المستدرک علی الصحیحین، اہلسنت وجماعت کی ایک مشہور احادیث کی کتاب ہے، اس کتاب کو امام ابو عبد اللہ محمد بن عبد اللہ حاکم نیشاپوری نے جمع کیا ہے۔
اصولِ حدیث کے مطابق حاکم فی الحدیث کی اصطلاح حدیث کا علم رکھنے والوں میں سب سے بڑی سند ہے اور حاکم کا مرتبہ صرف امام محمد بن عبد اللہ نیشاپوری کو حاصل ہے۔
المستدرک علی الصحیحین میں انھوں نے ان صحیح احادیث کو جمع کیا ہے جو صحیحین (بخاری و مسلم) یا اس میں سے کسی ایک کی شرط پر صحیح ہو اور انھوں نے اپنی صحیح میں نہیں لکھا لیکن اپنی کتاب میں اس کے روات کی تخریج کی، بعض ایسی احادیث کو بھی جمع کیا جو ان کے اجتہاد کے مطابق صحیح ہیں، لیکن اہلسنت وجماعت کے محدثین کا خیال ہے کہ امام حاکم صحیح کا حکم لگانے میں وسعت پسند ہیں، چانچہ کچھ ضعیف اور موضوع روایات کو بھی شامل کر لیا،[1] امام ذہبی نے اس کتاب کا اختصار اور اس تعلیق مرتب کی ہے۔
کتاب شائع ہو چکی ہے کافی متداول ہے، سب سے مشہور مطبوعہ بیروت کے "دار الکتب العلمیہ" کا ہے جو عبد القادر عطا کی تحقیق کے ساتھ چار حصوں میں شائع ہوا ہے۔
