Kontent qismiga oʻtish

Giannis Antetokounmpo

Vikipediya, ochiq ensiklopediya
Giannis Antetokounmpo
Shaxsiy maʼlumotlari
Jinsi erkak
Taxallusi/Laqabi The Greek Freak[1]
Fuqaroligi Yunoniston bayrogʻi Gretsiya , Afina
Tavallud sanasi 6-dekabr 1994-yil (1994-12-06) (30 yosh)
Yunoniston bayrogʻi Gretsiya , Afina
Boʻyi 211 sm[2]
Vazni 112 kg
Turmush oʻrtogʻi Maraya Riddlesprigger
Bolalari Leam Charles Antetokounmpo; Mayvreak Shay Antetokounmpo; Eva Bruck
Sport
Mamlakat AQSH bayrogʻi AQSh
Qaysi sport basketbol
Pozitsiyasi Forward
Klubi

2012-2013Yunoniston bayrogʻi Gretsiya Filathlitikos

2013-bugungi kungacha AQSH bayrogʻi AQSh Milwaukee Bucks

Giannis Antetokounmpo[3](yunoncha:Γιάννης Αντετοκούνμπο; 6-dekabr, 1994-yil; Afina, Gretsiya) – nigeriyalik kelib chiqishi boʻlgan Gretsiya basketbolchisi[4], NBA klubi „Milwaukee Bucks“ oʻyinchisi. U forvard pozitsiyasida oʻynaydi, ammo himoyada oʻynash qobiliyatiga ega boʻlib, himoyachi pozitsiyasida ham oʻynashi mumkin. Sportdagi laqabi – „Greek Freak“. 2013-yilgi draftda „Milwaukee Bucks“ jamoasi tomonidan umumiy 15-raqam bilan tanlangan. Milliy basketbol assotsiatsiyasining barcha yulduzlar oʻyinida yetti oʻyinlarida ishtirok etgan. 2016-2017-yilgi mavsumda NBA tarixidagi birinchi basketbolchi boʻlib, ballar, toʻplash, uzatish, ushlab qolish va blok-shotlar boʻyicha mavsumning eng yaxshi 20-oʻyinchisi qatoriga kirgan.

Uning akalari Tanasis va Kostas ham basketbolchilardir[5].

Professional Karyerasi

[tahrir | manbasini tahrirlash]

Filathlitikos (2012-2013)

[tahrir | manbasini tahrirlash]

2012-2013-yilgi mavsumda Gretsiya chempionatining ikkinchi ligasi vakili boʻlgan „Filathlitikos“ oʻsmirlar jamoasida oʻynashni boshlagan. 2012-yil dekabr oyida, oʻyinchi 18-yoshga toʻlganida, u Ispaniya ligasi jamoasi „Zaragoza“ bilan toʻrt yillik shartnoma imzoladi[6]. Shartnoma yiliga €250 000 baholangan, 2016-2017-yilgi mavsumda ixtiyoriy edi[7]. Shartnomaning maxsus moddasi NBA yoki Yevroligada ishtirok etayotgan jamoaning takliflari uchun moʻljallangan. 2012-2013-yilgi mavsumning qolgan qismini „Filathlitikos“da oʻtkazdi[8].

2012-2013-yilgi mavsumida „Filathlitikos“ da oʻrtacha 46,4% (ikki ochko masofasidan 62,1%, uch ochko masofasidan 31,3%, jarima chizigʻidan 72%) bilan maydonga 22,5-daqiqa oʻtkazgan[9]. Oʻrtacha 26 ta oʻyin ichida 9,5 ochko toʻplagan, 5 ta toʻplash, 1,4 ta natijaviy oʻtkazishlar, 0,7 ta ushlab qolish va 1 ta blok-shot oʻtkazgan. PIR ijro indeksi 8,3 ni tashkil etgan[10]. Trenerlar ovozi bilan 2013-yilgi Gretsiya chempionatining barcha yulduzlar oʻyinida ishtirok etish uchun tanlangan. „Filathlitikos“ yoshlar jamoasida oʻynashdan tashqari, asosiy tarkib uchun ham qatnashgan.

