Michelle Obama
| Michelle Obama | ||
|---|---|---|
| ||
| promé dama di Merka | ||
| Término di ofisina 20 di yanüari 2009–20 di yanüari 2017 | ||
| Antesesor | Laura Bush | |
| Susesor | Melania Trump | |
| Informashon personal | ||
| Nasementu | 17 di yanüari 1964 Chicago | |
| Pareha | Barack Obama | |
| Famia | ||
| Yu(nan) | Malia Ann Obama (1998) Natasha (Sasha) Obama (2001) | |
| Informashon profeshonal | ||
| Ofishi | abogado | |
| Firma | ||
| ||
Imágennan riba  Wikimedia Commons
| ||
| Wèpsait ofisial | ||
| [Editá Wikidata] · [Manual] | ||
Michelle LaVaughn Robinson Obama[1] (Chicago, 17 di yanüari 1964) ta un eks-promé dama di Merka. E ta esposa di e di 44 presidente di Merka Barack Obama, kende a okupá e funshon di 2009 pa 2017. E tabata e promé muhé afromerikano pa sirbi komo promé dama.
Bida
[editá | editá fuente]Michelle Robinson a nase dia 17 di yanüari 1964, na South Side Chicago, Illinois, komo yu di Fraser Robinson III (1935–1991),[2] un empleado di planta di awa munisipal i Marian Shields Robinson (1937–2024)[2], un sekretaria ku tabata ama di kas tempu kompletu te ora ku Michelle a drenta skol sekundario.[3] E ta ruman muhé di e coach di basketbòl merikano Craig Robinson. El a bai Universidat di Princeton i Harvard Law School. El a regresá Chicago pa traha komo abogado na bufete Sidley Austin. Despues el a traha den organisashonnan sin fin di lucro i komo e dekano asosiá di e servisio di studiante na Universidat di Chicago. Seguidamente, el a sirbi komo visepresidente pa Asuntunan Komunidat i Eksterno di e sentro médiko di Universidat di Chicago.
Michelle a topa Barack Obama ora el a kuminsá traha na e mesun bufete di abogado. Nan a kasa na 1992. Dia 4 di yüli 1998, nan promé yu muhé Malia Ann a nase i dia 10 di yüni 2001 nan a haya nan di dos yu muhé Natasha (Sasha). Nan tabata biba na South Side Chicago i despues di e elekshon di su kasá komo senador nan a sigui biba einan en bes di muda pa Washington D.C.. Inmediatamente despues di e inauguracion presidensial, dia 20 di yanüari 2009, e famia a muda pa Kas Blanku. Su mama tambe a muda bai einan pa yuda kuida su yu muhénan. Michelle ta wòrdu mira komo un di e konseheronan mas importante di su kasá. Komo promé dama, Obama a sirbi komo un modelo pa hende muhé i a traha komo un defensor pa konsientisashon di pobresa, edukashon, nutrishon, aktividat físiko i alimentashon saludabel.
Publikashon
[editá | editá fuente]- Coming (2018)
- The Light We Carry: Overcoming in Uncertain Times (2022)
Link eksterno
[editá | editá fuente]- (en) Artikulo di Washington Post tokante Michelle Obama i e kampaña di elekshon
- (en) Profil di Michelle Obama riba www.newyorker.com
Fuente, nota i/òf referensia
|
