Bouais
Ch't' articl'ye fut c'menchie en Jèrriais
|
Un bouais (orme, eun' âbre) est eune grande pliante tch'a un trou (ou tron) d'bouais. I' n'y'a pon d'définnition botannique d'un bouais, mais nou considéthe qu'un bouais dait aver un grand trou et des branques et aver au mains 6m dé haut. Y'a des bouais tchi craîssent jusqu'à 100m dé haut. Les bouais peuvent vivre bein longtemps, et y'en a tch'ont des milles ans.
Y'a des manniéthes dé bouais tchi sont d's arbres:
- Arbres à frit: ches bouais sont souvent tchultivés pouor lus frits, par exempl'ye, les poummièrs, les paithièrs, les pêchièrs, étc. L's olivièrs sont pustôt d's arbres étout.
- Un arbre est un bouais spécial: un arbre dé Noué, l'arbre d'vie.
- Un arbre est eune manniéthe dé dgiagranme: un arbre dé fanmil'ye, un arbre êvolutionnaithe.
Y'a des bouais tchi sont tchultivés à lus touos seurs, dans des gardîns ou des pars ou l'long des fôssés ou dans les rues. Un amas d'bouais ensembl'ye est eune bouaîs'sie, ou si y'a un hardi grand nombre dé bouais et d'pliantes ensembl'ye, nou-s'appelle eune grande bouaîs'sie - eune forêt.
Des manniéthes dé bouais
Vaie la liste des bouais (J) / Veî la liste des âbres (C)
- Alnus glutinosa aune
- Prunus cerasus badgiolyi
- Populus trichocarpa baûmyi
- Populus alba blianc-bouais
- blianche êpîngne
- bouais d'coing
- Buxus sempervirens bouisque
- Betula pubescens bouôlias
- cèdre
- charmille
- Castanea sativa chât'nyi, mârronyi
- Aesculus hippocastanum chât'nyi à j'va , castougnier à poulôin
- chérîsyi
- Corylus avellana codriyi
- Cupressus macrocarpa cyprès
- cyprès d'chînm'tchiéthe
- Acer saccharum érabl'ye
- Fagus sylvatica fau
- Ficus carica fidgi
- Fraxinus excelsior frêne
- Ilex aquifolium housse
- Taxus baccata if
- limongni
- Laurus nobilis louothi
- magnolia
- Araucaria araucana marmoûset, bouais à marmoûset
- méaguinné, acajou
- Mespilus germanica meîlyi
- Larix decidua mélèze
- Prunus avium mérîsyi
- Myrtus communis myrtre
- Prunus spinosa néthe êpîngne, preunellyi
- nouoyi
- orangyi
- Ulmus orme
- Pyrus paithyi
- paithyi sauvage
- Cordyline australis palme
- pêchi
- Populus nigra peuplyi
- Pinus pîn
- Laburnum anagyroides plieuthant, chabots
- Malus pommyi
- preunyi
- sapîn
- Salix cinerea saux
- Sambucus nigra seu
- spruche
- Acer pseudoplatanus sycomôre
- Tamarix gallica tamathîn
- Quercus robur tchêne
- tchoeuryi
- Tilia tilleul
- tique
- Populus tremula trembl'ye
- Quercus ilex vèrt tchêne
- Eunonymus japonicus vèrt-bouais
