Nana Klutse
Nana Ama Browne Klutse | |
|---|---|
 Nana Ama Browne Klutse mo kantorong ya gagwe kwa Yunibesithing ya Ghana | |
| Tsalo | 23 May 1981 |
| Letso | Ghanaian |
| Tiro | Moitsaanape wa tsa Maranyane |
| Mohiri | Yunibesithi ya Ghana |
| O itsegi ka | Chapter Atlas - IPCC Sixth Assessment Report |
Nana Ama Browne Klutse o tshotswe ka Motsheganong a tlhola malatsi a le masomemabedi le boraro kwa Nyanfeku Ekroful. O dirile dithuto tsa gagwe tse dipotlana kwa sekolong sa Anomabo Methodist le JHS.[1]
O ne a ya go tsweledisa dithuto tsa gagwe kwa sekolong sa basetsana se segolwane sa Mfantsiman Girls Secondary School mme moragonyana o ne a ya go ithutela BSc Physics kwa Yunibesithing ya Cape Coast. O ne a ya go tsweledisa dithuto tsa gagwe kwa Yunibesithing ya Cape Town kwa Aforika Borwa a dira PHD in Climatology.[1]
Tiro ya Boitsaanape
[fetola | Fetola Motswedi]Dr Klutse o ithutela mafaratlhatlha a loapi mo Bophirima jwa Aforika. Tiro ya gagwe e itibagantse le ditlhabololo le maranyane a loapi mo letlhakoreng la dipula tsa matlakadibe mo Aforika.[2][3] Ke Morutuntshi mogolo mo lephateng la physics kwa Yunibesithing ya Ghana.[4] Mo nakong e efetileng, o ne a eteletse pele Remote sensing and Climate Centre.[5] Klutse ke mothusa motlhatlheledi wa dithuto tsa boranyane jwa phetogo ya loapi kwa African Institute for Mathematical Sciences[6] ebile ke mokwadi mogolo o o nnileng le seabe mo pegong ya IPCC Sixth Assessment Report (AR6). O rotloetsa gape basetsana kwa Ghana go bereka ditiro tsa maranyane gape o eme nokeng tlhabololo ya thuto ya maranyane kwa lefatsheng leo.[7]
Klutse o berekile kwa Ghana Space Science and Technology Institute ya Ghana Atomic Energy Commission e le mmatlisisi o mogolwane go tswa ka ngwaga ya 2016 go tsena ka 2018.[4] Pele ga foo, o ne a kile a nna motlhatlheledi wa thuto o o etileng kwa West African Science Service Centre on Climate and Adapted Land Use (WASCAL) kwa Akure Nigeria.[8]
Tiro ya Sepolotiki
[fetola | Fetola Motswedi]Klutse ke leloko la mokgatlho wa sepolotiki la National Democratic Congress.[4]
Metswedi
[fetola | Fetola Motswedi]- ↑ 1.0 1.1 "Ghana's Dr. Nana Ama Browne Klutse among lead authors for 6th climate change report". Citinewsroom - Comprehensive News in Ghana. 2021-08-18. Retrieved 2021-08-20.
- ↑ Klutse, NAB et al. (2016). Daily characteristics of West African summer monsoon precipitation in CORDEX simulations. Theoretical and Applied Climatology, 123(1-2): 369-86.
- ↑ Klutse NAB et al (2018). Potential impact of 1.5 °C and 2 °C global warming on consecutive dry and wet days over West Africa. Environmental Letters, 13(5). https://iopscience.iop.org/article/10.1088/1748-9326/aab37b
- ↑ 4.0 4.1 4.2 Donkor, Kwadwo Baffoe (26 July 2019). "Dr Nana Ama Browne Klutse joins NDC Abura Asebu Kwamankese race". Graphic Online. Retrieved 8 January 2021.
- ↑ "Nana Ama Browne Klutse: Ghanaian scientist studies dynamics of west African monsoon". Future Climate for Africa. 21 December 2016. Retrieved 8 January 2021.
- ↑ "AIMS announces first cohort of women in Climate Change Science Fellows". 2018-05-15.
- ↑ Ampofo, Obrempong (26 February 2018). "Mfantseman: Science teachers trained in effective teaching methods". Citi 97.3 FM News. Retrieved 3 April 2020.
- ↑ Donkor, Kwadwo (26 July 2019). "Dr Nana Ama Browne Klutse joins NDC Abura Asebu Kwamankese race". Graphic Online. Retrieved 3 April 2020.