آصف بن برخیاہ
آصف بن برخیاہ یا برکیاہ دیگر ناں، انگریزی Asif ibn Barkhiya، حضرت سلیمان علیہ السلام دا وزیر ہئی،[١] سلیمان علیہ السلام نے ملکہ سبا دا تخت منگاوݨ دی خواہش دا اظہار کیتا تاں اس آکھا کہ میں آنکھ جھپکݨ توں پہلے اونکوں گھنا سڳدا ہاں۔[٢] لیکن قرآن وچ اس دا ناں مذکور نی۔
آصف بن برخیاہ اسلام وچ
[لکھو | ماخذ وچ تبدیلی کرو]
قرآن وچ آصف بن برخیاہ دا ناں دے نال ذکر نی تھیا، سورہ النمل دی آیت 40 وچ جس "علم والے " دا ذکر ہے،(اس نے عرض کیتی جس دے کول کتاب دا علم ہئی)[٣] اکثر مفسرین اس توں مراد "آصف بن برخیاہ دی ذات گھندے ہن۔
آصف بن برخیاہ دیگر مذاہب وچ
[لکھو | ماخذ وچ تبدیلی کرو]آصف بن برخیاہ دا ناں دے ساتھ ذکر یہودی و مسیحی عہد نامہ قدیم وچ آیا ہے۔ اردو تراجم وچ اس دے ہجے آ ص ف نی بلکہ آ س ف ہن یعنی آسف۔[٤] آصف بن برخیاہ دا ذکر تواریخ اول و دوم، سلاطین دوم، زبور، کتاب یسعیاہ، عزرااور نحمیاہ وچ ناں دے نال آیا ہے، پورے عہد نامہ قدیم وچ کہیں جگہ وی آصف بن برخیاہ کوں سلیمان یا داؤد علیہ السلام دا وزیر نی آکھا گیا، ہر جگہ اس دا ذکر ہک "ڳاوݨ والے دے طور تے ہے اس دا پیؤ تے اس دے بعد اس دے پتر وی ایہو کم کریندے ہن۔ اوہ عبادت دے وقت شکر گزاری دے الفاظ آکھݨ تے مامور ہن تے مذہبی گیت ڳاندے ہن جیویں کہ زبور۔[٥][٦][٧][٨][٩][١٠]
زبور وچ
[لکھو | ماخذ وچ تبدیلی کرو]کتاب زبور جیہڑی مسیحی تے یہودی منیندے ہن، اس کتاب وچ صرف داؤد علیہ السلام دے ہی زبور (گیت) شامل نی بلکہ مزید کجھ لوگ وی ہن جنہاں وچ حضرت موسٰی علیہ السلام تے ایہ آصف بن برخیاہ وی ہن، زبور نمبر 50 تے زبور نمبر 73 تا 83 تک آصف بن برخیاہ نال منسوب ہن۔[١١]
حوالے
[لکھو | ماخذ وچ تبدیلی کرو]- ↑ انسائیکلوپیڈیا قرآنیات، حصہ دوم، صفحہ 126
- ↑ سورۃw:النمل، w:آیت27
- ↑ ترجمہ کنزالایمان، علامہ احمد رضا خان
- ↑ کتاب مقدس، اردو بائبل سوسائٹی، انار کلی لاہور، 2007
- ↑ 1-تواریخ، 39:6، 15:9، 7:16، 1:25،
- ↑ 2-تواریخ، 12:5، 30:29، 15:35
- ↑ زبور، 50، 73 تا 83
- ↑ نحمیاہ، 8:2، 46:12
- ↑ عزرا، 41:2، 10:3
- ↑ یسعیاہ، 3:36
- ↑ وضاحت:جیویں کہ باقی سارے عہد نامے وچ آیات تے باب ہن، اس طرح زبور وچ باب نی بلکہ "زبور" دی اصطلاح استعمال تھیندی ہے، کل 150 زبور شامل ہن جنہاں وچ نصف حضرت داودؑ نال منسوب کیتے ویندے ہن۔