Elis Regina

Elis Regina
Elis Regina
Ngaran ha pagkatawo	Elis Regina Carvalho Costa
Kilalado gihapon nga	Pimentinha, Furacão
Natawo	Marso 17, 1945; Porto Alegre, Brazil
Namatay	Enero 19, 1982 (edad 36); São Paulo, Brasil
Mga genre	MPB, samba, pop, rock, jazz, bossa nova
Mga buhaton	Magkaranta
Mga tuig nga aktibo	1961–1982

Hi Elis Regina Carvalho Costa (Marso 17, 1945 – Enero 19, 1982) usa han mga pinakapopular nga mga magkaranta nga babaye ha Brasil ha dekada han mga 1960 ngan '70.

Biyograpiya

Hi Elis Regina natawo ha Porto Alegre, nga diin hiya nagtikang han iya karera han edad nga 11 hin pasundayag ha radyo hin mga kabataan, Rádio Farroupilha. Han 1959, nagkontrata hiya ngan han Rádio Gaúcha ngan ha sunod nga tuig, nagbiyahe hiya ha Rio de Janeiro nga diin hiya nag-rekord han iya syahan nga LP, Viva a Brotolândia.

Nagdaog hiya han iya syahan nga kontest hin panganta nga festival han 1965 nga diin nagkanta hiya han "Arrastão" -"An Pukot nga pan-trawling"-ni Edu Lobo ngan Vinícius de Moraes. An iya ikaduha nga LP upod kan Jair Rodrigues, Dois na Bossa, nakahimo hin national sales record.

Han urhe nga bahin han mga '60 ngan syahan nga bahin han mga '70, hi Regina nagbulig nga mahimo nga popular an musika han tropicalia nga movimiento, pinaagi han iya pag-rekord hin mga kanta han mga musikero sugad kan Gilberto Gil. An iya kolaborasyon han 1974 upod kan Antonio Carlos Jobim, Elis & Tom, ginsisiring ha panalagsa nga usa han pinakamaupay nga bossa nova album ha ngatanan. Nagrekord gihapon hiya hin mga kanta ni Milton Nascimento, João Bosco, Aldir Blanc, Chico Buarque, Jorge Ben ngan Caetano Veloso. Mayda niya maupay nga tingog ngan maupay nga pag-intonar, ngan maupay hiya hin maglaksi-nga-tempo nga mga musika. An iya agnay "furacão" ("an huracán" o "an bagyo"), ngan "pimentinha" ("gamay nga harang").

Gintipa niya hin panalagsa an Brasilenyo nga dictatorya nga nag persegir ngan nag-exilio hin damo nga mga musikero han iya henerasyon. Hin usa nga interview dida han 1969, naghatag hiya hin opinyon nga an Brasil ginpamalakad hin mga "gorilla". An iya kasikat amo an rason nga waray hiya presoha, pero ha urhe napiritan hiya han mga namumuno nga kumanta han nasodnon nga kanta han Brasil hin usa nga pasundayag hin stadium, nga diin ginkangalsan hiya hin damo nga mga kanan-Wala nga mga Brasilenyo.

Hi Elis Regina namatay tungod hin inter-aksyon hin droga dida han 1982, ha edad nga 36. Nakarekord na hiya hin damo nga mga sikat ngan masurong-igpalit nga mga rekord dida han iya karera. Ginlubong hiya ha Cemitério do Morumbi ha São Paulo.

Pamilya

Nakaduha mag-asawa hi Elis ngan nag-anak hin tulo nga mga anak. An iya syahan nga pangasawa ngadto kan Ronaldo Bôscoli han 1967. Nag-anak hira hin lalake nga anak nga hi João Marcelo Bôscoli, han 1970.

Ha urhe, nag-asawa hiya han maiha nga kolaborador nga hi César Camargo Mariano, ngan hira nagkamay-ad hin duha nga mga anak: hi Pedro Camargo Mariano han 1975, ngan hi Maria Rita han 1977. An tulo nga mga anak ni Elis Regina puros nagin mga musikero ha urhe.

Diskograpiya

Viva A Brotolândia (syahan nga album nga ginrekord han 1961 ha edad nga 16)
Poema (1962)
Ellis Regina(1963) (nahalista hin duha nga l)
Dois na Bossa (1965)
O Fino do Fino - Elis & Zimbo Trio (1965)
Samba, Eu Canto Assim! (1965)
Dois na Bossa nº2 (1966)
Elis (1966)
Dois na Bossa nº3 (1967)
Elis (1968)
Elis (1969)
Elis Regina in London (1969)
Elis Regina & Toots Thielemans (1969)
Em Pleno Verão (1970)
Ela (1971)
Elis (1972)
Elis (1973)
Elis (1974)
Elis & Tom (1974)
Falso Brilhante (1976)
Elis (1977)
Transversal do Tempo (1978) (live)
Essa Mulher (1979)
Saudades do Brasil (1980)
Elis (1980)

Mga Ginpagawas Katapos han Kamatay

Trem Azul (1982) (live)
Vento de Maio (1983) (tinirok)
Luz das Estrelas (1984)
Elis Regina no Fino da Bossa (1994) (live)
Elis ao Vivo (1995) (live)
20 Anos de Saudade (2002) (tinirok)
Little Pepper: The Definitive Collection (2004) (tinirok)

Mga Sumpay ha Gawas

Biyograpiya ni Elis Regina (ha Pinortuges) Ginhipos 2008-06-03 han Wayback Machine