Agregat zavodi Aksiyadorlik jamiyati

Agregat zavodi — paxtachilik uchun ventilyatorli tirkama va osma purkagichlar, pluglar, changlatgichlar, rotatsion xashak urgichlar, rotatsion boronalar, chigit seyalkalari, reduktorlar, shesternyali nasoslar, motor-reduktorlar, traktor va paxta terish mashinalarining uzel va agregatlari, shuningdek, xalq isteʼmoli tovarlari ishlab chiqaradi. „Oʻzqishloqxoʻjalikmashxolding“ kompaniyasi tarkibiga kiradi. „Glavekskavator“ nomi bilan 1955-yilda tashkil etilgan, 1957-yilda Toshkent irrigatsiya mashinasozligi zavodiga aylantirilgan. 1959-72 yillar oraligʻida Oʻzbekiston traktor yigʻuv zavodi (1968-yilda 22 ming T28X4 traktorlari ishlab chiqarilgan), 1972 yildan Toshkent agregat zavodi 1994-yidan boshlab ochiq aksiyadorlik jamiyatiga aylantirilgan. 1999-yyil sentabr oyidan boshlab xozirgi nomi bilan atala boshlangan. 2000-yillardan boshlab Italiyaning „Agrimondo“ va Fransiyaning „Kuxn“ firmalari bilan xamkorlikda qishloq xoʻjaligi uchun turli maqsadlarda ishlatiladigan eng zamonaviy texnikani ishlab chiqarish yoʻlga qoʻyilgan va keyinchalik bu oʻzlashtirilgan. Korxona mahsulotlari chetellarga eksport qilinadi. Korxona ishchilarining mavsumning turli davrlarida hordiq chiqarishlari uchun, Ohangaron tumanida joylashgan „Orzu“ dam olish zonasi bor.