Octobassa
L'octobassa qu'ei un instrument de còrdas hregadas e lo mei gran e lo mei grave de la familha deu vriulon. Qu'ei acordada ua terça en devath de la cotrabassa (e certas contrabassa que possedan quitament ua còrda autan grava) dab sonque tres còrdas (ut1, sol 1 e ut 1) mes dab un son hèra poderós per'mor de l'endom de la soa caisha de resonància. Qu'ei longea de 3,48 m.
Que ho inventada e fabricada en purmèr peu famós laütièr deu sègle XIX Jean-Baptiste Vuillaume entà interpretar composicions d'Hector Berlioz. L'instrument que presentat a l'exposicion mondiau de París de 1855. De las duas octobassas de Vuillaume ua que's troba dens lo Musèu de la Musica, a París, e l'auta a Viena.
