Raičihinsk

Raičihinsk
Райчихинск
Lidnanznam;	Flag;
Valdkund	Venäma
Eläjiden lugu (2023)	15,860 ristitud
Pämez'	Jurii Kovalöv; (kül'mku 2022—)
Telefonkod	+7−41 647-xx-xxx
Avtokod	28
Aigvö	UTC+9 (MSK+6)

Lidnümbrikon sijaduz agjan kartal (2013)

Raičihinsk (ven.: Райчи́хинск) om Venäman lidn da lidnümbrik Amuran agjan suves.

Istorii

Eländpunktan aluz om pandud vl 1932 kuti Raičih-žilo (ven.: посёлок Райчи́ха) samha burad hil't, nimitihe jogen mödhe. Vspäi 1934 oli radnikžiloks. Raičih sai lidnan statusad vn 1944 semendkus, udesnimitihe siloi-žo.

Raičihinsk šingotase buran hilen samižen kar'jeroil tähäsai, niiden ližaks kaivuzmašiništon mehanine kohenduztegim radab. Ende oli kebntegimišt (mebel', kengiden i omblendfabrikad), sömtegimišt radoi (oludtegim, maidtegim).

Geografijan andmused

Lidn sijadase Raičih-jogen (Amuran hura ližajogi) randal, 200 m ü.m.t. keskmäižel korktusel.

Matkad Kitain valdkundröunhasai (Amur-jogi) om 50 km suvhe, Blagoveščenskhasai om 165 km lodeheze. Lähembaine lidn om Zavitinsk 40 km pohjoižhe avtotedme. Transsiban raudtesarak lopiše Raičih-stancijal lidnas vspäi 1934, stancii ei ole rados vspäi 2012.

Klimat om ven. Voden keskmäine lämuz om +0,5 C°, kezakun-elokun +17,6..+20,3 C°, tal'vkun-uhokun −17,6..−22,2 C°.

Tobmuz

Kaik koume žilod mülüdas lidnümbrikho Raičihinskan ližaks: Zel'vino (1410 rist. vn 2018 augus), Širokii (1225 rist. vl 2018), Ugol'noje (41 rist. vl 2018). Lidnümbrikon pind — 225,52 km².

Lidnümbrikon tobmuden pämez' om sen Administracijan pämez'. Edeline lidnan pämez' om Tat'jana Rodionova (sügüz'ku 2017 — kül'mku 2022). Lidnan Rahvahandeputatoiden nevondkundan ezimez' om Natal'ja Lebec vn 2013 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 20 534 ristitud, lidnümbrikon — 21 933 ristitud. Vl 2017 lidnan ristitišt oli 17 590 eläjad, lidnümbrikon — 20 271 eläjad. Vn 2021 rahvahanlugemižen mödhe lidnan ristitišt oli 15 797 eläjad. Kaikiš suremb lidnan ristitišt oli 27..28 tuhad eläjid vozil 1959−1967 i vll 1979−1998 (28 060 rist. vl 1979).

Ortodoksižen hristanuskondan Vladimiran Jumalanmaman jumalaižen pühäpert'^[1] (1998) om saudud i avaitud lidnas.

Lapsiden opendusen aluzkundad oma severz'-se päivkodid, keskškol (nomer 1), gimnazii (nomer 8), kaks' aluzškolad (nomer 3 i 22), lapsiden i norišton pert'kulu, čomamahtoiden škol, sportškol. Raičihinskan industrialine tehnikum^[2] da Amuran medicinižen kolledžan filial^[3] (Blagoveščensk) oma lidnan professionaližen opendusen aluzkundoikš.

Homaičendad

Irdkosketused

Lidnümbrikon tobmuden sait (ray.amurobl.ru) (angl.) i sen versii vn 2022 semendkuhusai (райчихинск-мо.рф). (ven.) (angl.) (saks.)

Raičihinsk Vikiaitas

	Amuran agjan lidnad
	Belogorsk \| Blagoveščensk \| Ciolkovskii \| Raičihinsk \| Skovorodino \| Svobodnii \| Šimanovsk \| Zavitinsk \| Zei \| Tind

[1] Raičihinskan pühäpertid sobory.ru-saital. (ven.)

[2] Raičihinskan industrialižen tehnikuman sait (rayrit.ru). (ven.)

[3] Amuran medicinižen kolledžan filial Raičihinskas amk-blg.ru-saital. (ven.)

[1]

[2]

[3]