Guido Gezelle

Posteure da Guido Gezelle a Brudje

Guido Gezelle, c' est on rlomé scrijheu flamind k' a skepyî e 1830 a Brudje, et mori e 1899.

Di s' mestî, il esteut curé. C' est kécfeye po çoula k' onk di ses frés d' mestî, Georges Meurisse a redjårbé di ses bokets e walon.

Ouve di belès-letes

A cmincî a scrire diviè 1880. I scrijheut e flamind, k' esteut rwaitî come on patwès di ç' tins la. Mins ses scrijhaedjes fourît rmetous pus tård e neyerlandès.

N a bråmint d' miråcolêye dins ses scrijhaedjes.

Si pôzucion dins l' linwe-ehåyaedje do neyerlandès

Il åreut bén volou ehåyî on rfondou flamind diferin do neyerlandès, ca i veyeut evi les protestants. I rcrindeut kel lingaedje, ki sereut bråmint ehåyî ezès Bas-Payis, freut candjî les idêyes des ptitès djins del Flande.

Onk di ses bokets

L' efant ni magnive ki foirci,
cwè k' on lyi sierveut, pwin ou laecea,
i magnive u beveut s' prôpe moirt.
Li moirt, c' est s' soçone po djouwer;
Ele lyi arindje si linwe;
Ele lyi scrît: «vinoz»
Tos les djoû, ele wangne ene miete dipus
So s' cour.
Elle a lontins ratindou.
Il a lontins ratindou.
Elle a-st arivé e l' plaece
Wice ki, dispu lontins, i cachive après
I l' a trové la.
Cwand elle a-st intré,
I s' a metou a l' shuve
Come on ptit tchén.
Ele montéve, et lu gripéve padrî.
Ele s' a coûtchî; lu tot parey.
Ele ridjipéve; i riyeut-st avou leye.

Hårdêye difoûtrinne

• Redjårbaedje e walon d' èn ôte di ses bokets (pa Georges Meurisse)