Temnikov

Temnikov
Темников (ven.)
Чополт ош (erz.)
Темникав (mokš.)
	Lidnanznam;
Valdkund	Venäma
Eläjiden lugu (2021)	6,451 ristitud
Pind	19,46 km²
Pämez'	Dmitrii Igonov; (tal'vku 2023—,; reduku 2022 — kezaku 2023)
Telefonkod	+7−83 445-xx-xxx
Avtokod	13, 113
Aigvö	UTC+3 (MSK+0)

Temnikov (ven.: Те́мников, erz.: Чополт ош, mokš.: Темникав, tot.: Төмән) om Venäman lidn Mordovijan Tazovaldkundan lodehes. Se om Temnikovan rajonan lidnankund da administrativine keskuz.

Istorii

Tazovaldkundan kaikiš amuižemb olii lidn, mainitase ezmäižen kerdan 12. voz'sadal. Vl 1536 eländpunktan aluz om pandud udhe sijha, Mokšan vastrandan kümnes kilometrad ülezjogen, Jelena Glinskajan käskön mödhe. Šingotihe porcellanastjoiden koumel fabrikal 19. voz'sadal. Nevondkundaližen aigan nened edheotandad radoiba: špaleroiden da bumagan «Krasnaja roza»-fabrik, peniden lampoiden tegim, meckombinat, linkapken tegim.

Geografijan andmused

Lidn seižub Mokš-jogen oiktal randal (Okanjogen oigedpol'ne bassein), 120 m ü.m.t. keskmäižel korktusel. Mordovijan londuseline kel'dtaho zavodiše kümnes kilometras pohjoižhe lidnaspäi.

Matkad Saranskhasai om 158 km suvipäivnouzmha avtotedme. Lähembaine lidn da raudtestancii om sauptud administrativiž-territorialižes Sarov-ühtnikas 35 km pohjoižhe orhal vai 46 km avtotedme.

Tobmuz

Temnikov om lidnankundan üks'jäižeks eländpunktaks.

Lidnankundan tobmuden pämez' om sen Administracijan pamez'. Edeline Administracijan pämez' om Viktor Tarakin (heinku 2017 — reduku 2022). Lidnankundan Deputatoiden nevondkundan ezimez' om Ol'ga Hozina vn 2012 vilukuspäi.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 7 243 ristitud, rajonan ristitišton nell' ühesandest, vn 2021 — 6 451 ristitud. Kaik 6 291 eläjad oli lidnas vl 2017. Kaikiš suremb lidnan ristitišt oli enamba ühesad tuhad eläjid vll 1989−2001 (9 600 rist. vozil 1996−1998).

Rahvahad (2002): venälaižed — 61,1 %, mordvinalaižed — 33,7 %, totarlaižed — 3,3 %, toižed rahvahad — 1,9 %.

Rahvahad (2021): venälaižed — 51,82 %, mordvinalaižed — 43,05 %, totarlaižed — 3,67 %, toižed rahvahad — 1,46 %.

Ortodoksižen hristanuskondan kaks' jumalanpertid^[1] oma kaičenus i saudud lidnas: Jumalanmaman Emäganpäivän (om letud vl 1827) i puine Kaikiden Pühämehiden (om saudud vll 2016−2017). Niiden ližaks kaks' päjumalanpertid i kuz' jumalanpertid, sidä kesken naižjumalankodin, ei ole kaičenus.

Lapsiden opendusen aluzkundad oma severz'-se päivkodid, kaks' keskškolad (nomer 1 i A.I. Semikovan nimed), čomamahtoiden škol, lapsiden da norišton sportškol. Temnikovan maižanduzkolledž^[2] i medicinine kolledž^[3] oma lidnan professionaližen opendusen aluzkundoikš.

Galerei

Kodirandantedištandmuzei Ušakov-maršalan nimed (2012)
Jumalanmaman Emäganpäivän jumalanpert', vn 2015 nägu
Torgovanoiden laukoiden istorine sauvuz vl 2015
Kul'turan da joudan keskuz (2020)
Jumalanmaman Sündundan Sanaksaran mez'jumalankodi koumes kilometras lidnaspäi, vn 2010 nägu