Milwaukee Bucks (2013-yildan bugungi kungacha)

[tahrir | manbasini tahrirlash]

2013-yil 28-aprelda 2013-yilgi NBA draftida ishtirok etishini rasman eʼlon qilingan, u birinchi raundda tanlanishi kerak edi[11]. 2013-yilgi draftda „Milwaukee Bucks“ jamoasi tomonidan umumiy 15-raqam bilan tanlangan. 2013-yil 30 iyulda „ Bucks“ bilan NBA yangi oyinchi uchun shartnoma imzoladi[12].

2014-yil 16-oktyabrda „Bucks“ yangi boshlanuvchilar uchun shartnoma variantidan foydalangan va uni 2015-2016 yilgi mavsumga uzaytirgan[13].

2016-yil 22-fevralda 21-yoshli Antetokounmpo NBAda oʻzining birinchi triple-double-ni 27-ball, 12 ta toʻplash va 10 ta oʻtkazib yuborish bilan „Lakers“ ga qarshi oʻyinda (108-101) amalga oshirgan. Keyingi uch hafta ichida yana uchta Triple-double qildi, 2015-2016-yilgi mavsumda Antetokounmpo hisobida jami beshta Triple-double boʻldi. Biroq, „Milwaukee“ 33-49 natija bilan Sharqiy konferensiyada faqat 12-oʻrinni egalladi va play-off ga chiqmadi.

Giannis 2016-yil dekabr oyida

2016-2017-yilgi mavsumda Antetokounmpo birinchi marta NBA barcha yulduzlar oʻyiniga tanlangan, shuningdek, u eng progressiv oʻyinchi deb tan olingan („Bucks“ ning tarixda birinchi boʻlgan) va ikkinchi barcha yulduzlar terma jamoasiga va ikkinchi himoya yulduzlari terma jamoasiga kiritilgan. 2017-yil mart oyida Sharqiy konferensiyaning eng yaxshi oʻyinchisi deb tan olingan. 42-40 natijasi bilan Milwaukee Bucks Sharqiy konferensiyada 6-oʻrinni egalladi. Biroq, play-off da „Milwaukee Bucks“ birinchi raundda olti oʻyinda „Toronto“ ga magʻlub boʻldi.

Giannis qilgan dank 2018-yil yanvar oyida „Washington“ga qarshi oʻyinda

2017-2018-yilgi mavsumda NBA tarixidagi birinchi oʻyinchi boʻlgan, uning statistik koʻrsatkichlari mavsumning beshta boshlangʻich oʻyinida 36,8-ball, 10,8 toʻplash va 5,3 natijaviy uzatishni tashkil etdi (35+10+5). 2017-2018-yilgi mavsumda ketma-ket ikkinchi marta NBA barcha yulduzlar oʻyini tanlangan, shuningdek, ikkinchi barcha yulduzlar terma jamoasiga kiritilgan. Antetokounmpo muntazam mavsumda 75-oʻyin oʻtkazgan, oʻrtacha 36,7 daqiqa oʻynagan, 26,9-ball toʻpladi va 10,0 toʻplash, 4,8 uzatish, 1,5 ushlab qolish, 1,4 blok-shot qilgan. Milwaukee chempionatni 44-38 hisobida Sharqiy konferensiyada 7-oʻrinni egallab yakunladi. Play-off ning birinchi raundida „Bucks“ yetti oʻyinda „Boston“ ga magʻlub boʻldi. Giannis play-off ning yetti oʻyinida oʻrtacha 25,7-ball toʻplagan va 9,6 ta toʻplash, 6,3 ta uzatish va 1,4 ta blok-shot qilgan.

