Billie Joe Armstrong
Billie Joe Armstrong nyaéta musisi asal Amerika Serikat anu ayeuna jadi personil Green Day salaku vokalis jeung gitaris[1][2]. Billie gumelar di Oakland, Kalifornia, Amérika Serikat, 17 Pébruari 1972[1][2]. Billie nyaéta putra bungsu ti 6 sadulur[2]. Bapana nyaéta sopir treuk anu boga pagawéan sampingan salaku musisi jazz, sedengkeun Indungna nyaéta pelayan réstoran[2].
Billie geus mulai nyanyi ti umur 5 taun kénéh, Billie sok datang ka Rumah Sakit terus nyanyi ka unggal pasien ngarah pasienna ngarasa leuwih nyaman[2]. Billie meunangkeun gitar pertamana nalika umur 11 taun ti Indungna, jenis gitarna nyaéta Fernandes Stratocaster anu dingaranan Blue ku Billie[2]. Nepi ka ayeuna, Blue masih sering dipaké ku Armstrong, malah mah aya tiruanna[2]. Armstrong nikah jeung Adrianne Nesser tanggal 2 Juli 1994, jatukramina dilaksanakeun di halaman imah Armstrong anu ngan lumangsung 5 menit, sedengkeun bulan maduna di Hotél Claremont (10 menit ti Imahna)[1]. Armstrong boga dua anak, di antarana Joseph Maricano Armstrong (gumelar tanggal 15 Maret 1995) jeung Jakob Danger Armstrong (2 Séptémber 1998)[1].
Billei paanggih jeung Mike Dirnt nalika umur 10 taun di kantin sakolana, duanana sok maénkeun lagu-lagu grup musik heavy metal saperti Ozzy Osbourne, Def Leppard, jeung Van Hallen[2]. Umur 15 taun, Billie, Mike, jeung drummerna John Kiffmayer ngebentuk grup musik punk anu ngaranna Sweet Children[2]. Tapi dina taun 1990, Kiffmeyer kaluar ti grup sabab rék fokus kuliah, Billie jeung Mike néangan drummer anyar anu ahirna sosok drummer nu sampurna keur maranéhna téh nyaéta Tre Cool, sabada Tre asup ka grup, Sweet Children diganti ngaranna jadi Green Day nu nepi ka ayeuna ku Urang apal[2].