San Antonio, Northern Samar
| Sensus han Populasyon San Antonio, Northern Samar | |||
|---|---|---|---|
| Sensus | Populasyon | +/- | |
| 1990 | 7,164 | ||
| 1995 | 7,984 | 2.2% | |
| 2000 | 7,915 | -0.19% | |
| 2007 | 8,151 | 0.41% | |
| 2010 | 8,877 | 1.18% | |
An San Antonio usa nga ikalima nga klase nga bungto sa probinsya san Northern Samar sa Sinirangan nga Kabisay-an nga rehiyon sa Kabisay-an sa Pilipinas. Usa ini nga isla-nga-bungto. An ngaran san isla Dalupiri pero kay tungod san bungto, an isla tinatawag gihapon nga San Antonio. Winaray ngan Sinugboanon an lumad nga yinaknan san San Antonio. Sumala san 2000 census, mayda ini populasyon nga 7,915 ka tawo sa 1,667 nga panimalay.
Kasaysayan
[igliwat | Igliwat an wikitext]Gintukod an San Antonio sa tuig 1904. Tikang sa pagtikang, mayda mga istorya nga an lugar nakatulo ka beses nga ginngaranan ugsa ini tawagon nga called San Antonio.
An San Antonio kilalado nga asilo o sanctuary sin mga kaisdaan ug katamsihan, amo nga mga umurukoy tikang sa isla san Samar sa pagtikang san ika-19 nga siglo nasabtan nira nga an lugar maupay panagatan ug pamiling sin tamsi. Nakada la sira san isla agod mangisda ug mamiling sin katamsihan ngan katapos sa ira panagat ug panakop sin tamsi, nangunguli ngadto sa Samar. Mga tawo tikang sa Bohol ngan Sugbo kinmada sini nga isla sa ika-duha nga katunga san ika-19 na sigloc ug nagtikang sira sin usa nga paagi nga panagat nga nagamit sin usa nga klase nga pukot nga tinatawag "laya". Tungod sini, ginngaranan an lugar nga "Manoglaya", nga buot sidngon "mano nga paraglaya" o mga mananagat nga tiggamit hin laya.
Han nagtikadamo na sin mga bag-o nga mga umurukoy sa isla ngan nagtikang hin mga baranggay ug mga urukyan dida san isla, ginbalhin nira an ngaran ngadto sa "Sugod-sugod", nga sa Sinugboanon nangangahulogan nga nagtitikang pa la. Pagtika-iha, an ngaran ginbalhin ngadto sa "Matabia", tungod san baga-sin-kutsilyo-an-kahimo san isla. Waray yana mag-aram kon kay-ano nasugad ini, ug waray gihapon mga iruistorya o mga impormasyon tikang sa kasaysayan nga nagpapakita san rason kon kay-ano ginbalhin an ngaran o bisan man kon unan-o nira ginliwan an ngaran. Tungod kay waray nira iba nga rason nga magpili sin ngaran nga iba, ginbalhin an ngaran ngadto san San Antonio ngan an santo patron san bungto nga si San Antonio de Padua.
Mga Baranggay
[igliwat | Igliwat an wikitext]An San Antonio mayda napulo (10) nga baranggay.
- Ward I (Pob.)
- Ward II (Pob.)
- Ward III (Pob.)
- Burabod
- Dalupirit
- Manraya
- Pilar
- Rizal
- San Nicolas
- Vinisitahan
Pangiskwelahan
[igliwat | Igliwat an wikitext]An San Antonio in may nuybe nga pampubliko na eskwelahan pan-elementarya:
Ngan may-ada ini uusa na pampubliko na eskwelahan pansekundarya - an San Antonio Agricultural & Vocational School.
Mga Sumpay sa Gawas
[igliwat | Igliwat an wikitext]- Philippine Standard Geographic Code Ginhipos 2012-04-13 han Wayback Machine
- 2000 Philippine Census Information Ginhipos 2005-09-23 han Wayback Machine
| |
| Mga Bungto san Northern Samar | |
| Allen · Biri · Bobon · Capul · Catarman · Catubig · Gamay · Laoang · Lapinig · Las Navas · Lavezares · Lope de Vega · Mapanas · Mondragon · Palapag · Pambujan · Rosario · San Antonio · San Isidro · San Jose · San Roque · San Vicente · Silvino Lobos · Victoria | |