Post-punk
| Post punk | ||
|---|---|---|
| Urigini stilistiche: | Punk rock Experimental rock Mùsica elettronica Krautrock Art rock Rock prugrissivu Dub Funk | |
| Urigini culturali: | fini anni sittanta Regnu Unitu, Stati Uniti dâ Mèrica | |
| Strumenti tipici: | Vuci Batteria Chitarra Bassu Sintetizzaturi Tastiere Batteria elettronica | |
| Pupularitati: | A massima pupularitati arrivò na li anni uttanta | |
U post-punk è nu muvimentu natu versu a fini di li anni sittanta, ca funni u punk rock cu elementi sperimentali pruvinenti da artisti comu Roxy Music e David Bowie e da gèniri comu disco music, dub e krautrock. Iddu nun è da intendere comu nu gèniri musicali veru e propriu, ma cchiùttostu comu na tichitta utilizzata pi ddì gruppi ca intornu a lu 1980 iniziarunu a junciri u punk rock cu vari avutri gèniri musicali.
U termìni
[cancia | cancia la surgenti]U termìni post-punk iniziò a essìri utilizzatu attornu a lu 1980. Forsi u primu criticu a usari stu nomu fu Greil Marcus u 24 di giugnettu 1980 su Rolling Stone, 'n cui parràva di l'avanguardia post-punk pop ngrisi, rifirennùsi a Gang of Four. The Raincoats e Essential Logic illuminati da na tinsioni, nu humour e nu sensu du paradossu decisamenti unici nnà mùsica pop odierna.
Storia
[cancia | cancia la surgenti]
Tra i gruppi ca annu datu u via a stu muvimentu sunnu sicuramenti da citari Wire, Siouxsie and the Banshees, The Fall e Public Image Ltd., la cui attivitati causerà a nascita di assai di gèniri derivati da lu muvimentu. 'N particulari i Public Image Ltd. cu la loru mùsica cupa e decadenti nfluinzarunu u succissivu muvimentu gothic rock capitanatu da Joy Division, Bauhaus, The Cure, Sister of Mercy e Killing Joke.
N'avutru suttagèniri derivatu da lu post-punk fu u punk funk, fenomnu, a lu cuntrariu du gothic, cuncintratu sopratuttu na li USA e 'n prticulari a New York. Sta currenti, ca appi comu capostitpiti James White and the Contortions e Buy,si sviluppò a partìri da lu 1981, annu 'n cui i Bush Tetras pubbricarunu Rituals su 99 Records, prudutturi puru di avutri dui seminali gruppi punk-funk comu Liquid Liquid e Esg. I precursori assoluti di stu gèniri sunnu tuttavia cunsidirati i Talking Heads, ca già ntô 1977 cu l'album di debuttu Talking Heads: 77 avianu postu i basi pi la fusioni tra punk e funk, sviluppànnùla 'n seguitu 'n Remain in Light. Parallelamenti u punk-funk si sviluppò puru 'n Nglaterra, grazzi a Metal Box di Public Image Ltd., a To Each... di li A Certain Ratio e sopratuttu a lu debuttu di Gang of Four Entertainment!, ca continuerà a esercitari a so nfluenza finu a lu post-hardcore e a lu funk metal di Rage Against the Machine. Nu gruppu ca si colloca 'n parti fora da sta currenti, puru appartenennùnnì 'n quarchi aspettu, sunnu i The Pop Group, ca 'n Y junceru a lu punk-funk elementi di dub, jazz e mùsica classica.
Post-punk revival
[cancia | cancia la surgenti]U post-punk revival è na curreti di rock alternativu natu na li anni 2000 runni i gruppi ripigghìanu l'elementi du gèniri originali di l'inizziu di li anni uttanta. U muvimentu è assai diffusu nnè paisi anglosassuni quali Regnu Unitu e Stati Uniti dâ Mèrica e 'n divìersi paisi du cuntinenti europeo, ed è assai ligatu a la scena post-punk di Londra e di New York di li anni uttanta.
U termìni post-punk revival fu coniatu da vari critici musicali pi innìcari gruppi comu The Killers, The Rapture, Interpol, Franz Ferdinand e The Strokes. Sta secunna ondata di gruppi ca ripigghìanu u post-punk agghìuncinu a l'internu di la loru mùsica elementi di l'indie rock e di la dance music di l'ultimi anni uttanta cchiù o meni come succìreva pu post-punk ca funnèva elementi du krautrock e di la disco music di la fini di li anni sittanta.