Nicolás de Jesús López Rodríguez

Nicolás de Jesús López Rodríguez
Mga Estilo ni; Nicolás de Jesús López Rodríguez
Kasarigan nga Estilo	Iya Eminensya
Estilo ha pagyakan	Imo Eminensya
Diri-pormal nga estilo	Kardinal

Nicolás de Jesús López Rodríguez
Iya Eminensya; Nicolás de Jesús López Rodríguez
	Kardinal-Arsobispo han Santo Domingo
Arkidiosesis	Arkidiosesis han Santo Domingo
Lalawigan	Santo Domingo
Ginbutang ha puwesto	15 Nobyembre 1981
Nag-una	Octavio Antonio Beras Rojas
Iba nga mga puwesto	Kardinal-Presbitero han S. Pio X alla Balduina; Ordinaryo han Obispado Castrense han Republika Dominicana;
Mga Orden
Gin-ordinar	18 Marso 1961 ; ni Francisco Panal Ramírez
Ginkonsagrar	25 Pebrero 1978 ; ni Octavio Antonio Beras Rojas
Ginhimo nga kardinal	28 Hunyo 1991 ; ni Juan Pablo II
Ranggo	Kardinal-Presbitero
Personal nga mga detalye
Ngaran ha pagkatawo	Nicolás de Jesús López Rodríguez
Natawo	31 Oktubre 1936 (edad 88) ; Barranca, La Vega, Republika Dominicana
Denominasyon	Katoliko Romano
Puwesto han una	Obispo han San Francisco de Macorís (1978–1981)
Motto	fortes in fide
Tigaman

Ha hini nga Espanyol nga ngaran; López an syahan o kanan-amay nga apelyido ngan Rodríguez an ikaduha o kanan-iroy nga apelyido.

An Iya Reverendo nga Eminensya nga Kardinal Nicolás de Jesús López Rodríguez (natawo 31 Oktubre 1936 ha Barranca, Republika Dominicana) amo an yanâ nga arsobispo han Santo Domingo, Republika Dominicana, ngan usa nga kardinal han Singbahan Katolika Romana.

Pag-ordenar

Gin-ordenar hiya han 18 Marso 1961 ni Francisco Panal Ramírez OFM, obispo han La Vega. Nag-alagad hiya nga Vicar cooperator han katedral han La Vega, 1961–1963. Nag-aram pa hiya hin dugang ha Roma, 1963–1965. Nag-alagad hiya komo Kansilyer ngan maghirilom han curia han diosesis han La Vega, 1966–1968. Bimalik hiya ha Roma para hin dugang pa nga pag-aram, 1968–1969. Ha diosesis han La Vega, 1969–1978, hiya an asesor han diosesis para han pastoral han kabataan ngan pastor han katedral, 1969–1970. Vicaryo para han pastoral nga pro-vicario heneral, 1970–1976. Vicario heneral, 1976–1978.

Han 1965 nakatapos hiya hin licentiate hin siyensya sosyal tikang han Pontifisyo nga Unibersidad ni Santo Tomás han Aquino, Angelicum.^[1]

Dugang han iya tuminongnong nga Inespanyol, nakayakan hiya hin Initalyano, Iningles, Inaleman, Pinortuges, ngan Linatin.

Pagka-obispo

Ginhimo hiya nga obispo han San Francisco de Macorís han 16 Enero 1978 ni Papa Pablo VI ngan ginkonsagrar hiya dida han 25 Pebrero 1978, ni Cardinal Octavio Antonio Beras Rojas, arsobipo han Santo Domingo, nga ginbuligan nira Juan Antonio Flores Santana, obispo han La Vega, ngan Jesús María De Jesús Moya, kabulig (auxilio) han Santiago de los Caballeros. Nag-alagad hiya nga rector han Unibersidad han San Francisco de Macorís tikang 1979 kutub 1984. Ginpasaka hiya ngadto han metropolitano ngan primado nga sede han Santo Domingo han 15 Nobyembre 1981. Napili hiya nga mangulo han Komperensya han Episcopado Dominicano dida han Hulyo 1984 ngan nag-alagad hiya nga Mangulo han Konseho Episcopal Latinoamerica tikang 25 Abril 1991 tubtub 1994. Ginhimo hiya ngan ginproklamar nga Kardinal-Presbitero han San Pio X alla Balduina dida han konsistoryo han 28 Hunyo 1991.

Inmapi hiya komo kardinal-elektor dida han 2005 nga konklave papal ngan 2013 nga konklave papal.

Nakapot hiya han titulo nga "Primado han mga America," tungod kay an diosesis han Santo Domingo amo an syahan nga gintukod ha Bag-o nga Kalibutan.