2018-yil 24-oktyabrda „Philadelphia“ ga qarshi oʻyinda (123-108) 23-yoshli basketbolchi 32-ball, 18 ta toʻplash va 10 ta oʻtkazishni amalga oshirdi. 4-noyabrda „Sacramento Kings“ ga qarshi oʻyinda (144-109) 26-ball, 15 ta toʻplash va 11 ta oʻtkazish bilan mavsumda ikkinchi Triple-double oʻynadi. 201- yil oktyabr-noyabr oylari uchun Sharqiy konferensiya oʻyinning eng yaxshi oʻyinchisi deb tan olingan. Antetokounmpo „Bucks“ tarixida bir necha marta oyinning eng yaxshi oʻyinchisi deb tan olingan birinchi oʻyinchi boʻlgan. 2018-yil 29 dekabrda „Brooklyn Nets“ ga qarshi oʻyinda (129-115) 31-ball, 10 ta toʻplash va 10 ta oʻtkazish bilan mavsumda uchinchi Triple-double oʻynagan. 5-yanvarda „Toronto“ ga qarshi oʻyinda (116-123) 43-ball toʻplagan va 18 ta toʻp kiritgan. 2019-yil 16-yanvarda „Miami Heat“ ga qarshi oʻyinda (124-86) atigi 25 daqiqa oʻtkazgan holda uch marta double (12-ball, 10 ta toʻplash va 10 ta uzatish) qildi. 5-noyabrda „Minnesota Timberwolves“ ga qarshi oʻyinda (102-115) maydonchada 34 daqiqa oʻtkazgan, buning uchun oʻz karyerasida 26-ball, 14 ta toʻplash va 11 ta natijaviy oʻtkazishdan iborat Triple-double ni amalga oshirishga muvaffaq boʻldi va oʻz jamoasiga gʻalaba qozonishga yordam bergan.

2023-yil 19-noyabrda „Dallas Mavericks“ ga qarshi oʻyinda Antetokounmpo NBA tarixidagi eng yosh basketbolchi boʻlib, karyerasida 16 000 dan ortiq ball, 7 000 ta toʻplash va 3 000 ta oʻtkazish toʻplagan[14].

2023-yil 13-dekabrda „Indiana Pacers“ ga qarshi oʻyinda Antetokounmpo 64-ball toʻplagan holda shaxsiy natija rekordini va „Milwaukee Bucks“ rekordini yangilagan[15].

Milliy terma jamoadagi karyerasi

[tahrir | manbasini tahrirlash]

Antetokounmpo turli yoshdagi Gretsiya terma jamoasida qatnashgan. 2013-yilgi oʻsmirlar oʻrtasidagi Yevropa chempionatida oʻynagan. Gretsiya terma jamoasi beshinchi oʻrinni egallagan (8 gʻalaba va 2 magʻlubiyat). Giannis 10 -'yinda 8,0-ball toʻplagan va 7,6 ta toʻplash va 2,2 ta uzatish qilgan. Himoyada toʻplash boʻyicha musobaqada ikkinchi oʻrinni egallagan(7,0).

2014-yilda Ispaniya jahon chempionatida Gretsiya kattalar terma jamoasi uchun debyut qildi. Gretsiya guruhdagi barcha beshta oʻyinda gʻalaba qozonishdi, ammo 1/8 finalda Serbiyaga magʻlub boʻlishdi (72-90). Antetokounmpo oʻrtacha 15,7-daqiqa oʻynadi va 6,3-ball toʻpladi va 4,3 ta toʻplamni amalga oshirdi.

2015-yil sentyabr oyida Antetokounmpo Yevropa chempionatida Gretsiya terma jamoasining asosiy oʻyinchisi boʻlgan. Greklar guruhdagi barcha oʻyinlarda yana gʻalaba qozonishgan, soʻngra 1/8 finalda belgiyaliklarni magʻlub etishdi (75-54). Biroq, 1/4 finalda greklar teng oʻyinda boʻlajak chempionlardan ispanlarga magʻlub boʻlishdi (71-73). Beshinchi oʻrin uchun oʻyinda yunonlar Latviyani magʻlub qildilar (97-90). 8-oʻyinda Antetokounmpo oʻrtacha 24,4-daqiqa oʻynadi, 9,8-ball toʻpladi va 6,9 ta toʻplash va 1,1 ta uzatish qilgan. Musobaqada Antetokounmpo uchta double-double qildi, ispanlarga qarshi oʻyinda 17 ta toʻp kirgan.

2016-yilgi Olimpiya oʻyinlarining malaka musobaqada oʻynagan. Uchta oʻyinda oʻrtacha 24,7-daqiqa oʻynadi, 15,3-ball toʻpladi va 5,7 ta toʻplash, 2,0 ta uzatish, 2,0 ta blok-shot qilgan.

Shaxsiy hayoti

[tahrir | manbasini tahrirlash]
Aka-uka Giannis (markazda) va Tanasis Antetokounmpo va AQSh prezidenti Joe Biden 2021-yil noyabr oyida oq uyda

Afinada nigeriyalik oilada tugʻilgan[16]. Antetokounmponing ikkinchi nigeriyalik ismi bor Ugo (ingl. Ougko). Kelib chiqishiga qaramay, oʻyinchi Nigeriya fuqaroligiga ega emas[17]. 2013-yil 9-mayda Gretsiya fuqaroligini rasmiy ravishda oldi[4][18]. Otasi Charles 2017-yil sentyabr oyida 54-yoshida vafot etgan.

