Сергей Прокудин-Горскай

Сергей Михайлович Прокудин-Горскай

Сергей Михайлович Проку́дин-Го́рскай — нуучча фотохудожнига, сырдатааччы.

Владимир куоракка 1863 сыллаахха атырдьах ыйын 31 күнүгэр төрөөбүт.

Үөрэҕинэн химик эбит. Олоҕун барытын хаартыска оҥоруутугар, фотография сайдыытыгар уурбут. Санкт-Петербург, Берлин уонна Париж биллиилээх учуонайдарыгар үөрэммит.

Дагестан эрэ уонна дьахтара

Чинчийэр үлэтин түмүгэр өҥнөөх диапозитивтары уонна өҥнөөх киинэлэри тыктарыыга (проектирование) патеннары ылбыт.

1908 сыллаахха Прокудин-Горскай саҥа технологиялары туһунан Арассыыйа Империятын фотодокументациятын оҥорорго сананар, уонна бырайыак оҥорор.

Соруга — оскуола оҕолоругар империя устуоруйатын, култууратын уонна ситиһиилэрин көрдөрүү. Бу бырайыагы ыраахтааҕы Николай II өйөөбүт, аналлаах тимир суолун вагонун оҥорторон биэрбит.

Бу вагоҥҥа олорон Прокудин-Горскай 1909 сылтан 1912 сылга дылы уонна 1915 сыллаахха Арассыыйа империятын кэрийбит, элбэх хаартыскалары онорбут, лиэксийэлэри аахпыт.

1918 сыллаахха өрөбөлүүссүйэ кэнниттэн кыраныысса таһыгар тахсыбыт, Парижка олохсуйбут. 1944 сыллаахха онно өлбүт.

Хаартыскаларын галереята

• 
  Таҥара дьиэтин иһэ. Смоленскай
• 
  Алим-Хан (1880—1944), Бухара эмиира
• 
  Мургаб өрүскэ баар Гиндукуштааҕы ГЭС машиннай саалата
• 
  Шексна өрүс аттыгар нуучча бааһынай кыргыттара
• 
  Селигер күөлгэ турар Нило-Столобенскай пустынь, 1910 сыл
• 
  Дрезина Мурманскай тимир суолугар
• 
  Автопортрет
• 
  Австро-Венгрия билиэннэй саллааттара, 1916 сыл

С. М. Прокудин-Горскай хаартыскалара АХШ Кэнгириэһин бибилитиэкэтин саайтыгар көҥүл көрүүгэ бааллар . Ол үрдүнэн онно нууччалыы көрдүөххэ сөп .
Арассыыйа Империятын оччотооҕу арахсыытынан наардаммыт хаартыскалар «Российская империя в цвете» саайка бааллар .