Mga panlantaw

Hi López Rodríguez nag-organisa hin kirigta hin mga obispo nga Latinoamerikano nga ginbuhat ha Santo Domingo han 1992, nga diin ginpakita han iya mga tradisyonal nga mga panlantaw, nga ginsiring nga "temporalista ngan pyramidal" han beterano nga Vaticano nga magkirita nga hi Giancarlo Zizola. Mayda hiya integralista nga mga pag-ugop; nag-insistir hiya nga an parlamento ha Republika Dominicana mag-aproba hin balaod nga magtukod han Katoliko nga fiesta han Anunsyasyon, 25 Marso, komo nasodnon nga adlaw hin pagsaurog.^[2]

Kontrobersya

An pagbutang hin bayot nga embahador han Estados Unidos

Han 27 Hunyo 2013, gin-interview hiya katapos hin pagpanalangin hin usa nga opisina han gobyerno dida han pagbalik hin pag-abre hini, mayda peryodista nga nagpakiana ha iya mahiunong han pagpili ni Barack Obama kan James "Wally" Brewster, nga gawas nga bayot, komo embahador han Estados Unidos ngadto han Republika Dominicana, nagpakita hi López Rodríguez han iya pagtipa hin pagpili hin bayot o homosexual nga embahador, ngan siring niya nga an ginbibiling amo an pag-ugop han pag-aproba hin pag-asawa hin magpareho-nga-sexo ha Republika Dominicana. Mga diri la maiha mayda lain nga peryodista nagpakiana ha iya mahiunong hin pagkadilito ha diplomatico ngan komersyo han Haiti ngan Republika Dominicana nga nahinabo katapos han pagsiring han kagamhanan han Haiti nga mayda bird flu ha Republika Dominicana ngan ira gin-diri an pag-import hin Dominicana nga karne hin manok ngan bunay. Nakatawa hi Kardinal López Rodríguez ngan nagsiring: "Katapos mag-istorya mahiunong hin mga vayot ngan lesbyano, yana mag-iistorya kita mahiunong hin mga manok".^[3]^[4]^[5]^[6] Ha Republika Dominicana, an mga bayot agsob nga gintatawag ha pag-insulto nga mga "tamsi."^[7]

Mga kasarigan

↑ http://rsta.pucmm.edu.do/biblioteca/cardenal/primer.htm Ginhipos 2013-09-25 han Wayback Machine Ginkúhà Septyembre 18, 2013
↑ Who Will Be the Next Pope?
↑ Polanco, Wendy (27 Hunyo 2013). "Video: El Cardenal López Rodríguez le entra a los americanos y a los haitianos al mismo tiempo" (ha Kinatsila). Hola Políticia. Ginhipos tikang han orihinal han 2013-07-01. Ginkuhà 4 Hulyo 2013.CS1 maint: unrecognized language (link)
↑ José Tomás Paulino (1 Hulyo 2013). "El púdico grito de las sotanas". El Acento (ha Kinatsila). Santo Domingo. Ginkuhà 4 Hulyo 2013.CS1 maint: unrecognized language (link)
↑ "Cardenal López Rodríguez también rechaza la designación de embajador gay para RD". La Razón (ha Kinatsila). Santo Domingo. El Caribe. 27 Hunyo 2013. Ginkuhà 4 Hulyo 2013.CS1 maint: unrecognized language (link)^{[dead link]}
↑ Zapata, Rosanny (27 Hunyo 2013). "Cardenal rechaza presencia embajador Gay y truena contra gobierno Haitiano" (ha Spanish). Santo Domingo. Noticias Telemicro. Ginhipos tikang han orihinal han 2013-07-06. Ginkuhà 4 Hulyo 2013.
↑ Pérez, Sara (3 Hulyo 2013). "Los maricones del cardenal López Rodríguez". El Acento (ha Kinatsila). Santo Domingo. Ginhipos tikang han orihinal han 2013-09-21. Ginkuhà 4 Hulyo 2013.CS1 maint: unrecognized language (link)

[1] ttp://rsta.pucmm.edu.do/biblioteca/cardenal/primer.htm Ginhipos 2013-09-25 han Wayback Machine Ginkúhà Septyembre 18, 2013

[2] Who Will Be the Next Pope?

[3] Polanco, Wendy (27 Hunyo 2013). "Video: El Cardenal López Rodríguez le entra a los americanos y a los haitianos al mismo tiempo" (ha Kinatsila). Hola Políticia. Ginhipos tikang han orihinal han 2013-07-01. Ginkuhà 4 Hulyo 2013.CS1 maint: unrecognized language (link)

[4] José Tomás Paulino (1 Hulyo 2013). "El púdico grito de las sotanas". El Acento (ha Kinatsila). Santo Domingo. Ginkuhà 4 Hulyo 2013.CS1 maint: unrecognized language (link)

[5] "Cardenal López Rodríguez también rechaza la designación de embajador gay para RD". La Razón (ha Kinatsila). Santo Domingo. El Caribe. 27 Hunyo 2013. Ginkuhà 4 Hulyo 2013.CS1 maint: unrecognized language (link)^{[dead link]}

[6] Zapata, Rosanny (27 Hunyo 2013). "Cardenal rechaza presencia embajador Gay y truena contra gobierno Haitiano" (ha Spanish). Santo Domingo. Noticias Telemicro. Ginhipos tikang han orihinal han 2013-07-06. Ginkuhà 4 Hulyo 2013.

[7] Pérez, Sara (3 Hulyo 2013). "Los maricones del cardenal López Rodríguez". El Acento (ha Kinatsila). Santo Domingo. Ginhipos tikang han orihinal han 2013-09-21. Ginkuhà 4 Hulyo 2013.CS1 maint: unrecognized language (link)

[1]

[2]

[3]

[4]

[5]

[6]

[7]

Persondata
Ngaran	Lopez Rodriguez, Nicolas
Mga alternatibo nga ngaran
Halipot nga pamahayag	Katoliko nga kardinal
Pitsa han pagkatawo	31 Oktubre 1936
Lugar han pagkatawo	Barranca, Republika Dominicana
Pitsa han pagkamatay
Lugar han pagkamatay