Minton

Li minton (on dit eto, po ls efants : babinete), c' est on bôrlet d' pea metou dizo l' divant do babetch, sotnou pal ponte di ci oxhea la. Topograficmint, li minton va di djusse dizo li lepe dizotrinne, disk' al garguete.

Poyaedjes do minton

Li minton a des poyaedjes pus longs ki sol restant do vizaedje, k' on pout leyî po fé crexhe ene båbe, ou on ptit bok.

Fômes do minton

Li minton pout esse findou å mitan.

• 
• 

On-z atrape on "dobe minton" ou "ganache", cwand on-z est trop crås. Ou, medicålmint, cwand on prind del coirtizône.

• 
• 

Sinifiance di sacwantès djesses avou l' minton

Rilever s' minton pout voleur mostrer k' on s' croet pus foirt, pus malén ki ls ôtes. Dis la, li ratourneure : rilever s' minton come on pourcea ki passe l' aiwe.

Tini s' minton avou ses doets, ou l' aspoyî so s' pougn pout mostrer k' on est tuzant.

• 
• 

On-z apice li minton d' on ptit efant, tot djhant ci rime-rame ci :

Dji vs apice pal babinete; li ci ki rirè li prumî årè ene tchofete.