نشا راؤ

نشا راؤ
نشا راؤ
caption
معلومات شخصیت
مقام پیدائش	لاہور
قومیت	پاکستان
عملی زندگی
پیشہ	خواجہ سرا وکیل

نشا راؤ ایک پاکستانی خواجہ سرا وکیل اور حقوق کارکن ہیں۔ 2020ء میں، وہ پاکستان میں پہلی خواجہ سرا قانون گریجویٹ بن گئیں۔ نشا راؤ خواتین کی حیثیت سے متعلق سندھ کے لا کمیٹی کمیشن کی رکن بھی ہیں۔

ذاتی زندگی

نشا، پہلے کاشف کے نام سے جانی جاتی تھیں۔ وہ ایک درمیانے طبقے کے خاندان سے تعلق رکھنے والے پانچ بچوں میں سے تیسری پیدائش ہیں۔ وہ پنجاب کے ضلع لاہور کی رہنے والی ہیں۔ ابتدائی برسوں کے دوران، انھوں نے لاہور کے ایک نجی انگریزی میڈیم اسکول میں داخلہ لیا تھا۔ جب تک وہ چھٹی جماعت میں تھیں تب ہی نشا کو احساس ہوا کہ وہ مختلف ہیں۔ اپنے اہل خانہ کے ساتھ رہتے ہوئے نشا کو ان کی نسوانی عادتوں کے سبب ان کے والدین نے مارپیٹ کا نشانہ بنایا۔ نشا زیادتی سے بچنے کے لیے اپنے کالج کے دوران گھر چھوڑ گئی تھیں اور ایک نئی شروعات کے لیے کراچی چلی گئیں۔نشا نے ہجرت کالونی میں ایک خواجہ سرا برادری کے ساتھ رہنا شروع کیا۔ خود مختار ہونے کی وجہ سے وہ کچھ دیر سڑکوں پر بھیک مانگنے لگیں۔ 2011ء میں وہ واپس لاہور میں اپنے گھر والوں کے پاس آئیں اور کالج کی تعلیم مکمل کی۔ نشا اپنے خراب حالات کی وجہ سے صبح 8 سے 12 بجے تک بھیک مانگتی تھیں اور 2 سے 5 تک وہ قانون کی کلاسیں لیتی تھیں۔

تعلیم

نشا، پاکستان میں ان چند تعلیم یافتہ خواجہ سرواؤں میں سے ایک ہیں، جنھوں نے اعلیٰ تعلیم حاصل کی ہے۔ کالج مکمل کرنے کے بعد، انھوں نے بین الاقوامی تعلقات میں کراچی یونیورسٹی میں بی اے پروگرام میں داخلہ لیا۔ اس دوران، اس دوران انھوں نے ایڈوکیٹ مدثر اقبال سے دوستی کی، جو نشا کے مطابق، ان کی تعلیم کے مزید حصول کے لیے ان کی مدد کرتے رہے۔ اس کے بعد نشا نے اعلیٰ تعلیم حاصل کرنے کا فیصلہ کیا اور 2015ء میں سندھ مسلم لا کالج میں داخلہ لیا۔ کالج کے سابق عہدے دار، مصطفیٰ علی میسر نے مطالعے میں نشا کی امداد کی اور بین الاقوامی قانون میں نجی تعلیم بھی دی۔ نشا نے 2018ء میں گریجویشن مکمل کی۔

پیشہ ورانہ زندگی

نشا نے وکالت کے مختلف پروگراموں میں شرکت کرکے اپنے قانونی کیریئر کا آغاز کیا۔ بعد میں انھوں نے ایک رضاکار اور قانونی مشیر کی حیثیت سے خود کو مختلف غیر سرکاری تنظیموں (این جی اوز) سے منسلک کیا۔ وہ صنفی انٹرایکٹو الائنس (جی آئی اے) میں شامل ہوئیں، جو خواجہ سرا برادری کے حقوق کے لیے کام کرتی ہے۔ بطور خزانچی مقرر ہونے کے بعد وہ اسلام آباد چلی گئیں لیکن مالی رکاوٹوں کے سبب انھیں جلد ہی ملازمت چھوڑنی پڑی۔ نشا نے اپنی آمدنی میں اضافے کے لیے اپنے علاقے کے بہت سارے بچوں کو ٹیوشن بھی پڑھائی۔ ایک وکیل کی حیثیت سے، نشا اب تک خواجہ سرا برادری سے متعلق 50 سے زائد مقدمات نمٹارہی ہیں۔

مستقبل کے منصوبے

نشا اپنی این جی او کے ذریعہ خواجہ سرا برادری کی مدد کرنے کا ارادہ رکھتی ہیں۔ وہ ایک ہیلپ لائن قائم کرنا چاہتی ہیں، جہاں خواجہ سرا افراد کو دوسرے معاشرے کے ارکان کے ذریعہ بھی رہنمائی مل سکے۔ نشا کا مستقبل قریب میں خواجہ سرا افراد کے لیے اولڈ ایج ہوم بنانے کا بھی منصوبہ ہے۔