Rigmor Kofoed-Larsen
| Rigmor Kofoed-Larsen | |||
| Fødd | 22. mars 1944 | ||
|---|---|---|---|
| Død | mars 2023 | ||
| Statsborgar av | Noreg | ||
| Parti | Kristeleg Folkeparti | ||
| Yrke | politikar | ||
| Alle verv |
| ||
Rigmor Maria Kofoed-Larsen, fødd Johnsen, (fødd 22. mars 1944) er ein norsk sjukepleiar og politikar frå Halden. Ho representerte Oppland og Kristeleg Folkeparti på Stortinget perioden 1997-2001.
Foreldra til Kofoed-Larsen var fabrikkeigarar i Halden. Etter ymse skulegang i heimbyen, gjekk ho 1966-69 på Statens Sykepleierskole i Oslo. Dei neste tre åra arbeidde ho ved nevrokirurgisk avdeling på Rikshospitalet. Frå 1973 var ho tilsett ved Fylkessjukehuset i Lillehammer, seinare jobba ho i heimesjukepleia i Lillehammer kommune.
Kofoed-Larsen var kommunestyremedlem i Lillehammer 1976-83 og på ny 1987-95, i til saman åtte av desse åra hadde ho plass i formannskapet. Valperioden 1995-99 var ho fylkestingsmedlem i Oppland, med plass i fylkesutvalet. Hausten 1997 vart ho vald inn på Stortinget, der ho i fire år var medlem i Samferdslekomiteen. Ho lukkast ikkje verte attvald i 2001. Kofoed-Larsen var 1991-97 sentralstyremedlem i Kristeleg Folkeparti og 2002-06 leiar for Kristelig Folkeparti-kvinnene.