非金属元素

非金属元素是元素个一大类，拉所有个118种化学元素中，非金属占了21种。拉周期表中，除氢以外，其它非金属元素侪排拉表个右侧搭上侧。包括氢、硼、碳、氮、氧、氟、硅、磷、硫、氯、砷、硒、溴、碲、碘、氦、氖、氩、氪、氙、氡。大部分非金属属于p区。氢搭氦则是s区元素。

非金属拉室温下头可以是气体或固体（除了溴，惟一一个液体非金属元素）。非金属元素拉固体辰光并没闪亮个表面，但是弗同个元素会有弗同个颜色。