Etnologia
| Supkategoria di | antropologia, cultural studies  |
|---|---|
| Karakterisá pa | ethnological terminology, ethnological term |
| Praktiká pa | ethnologist |
Etnologia (derivá di griego: ethnos ku ta nifiká 'pueblo' i logia ku ta nifika 'siensia')[1], tambe konosí komo antropologia sosial, kultural o sosiokultural, ta un siensia empíriko ku ta studia, kompará i analisá e karakterístikanan di diferente pueblo i e diversidat di estilo di bida humano for di un solo perspektiva.
Etnologia a surgi promé den museonan etnológiko i for di fin di siglo 19 e ta ser siñá komo un siensia independiente na universidatnan, inisialmente komo etnologia na Alemania, antropologia sosial na Gran Bretania i antropologia kultural na Merka. Den e mundu anglosakso, etnologia ta wòrdu konsiderá komo un ramo di antropologia (siensia humano) [2], mientras den Oropa kontinental e tabata wòrdu konsiderá mas komo un siensia natural (antropologia físiko) i komo un ramo di investigashon etnológiko den vèlt, ku awe no ta wòrdu praktiká mas.
Originalmente etnologia tabata enfoká hopi riba e tema di ko-eksistensia di mas o menos 1.300 grupo étniko i pueblonan indígena ront mundu.[3] Awendia e enfoke ta riba e práktika i ideanan kultural di un gran variedat di grupo i entidatnan sosial, ku semper ta wòrdu investigá den konekshon ku strukturanan polítiko i ekonómiko. Ta investigá tambe institushon i organisashonnan, por ehempel ku referensia na e kontekstonan di bida den sosiedatnan industrial moderno, den áreanan urbano, òf den relashon ku migrashon. Otro ehempel di estudio etnológiko moderno ta e enfoke riba e manera ku patronchinan kultural den e diferente sosiedatnan a ser eliminá i remplasá pa nobo. Hopi investigadó ta konsentrá riba e tema di identidat étniko i ta duna tambe atenshon na e manera ku hende ta funshona komo sernan kultural.
Entre e investigadónan di Karibe Hulandes, ku a kontribuí ku estudionan etnológiko lokal, por menshoná Elis Juliana, Rose Mary Allen, Paul Brenneker i Boy Antoin.
Fuente, nota i/òf referensia
|