Nexhip Basha

Nexhip Basha
Ministër sekretar shteti i Industrisë
Në detyrë 11 maj – 10 shtator 1943
Paraprirë nga	Zef Shiroka
Pasuar nga	Ago Agaj
zëvendësisht ministër i Bujqësisë dhe i Pyjeve
Në detyrë 11 maj – 11 maj 1943
Paraprirë nga	Jakov Milaj
Pasuar nga	Ago Agaj
Të dhëna vetjake
U lind më	1877 Pejë, Perandoria Osmane
Vdiq më	1952 Pejë, Republika Socialiste Federative e Jugosllavisë
Nënshtetësia	shqiptar
Punësimi	nëpunës, kadi

Nexhip Basha (Pejë, 1877 - shkurt 1952) ka qenë nëpunës i Perandorisë Osmane, Principatës dhe i Mbretërisë Shqiptare.

Biografia

U lind në Pejë më 1877. Shkollën e lartë e ndoqi dhe e përfundoi në Shkollën Civile Mbretërore Mekteb-i-Mylkie në Stamboll. Ka shërbyer si kajmekam në Qipro, Kumanovë dhe Mitrovicë.

Më 1914 në kohën e Princ Vidit, ishte prefekt i Vlorës, ndërsa në periudhën mes viteve 1916-'18 qe kryetar i bashkisë së Pejës.

Më 1941-1943 shërbeu si inspektor epror i administratës civile në Tokat e Lirueme. Në fillim të 1943 thirret në Tiranë si anëtar i komisionit për studimin e ligjit të bashkive dhe komunave. Shërbeu për pak kohë në krye të Zyrës Politike, pa pasë dekret përkatës. Më 1943 me qeverinë e Eqrem bej Libohovës u bë ministër sekretar shteti i Bujqësisë dhe i Pyjeve.

Në shtator të 1943 merr pjesë si i deleguar i Pejës në kuvendin themelues të Lidhjes së Dytë të Prizrenit. Më 1 tetor 1943 zgjidhet deputet i Pejës në Kuvendin Kombëtar. Më 1944 mori gradën e prefektit të klasit të parë në dispozicion. Pas Luftës së Dytë Botërore shërben si gjyqtar i Sheriatit, si i tillë edhe doli në pension më 1947. Ndërroi jetë në Pejë në janar të 1952.