Vobanefapalet Deutänik Netasogädimik
| Vobanefapalet Deutänik Netasogädimik
Nationalsozialistische Deutsche Arbeiterpartei (NSDAP)
| |
|
Sümbolamäk ela ,NSDAP': kvil ko hukakrod
| |
Palet bolitik in Deutän
| |
|---|---|
| Dölav | netasogädim |
| Dugan | Adolf Hitler |
| Fünam | 1920 febul 24id |
| Likit | 1945 tobul 10id |
| Pebefoöl fa | Vobanefapalet Deutänik |
| Limanef | 8,5 balion (1945)[1] |
| Yunanefaklubäd | Hitlerjugend, Bund Deutscher Mädel |
| Paletaköls | braunik |
| Letopät | München |
Vobanefapalet Deutänik Netasogädimik (Deutänapüko: Nationalsozialistische Deutsche Arbeiterpartei, NSDAP) äbinon palet bolitik in Deutän timü Repüblik di ,Weimar’.
Jenotem
[redakön • redakön fonäti]Päfünon ün yel 1919 as „Vobanefapalet Deutänik” (Deutsche Arbeiterpartei, DAP), kel pävotanemükon ini ,NSDAP’ ün 1920. Program e binätem onik pästabons su netätim lemuik, lölim yudanitaik e refudavöd demokrata e kobädima. El ,NSDAP’ pädajäfükon seväriko stabü lecifaprinsip. Presidan e dugan paleta ävedom ün yel 1921 reigänalebüral latikum: hiel ,Adolf Hitler’. Dü yels 1933–1945 Deutän äbinon diktor, in kel el ,NSDAP’ äbinon balik palet pedälöl. Reigatimi ela ,NSDAP’ äkaladons jeikareig, kontrol lemuik love pöp, yudanipojüt, dadeidam yudanas e dunots jonidik ad yokön länis votik in Yurop.
Pos Volakrig telid ün 1945, dü cödäds di ,Nürnberg’, el ,NSDAP’ päpatöfon fa tats pefedüköl as noganükam krimik, päsäfönon e päproibon. Sis fün Fedarepüblik Deutäna ün 1949 föd u slopükam seimik medü vodems, vöds, mäks e sümbols votik paproibons us.
Posöds lelogädik
[redakön • redakön fonäti]Bevü posöds lelogädik in el ,NSDAP’ äbinoms, flanü el ,Hitler’: hiel ,Rudolf Hess’ (vipresidan ela ,NSDAP’), hiel ,Joseph Goebbels’ (ministeran propagida), hiel ,Hermann Göring’ (balidal Prusäna e lebüdan lutamilita), hiel ,Alfred Rosenberg’ (cifafilosopan paleta e ministeran lofüdikas ziläkas pakoupöl, hiel ,Heinrich Himmler’ (lebüdan poldanefa ed ela ,SS’, poso ministeran dinas nilänik), hiel ,Ernst Röhm’ (lebüdan ela ,SA’), hiel ,Martin Bormann’ (cif lebüra ela ,NSDAP’) e hiel ,Joachim von Ribbentrop’ (ministeran dinas foginänik).
Davälaseks
[redakön • redakön fonäti]
 |
Magods
[redakön • redakön fonäti]-
Davälaplakat ela ,NSDAP’. -
Zänabür ela ,NSDAP’ in ,München’: „Dom brunik”. -
Kobanef limanas ela ,NSDAP’ ün 1922. -
Lasam ela ,NSDAP’.
Noets
[redakön • redakön fonäti]- ↑ McNab, Chris (2011). Hitler's Masterplan: The Essential Facts and Figures for Hitler's Third Reich. Amber Books Ltd. ISBN 978-1907446962. P. 22-23.
- ↑ A New Illustrated History of the Nazis. 2005. p. 46