Mauling Governorate

Para king governorate ning Bahrain, lon me ing Southern Governorate.

South Governorate (الجنوب)
Governorate
Bangsa	Lebanon

Tungku	Sidon

Lualas	2,000 km² (772 mi²)

Populasyun	360,000

Oraszona	UTC+3

Language	Arabo

Ing South Governorate (الجنوب‎; transliterated: al-Janub) metung ya kareng governorate ning Lebanon. Ing South Lebanon o Mauling Lebanon maki populasiun yang 360,000 memalen ampong lualas a 2,000 km². Ing tungku na o capitoliu ya pin ing Sidon. Kapante ne ning dayatmalat ing mababa nang diling katas; ing pekamatas, 1,000 metru. Samut-samut la reng tau: Shiite, Sunni, Orthodox, Catolicu, Armenian, ampong Protestanti. Maliaring mibagsak ing temperatura king 4 °C neng karimlan o panaun ning dimla, nung kapilan dakal ing uran ampon niebe kareng mangatas a lugal. Neng kaleldo, maliari lang mitas king 30 °C king bebe dayatmalat ing temperatura. Atin yang mapilan a ilug ing governorate: Litani, Zahrani, Naqura, Awali, Qasmiye, ampong Hasbani. Pikabaluan ya ing lugal kareng pitatamnan sagin ampong citrus.

North

Beirut

South

Beqaa

Nabatieh

Deng Local a Maliliari ampong Apupuntalan

Dakal la reng bageng managiag kareng tau king lugal, kayabe la reng bebe dayatmalat a maki maputing balas king mauli ning Tyre, ampo ing pamag-snorkle o pamanyisid kareng makalbug a ruina o mengalasak a lakanbalen/ciudad malapit kareng mangatuang lakanbalen ning Sidon ampong Tyre. Aburi do reng mahilig king cultura deng dakal taung Pazar a kanita pang panaun a Ottoman, at makapag-relax ka kaibat ning patingapun king metung a seafood restaurant nung nu me ababation king lalam ing dayatmalat a Mediterraneo. Mararapat murin king Mauling Lebanon ing fiestang Tyre o Tyre festival, nung nu libu-libu lang turista deng daratang banua-banua.