Giaco d'Alfé
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
Giaco, fieul d'Alfé, a l'era un dj'apòstoj ëd Gesù ëd Nàsaret. Ël problema dl'identificassion[modìfica | modifiché la sorgiss]A smija che Giaco d'Alfé a deva esse identificà con n'àutr Giaco massionà ant ël Neuv Testament, Giaco frel ëd Nosgnor, bele che cheidun, antra j'orientaj, a pensa ch'as trata ëd doe përson-e diferente. Costa distinsion a l'é stàita antroduvùa antra ij sécoj II e III da ij fàuss-clementin e peui a-i son andaje dapress Eusebi, Gioann Crisòstom e Giròni ant ij sò darié scrit. Ij pare grech a l'han sostnù l'identificassion dij doi Giaco (Irené, Clement ëd Lissandria, Dìdimo ël bòrgno, Atanasi, Siril ëd Gerusalem, Teodòr ëd Mopsuestia, Teodoret), e ëdcò an ossident costa tesi a l'é scasi unànima. J'anformassion biogràfiche[modìfica | modifiché la sorgiss]S'as chërd nen a l'identificassion ëd Giaco d'Alfé con ël frel ëd Nosgnor, ëd notissie an sl'apòstol a-i na resto bele gnun-e. Nopà, vàire detaj ëd la vita e dla mòrt ëd Giaco frel ëd Nosgnor a son ësmonù da la tradission eclesiàstica. A l'ha dirigiù la Cesa ëd Gerusalem fin-a al 62, cand a l'é stàit martirisà dal grand sacerdòt Ana II, ch'a l'ha profità dl'antërval antra la mòrt dël procurador roman Fest e l'ariv ëd sò sucessor Albin për giudichelo e felo massé an campandlo da la gulia dël templi e an finend-lo për lapidassion. N'arferiment a sa mòrt as treuva ëdcò ant j'Antichità giudee ëd Flavi Giusep (XX,9,1). A pòrto sò nòm[modìfica | modifiché la sorgiss] |
