Josif Stalin

Josif Vissarionovič Stalin
Roindunimi:
Ammatti:	poliitiekku
Rodivui:	18. talvikuudu 1878(1878-12-18)
Roindukohtu:	Gori,Tiflisan gubernii, Ven’an imperii
kanzalližus:	Ven’an valdukundu[d]  Neuvosto-Venäjä[d]  Nevvostoliitto
Kuoli:	5. kevätkuudu 1953(1953-03-05) (74 года)
Kuolendukohtu:	Volinskoje, Moskovan aloveh, Ven’an SFNT, Nevvostoliitto
Tuatto:	Besarion Džugašvili[d]
Muamo:	Jekaterina Geladze[d]
Ukko / akku:	Jekaterina Svanidze[d] и Nadežda Allilujeva[d]
Lapset:	Jakov Džugašvili[d], Konstantin Kuzakov[d], unnamed boy Jughashvili (1916)[d], Alexander Davydov[d], Vasily Dzhugashvili[d], Artjom Sergejev[d] и Svetlana Allilujeva[d]
Nimikirjutus:

Josif Vissarionovič Stalin, tovvelline sugunimi – Džugašvili (ven. Иосиф Виссарионович Джугашвили, Иосиф Сталин) (9. (21.) talvikuudu 1879 Gori,Tiflisan gubernii, Ven’an imperii – 5. kevätkuudu 1953 Volinskoje, Moskovan aloveh, Ven’an SFNT, Nevvostoliitto) oli ven’alaine vallankumovusmies, nevvostolaine valdivomies, poliitiekku, generalissimus. Stalin oli Nevvostoliiton kommunistizen partien enzimäine piäsekretari (1922-1953) da Vladimir Leninan jatkai Nevvostoliiton johtol. Stalinal oli rajatoi valdu.

Roinduperiä myöte Stalin oli gruuzielaine da hänen muaman kieli oli gruuzii. Nuorennu häi tuttavui marksilaižuoh, sendäh hänet eroitettih školas. Hänes rodih aktiivine kommunistu. Häi toimi Ven’an syväinvoinan aigua sego poliittizennu sego vojennoinnu komandirannu. Nevvostoliiton enzimäzen johtajan Leninan kuolduu algavui valdutora, kuduan Stalin voitti.

Stalinan aigua Nevvostoliitos oli ičevaldu. Valdivo kovah tarkasti yhteiskunnan elaijan kaikkii puolii. Sil aigua rikottih ristikanzoin oigevuksii da vällii, muaspäi työnnettih kanzat. Monet ristikanzat työnnettih tyrmäh da pakkoruadoh. Oli perustettu gulag-järjestelmy. Monet ristikanzat kuoltih nälgäh vuozinnu 1932-1933 da repressielöih. Stalin pidi tevvollistamizen da muatalovuon kollektivoičemizen. Suuren kodimualazen voinan jälgeh Nevvostoliitos rodih Yhtysvaltoin rinnal muailman vedäi supervaldu, mi vei kylmäh voinah.