Ole Ellefsæter

Ole Ellefsæter
Statsborgarskap	Noreg
Fødd	15. februar 1939 Furnes
Død	18. oktober 2022 (83 år) Ringsaker kommune
Idrett	langrenn
Tok del i	Ski-VM 1966, cross-country skiing at the 1968 Winter Olympics, Vasaloppet 1971
Utmerkingar	Egebergs Ærespris, Fearnleys olympiske ærespris, Holmenkollmedaljen

Ole Martin Ellefsæter (15. februar 1939–18. oktober 2022) var ein norsk langrennsløpar og friidrettsutøvar. Ellefsæter var fødd på Furnes i Ringsaker.

Under verdsmeisterskapen på ski i Oslo i 1966 vann Ellefsæter gull på 4 x 10 km stafett, og sølv på 15 km. Han vann to gullmedaljar under Vinter-OL 1968 i Grenoble, både 50 km og 4 x 10 km stafett. I 1971 vart han den første nordmannen til å vinne Vasaloppet. Av norske utøvarar er det berre Anders og Jørgen Aukland som elles har vunne dette løpet.

Ellefsæter deltok òg i friidrett og vann 3 000 meter hinder heile 6 gongar på rad under noregsmeisterskapa 1960-1965. Han hadde ei personleg bestetid på 8:43.8 minutt, som han oppnådde på Bislett stadion i juni 1962.

Ole Ellefsæter vart tildelt Egebergs Ærespris i 1965 og Holmenkollmedaljen i 1967, som han delte med Toini Gustafsson. I tillegg fekk han Fearnleys olympiske ærespris etter OL i 1968.

Bakgrunnsstoff

• Statistikk hjå fis-ski.com Arkivert 2011-05-25 ved Wayback Machine.
• Vinnere av Holmenkollrennene - pdf Arkivert 2007-09-26 ved Wayback Machine.
• Holmenkollmedaljen - pdf Arkivert 2007-02-24 ved Wayback Machine.