Odd Rasdal

Odd Rasdal
Statsborgarskap	Noreg
Fødd	6. juli 1911 Bergen
Død	4. mars 1985 (73 år) Voss herad
Yrke	friidrettsutøvar

Odd Rasdal (6. juli 1911–4. mars 1985) var ein norsk langdistanseløpar frå Bergen som vann kongepokalen i friidrett tre år på rad, 1937-39. Han var medlem av TIF Viking i Bergen.

Aktiv

Under Sommar-OL 1936 vart Rasdal niandemann på 10 000 meter med tida 31.40,4, norsk rekordforbetring med 0,4 sekundar. Same plasseringa fekk han på distansen to år etter under EM i friidrett 1938.

Rasdal vart norsk meister både på 5 000 og 10 000 meter i åra 1937, 1938 og 1939, samt i terrengløp fem år på rad frå 1935 til 1939. For trippelsigrane i åra 1937-39 fekk han kvart år tildelt kongepokalen i friidrett.

Den 10. juni 1938 forbetra Rasdal den norske 5000-metersrekorden med over elleve sekundar til 14.36,7 under ein landskamp i København. Rekorden vart ståande i ti år. Året etter rekordløpet i København gjorde han sitt livs snøggaste milløp. På Bislett stadion i Oslo kom han 24. september 1939 i mål på tida 31.02,4, og tok tilbake noregsrekorden på distansen. Milrekorden gjaldt i nærare åtte år, til dess Martin Stokken sletta den.

Medaljar i norske meisterskap

• 1934: Bronsemedalje på 10000 m – 32,34,9
• 1937: Gullmedaljar på 5000 m - 14.53,8 og 10000 m – 32.05,0
• 1938: Gullmedaljar på 5000 m - 14.54,5 og 10000 m – 32.30,8
• 1939: Gullmedaljar på 5000 m - 14.53,6 og 10000 m – 32.01,8

I tillegg vann Rasdal fem norske meisterskap i terrengløp.

På 1950-talet var han styremedlem i Norges Fri-idrettsforbund.

Kjelder

• Magnus Breili: Sport i navn & tall. 1971
• Friidrett.no