Gurbakaz kit

Gurbakaz kit
Gurbakaz kit veden pindan al
Tedoklassifikacii
Valdkund: Živatad Tip: Sel'gjäntkeižed (Chordata) Klass: Imetaiživatad (Mammalia) Heimkund: Kitanšorpkabjaižed (Cetartiodactyla) Infraheimkund: Kitanvuiččed (Cetacea) Sugukund: Balaenopteridae Heim: Gurbakahad kitad (Megaptera Gray, 1846) Erik: Gurbakaz kit
Latinankel'ne nimi
Megaptera novaeangliae Borowski, 1781
Areal
kuivma      eländtahod
Sistematik Vikierikoiš Kuvad Vikiaitas ITIS 180530 NCBI 9773

Gurbakaz kit (latin.: Megaptera novaeangliae) om Kitanvuiččed-infraheimkundan meriživat. Megaptera-heimon üks'jäine eläb erik.

Leviganduz

Imetaiživat om levitadud kaikedme mail'madme päiči polärižiš veziš. Pidase randištonno i peneb mi toižed kitad, ka mecatihe händast paksumba. Mectuz om kel'tud vspäi 1966, i nügüd'aigan populäcijan lugumär udessündui.

Gurbakahad kitad tehtas sezonmigracijoid joga vodel, päiči erasiš-se emäčuiš i Arabijan meren joukus. Migracijan piduz sase kahesha tuhad kilometrhasai, om erigoittud joukuid Pohjoižes mapoliškos i Suvižes mapoliškos.

Ümbrikirjutand

Nimitihe kitad hänen sel'gsuugan tagut gurban forman polhe vai har'gnemižespäi käta sel'gad lujas ujundan aigan. Latinan Megaptera-nimi om anttud suriden rindazsuugiden mödhe, erikon novaeangliae-nimituz — sadud kitan Uden Anglijan regionas ezmäižen tedoližen ümbrikirjutandan tagut.

Živatan keskmäine piduz om 14,5 m ižačuil i 13,5 m emäčuil, mass — 48 tonnahasai, keskmäine om 30 tonnad. Ižačun i emäčun irdpol'ne nägu om ühtejitte päiči suruziš i suguorganoiden zonas.