Corpu de Istadu in Niger de su 2023
Limba Sarda Comuna. Abbàida sas àteras bariedades gràficas:
Su Corpu de Istadu de su 2023 fiat acontèssidu su 26 de trìulas de su 2023.[1] Su presidente Mohamed Bazoum fiat istadu secuestradu in su palatzu presidentziale dae is militares de sa guàrdia presidentziale, mentras chi s'esèrtzitu aiat arrodiadu su fàbricu e minetzadu de dd'assartiare pro liberare Bazoum. In su sero, un'àteru grupu de sordados aiat annuntziadu da destitutzione e sa costitutzione de una giunta militare suta nùmene de Cussìgiu Natzionale pro s'Amparu de sa Pàtria (Conseil National pour la Sauvegarde de la Patrie - CNSP). Sa giunta aiat decretadu sa serrada de is fronteras de istadu, sa suspendidura de sas istitutziones istatale de Sa de Sete Repùblicas e unu coberrefogu subra totu su territòriu.
In resposta in custos fatos, su ministru de sos Afàrios istràngios Hassoumi Massaoudou, fidele de Mohamed Bazoum, aiat decraradu de assumire sa presidèntzia a interim de aiat apelladu sa populatzione e s'esèrtzitu a s'opònnere a su corpu de istadu.[1]
Su corpu de istadu aiat portadu a una crise in sa regione. Su 31 de trìulas is dirigentes de sa Comunidade Econòmica de sos Istados de s'Àfrica de s'Ovest (CEDEAO) atobiados suta de presidèntzia de su presidente nigerianu Bola Tinubu aiant fissadu un'ultimatum a sa giunta militare, pretendende sa liberatzione luegus de su presidente Bazoum e sa torrada a s'òrdine costitutzionale in antis de chimbe chidas. In casu contràriu, sa CEDEAO decrarat chi « at a pigare totu is mesuras de abbisòngiu » e chi « custas mesuras podent incluire s'usu de sa fortza »[2].
S'acontessimentu rapresentat su de sete corpos de istadu o intentu de corpu de istadu organizadu in Niger.[3]
Riferimentos
[modìfica | modìfica su còdighe de orìgine]- ↑ 1.0 1.1 (EN) Niger soldiers declare coup on national TV, in BBC News, 26 trìulas 2023. URL consultadu su 1º santandria 2023.
- ↑ (EN) ANALYSIS | Is ECOWAS Set To Take On Niger Militarily?, in The Informant247, 4 austu 2023. URL consultadu su 1º santandria 2023 (archiviadu dae s'url originale su 5 austu 2023).
- ↑ (EN) Timeline: A history of coups in Niger, in Al Jazeera, 27 trìulas 2023. URL consultadu su 1º santandria 2023.