Rutènia
Artìculu in LSC
Sa Rutènia est una regione de s'Europa orientale in ue bivet su populu rutenu, chi est parte de is islavos de s'estu.
Atualmente sa Rutènia s'agatat ispartzida intre istados bàrios. Cunsiderende·nche s'istèrrida majore chi podet èssere contada a parte de su territòriu suo, s'agatat formadu de Ucraina, Belarus, Russia europea, una parte minore de Islovàchia e una fròngia meda istrinta de Polònia orientale.
In die de oe cun nùmene de rutenos s'inditant fatuvatu is bividores de s'Ucraina otzidentale, o cussos ucrainos chi intames de sighire sa fide ortodossa, sighint sa crèsia catòlica de ritu grecu-catòlicu o romanu-catòlicu.
Su faeddu benit de una latinizatzione de sa regione medievale de sa Rus. Rus dependet de s'antigu norrenu roôs o roths e fiat su nùmene cun chi is populos islavos naraiant is Vichingos.