Antetokounmponing ikkita akasi bor, Frensis va Tanasis, shuningdek, ikkita ukasi Kostas va Aleksis. Tanasis bilan birgalikda „Filathlitikos“ da oʻynagan, u ham barcha yulduzlar oʻyinida ishtirok etish uchun tanlangan[19]. Frensis Nigeriyada professional ravishda basketbol bilan shugʻullangan, keyinchalik Gretsiyada futbol va basketbol bilan shugʻullangan. Barcha aka-ukalar „Filathlitikos“ da oʻynashga muvaffaq boʻlishgan. Tanasis hozirda „Milwaukee Bucks“ klubi safida oʻynaydi. Kostas 2018-yilgi NBA draftida „Philadelphia 76ers“ ning 60-raqami bilan tanlangan va „Dallas Mavericks“ ga almashtirilgan. 2019-2020-yilgi mavsumda Kostas „Los-Angeles Lakers“ bilan birgalikda NBA chempionatida gʻolib chiqgan.

Antetokounmpo Maraya Riddlesprigger bilan munosabatda. 2020-yil fevral oyida er-xotinning Leam Charles Antetokounmpo ismli oʻgʻli tugʻilgan[20]. 2021-yil 18-avgustda er-xotinning ikkinchi oʻgʻli tugʻildi[21], unga Mayvreak Shay Antetokounmpo deb ism berishgan[22]. 2023-yil 17-sentabrda er-xotinning Eva Bruck ismli qizi tugʻilgan[23].

U xristian va Ellad pravoslav cherkovi parishoni hisoblanadi.

2022-yil 10-may kuni aka-uka Antetokounmpo AntetokounBros Tv YouTube kanalida „Uchish“ (ingl. Rise) nomli film chiqqan, unda Antetokounmpo oilasining tarixi tasvirlangan. Film 2022-yil 24-iyun kuni Disney+ da namoyish etilgan[24].

