國際空間站

國際空間站臂章

國際空間站（英语：International Space Station，縮寫是ISS；俄語：Междунаро́дная косми́ческая ста́нция，縮寫是МКС）是一個勒近地軌道浪運行個科研設施，是人類歷史浪第九個載人個空間站，因為大氣阻力搭重新啟動等因素個影響，國際空間站軌道個實際高度經常會漂移。空間站個主要功能是作為勒微重力環境下頭個研究實驗室，研究領域包括生物學、物理學、天文學、地理學、氣象學等，目前由6個國家或者地區合作運轉，包括美国国家航空航天局、俄罗斯航天国家集团、日本宇宙航空研究開发機構、加拿大太空局、巴西航天局搭歐洲空間局（成員國英國、愛爾蘭、葡萄牙、奥地利搭芬蘭朆參加國際空間站計劃，希臘搭盧森堡是勒計劃開始之後加入歐洲空間局個）。中國曾經表達過參與國際空間站建設個意向，必過美国出于政治因素反对，最終畀排斥勒外頭。到現在為止，已經有來自交關多國家個航天員登上國際空間站執行任務，但必過儕是美國或者俄羅斯主導個航天計劃，其中還包括7個太空遊客。

2022年1月份，美国国家航空航天局宣佈計劃来勒2031年1月份让國際空間站退役，拿伊引导到南太平洋个偏遠地區。

2022年7月26号，俄罗斯方面表示会得来勒2024年以後退出国际空间站。