Como contribuer
Participar
Ama tu le software libere e le communitates open source? Te place le software de MediaWiki, Wikipedia, o altere sitos Wikimedia?
Alora, contribue tu habilitates ci e apprende de altere contributores. Iste pagina te adjutara a comenciar per un panorama del areas ubi tu pote contribuer.
Le contento de tote le projectos de Wikimedia es publicate sub licentias libere. Scribe codice pro acceder, remiscer e facer crescer iste immense massa de cognoscentia libere. Seque le tutorial pro comenciar con le API, disponibile sur tote le wikis de MediaWiki, e altere APIs pro contento e Wikidata. Altere fontes de datos aperte, incluse exportationes in XML e SQL, es etiam disponibile.
Nostre codice es toto libere e aperte. Elige un projecto, invia un patch, e resolve un problema!
Le projectos de Wikimedia usa un varietate de linguages como PHP e JavaScript in MediaWiki e in su extensiones, Lua (in patronos), CSS/LESS (in apparentias, etc.), Objective-C, Swing e Java (in Applicationes mobile e Kiwix), Python (in Pywikibot), C++ (in Huggle), e C# (in AWB). Crea robots pro tractar contento e reserva tu utensiles sur Toolforge. Experimenta sur apps mobile o sur applicationes pro scriptorio. O adjuta le equipa de ingenieria de soliditate del sito a mantener le configuration del servitor.
Lege plus sur New Developers/Introduction to the Wikimedia Technical Ecosystem.
Testar
Adjuta a meliorar le qualitate de nostre projectos per tests PHPUnit, tests automatisate de navigatores via Selenium e integration continue. Reporta tu prime defecto o adjuta con le reportos de defecto existente.
Como ambassador technic, tu adjuta altere wikimedianos a resolver problemas technic, diffunde le novas technic pro informar le usatores sur lo que les influentiara, e adhere al gruppo de ambassadores e al lista de diffusion pro ager como ponte inter le programmatores e tu wiki local.
Le personas capace de scriber in anglese pote meliorar le documentation de MediaWiki, altere paginas de supporto essential e, de facto, qualcunque pagina de iste sito web.
Si tu es fluente in un lingua non anglese, tu pote junger te al effortio de traducer iste sito web e le software MediaWiki.
Adjuta le usatores e programmatores que cerca solutiones al bureau de assistentia o in le canales de communication e medios social de MediaWiki.
Adjuta a applicar le principios architectonic de Wikimedia in projectos que cerca commentarios sur le experientia del usator.
Plus de informationes utile
Communicationes
- Il ha plure manieras de entrar in contacto con le communitate Wikimedia.
- Tu pote etiam sequer e divider novas sur Wikimedia in tu rete social.
- Tu pote etiam subscriber te a Tech News pro reciper cata septimana in tu pagina de discussion personal un summario sur le modificationes recente in le software, in anglese ma sin jargon technic.
Rediger e discuter in MediaWiki
Si tu non ha usate MediaWiki antea:
- Registra tu conto de usator sur mediawiki.org.
- Apprende a modificar paginas wiki con VisualEditor o per modificar directemente le wikitexto.
- Sia libere de modificar tu pagina de usator public. Introduce te. Tu pote usar le patrono User Info. Apprende plus legente le instructiones de Wikipedia.
- Consulta Adjuta:Navigation.
- Tu pote discuter le contento de cata pagina in su pagina de discussion associate. Tu pote communicar con usatores per inserer un message public in lor paginas de discussion. Lege plus in Help:Talk pages.