Province o Trieste

Province o Trieste
Province
Map heichlichtin the location o the province o Trieste in Italy
Kintra	Italy
Region	Friuli-Venezia Giulia
Caipital(s)	Trieste
Comuni	6
Govrenment
• Preses	Maria Teresa Bassa Poropat
Area
• Total	212 km2 (82 sq mi)
Population  (2009)
• Total	236,520
• Density	1,100/km2 (2,900/sq mi)
Time zone	UTC+1 (CET)
• Summer (DST)	UTC+2 (CEST)
Postal code	34121-34151 (Trieste); 34010-34018 (surroundings)
Telephone prefix	040
Vehicle registration	TS
ISTAT	032

The Province o Trieste (Italian: Provincia di Trieste, Slovene: Tržaška pokrajina) is a province in the autonomous Friuli-Venezia Giulia region o Italy. Its caipital is the ceety o Trieste. It haes a aurie o 212 km², an a total population o 236,520 (Apryle 2009). It haes a coastal lenth o 48.1 km. Thare are 6 communes in the province.

Map o the Province o Trieste.

History

Early history

Efter the dissolution o the Wastren Roman Empire, the aurie o the province o Trieste wis ruled bi the Ostrogoths, Eastren Romans (Byzantines), Lombards an bi the Franks. Wi the advent o the Habsburgs (13t century) the territory wis dividit atween the lairds o Duino, Trieste, San Dorligo della Valle an Muggia. Durin the reign o Maria Theresa o Austrick an, subsequently, Joseph II, the maritime trades wur increased wi institution o the free port.

In 1809, the aurie wis cedit tae Fraunce efter the defeat o Austrick in that year. Efter the French definitive defeat, the communes o Duino, Nabrežina, Sgonico an Monrupino, which uised tae be pairt o Carniola, wur annexed tae that o Gorizia an Gradisca, while Trieste became a direct ceety o the Austrian Empire. San Dorligo della Valle an Muggia became pairt o Istrie.

Warld War I left the territory o the province amaist untouched, awtho fierce battles wur focht juist on its north-wastmaist edges.

The whole aurie wis occupeed bi Italy in November 1918, in the eftermath o Austrick-Hungary's defeat in Warld War I. It wis offeecially annexed tae Italy wi the Treaty o Rapallo (1920), which assigned aw o the fomer Austrian Littoral tae Italy an aw.

The establishment o the province

Main airticle: Julian Mairch

The Province o Trieste wis first established in 1920. It comprised the current territory o the province, as well as significant portions o the Kras plateau an the region o Inner Carniola in present-day Slovenie. Atween 1923 an 1943, the province o Trieste includit the communes o Monfalcone, Staranzano, Ronchi dei Legionari, San Canzian d'Isonzo, Turriaco, San Pier d'Isonzo, Fogliano-Redipuglia an Grado (the day in Province o Gorizia) an aw, the current Slovenie municipalities o Sežana (includin umwhile communes o Dutovlje, Tomaj an Lokev), Divača (includin umwhile communes o Senožeče an Vremski Britof), Postojna (shortly Postumia afore 1945; includin umwhile communes o Bukovje, Hrenovice an Slavina) an Pivka (includin umwhile communes o Šmihel an Košana), as well as some dounsets in the present-day Slovenie municipality o Koper, namely Hrvatini, Jelarji, Spodnje Škofije, Plavje an Osp.

Efter Warld War II

Main airticle: Treaty o Osimo

Efter the end o Warld War II, the Free Territory o Trieste wis established as a free state on 15 September 1947. On 26 October 1954, Italy an Yugoslavie came tae a unnerstaundin whaurbi the territory de facto wis dividit atween the twa states. Zone A o the free state became the new Province o Trieste an Zone B wis tae be admeenistered by Yugoslavie. The Province o Trieste formally became a pairt o Italy on 11 October 1977, bi the Treaty o Osimo.

Leids

Italian leid is spoken in the whole province. In the ceety o Trieste, mony fowk speak Triestine, a dialect o Venetie. The Tergestine, a airchaic dialect o the Friulian leid wis spoken in Trieste an in Muggia, but became completely extinct bi the mid 19t century.

An estimatit 8% o the province's population (25,000 oot o 260,000 frae the 1971 census, which is the last; syne then member o the Slovenie ethnic minority in Italy hae obtained the richt no tae declare their native leid in offeecial censuses) belang tae the Slovenie ethnic commonty. Italian legislation recognizes an protects the Slovene linguistic minority in aw o the sax municipalities o the province, awtho visual bilingualism is no appleed in the ceety centre o Trieste an in the toun o Muggia. Besides staundart Slovene, which is taucht in Slovene-leid schuils, three different Slovene dialects are spoken in the Province o Trieste. The Kras dialect is spoken in the municipalities o Duino-Aurisina an Sgonico, as well as in several dounsets in the municipality o Trieste: Barcola, Prosecco, an Contovello. The Inner Carniolan dialect is spoken in the municipality o Monrupino an in several dounsets o the municipality o Trieste, namely Opicina, Trebiciano, Padriciano, an Basovizza. The Istrie dialect is spoken in the municipalities o San Dorligo della Valle an in the landwart auries o Muggia, as well as in the soothren suburbs o Trieste (maist notably in Servola).

Comuni

The follaein is a leet o the sax communes o the Province o Trieste, Italy.

ISTAT Code	Comune	Population (2009)
032001	Duino-Aurisina	8,675
032002	Monrupino	891
032003	Muggia	13,410
032004	San Dorligo della Valle	5,945
032005	Sgonico	2,102
032006	Trieste	205,523
	Total	236,546

Points o interest

• Giardino Botanico Carsiana
• Val Rosandra
• Grotta Gigante
• Duino Castle
• Miramare Castle
• Rilke trail
• Sistiana Bay
• Timavo sources
• Fortifee'd kirk in Monrupino

See an aw

• Julian Mairch
• Free Territory o Trieste
• Villa Opicina

Freemit airtins

• (in Italian) Provincia di Trieste - Offeecial steid