Reddik

Reddik
Reddik
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Krossblomordenen Brassicales
Familie:	Krossblomfamilien Brassicaceae
Stamme:	Brassiceae
Slekt:	Raphanus
Art:	Reddik R. sativus
Vitskapleg namn
Raphanus sativus L., 1753

Reddik er ei rotfrukt i krossblomfamilien. Reddikar blir dyrka mange stader i verda, og finst i mange varietetar med ulike storleik, farge og dyrketid.

Reddikrøter er runde eller sylinderforma, og har skalfarge som kan variera frå kvitt til raudt til lilla eller svart. Dei kan ha storleik frå eit par gram i tidlege sommarreddikar til fleire kg i japanske vintertypar.

Røtene har ein frisk smak som kan bli bitter i eldre røter. Den sterke smaken kjem av sennepsolje som finst i planten. Ein kan eta heile planten, og blada kan brukast som spinatvekstar eller som spirer.

Sommarreddik er mest vanleg, og har gjerne ei kulerund, raud- eller rosafarga rot. Vinterreddik er noko mindre kjend i Noreg. Denne har gulrotform og er gjerne lysare raudfarga eller kvit.

Namn

Det vitskaplige namnet Raphanus er gresk og betyr «hurtig forekomande». Det norske namnet «reddik» kjem frå latin radix som betyr «rot».

Kjelder

• «Reddik» Arkivert 2014-03-07 ved Wayback Machine., frukt.no. Henta 30. juni 2014.
• «radish», Encyclopædia Britannica. Encyclopædia Britannica Online.

Encyclopædia Britannica Inc., 2014. Web. Henta 30. juni 2014.

Bakgrunnsstoff

Wikimedia Commons har multimedia som gjeld: Raphanus sativus

Wikispecies

Wikispecies har taksonomisk informasjon om Raphanus sativus

Denne landbruksartikkelen som har med mat å gjere, er ei spire. Du kan hjelpe Nynorsk Wikipedia gjennom å utvide han.