روبی میئر

روبی میئر
معلومات شخصیت
پیدائش	سنہ 1907ء   پونے
وفات	9 اپریل 1983ء (75–76 سال)  ممبئی
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
عملی زندگی
پیشہ	فلم اداکارہ ،  ادکارہ
پیشہ ورانہ زبان	ہندی ،  مراٹھی
اعزازات
دادا صاحب پھالکے ایوارڈ   (1974)
	IMDB پر صفحہ

روبی میئر اپنے اسٹیج کے نام سلوچنا سے مشہور ہیں، یہودی نژاد بھارتی فلمی اداکارہ تھیں۔ وہ ایک بغدادی یہودی خاندان سے تعلق رکھتی تھی۔ وہ 1907ء میں پونے، بمبئی پریزیڈنسی میں پیدا ہوئی تھی۔

کیریئر کا آغاز

انھوں نے ایک ٹیلی فون آپریٹر کے کام سے شروعات کی تھی۔ ان کی خوبصورتی سے متاثر ہو کر کوہ نور فلم کمپنی کے مالک موہن بھاؤ نانی نے اُن سے رابطہ کیا اور فلم میں کام کرنے کی دعوت دی مگر روبی نے آفر کو ٹھکرا دیا کیونکہ اس وقت فلموں میں عورتوں کا کام کرنا بہت برا سمجھا جاتا تھا مگر ہدایت کار موہن کے بار بار اصرار کرنے پر وہ فلم میں کام کرنے کو تیّار ہو گئی اور تب اُنکا فلمی نام سلوچنا رکھا گیا۔روبی تیس کی دہائی میں خاموش فلموں کی بہت بڑی اداکارہ مانی جاتی ہیں فلم ویر بالا کی کامیابی نے انھیں راتوں رات سٹار بنا دیا اُس کے بعد تو انھوں نے پیچھے مڑ کر نہیں دیکھا۔

زمانہ عروج

ٹیلی فون گرل،علی بابا چالیس چور،وائلڈ کیٹ آف بامبے ، دیا کی دیوی مادھوری ، انارکلی،اندرا ایم اے جیسی کئی کامیاب فلمیں دی ان کے خود کے نام سلوچنا پر بھی ایک فلم بنی اداکار ڈی بلی موریا کے ساتھ ان کی فلم ہیر رانجھا میں كسنگ سین دینے پر خوب ہنگامہ ہوا انھیں 'رومانس کی رانی ' اور ' سپنوں کی رانی ' کے نام سے مقبولیت ملی۔ ایک وقت میں وہ بمبئی کے گورنر سے زیادہ پیسے کماتی تھی، ان کے پاس شیوورلٹ کار بھی تھی جسے وہ خود چلایا کرتی تھی مگر پھر بولتی فلموں کا دور آیا اور روبی کو کم فلمیں ملنے لگی کیونکہ وہ اچھی ہندی اور اردو نہیں بول سکتی تھی، اس لیے انھوں نے ایک سال تک فلموں سے چھٹی لی اور ہندی سیکھی اور دوبارہ سے فلموں میں شاندار واپسی کی۔ 1930ء کے وسط میں انھوں میں اپنی فلم پروڈکشن ہاؤس روبی پکس کے نام سے کھولا جس میں انھوں نے اپنی خاموش فلموں کو بولتی فلموں میں دوبارہ سے بنایا جنہیں خوب شہرت ملی۔

فلم انارکلی

فلم انارکلی جو تین بار بنی ان تینوں میں ہی روبی نے کام کیا پہلی بار خاموش فلم میں انارکلی کا کردار ادا کیا اور پھر بولتی فلم میں بھی انارکلی کا کردار ادا کیا۔ آخری بار انارکلی میں انھوں نے شہزادہ سلیم کی ماں کا کردار ادا کیا۔ نئی اداکاروں ثریا، نور جہاں، خورشید کے آ جانے سے روبی کی چمک پھکی پڑنے لگی۔ انھیں سائڈ رول ملنے شروع ہو گئے۔ نامور بھارتی سیاست دان مورار جی دیسائی کو فلم جگنو میں پروڈیوسر بنے۔ دلیپ کمار کا روبی پر ڈورے ڈالنا اخلاقیات کے خلاف لگا جس کی وجہ سے دلیپ کمار کو اس فلم میں بین بھی کیا گیا۔ ڈی بلی موریہ سے ان کا افیئر بہت چرچا میں رہا۔ ڈی بلی موریہ خاموش فلموں کے سپر سٹار تھے۔ شاہ خرچ روبی نے پیسوں کی تنگی بھی دیکھی، ہندوستانی حکومت نے انھیں 1973ء میں دادا صاحب پھالکے ایوارڈ سے بھی نوازا۔ ہدایتکار اسماعیل مرچنٹ نے فلم مہاتما اینڈ دی بیڈ بوئے میں انھیں خراج عقیدت پیش کیا ہے۔

وفات

10 اکتوبر 1983ء کو بمبئی میں ان کی وفات ہو گئی۔