شجاعت ہاشمی

شجاعت ہاشمی
جنمستھان :	پنجاب
جمݨ دیہاڑا :
رہائش :	لہور
کم :	اداکار، صداکار، کمپیئر، سوجھواݨ
بولی :	پنجابی

شجاعت ہاشمی پاکستان دے مشہور ڈراما، فلم اداکار، صداکار، کمپیئر تے سوجھواݨ نیں ۔

کیریئر

شجاعت ہاشمی نے اپݨے ٹیلی وژن کیریئر دا آغاز یاور حیات دے ڈرامے کہر توں کیتا ۔ مشہور ڈرامےآں وچ وارث ، زرد دوپہر ، رات کا پچھلا پہر ، رانی اور رضیہ تے کرچیاں سرفہرست نیں ۔ فلماں وچ خاک اور خون ، سوہرا تے جوائی ، دوستانہ ، راکا ، بابل دیاں گلیاں شامل نیں ۔ شجاعت ہاشمی نوں پاکستان ٹیلی ویژن دے مشہور ڈرامے وارث وچ مولا داد دے کردار توں کافی شہرت ملی ۔

تعلیم

شجاعت ہاشمی نے انگریزی ادب وچ ایم-اے کیتا اے ۔

اعزازات

حکومت پاکستان نے شجاعت ہاشمی نوں 14 اگست 1994 ء نوں صدارتی تمغا برائے حسن کارکردگی ( پرائِڈ آف پرفارمنس ) عطا کیتا ۔

فِلمو گرافی

ناں	رلیز ورھا	بولی
سوہرا تے جوائی	1980	پنجابی
دوستانہ	1982	پنجابی
خاک اور خون		اردو
راکا	1983	پنجابی
بابل دیاں گلیاں	1986	پنجابی