Manbalar

[tahrir | manbasini tahrirlash]
  1. ↑ „Soaringdownsouth.com Brad’s Beat: 6’10 PG Known As The “Greek Freak” Turning Heads in NBA Draft.“. 2014-yil 24-oktyabrda asl nusxadan arxivlangan. Qaraldi: 2013-yil 17-iyul.
  2. ↑ „Giannis Antetokounmpo“. nba.com. 2019-yil 29-iyunda asl nusxadan arxivlangan. Qaraldi: 2020-yil 11-fevral.
  3. ↑ „FIBAEurope.com Giannis Antetokounmpo (Greece).“ (deadlink). 2014-yil 6-oktyabrda asl nusxadan arxivlangan. Qaraldi: 2013-yil 17-iyul.
  4. ↑ 4,0 4,1 [„Γίνονται Έλληνες οι Αντετοκούμπο“. 2014-yil 6-oktyabrda asl nusxadan arxivlangan. Qaraldi: 2013-yil 17-iyul. Γίνονται Έλληνες οι Αντετοκούμπο]
  5. ↑ NBADraft.net Athanasios Adetokoubo. (Wayback Machine saytida 2013-07-25 sanasida arxivlangan)
  6. ↑ BasketballPlus.nl 18 jarige Giannis Adetokunbo naar CAI Zaragoza . (Wayback Machine saytida 2013-10-04 sanasida arxivlangan)
  7. ↑ [„ACB.com Basket CAI Zaragoza se hace con los derechos de Giannis Adetocunbo (isp.).“ (deadlink). 2016-yil 3-martda asl nusxadan arxivlangan. Qaraldi: 2013-yil 17-iyul. ACB.com Basket CAI Zaragoza se hace con los derechos de Giannis Adetocunbo (isp.).]
  8. ↑ „NYTimes.com A Hunger for a Better Life May Lead to the N.B.A.“. 2018-yil 23-oktyabrda asl nusxadan arxivlangan. Qaraldi: 2017-yil 29-sentyabr.
  9. ↑ „FIBA.com GIANN ANTETOKOUBO | Season 2012/2013 – Accumulated Stats Tab.“ (deadlink). 2016-yil 10-martda asl nusxadan arxivlangan. Qaraldi: 2013-yil 17-iyul.
  10. ↑ „Filathlitikos 2012—2013 Statistics.“. 2013-yil 19-sentyabrda asl nusxadan arxivlangan. Qaraldi: 2013-yil 17-iyul.
  11. ↑ Eurohoops.net Adetokunbo enters the draft. (Wayback Machine saytida 2015-07-04 sanasida arxivlangan)
  12. ↑ „Bucks sign Neal, Antetokounmpo“ (deadlink). 2014-yil 8-dekabrda asl nusxadan arxivlangan. Qaraldi: 2014-yil 3-may.
  13. ↑ „Bucks Exercise Rookie Scale Contract Options on Antetokounmpo and Henson“. 2014-yil 20-dekabrda asl nusxadan arxivlangan. Qaraldi: 2014-yil 23-noyabr.
  14. ↑ „Яннис Адетокумбо стал самым молодым игроком в истории, достигшим отметки в 16 000 очков, 7 000 подборов и 3 000 передач за карьеру“. Sports.ru (2023-yil 19-noyabr). 2023-yil 20-noyabrda asl nusxadan arxivlangan. Qaraldi: 2023-yil 20-noyabr.
  15. ↑ „Яннис Адетокумбо обошел Боба Кузи и вошел в Топ-100 бомбардиров в истории НБА“. Sports.ru (2023-yil 14-dekabr). 2023-yil 14-dekabrda asl nusxadan arxivlangan. Qaraldi: 2023-yil 14-dekabr.
  16. ↑ „FIBA.com Adetokoubo’s whirlwind saga just starting.“ (deadlink). 2015-yil 17-fevralda asl nusxadan arxivlangan. Qaraldi: 2013-yil 17-iyul.
  17. ↑ [„Γίνονται Έλληνες οι Αντετοκούμπο“. 2014-yil 6-oktyabrda asl nusxadan arxivlangan. Qaraldi: 2013-yil 17-iyul. Γίνονται Έλληνες οι Αντετοκούμπο]
  18. ↑ „Giannis Antetokounmpo received today his Greek citizenship. As of today, this shall be the official name/surname as it appears in ID/Passport.“. 2013-yil 22-oktyabrda asl nusxadan arxivlangan. Qaraldi: 2013-yil 17-iyul.
  19. ↑ Draftexpress.com NBA Draft Prospect of the Week: Giannis Adetokunbo. (Wayback Machine saytida 2013-07-15 sanasida arxivlangan)
  20. ↑ Scott Polacek. „Giannis Antetokounmpo Announces Birth of Son Liam in Photo Posted on Twitter“ (en). Bleacher Report (2020-yil 11-fevral). 2021-yil 1-noyabrda asl nusxadan arxivlangan. Qaraldi: 2021-yil 1-noyabr.
  21. ↑ Tasos Kokkinidis. „Giannis Antetokounmpo Becomes a Proud Dad to Second Baby Boy“ (en-US). Greek Reporter (2021-yil 15-sentyabr). 2021-yil 1-noyabrda asl nusxadan arxivlangan. Qaraldi: 2021-yil 1-noyabr.
  22. ↑ Kosta Papadopoulos. „Giannis Antetokounmpo And Mariah Riddlesprigger Reveal Name Of Second Son During Charity Announcement“ (en-US). Greek City Times (2021-yil 11-noyabr). 2022-yil 18-yanvarda asl nusxadan arxivlangan. Qaraldi: 2022-yil 18-yanvar.
  23. ↑ „Яннис Адетокумбо в третий раз стал отцом. Девочку назвали Евой Брук“. Sports.ru (2023-yil 17-sentyabr). 2023-yil 20-sentyabrda asl nusxadan arxivlangan. Qaraldi: 2023-yil 17-sentyabr.
  24. ↑ „Rise | The Story Of The Antetokounmpo Family | Official Trailer | Disney+“ (ru-RU). 2022-yil 4-iyunda asl nusxadan arxivlangan. Qaraldi: 2022-yil 4-iyun. 
"https://uz.wikipedia.org/w/index.php?title=Giannis_Antetokounmpo&oldid=4934738" dan olindi