawn an ni a, anni hi Upa H. Thangliana bialah an awm a ni.

Kohhran Aw

Pathianni chhuak

Dt. 6th October 2013

Phek 4-na

Thilpek Chingfeltu -Oct.

T/Upa TC Lalrizapa,Pu F.Lalfamkima, Pu Biaktluanga, Pu C. Vanlalnema, Pu K.Lalzawngliana

Camping Report
Dt.14-29, Sep. 2013 chhung khan Kraws Hnehna Maicham Team te chuan Phunchawng Kohhranah Camping chawng hnih an zuk nei.

Oct. Chairman:Upa Dr. Thangsailova

VAWIIN BIAK INPUI

Chawhma : Sunday School Inkhawm Tantu : Pi Rozari( Bial 5-na) Zirlai : Hnampum tana tawngtaina Chawhnu : Pathian Biak Inkhawm Tantu : Pi Rochungnungi (B-10na) Thuhriltu : T/Upa TC Lalrizapa Zan : Pathian Biak Inkhawm Thuhriltu : Upa JC Rohnuna KTP TAWNGTAI INKHAWM Hruaitu : Nl. R. Lalrinkimi Tantu : Tv. Lalramzauva, Zak. Gr Hla zir : Presbytery pual Chawnghei Tawngtai Hruaitu : Tv. H. Lalfakzuala Dt. 07. 10. 2013:THAWHTAN ZAN Hruaitu : Pu JC Laldinsanga Tantu : Nl. Elizabeth Roluahpuii Thuhriltu : T/Upa C.Lallianzauva Duet : Jona Group atangin Dt. 08. 10. 2013 : THAWHLEH ZAN (Kohhran Hmeichhe Inkhawm) Hruaitu : Pi Zosiami Tantu : Pi Darhmingliani Thusawitu : Roluti Thilpek la : Pi Rokhumi (Sari Gr) khawmtute : Pi Lalrikhumi (Sari Gr) Zai hruaitute: Pi Zionthangi Pi Chawngchhuani Dt. 09. 10. 2013 : NILAI ZAN Tantu : Pi Lalrikhumi (Bial 13-na) Thupui : Biak In leh a chhung bungruate Hawngtu : Pu Khuangthanpuia Dt. 12. 10. 2013 : INRINNI ZAN Tantu : Pi Sangchhingpuii (Bial 7-na) Sharing-a hun hman tur a ni ang.
(Kohhran Aw-a thuchhuah tur nei chuan Editorial Board member hnenah emaw Chowkider inah emaw thehluh thin tur a ni )

Pathian Ram - Aug

1.Pathian ram - ` 5,49,284 2. Ramthar - ` 3,53,074 3.Tualchhung - ` 3,57,421 A vaiin - ` 12,59,799 Ip tla zawng zawng - 553

Tanpuina Pe
Kan Kohhran chuan heng mite hnenah hian tanpuina kan pe : 1) Zawlpui Pastor bial-a Kohhran biak in saknan - ` 50,000/- (2) MPF, Vengthlang Local - ` 1000 (3)Emmanuel Aftercare Centre -`10,000 (4) Presbytery tanpuina ` 10,000 (5) T/Upa Kaphranga te team - `10,000 (6) Ruantlang Kohhran( Cen tenary lawmpuina) - Steel Almirah

Synod Sum Lut - April

Apr - Sep, 2013 -` 67,26,244 Apr - Sep, 2012 -` 62,82,124 Nikum khumna - ` 4,44,120 N.B : Sakrament thawhlawmah nikum kan la phak lo va, thilpek dang zawngah chuan kan khum vek tawh a ni. A lawmawm hle mai.

Presbytery Nei Dawn

Dt.09-13, Oct. 2013 chhung khian Tlangsam Kohhranah Champhai North Presbytery neih a ni dawn a. Palaiten ngaih pawimawh ni se a tha hle ang.

Kohhran Hnatlang
Oct 2 (Nilaini) khan Chhanchhuahna ina Biak in sak mek ah Kohhran hnatlang neih a ni a. Hnatlang hi mi za chuang zet kan ni. Hnatlang ei atan hian vawk `13,000/- man lei a ni. Thalaite bakah nu leh pa pawh engemawzat kan kal a, Kohhran Committee pawh mi 13 lai an tel a ni. Hna pawh kan thawk tam hman hle.Mi tlawmngaiten lirthei an rawn thawh khawm nasa hle a, a lawmawm hle a ni.

Sunna
Pu H.Lawmkima (38) h/o Vanlalveni chu Dt 29.09.2013 (Pathianni) 4:40 p.m khan thinna avangin a boral a. Tlaivarpui a nih hnuah a tukah vuiliam a ni. Khawhar chhungte Pathian thlamuanna kan ngensak e.

TAWNGTAI INKHAWM HRUAITU

TAHRIK ZING :Dar 5:30 AM TLAI: Dar 4:00 PM 07.10.13(Thawhtanni) : Pi Lallianpuii Sailo Pu Rohlira Colney 08.10.13(Thawhlehni) : Pu H.S. Lalchhuanmawia Pi C. Lalremthangi 09.10.13(Nilaini) : Pu Vanlalthafamkima Pi Vanlalringi 10.10.13(Ningani) : Pi R. Lalengzauvi Tv. Lalhriatpuia 11.10.13(Zirtawpni) : Upa H. Nghakliana Pi Lalnunnemi 12.10.13(Inrinni) : Pu J. Lalthianghlima Pi H. Lalzawmliani 13.10.13(Pathianni) : Pu C. Zothanliana Pi Zoramliani

Editor : T/Upa Lalhuapzauva, Jt. Editor : C.Lalthanpuia, News Editor : Robert Lalmuanpuia Adviser : Upa C. Hualchhunga Cir. Manager : Zorampari, Published by Vengthlang Kohhran & Printed at C.K.Offset, Vengthlang. Biak In Ph.: 235380