Shtylla kurrizore

Boshti kurrizor

Boshti kurrizor përbëhet prej disa eshtrave pa forma të rregullta të cilat quhen unaza. Te fëmijët ka 33-34 por duke u rritur unazat e poshtme ngjiten. Tek një njeri i rritur ka 26 unaza. Ndërmjet unazave ka disqe kërce të cilat boshtit kurrizor i japin elasticitet për një lakim të madh. Në mesin e secilës unazë ka një vrimë të madhe ku të gjitha unazat lidhen përmes indit lidhor, këto vrima bashkarisht në unazat e tyre formojnë një gyp në të cilin ndodhet palca kurrizore.

Unazat kurrizore

• Unazat duke filluar prej lart deri posht janë emëruar sipas vendit ku ndodhen.
  • 7 unaza të qafës e përbëjnë qafën, këto unaza trupin e kanë më të vogël për dallim prej unazave të tjera dhe në zgjatimet anësore kanë nga një vrimë për kalimin e arteries vertebrale. Unaza e parë dhe e dytë dallohet për nga forma, e para quhet atlas dhe e fikson kokën ndërsa e dyta quhet axis dhe shërben për lëvizje.
  • 12 unaza të brinjëve të cilat janë të lidhura me 12 çiftet e brinjëve dhe së bashku formojn kafazin e krahërorit, në trupin e tyre dallohen disa copëza për artikulim me brinjët, gjithashtu në zgjatimet anësore kanë sipërfaqe për nyjëzim me brinjët.
  • 5 unaza të belit të vendosura ne pjesën e poshtme, janë më të mëdha prej unazava tjera dhe mbajnë peshë më të madhe.
  • 5 unaza ijore jane vetëm te fëmijët kurse te njerëzit e rritur ato janë të ngjitura.
  • Ashti-unazat kërbishtore përbëhet prej 4-5 eshtrave të hollë te fëmijët kurse te të rriturit është vetëm një.

Foto shtesë

• 
  Vertebra e njeriut ( anash )
• 
  Unaza vertebrale
• 
  Vertebra në sistemin skeletor të njeriut
• 
  Artikulimi i vertebrës me muskujt

Shiko edhe

Eshtrat

Kafka e njeriut

Kafazi i kraharorit të njeriut

Skeleti i njeriut

Sistemi nervor

Lidhje të jashtme

• North American Spine Society është një organizatë multidisiplinare mjekësore që kujdeset për cilësinë e shpinës përmes edukimit dhe hulumtimit.
• Spinal Cord Injuries Australia (formerly Australian Quadriplegic Association AQA, established 1967) jep informacion në lidhje me aftësinë e kufizuar dhe shërbimet për personat e prekur, strehim, punësim, mbështetje.
• Spinal Cord Injury Peer Support Arkivuar 22 janar 2020 tek Wayback Machine Mbështetjen për ata që jetojnë me lëndimet e palcës.
• Vertebral column basics
• Spinal Term Glossary
• VIRTUAL Spine - online learning resource